ແລະ ລະນຶກເຖິງມູນເຊື້ອການຕໍ່ສູ້ຢ່າງພິລະອາດຫານຂອງຊົນຊັ້ນກຳມະກອນສາກົນໃນທຸກໆປີ, ເພື່ອຢັ້ງຢືນເຖິງການປະກອບສ່ວນຂອງຊົນຊັ້ນກຳມະກອນລາວ ແລະ ໄຊຊະນະທີ່ຍາດມາໄດ້ ທັງເປັນການປົກປ້ອງສິດ, ຜົນປະໂຫຍດອັນຊອບທຳຂອງຕົນ, ປົກປັກຮັກສາສັນຕິພາບ ແລະ ເປັນຂີດໝາຍອັນສໍາຄັນຂອງຊົນຊັ້ນກຳມະກອນ. ສະນັ້ນ, ຊົນຊັ້ນກຳມະກອນລາວຈະຕ້ອງໄດ້ຮໍ່າຮຽນເອົາຄຸນລັກສະນະອັນດີເລີດຂອງຊົນຊັ້ນກຳມະກອນສາກົນດັ່ງນີ້: ຢຶດໝັ້ນລັກສະນະຊົນຊັ້ນຂອງຊົນຊັ້ນກຳມະກອນ ຊົນຊັ້ນກຳມະກອນແມ່ນພື້ນຖານແຫ່ງການກຳເນີດເກີດຂຶ້ນ, ແມ່ນການຄົງຕົວ ແລະ ຂະຫຍາຍຕົວຂອງສັງຄົມມະນຸດ ທັງແມ່ນປັດໃຈພື້ນຖານເພື່ອຍົກໃຫ້ເຫັນບົດບາດຂອງການຈັດຕັ້ງກຳມະບານກັບບັນດາການຈັດຕັ້ງອື່ນໆໃນລະບົບການເມືອງ ຊຶ່ງສະແດງໃຫ້ເຫັນຄຸນລັກສະນະອັນດີເລີດຄື:
1) ຊົນຊັ້ນກຳມະກອນເປັນຊົນຊັ້ນທີ່ມີນໍ້າໃຈຮັກຊາດຢ່າງແທ້ຈິງ ແລະ ມີນໍ້າໃຈສາກົນກຳມະຊີບອັນຜ່ອງໃສ; 2) ຊົນຊັ້ນກຳມະກອນເປັນຊົນຊັ້ນທີ່ດີເລີດ ແລະ ກ້າວໜ້າກ່ວາໝູ່; 3) ເປັນຊົນຊັ້ນທີ່ມີມານະຈິດປະຕິວັດອັນສູງສົ່ງ, ມີຄວາມຕື່ນຕົວຕໍ່ສູ້ດ້ວຍຄວາມເດັດດ່ຽວ, ກ້າຫານບໍ່ຍອມຈຳນົນ; 4) ມີສະຕິຕໍ່ການຈັດຕັ້ງ ແລະ ມີລະບຽບວິໄນຢ່າງເຂັ້ມງວດໃນການອອກແຮງງານ, ຮັກອາຊີບຂອງຕົນ; 5) ມີຄວາມດຸໝັ່ນຂະຫຍັນພຽນ, ປະຢັດມັດທະຍັດ ບໍ່ຟູມເຟືອຍ, ບໍ່ສໍ້ໂກງ, ບໍ່ໂລບມາກໂລພາ, ມີແນວຄິດເອື້ອເຟື້ອເພື່ອແຜ່, ມີຄວາມສາມັກຄີປອງດອງຊ່ວຍເຫຼືອເຊິ່ງກັນ ແລະ ກັນ; 6) ມີຫົວຄິດປະດິດສ້າງ, ພັດທະນາຕົນເອງທາງດ້ານເຕັກນິກວິທະຍາສາດທີ່ມີການຂະຫຍາຍຕົວໃນແຕ່ລະໄລຍະ ແລະ ຕິດພັນກັບການປົກປັກຮັກສາ ແລະ ສ້າງສາພັດທະນາປະເທດຊາດ; 7) ເປັນເຈົ້າຕົນເອງ, ບໍ່ເອື່ອຍອີງໃສ່ຄົນອື່ນ, ກ້າຄິດ, ກ້າເຮັດ ແລະ ກ້າຮັບຜິດຊອບ. ຢຶດໝັ້ນລັກສະນະຕໍ່ສູ້ຂອງຊົນຊັ້ນກຳມະກອນ, ຕໍ່ສູ້ພາຍໃນ ແລະ ຕໍ່ສູ້ກັບພາຍນອກ ທັງສອງບັນຫານີ້ຈະມີທັງດ້ານຕັ້ງໜ້າ ແລະ ຫຍໍ້ທໍ້ໃນຕົວຂອງມັນເອງ, ຢຶດໝັ້ນລັກສະນະມະຫາຊົນ.
ຕະຫຼອດໄລຍະຜ່ານມາ, ພັກໃນຖານະທີ່ເປັນພັກຂອງຊົນຊັ້ນກຳມະກອນ ໄດ້ເອົາໃຈໃສ່ນໍາພາ-ຊີ້ນໍາໃນການ ຍົກລະດັບຄວາມຮູ້, ຄວາມສາມາດໃນທຸກດ້ານໃຫ້ແກ່ກຳມະກອນຢ່າງບໍ່ຢຸດຢັ້ງ ເພາະມັນແມ່ນໜ້າທີ່ຍຸດທະສາດທີ່ ສໍາຄັນຂອງຄະນະພັກຂັ້ນຕ່າງໆ ແລະ ທົ່ວສັງຄົມ; ພ້ອມກັນນັ້ນ ອົງການຈັດຕັ້ງກຳມະບານລາວແມ່ນອົງການນໍາພາ ທັງແມ່ນຜູ້ຈັດຕັ້ງປະຕິບັດ. ດັ່ງນັ້ນ, ຕ້ອງໄດ້ເອົາໃຈໃສ່ກໍ່ສ້າງຊົນຊັ້ນກຳມະກອນລາວໃຫ້ທຽບເທົ່າກັບກຳມະກອນໃນທົ່ວໂລກ, ພັດທະນາສີມືແຮງງານໃຫ້ນັບມື້ນັບສູງຂຶ້ນ ກາຍເປັນກຳລັງການຜະລິດທີ່ມີເຕັກນິກ-ວິທະຍາສາດທັນສະ ໄໝ, ກ້າວໄປສູ່ຄຸນນະພາບໃໝ່ ເພື່ອຫັນເປັນກຳມະກອນອຸດສາຫະກຳ ແລະ ທັນສະໄໝເທື່ອລະກ້າວ, ມີລະດັບຄວາມຮູ້, ຄວາມສາມາດທາງດ້ານວິຊາການໃຫ້ສູງຂຶ້ນ, ເປັນໃຈກາງໃນການປະສານງານ, ເຕົ້າໂຮມຄວາມສາມັກຄີຂອງມະຫາຊົນ, ນໍາພາມະຫາຊົນ ແລະ ຜູ້ອອກແຮງງານຈັດຕັ້ງປະຕິບັດຂະບວນການເຄື່ອນໄຫວທາງການເມືອງ, ເສດຖະກິດ, ວັດທະນະທໍາ-ສັງຄົມ ພາຍໃຕ້ການນໍາພາຂອງພັກ-ຊົນຊັ້ນກຳມະກອນລາວໄດ້ປະກອບສ່ວນ ແລະ ສະໜັບສະໜູນໃນຂະບວນການຕໍ່ສູ້ຂອງກຳມະກອນສາກົນເພື່ອທວງສິດ ແລະ ຜົນປະໂຫຍດອັນຊອບທຳໃນການອອກ ແຮງງານໃຫ້ແກ່ກຳມະກອນຢູ່ບັນດາປະເທດເພື່ອນມິດ, ພາກພື້ນ ແລະ ສາກົນດ້ວຍຫຼາຍຮູບການ, ວິທີການເຊັ່ນ: ການເຂົ້າຮ່ວມກອງປະຊຸມສໍາມະນາ, ປະກອບຄໍາຄິດຄໍາເຫັນໃສ່ບັນດານິຕິກຳຕ່າງໆ ທີ່ພົວພັນເຖິງສາຍພົວພັນແຮງງານໃນການປົກປ້ອງສິດຜົນປະໂຫຍດຂອງກຳມະກອນຜູ້ອອກແຮງງານ ຫຼືຂໍ້ແນະນໍາຕ່າງໆທີ່ກ່ຽວພັນມາດຕະຖານແຮງງານໃນລະດັບພາກພື້ນ ແລະ ສາກົນ; ເອົາໃຈໃສ່ຈັດຕັ້ງປະຕິບັດສົນທິສັນຍາທີ່ສປປ ລາວເປັນພາຄີ ແລະ ຍັງໄດ້ປະກອບສ່ວນໃນການຊຸກຍູ້ໃຫ້ເພື່ອນມິດສາກົນເຄົາລົບສິດທິມະນຸດ ແລະ ສິດທິໃນການອອກແຮງງານທີ່ເປັນທໍາ, ເອົາໃຈໃສ່ໂຄສະນາສຶກສາອົບຮົມການເມືອງ-ແນວຄິດໃຫ້ນັບມື້ກວ້າງຂວາງ, ປັບປຸງຮູບແບບ, ວິທີການ ແລະ ເນື້ອໃນໂຄສະນາໃຫ້ສອດຄ່ອງກັບແຕ່ລະກຸ່ມເປົ້າໝາຍເພື່ອດຶງດູດເອົາກຳມະກອນ ແລະ ຜູ້ອອກແຮງງານລາວໃຫ້ເປັນກໍາລັງແຮງໃນການສ້າງສາພັດທະນາປະເທດຊາດ ແມ່ນປັດໄຈສໍາຄັນ ແລະ ຈໍາເປັນຂອງສະຫະພັນກຳມະບານແຕ່ລະຂັ້ນເພື່ອໂຄສະນາສຶກສາອົບຮົມໃຫ້ກຳແໜ້ນແນວທາງແຜນນະໂຍບາຍຂອງພັກ, ກົດໝາຍຂອງລັດ, ຮູ້ໄດ້ສິດ, ພັນ ທະ ແລະ ຜົນປະໂຫຍດອັນຊອບທຳຂອງຕົນ; ມີນໍ້າໃຈຮັກເຊື້ອແພງຊາດ, ຮັກລະບອບໃໝ່, ມີຫົວຄິດປະດິດສ້າງ, ດຸໝັ່ນ, ມີລະບຽບວິໄນ ໃນການອອກແຮງງານ, ມີສະຕິຕໍ່ການຈັດຕັ້ງ, ເປັນເຈົ້າການຍົກລະດັບຄວາມຮູ້, ຄວາມສາມາດ ແລະ ພັດທະນາສີມືແຮງງານໃຫ້ສູງຂຶ້ນ ແນໃສ່ສ້າງໃຫ້ເຂົາເຈົ້າກາຍເປັນກໍາລັງການຜະລິດທີ່ມີລະດັບທາງດ້ານວິທະ ຍາສາດ-ເຕັກນິກທີ່ກ້າວໜ້າ, ເປັນກຳລັງການຜະລິດຂອງອຸດສາຫະກຳ ແລະ ທັນສະໄໝຢ່າງແທ້ຈິງ, ຕ້ອງຍົກສູງຄວາມຮັບຜິດຊອບຂອງຕົນໃນການເປັນຕົວແທນແຫ່ງການປົກປ້ອງສິດ ແລະ ຜົນປະໂຫຍດອັນຊອບທຳຂອງສະມາ ຊິກກຳມະບານ, ກຳມະກອນ ແລະ ຜູ້ອອກແຮງງານຢ່າງແທ້ຈິງ, ສ້າງຄວາມສາມາດໃນການນໍາພາກຳມະກອນ ແລະ ຜູ້ອອກແຮງງານພັດທະນາສີມືແຮງງານ, ສ້າງວຽກເຮັດງານທໍາ ແລະ ສ້າງລາຍຮັບທີ່ໝັ້ນຄົງເພື່ອແກ້ໄຂຄວາມທຸກຍາກ, ຍົກລະດັບຊີວິດການເປັນຢູ່ໃຫ້ດີຂຶ້ນ ເຮັດໃຫ້ປະເທດຊາດຫຼຸດພົ້ນອອກຈາກປະເທດດ້ອຍພັດທະນາ ເພີ່ມທະວີຄວາມສາມັກຄີເປັນປຶກແຜ່ນພາຍໃຕ້ການນໍາພາຂອງພັກ, ຮູ້ຍາດແຍ່ງເອົາການສະໜັບສະໜູນຊ່ວຍເຫຼືອທາງດ້ານບົດຮຽນ, ວິຊາການ, ທຶນຮອນທັງພາຍໃນ ແລະ ຕ່າງປະເທດ ເພື່ອເຮັດໃຫ້ການຈັດຕັ້ງກຳມະບານໄດ້ເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ຂອງຕົນ; ເອົາໃຈໃສ່ປົກປ້ອງສິດ, ຜົນປະໂຫຍດອັນຊອບທຳຂອງສະມາຊິກກຳມະບານ, ກຳມະກອນ ແລະ ຜູ້ອອກແຮງງານທີ່ຖືກເອົາລັດເອົາປຽບໃນການອອກແຮງງານ; ຕິດຕາມ, ກວດກາ ຊຸກຍູ້ຫົວໜ່ວຍແຮງງານ ເຮັດສັນຍາແຮງງານບຸກຄົນ, ສັນຍາແຮງງານລວມໝູ່, ຄວາມປອດໄພໃນສະຖານທີ່ເຮັດວຽກ ແລະ ທີ່ພັກອາໃສ, ການເບີກຈ່າຍຄ່າແຮງງານ, ສະຫວັດດີການສັງຄົມ, ການປົກປ້ອງທາງສັງຄົມ ແລະ ອື່ນໆ ແນໃສ່ຮັບປະກັນຊີວິດການເປັນຢູ່ຂອງກຳມະກອນ ແລະ ຜູ້ອອກແຮງງານໃຫ້ນັບມື້ດີຂຶ້ນ; ສະນັ້ນ, ເພື່ອເຮັດໃຫ້ກຳມະ ກອນ ແລະ ຊາວຜູ້ອອກແຮງງານລາວໄດ້ຮັບການພັດທະນາໃນທຸກໆດ້ານ. ມີຄວາມຈໍາເປັນຕ້ອງໄດ້ຮັບການປັບປຸງ ພ້ອມທັງສ້າງເງື່ອນໄຂອໍານວຍຄວາມສະດວກໃຫ້ແກ່ການເຄື່ອນໄຫວເຮັດການຜະລິດ, ປັບປຸງຊີວິດການເປັນຢູ່ໃຫ້ດີຂຶ້ນ, ສ້າງຜະລິດຕະພັນອັນໃໝ່ໆ ທີ່ມີຄຸນນະພາບອອກຮັບໃຊ້ສັງຄົມ ຈຶ່ງມີຄວາມຈໍາເປັນຕ້ອງໄດ້ເອົາໃຈໃສ່ນໍາພາ-ຊີ້ນໍາ, ສ້າງເງື່ອນໄຂອໍານວຍຄວາມສະດວກໃຫ້ແກ່ພະນັກງານທີ່ເຮັດວຽກງານກຳມະບານໄດ້ເຄື່ອນໄຫວວຽກງານຂອງຕົນໃຫ້ສົມຄູ່ກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ຢ່າງເປັນປົກກະຕິ ພ້ອມທັງຮັບຟັງຄໍາຄິດຄໍາເຫັນ ແລະ ຄວາມມຸ່ງມາດປາດຖະໜາຂອງສະມາຊິກກຳມະບານ, ກຳມະກອນ ແລະ ຜູ້ອອກແຮງງານ ພາລະກຳປະຫວັດສາດຂອງຊົນຊັ້ນກຳມະກອນໄດ້ຊີ້ໃຫ້ພວກເຮົາເຫັນຢ່າງຈະແຈ້ງວ່າ: ຊົນຊັ້ນກຳມະກອນ ແມ່ນຊົນຊັ້ນນໍາໜ້າຂອງຍຸກສະໄໝ ທັງຕິດພັນກັບພື້ນຖານການຜະລິດ, ມີລະບຽບວິໄນ ໃນການອອກແຮງງານ, ເປັນຜູ້ມີຫົວຄິດປະດິດສ້າງ, ມີຄວາມສາມາດພຽງພໍໃນການສ້າງສັງຄົມໃໝ່ທີ່ກ້າວໜ້າສີວິໄລ, ສ້າງສາ ແລະ ພັດທະນາປະເທດຊາດໃຫ້ມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມສາມັກຄີປອງດອງ, ປະຊາທິປະໄຕ, ສີວິໄລ ແລະ ຍຸຕິທຳ.
ຄໍາເຫັນ