 |
ທ່ານ ຈັນທະລາ ແກ້ວມະນີໄຊ ຮອງຫົວໜ້າພະແນກ ຮສສ ແຂວງ ທັງເປັນຮອງປະທານຄະນະກຳມະການຈັດຕັ້ງປະຕິບັດດຳລັດ 57/ລບ ຂັ້ນແຂວງ ໄດ້ຂຶ້ນຜ່ານບົດລາຍງານໂດຍຫຍໍ້ກ່ຽວກັບການຈັດຕັ້ງປະຕິບັດນະໂຍບາຍຕໍ່ຜູ້ມີຜົນງານຄວາມດີໃນພາລະກິດປະຕິວັດຊາດໄລຍະ 10 ເດືອນ 2025 ຊຶ່ງທ່ານໃຫ້ຮູ້ວ່າ: ໄດ້ຄົ້ນຄວ້ານະໂຍບາຍຜູ້ມີຜົນງານຄວາມດີໃນພາລະກິດປະຕິວັດຊາດ ຜ່ານຄະນະກຳມະການ 57/ລບ ຂັ້ນແຂວງ ໄດ້ 2 ຄັ້ງ, ມີ 3 ເປົ້າໝາຍຈໍານວນທັງໝົດ 170 ທ່ານ. ໃນນັ້ນ, ມີຂໍອຸດໜູນເສຍອົງຄະ 9 ທ່ານ, ອຸດໜູນເທື່ອດຽວ 65 ທ່ານ ແລະ ອຸດໜູນເສຍສະຫຼະຊີວິດ 96 ທ່ານ, ໄດ້ປະຕິບັດນະໂຍບາຍຕໍ່ຜູ້ມີຜົນງານຄວາມດີໃນພາລະກິດປະຕິວັດຊາດ ຕາມດຳລັດ 57/ລບ ປະຈຳງວດ II ປີ 2025 (ຮ່ວງກະຊວງ ຮສສ) ຈຳນວນ 102 ທ່ານ ຍິງ 1 ທ່ານ, ເປັນເງິນ 1.26 ຕື້ກວ່າກີບ. ໃນນີ້, ເງິນອຸດໜູນເສຍສະຫຼະຊີວິດ 706 ລ້ານກວ່າກີບ, ເງິນອຸດໜູນເທື່ອດຽວຕໍ່ຜູ້ຍັງມີຊີວິດ 559 ລ້ານກວ່າກີບ, ໄດ້ຮັບນະໂຍບາຍເສຍອົງຄະ 36 ທ່ານ (ຮັບເປັນເງິນເດືອນ), ປະຕິບັດນະໂຍບາຍຕໍ່ຜູ້ມີຜົນງານຄວາມດີໃນພາລະກິດປະຕິວັດຊາດ ຕາມດຳລັດ 57/ລບ ປີ 2025 (ຮ່ວງຂອງແຂວງທີ່ຈະຮັບໃນມື້ນີ້) ມີຈໍານວນ 127 ທ່ານ ຍິງ 7 ທ່ານ, ເປັນເງິນ 2.23 ຕື້ກວ່າກີບ. ໃນນີ້, ເງິນອຸດໜູນເສຍສະຫຼະຊີວິດ 1.21 ຕື້ກວ່າກີບ, ເງິນອຸດໜູນເທື່ອດຽວ 1.01 ຕື້ກວ່າກີບ. ສັງລວມແລ້ວ, ການຈັດຕັ້ງປະຕິບັດນະໂຍບາຍຕາມດຳລັດ 57/ລບ ສາມາດປະຕິບັດໄດ້ທັງໝົດ 229 ທ່ານ ຍິງ 8 ທ່ານ, ສົມທຽບໃສ່ແຜນການປີ ປະຕິບັດໄດ້ເກີນແຜນ 191 ທ່ານ ເທົ່າກັບ 602%.
 |
ການຄົ້ນຄວ້ານະໂຍບາຍຕໍ່ຜູ້ມີຜົນງານຕາມດຳລັດ 57/ລບ ປະຕິບັດໄດ້ທັງໝົດ 170 ທ່ານ, ສົມທຽບໃສ່ແຜນປີເທົ່າກັບ 68%, ຄົ້ນຄວ້າການຢັ້ງຢືນຜົນງານໃຫ້ພະນັກງານບຳນານ 4 ທ່ານ ເພື່ອຂໍຫັນສິດໃຊ້ດິນລັດ ແລະ ແຈ້ງຕອບພະນັກງານຂໍຫັນດິນລັດທີ່ບໍ່ນອນໃນເງື່ອນໄຂຕາມດຳລັດເລກທີ 57/ລບ ອີກຈໍານວນ 4 ທ່ານ, ຫັນສິດນໍາໃຊ້ທີ່ເປັນຂອງລັດ ເປັນສິດສ່ວນບຸກຄົນ ມີ 24 ທ່ານ; ຈັດລຽງບູລິມະສິດບັນຊີລາຍຊື່ສະເໜີຂໍເງິນນະໂຍບາຍຕາມດຳລັດ 57/ລບ ມີ 2 ເປົ້າໝາຍໃຫ້ກົມນະໂຍບາຍ ໂດຍແຍກຕາມໄລຍະເຂົ້າການປະຕິວັດຄື: ເງິນອຸດເສຍສະຫຼະຊີວິດ, ເຂົ້າການປະຕິວັດ 1954 ຄືນຫຼັງ ມີ 241 ທ່ານ ຍິງ 3 ທ່ານ, ເປັນເງິນເກືອບ 5 ຕື້ກີບ ແລະ ເຂົ້າການປະຕິວັດໄລຍະ 1955-1974 ຈໍານວນ 270 ທ່ານ, ເປັນເງິນ 5.86 ຕື້ກວ່າກີບ ແລະ ເງິນອຸດໜູນເທື່ອດຽວຕໍ່ຜູ້ທີ່ຍັງມີຊີວິດ (ບໍາເນັດ) ເຂົ້າການ 1954 ຄືນຫຼັງ 2 ທ່ານ, ເປັນເງິນ 50 ລ້ານກີບ, ເຂົ້າການ 1955-1974 ມີ 410 ທ່ານ, ເປັນເງິນເກືອບ 5 ຕື້ກີບ. ຈາກນີ້, ກໍຍັງໄດ້ນຳພາພະນັກງານເສຍອົງຄະສູນເຊ 17 ເມືອງພີນ ມາສ້ອມແປງແຂ່ງ-ຂາທຽມຢູ່ສູນຟື້ນຟູໜ້າທີ່ການແຂວງສະຫວັນນະເຂດ ຈໍານວນ 10 ທ່ານ.
ຈາກນັ້ນ, ທ່ານ ນາງ ຫຼິງທອງ ແສງຕາວັນ ກໍໄດ້ໃຫ້ກຽດມອບເງິນນະໂຍບາຍໃຫ້ແກ່ຜູ້ທີ່ໄດ້ຮັບນະໂຍບາຍຕາມດຳລັດ 57/ລບ ແຕ່ລະເປົ້າໝາຍ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ