 |
ພິທີດັ່ງກ່າວໄດ້ເລີ່ມຕົ້ນຢ່າງເປັນທາງການ ໂດຍການຂຶ້ນສະເໜີຈຸດປະສົງຂອງ ສະຫາຍ ດາວສະຫວັນ ເຄືອມີໄຊ ກຳມະການສຳຮອງສູນກາງພັກ ຮອງເລຂາຄະນະບໍລິຫານງານພັກ ຮອງຫົວໜ້າ ສມປຊ. ຫຼັງຈາກນັ້ນ, ສະຫາຍ ອານຸພາບ ຕຸນາລົມ ໄດ້ຂຶ້ນຜ່ານບົດລາຍງານໂດຍຫຍໍ້ ກ່ຽວກັບສະພາບລວມ ແລະ ໝາກຜົນຂອງການຈັດຕັ້ງປະຕິບັດວຽກງານໃນໄລຍະຜ່ານມາ.
 |
ການເຄື່ອນໄຫວຢ້ຽມຢາມຄັ້ງນີ້ ມີຄວາມໝາຍຄວາມສຳຄັນຢ່າງຍິ່ງ ທາງດ້ານຍຸດທະສາດການກໍ່ສ້າງ-ບໍາລຸງພະນັກງານ ຊຶ່ງເປັນກຳລັງແຮງຫຼັກແຫຼ່ງຂອງພັກ-ລັດ.
 |
ຜູ້ເຂົ້າຮ່ວມໄດ້ຮັບຟັງການໂອ້ລົມ ແລະ ຊີ້ນຳວຽກງານ ຈາກສະຫາຍເລຂາທິການໃຫຍ່ ປະທານປະເທດ. ການໂອ້ລົມຄັ້ງນີ້ ເປັນການປຸກລະດົມນ້ຳໃຈປະຕິວັດ, ເພີ່ມທະວີຄວາມໜັກແໜ້ນທາງດ້ານທິດສະດີການເມືອງ ແລະ ແນວຄິດ ໃຫ້ແກ່ຖັນແຖວຄູ-ອາຈານ ແລະ ພະນັກງານການນຳ-ຄຸ້ມຄອງ ເພື່ອຮັບປະກັນໃຫ້ການປະຕິບັດໜ້າທີ່ການເມືອງ ສອດຄ່ອງກັບມະຕິຂອງພັກໃນໄລຍະໃໝ່.
(ຂ່າວ: ສມປຊ)
ຄໍາເຫັນ