 |
ສະຫາຍ ຄຳໄຫຼ ສີປະເສີດ ໄດ້ຫວນຄືນມູນເຊື້ອຄວາມເປັນມາການກໍາເນີດເຕີບໃຫຍ່ຜົນງານ ແລະ ມູນເຊື້ອໃນການກໍ່ສ້າງພັກ-ພະນັກງານບາງຕອນວ່າ: ຕະຫຼອດໄລຍະ 70 ປີ ບົນເສັ້ນທາງແຫ່ງການເຕີບໃຫຍ່ຂະຫຍາຍຕົວຂອງວຽກງານຈັດຕັ້ງກໍ່ສ້າງພັກ-ພະນັກງານ ຂອງຄະນະຈັດຕັ້ງສູນກາງພັກ ກໍຄືຂະແໜງຈັດຕັ້ງແຕ່ສູນກາງລົງຮອດທ້ອງຖິ່ນ ນັບແຕ່ໄດ້ສ້າງຕັ້ງຂຶ້ນຈົນເຖິງປັດຈຸບັນ ບໍ່ວ່າໃນເງື່ອນໄຂ ແລະ ສະພາບແວດລ້ອມໃດກໍຕາມ ການນໍາຂອງຄະນະຈັດຕັ້ງສູນກາງພັກແຕ່ລະຮຸ່ນ ແຕ່ລະສະໄໜລ້ວນແຕ່ໄດ້ສຸມທຸກເຫື່ອແຮງສະຕິປັນຍາເອົາໃຈໃສ່ຊີ້ນຳ - ນຳພາພະນັກງານສະມາຊິກພັກແບກຫາບໜ້າທີ່ວຽກງານທີ່ພັກ ແລະ ປະຊາຊົນມອບໜາຍໃຫ້ ເປັນເສນາທິການຄົ້ນຄວ້າການກໍ່ສ້າງພັກ ທາງດ້ານການຈັດຕັ້ງ ແລະ ບຸກຄະລາກອນ ປະກອບສ່ວນເຮັດໃຫ້ການຈັດຕັ້ງພັກ ຖັນແຖວສະມາຊິກພັກ-ພະນັກງານມີຄວາມເຕີບໃຫຍ່ເຂັ້ມແຂງເປັນກ້າວໆມາ, ພ້ອມກັນນີ້ສະຫາຍຍັງໄດ້ນໍາເອົາບາງເນື້ອໃນຈິດໃຈທີ່ສໍາຄັນ ຄໍາເວົ້າທີ່ໜັກ ແໜ້ນໃນບົດສູນທອນພົດຂອງສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ທີ່ກ່າວໃນພິທີສະເຫຼີມສະຫຼອງວັນສ້າງຕັ້ງວັນດັ່ງກ່າວ.
 |
ໂອກາດນີ້, ສະຫາຍ ສຸຣິປັນຍາ ຣາຊສົມບັດ ກໍາມະການພັກ ຫົວໜ້າກົມຈັດຕັ້ງ-ພະນັກງານ ໄດ້ຜ່ານຄໍາແນະນໍາຂອງຄະນະຈັດຕັ້ງສູນກາງພັກ ກ່ຽວກັບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ສະບັບເລກທີ 28/ຄຈສພ, ລົງວັນທີ 14 ກຸມພາ 2025 ແລະ ໄດ້ຮັບຟັງແຈ້ງການແນະນໍາຂອງຄະນະໂຄສະນາອົບຮົມສູນກາງພັກ ເລກທີ 30/ຄຈສພ, ລົງວັນ 29 ພຶດສະພາ 2025 ເລື່ອງການຈັດຕັ້ງປາຖະກະຖາມູນເຊື້ອວັນສ້າງຕັ້ງແນວລາວສ້າງຊາດຄົບຮອບ 75 ປີຈາກສະຫາຍນາງ ແພງພັນ ບຸບຜາພອນ ກໍາມະການປະຈໍາພັກ ຫົວໜ້າກົມໂຄສະນາໄດ້ຮັບຟັງມະຕິຕົກລົງຂອງຄະນະປະຈໍາພັກ ສນຊ ເລກທີ 20/ຄປຈ, ລົງວັນທີ 4/6/2025 ວ່າດ້ວຍການແຕ່ງຕັ້ງຄະນະຮັບຜິດຊອບການປະເມີນໜ່ວຍພັກປອດ, ໃສເຂັ້ມແຂງ, ໜັກແໜ້ນ ຂອງ ສນຊ ແລະ ຂໍ້ຕົກລົງເລກທີ 159/ຄປຈ, ລົງວັນທີ 5/6/2025 ວ່າດ້ວຍການແຕ່ງຕັ້ງທ່ານ ໄມສຸກ ສອນຕຸໃຈ ຫົວໜ້າພະແນກ ຂຶ້ນເປັນຮອງຫົວໜ້າຫ້ອງການ ສນຊ.
ຂ່າວ-ຮູບ: ສນຊ
ຄໍາເຫັນ