 |
ໃຫ້ກຽດນໍາພາຄະນະ ໂດຍ ສະຫາຍ ນາງ ສຸມາລີ ທໍາມະວົງ ກໍາມະການປະຈໍາພັກ ນວ ເລຂາພັກເມືອງຈັນທະບູລີ, ເຂົ້າຮ່ວມຮັບຟັງ ມີບັນດາສະຫາຍ ກໍາມະການປະຈໍາພັກ, ຄະນະພັກເມືອງ, ເລຂາພັກບ້ານ-ນາຍບ້ານ, ພະນັກງານອາວຸໂສທະຫານ, ຕໍາຫຼວດ, ນັກທຸລະກິດ, ຊາວຄ້າຂາຍ ຕະຫຼອດຮອດ ພໍ່, ແມ່, ປະຊາຊົນ ຈໍານວນ 7 ບ້ານ.
ຈຸດປະສົງ ເພື່ອພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສໍາເລັດ ກອງປະຊຸມຄັ້ງປະຖົມມະລືກ ຂອງສະພາແຫ່ງຊາດ ຊຸດທີ X ແລະ ສະພາປະຊາຊົນ ນວ ຊຸດ ທີ V, ເພື່ອຮັບຟັງຄໍາຄິດຄໍາເຫັນ, ຄໍາສະເໜີ ຜູ້ມີສິດເລືອກຕັ້ງ ໂດຍສະເພາະແມ່ນກໍາລັງປ້ອງກັນຄວາມສະຫງົບ ກ່ຽວກັບບັນຫາຂັດຂ້ອງໝອງໃຈຕ່າງໆ ເພື່ອຈະນໍາສະເໜີຕໍ່ສະພາປະຊາຊົນ ນວ ແລະ ພາກສ່ວນທີ່ກ່ຽວຂ້ອງ. ເມືອງຈັນທະບູລີ ປະກອບມີ 30 ບ້ານ, ພົນລະເມືອງ 63,422 ຄົນ ຍິງ 33,511 ຄົນ, 12,347 ຄອບຄົວ, 13,086ຫຼັງຄາເຮືອນ, ມີຊາຍແດນຕິດກັບເມືອງສີໂຄດຕະບອງ, ເມືອງສີສັດຕະນາກ, ເມືອງໄຊເສດຖາ ແລະ ເມືອງໄຊທານີ.
 |
ໃນວາລາພົບປະຄັ້ງນີ້ ສສຊ-ສສນວ ໄດ້ຜັດປ່ຽນກັນ ລາຍງານເຜີຍແຜ່ວຽກງານທີ່ກ່ຽວຂ້ອງໃຫ້ກັບ ບັນດາຜູ້ມີສິດເລືອກຕັ້ງໄດ້ຮັບຊາບ.
ໃນວັນດຽວກັນ, ສສຊ ແລະ ສສນວ (ກຸ່ມທີ 2) ຊຶ່ງນໍາໂດຍ ສະຫາຍ ນາງ ຈໍາປາທອງ ທະລົງແສງຈັນ ກໍາມະການຄະນະບໍລິຫານງານສູນກາງສະຫະພັນແມ່ຍິງ ຮອງປະທານສະມາຄົມນັກທຸລະກິດຍິງ ສະມາຊິກສະພາແຫ່ງຊາດ ຊຸດທີ X ປະຈໍາເຂດເລືອກຕັ້ງທີ 1 ນວ ກໍໄດ້ລົງພົບປະກັບ ພໍ່, ແມ່ ປະຊາຊົນ 8 ບ້ານ ທີ່ວັດທົ່ງຂັນຄໍາ ຂອງເມືອງຈັນທະບູລິ ນະຄອນຫຼວງວຽງຈັນ ເຊັ່ນກັນ.
(ຂ່າວ: ແສງຈັນ)
ຄໍາເຫັນ