 |
ທ່ານ ພັນໂທ ເນັ່ງສີດາ ເບຼຍລືມົວ ສສຊ ປະຈຳເຂດເລືອກຕັ້ງທີ 5 ແຂວງບໍ່ແກ້ວມີຄຳເຫັນໃນມາດຕາທີສອງ ສາມັນສຶກສາ ແມ່ນການຮຽນການສອນ ຄວາມຮູ້ພື້ນຖານທົ່ວໄປ ໂດຍມີຈຸດໝາຍພັດທະນານັກຮຽນ ຢ່າງຮອບດ້ານ ໃຫ້ມີຄວາມຮູ້, ຄວາມສາມາດ ແລະ ທັກສະກ່ຽວກັບ ພາສາລາວ, ຄະນິດສາດ ແລະ ພາສາຕ່າງປະເທດໃດໜຶ່ງ ຂັ້ນພື້ນຖານ, ມີຄວາມຮູ້ ດ້ານວິທະຍາສາດທຳມະຊາດ, ວິທະຍາສາດສັງຄົມ, ກິລາ-ກາຍະກຳ, ສິລະປະ, ເຕັກໂນໂລຊີ ແລະ ວິຊາຊີບ ເພື່ອກຽມເຂົ້າຮຽນຕໍ່ໃນສາຍອາຊີວະສຶກສາ ແລະ ການສຶກສາຊັ້ນສູງ ຫຼື ປະກອບອາຊີບ.ຊຶ່ງຢູ່ໃນມາດຕານີ້ວັກທີສອງການຮຽນການສອນຄວາມຮູ້ພື້ນຖານທົ່ວໄປຢາກໃຫ້ເວົ້າຂັ້ນປະຖົມສຶກສາ ຫຼື ມໍຕົ້ນ ແລະ ມໍປາຍໃຫ້ມີຄວາມຈະແຈ້ງຕື່ມ ແລະ ໃນວັກສຸດທ້າຍກ່ຽວກັບການເຂົ້າຮຽນຕໍ່ສາຍອາຊີວະສຶກສາຊັ້ນສູງປະກອບອາຊີບຕໍ່ບັນຫານີ້ ຢາກໃຫ້ຂຽນວ່າປະກອບອາຊີບໃດໜຶ່ງທີ່ມີຄວາມຊຳນານ ເປັນຊ່ຽວຊານເປັນນັກຄົ້ນຄວ້າ ແລະ ເປັນອາຈານ ຕໍ່ບັນຫານີ້ກໍຢາກໃຫ້ເພີ່ມຕື່ມໃສ່,ໃນມາດຕາ4 ນະໂຍບາຍຂອງລັດກ່ຽວກັບວຽກງານສາມັນສຶກສາລັດ ຖືເອົາວຽກງານສາມັນສຶກສາ ເປັນພື້ນຖານໃນການພັດທະນາຊັບພະຍາກອນມະນຸດ, ສົ່ງເສີມ, ສ້າງໂອກາດ ແລະ ເງື່ອນໄຂໃຫ້ພົນລະເມືອງທຸກຄົນ ໂດຍບໍ່ຈໍາແນກ ເພດ, ໄວ ແລະ ເຜົ່າ ເຂົ້າເຖິງການສຶກສາ ແລະ ກຳນົດໃຫ້ຊັ້ນມັດທະຍົມສຶກສາຕອນຕົ້ນ ເປັນການສຶກສາພາກບັງຄັບ ແລະ ເປັນການສຶກສາທີ່ບໍ່ເສຍຄ່າ ຢູ່ໃນສະຖານການສຶກສາຂອງລັດ.ຕໍ່ມາດຕານີ້ແມ່ນຢາກໃຫ້ເວົ້າແຈ້ງຕື່ມໂດຍສະເພາະໃນວັກທີໜຶ່ງລັດໄດ້ຖືເອົາວຽກງາກງານສຶກສາເປັນພື້ນຖານ ແລະຢາກໃຫ້ຂຽນໃສ່ຕື່ມອີກວ່າເປັນປັດໃຈພື້ນຖານ ແລະ ການກຳນົດຊັ້ນມັດທະຍົມຕອນຕົ້ນເປັນພາກບັງຄັບ ແລະ ສຳລັບມໍປາຍບໍ່ມີພາກບັງຄັບຕໍ່ບັນຫານີ້ກໍຢາກໃຫ້ອະທິບາຍໃຫ້ມີຄວາມຈະແຈງຕື່ມ, ໃນວັກທີສອງ ລັດລົງທຶນເຂົ້າໃສ່ການພັດທະນາວຽກງານການສຶກສາ ຢາກໃຫ້ຕື່ມໃສ່ວ່າລັດໄດ້ລົງທຶນຊຶ່ງຈະມີນໍ້າໜັກ ແລະ ຄວາມຈະແຈ້ງຂຶ້ນຕື່ມຊຶ່ງຈະມິປະສິດທິພາບ ແລະ ປະສິດທິຜົນ ,ໃນນັ້ນກຽ່ວກັບນະໂຍບາຍຕໍ່ຄູ ແລະ ບຸກຄະລາກອນການສຶກສາທີ່ເວົ້າວ່າ:ໄດ້ຢ່າງເໝາະສົມແຕ່ຢາກໃຫ້ປ່ຽນຄຳສັບວ່າ:ໃຫ້ດີທີ່ສຸດ ແລະ ຕໍ່ກັບການສະໜອງຄູໃຫ້ພຽງພໍແມ່ນຢາກໃຫ້ຂຽນວ່າ:ຮັັບປະກັນການຮຽນ ແລະ ການສອນ, ສໍາລັບນັກຮຽນພິການທີ່ມີພອນສະຫວັນຢາກໃຫ້ຂຽນຕື່ມວ່າ:ຜູ້ຢູ່ເຂດຫ່າງໄກສອກຫຼີກ,ເຂດຊົນນະບົດຊົນເຜົ່າມາຕື່ມໃສ່ຊຶ່ງຈະເຮັດໃຫ້ມີຄວາມຈະແຈ້ງ ແລະ ມີນໍ້າໜັກຫຼາຍຂຶ້ນ,ໃນຂະນະດຽວກັນໃນມາດຕາມ 30 ຫຼັກສູດສາມັນສຶກສາ,ຫຼັກສູດສາມັນສຶກສາ ແມ່ນເອກະສານ ທີ່ກຳນົດຫຼັກການ, ຈຸດໝາຍຂອງການສຶກສາ, ໂຄງສ້າງເນື້ອໃນວິຊາຕ່າງໆ, ວິທີການຈັດຕັ້ງການຮຽນການສອນ ຂອງແຕ່ລະຊັ້ນ, ແຕ່ລະສາຍ, ການປະເມີນຜົນວິຊາຮຽນຕ່າງໆ ເພື່ອຮັບປະກັນໃຫ້ນັກຮຽນມີຄວາມຮູ້, ຄວາມສາມາດ, ທັກສະ, ຄວາມສະຫຼາດແລະ ຄຸນສົມບັດ,ຫຼັກສູດສາມັນສຶກສາ ປະກອບດ້ວຍຫຼັກສູດການສຶກສາແຫ່ງຊາດ, ຫຼັກສູດການສຶກສາທ້ອງຖິ່ນ ແລະ ຫຼັກສູດການສຶກສານານາຊາດ.ນອກຈາກນັ້ນ ຍັງມີຫຼັກສູດວິຊາຊີບຊັ້ນຕົ້ນ ທີ່ສາມາດນໍາໃຊ້ ສໍາລັບຊັ້ນມັດທະຍົມສຶກສາຕອນຕົ້ນ ແລະ ຕອນປາຍ ໂດຍກະຊວງສຶກສາທິການ ແລະ ກິລາ ອະນຸມັດໃຫ້ນໍາໃຊ້ໃນແຕ່ລະໄລຍະ.ໃນມາດຕານີ້ຢາກໃຫ້ຂຽນເພີ່ມວ່າ: ມີວິທະຍາສາດເຂົ້າຕື່ມໃສ່ອີກ,ໃນມາດຕາ 31 ເນື້ອໃນຫຼັກສູດສາມັນສຶກສາຢາກໃຫ້ຂຽນວ່: ເນື້ອໃນປະຕິຮູບຫຼັກສູດໃນການສຶກສາ,ມາດ ຕາ 62 ນະໂຍບາຍຕໍ່ການຮຽນ ແລະ ການສອນສາມັນສຶກສາ ຢາກໃຫ້ເວົ້າແຈ້ງຕື່ມວ່າ:ໄດ້ຮັບນະໂຍບາຍອັນໃດກໍຢາກໃຫ້ເວົ້າແຈ້ງຊຶ່ງຈະເຮັດໃຫ້ມີເນື້ອໃນຄົບຖ້ວນ ແລະ ຮັດກຸມຂຶ້ນຕື່ມ,ໃນມາດຕາ 83 ຄ່າຮຽນຊຶ່ງມີວັກໜຶ່ງໃນມາດຕານີ້ເວົ້າວ່າ ພາຍໃຕ້ການຄຸ້ມຄອງຂອງລັດ ຕໍ່ບັນຫານີ້ຢາກໃຫ້ຂຽນຄຳວ່າຮັດກຸມໃສ່ຕື່ມ ແລະ ແຈ້ງຄ່າບໍລິການຕ່າງໆ,ໃນນັ້ນຕໍ່ບັນຫາຄຸ້ມຄອງຂອງລັດຜ່ານມາເຫັນວ່າຍັງເຮັດບໍ່ທັນໄດ້ດີສະແດງອອກໃນຄ່າບໍລິການພາກເອກກະຊົນຍັງເກັບຄ່າຮຽນໃນລາຄາແພງຕໍ່ບັນຫານີ້ພວກເຮົາຈະບໍ່ມີໂອກາດພັດທະນາຊັບພະຍາກອນມະນຸດເຕັມຮູບແບບ ສະນັ້ນຈຶ່ງຢາກສະເໜີພາກສ່ວນທີ່ກ່ຽວຂ້ອງພິຈາລະນາເບິ່ງຄືນ,ໃນຂະນະດຽວກັນງົບປະມານຂອງລັດຕໍ່ການສຶກສາຜ່ານມາເຫັນວ່າຍັງບໍ່ທັນພຽງພໍຕໍ່ບັນຫານີ້ກໍຢາກໃຫ້ເພີ່ມຂຶ້ນເພື່ອເຮັດໃຫ້ນັກຮຽນຮູ້ປັນຍາຊົນມີຄວາມຮູ້ຄວາມສາມາດ
ຄໍາເຫັນ