ສສຊ ແລະ ສສຂ ແຂວງວຽງຈັນ ສໍາເລັດການເຜີຍແຜ່ຜົນຂອງກອງປະຊຸມຢູ່ເມືອງທຸລະຄົມ

ຄະນະຜູ້ແທນ ສສຊ ແລະ ສສຂ ແຂວງວຽງຈັນ ທີ່ລົງເຄື່ອນໄຫວເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ IX ແລະ ສະພາປະຊາຊົນແຂວງວຽງຈັນ ເທື່ອທີ 6 ຊຸດທີ II ຢູ່ເມືອງທຸລະຄົມ ແຂວງວຽງຈັນ ຊຶ່ງນໍາໂດຍທ່ານ ບຸນນໍາ ຈັນທອງສີ ສສຊ ເຂດ 10 ແຂວງວຽງຈັນ ຊຶ່ງເລີ່ມເຄື່ອນໄຫວແຕ່ວັນທີ 23 ມັງກອນ-ວັນທີ 2 ກຸມພາ 2024 ລວມມີ 10 ຈຸດ ເຄື່ອນໄຫວ. 
    ການລົງເຄື່ອນໄຫວຂອງຄະນະຜູ້ແທນຄັ້ງນີ້, ເພື່ອເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ IX ແລະ ສະພາປະຊາຊົນແຂວງວຽງຈັນ ເທື່ອທີ 6 ຊຸດທີ ຢູ່ບັນດາກົມກອງ ແລະ ບັນດາບ້ານ ຂອງ 5 ກຸ່ມບ້ານ ຢູ່ເມືອງທຸລະຄົມ ເພື່ອແນໃສ່ເຮັດໃຫ້ພະນັກງານທຸກສາຂາອາຊີບ, ການຈັດຕັ້ງ ແລະ ພໍ່ແມ່ປະຊາຊົນຮັບຮູ້ເຂົ້າໃຈ, ໂດຍລວມແລ້ວຮູບການເຄື່ອນໄຫວມີລັກສະນະດຽວຄືກັບຊຸດຜ່ານໆມາ. ສໍາລັບຄໍາສະເໜີຕ່າງໆຂອງປະຊາຊົນ ສັງລວມແລ້ວແມ່ນສະເໜີໃຫ້ຂັ້ນເທິງສືບຕໍ່ແກ້ໄຂບັນຫາຄ່າຄອງຊີບ, ລາຄານໍ້າມັນ, ສິນຄ້າຖີບຕົວຂຶ້ນສູງ, ອັດຕາເງິນເຟີ້, ການແກ້ໄຂວຽກເຮັດງານທໍາ, ການຊອກຫາຕະຫຼາດວາງຂາຍຜົນຜະລິດຂອງປະຊາຊົນ, ບັນຫາສ້ອມແປງເສັ້ນທາງເປ່ເພ, ສະເໜີຂໍທາງປູຢາງ, ປັບປຸງ-ຂະຫຍາຍລະບົບຄອງຊົນລະ ປະທານ, ຂອດປະສານງານການແກ້ໄຂບັນຫາຂອງບາງຂະແໜງການໃຫ້ກົມກຽວກະທັດຮັດ, ບໍ່ແກ່ຍາວເວລາ, ບັນຫາປະກົດການຫຍໍ້ທໍ້ໃນຖັນແຖວໄວໜຸ່ມ, ສະເໜີພິຈາລະນາເພີ່ມເງິນເດືອນພະນັກງານ, ກໍາມະກອນ ແລະ ອາຊີບຕ່າງໆໃຫ້ດຸ່ນດ່ຽງກັບຄ່າຄອງຊີບໃນປະຈຸບັນ ແລະ ອື່ນໆ.
(ຂ່າວ: ບ່າວທົ່ງ-ລ້ອງງື່ມ-ພາບ: ສົມສະໜິດ ລາດຊະວົງ