ສສຊ-ສສນວ ລົງພົບປະກັບຜູ້ມີສິດເລືອກຕັ້ງເມືອງສັງທອງ

ໃຫ້ກຽດນໍາພາຄະນະ ໂດຍສະຫາຍ ນາງ ບົວລະພັນ ທິລະສັກ ຄະນະປະຈໍາພັກ ປະທານຄະນະກໍາມະການ ປກຊ-ປກສ ແລະ ຍຸຕິທໍາ ສະພາປະຊາຊົນ ນວ ສະມາຊິກສະພາແຫ່ງຊາດ ຊຸດທີ X ປະຈໍາເຂດເລືອກຕັ້ງທີ 1 ນວ, ເຂົ້າຮ່ວມ ໂດຍ ສະຫາຍ ສັງວອນ ພິມມະສອນ ປະທານອົງການປົກຄອງເມືອງສັງທອງ, ສະຫາຍນາງ ໂພທູນ ອ່າງມັດສາ ຮອງປະທານອົງການປົກຄອງເມືອງເຟືອງ, ຄະນະປະຈໍາພັກ ແລະ ຄະນະພັກ, ບັນດາຫົວໜ້າຫ້ອງການ-ຮອງຫົວໜ້າຫ້ອງການ ພ້ອມດ້ວຍອົງການປົກຄອງບ້ານທີ່ນອນຢູ່ໃນຕາແສງເພຍລາດ.

ຈຸດປະສົງ ເພື່ອພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສໍາເລັດ ກອງປະຊຸມຄັ້ງປະຖົມມະລືກ ຂອງສະພາແຫ່ງຊາດ ຊຸດທີ X ແລະ ສະພາປະຊາຊົນ ນວ ຊຸດ ທີ V, ເພື່ອຮັບຟັງຄໍາຄິດຄໍາເຫັນ, ຄໍາສະເໜີ ຜູ້ມີສິດເລືອກຕັ້ງ ໂດຍສະເພາະແມ່ນກໍາລັງປ້ອງກັນຄວາມສະຫງົບ ກ່ຽວກັບບັນຫາຂັດຂ້ອງໝອງໃຈຕ່າງໆ ເພື່ອຈະນໍາສະເໜີ ຕໍ່ສະພາປະຊາຊົນ ນວ ແລະ ພາກສ່ວນທີ່ກ່ຽວຂ້ອງ.

ໃນວາລະ, ພາຍຫຼັງໄດ້ຮັບຟັງບົດລາຍງານສະພາບການຂອງບ້ານໂດຍຫຍໍ້ແລ້ວ, ບັນດາ ສສຊ-ສສນວ ໄດ້ຜັດປ່ຽນກັນຂຶ້ນເຜີຍແຜ່ວຽກງານຕ່າງໆທີ່ກ່ຽວຂ້ອງ ແລະ ພ້ອມນັ້ນ ບັນດາຜູ້ມີສິດເລືອກຕັ້ງ ຍັງໄດ້ມີຄໍາສະເໜີ ເປັນຕົ້ນແມ່ນເຂດປ່າສະຫງວນພູພະນັງ ຍັງເຫັນປະຊາຊົນເຂົ້າບຸກລຸກປູກຕົ້ນຢາງ, ບັນຫາໄຟຟ້າ-ນໍ້າປະປາບໍ່ພຽງພໍ-ບໍ່ປົົກກະຕິ, ບັນຫາລົດແກ່ຫີນ-ຊາຍ ເກີນນໍ້າໜັກ ສົ່ງຜົນກະທົບຕໍ່ຫົນທາງ, ລາຄາສິນຄ້າກະສິກໍາ (ເຂົ້າ-ຊີ້ນໝູ).

(ຂ່າວ: ແສງຈັນ; ພາບ-ຂໍ້ມູນ: ສະພາ ນວ)