 |
ໃນນາມພະນັກງານອາວຸໂສບໍານານ ທີ່ເຄີຍຊີ້ນໍາຂົງເຂດວຽກງານສື່ມວນຊົນຂອງແຂວງຄໍາມ່ວນ ມີຄວາມຮູ້ສຶກດີໃຈ ແລະ ເອກອ້າງທະນົງໃຈ ຕໍ່ກັບການສ້າງຕັ້ງວັນສໍາຄັນດັ່ງກ່າວ ທີ່ໄດ້ໝູນວຽນມາຮອດອີກວາລະໜຶ່ງ, ຊຶ່ງວຽກງານສື່ມວນຊົນ ແມ່ນວຽກງານທີ່ສຳຄັນໃນການເຮັດໜ້າທີ່ເປັນກະບອກສຽງໂຄສະນາແນວທາງນະໂຍບາຍຂອງພັກ-ລັດ, ຊຸກຍູ້ປຸກລະດົມກຳລັງແຮງຂອງມະຫາຊົນ, ປະຊາຊົນບັນດາເຜົ່າ, ພະນັກງານ-ສະມາຊິກພັກ ເຂົ້າຮ່ວມໃນທຸກໆຂະບວນການ ຂອງການສ້າງສາ ແລະ ພັດທະນາປະເທດຊາດ ໃຫ້ມີຄວາມເຕີບໃຫຍ່ ເຂັ້ມແຂງ ແລະ ສີວິໄລ, ວຽກງານສື່ມວນຊົນ ເມື່ອມາສົມທຽບໃສ່ກັບໄລຍະປັດຈຸບັນ ແມ່ນເຫັນວ່າມີບາດກ້າວຂະຫຍາຍຕົວຢ່າງໄວວາ, ມີເຄື່ອງມືທີ່ທັນສະ ໄໝ, ການເກັບກຳຂ່າວ ແລະ ເຜີຍແຜ່ຂໍ້ມູນຂ່າວສານໄດ້ທັນກັບເຫດການ, ມີຄວາມຊັດເຈນ ແລະ ຖືກຕ້ອງຕາມແນວທາງນະໂຍບາຍຂອງພັກ-ລັດ, ຕາໜ່າງຂ່າວມີການຂະຫຍາຍຕົວຢ່າງກວ້າງຂວາງ ແລະ ລົງທົ່ວເຖິງປະຊາຊົນ, ຊຶ່ງວຽກງານສື່ມວນຊົນນັບມື່ຍິງມີບົດບາດຄວາມສຳຄັນ ໃນການໂຄສະນາແນວທາງທີ່ຖືກຕ້ອງ, ໂຄສະນາຕໍ່ສູ້ ແລະ ຕ້ານ ກັບກຸ່ມຄົນທີ່ບໍ່ຫວັງດີ ໃນການໂຄສະນາຊວນເຊື່ອ, ບິດເບືອນກັບຄວາມເປັນຈິງ, ຕົວະຍົວະຫຼອກລວງ ທີ່ປະກົດເຫັນເກີດຂຶ້ນຈໍານວນບໍ່ໜ້ອຍ ໃນສື່ອອນລາຍໃນປັດຈຸບັນ. ສະນັ້ນ, ຈຶ່ງຮຽກຮ້ອງມາຍັງນັກຮົບສື່ມວນຊົນທຸກທ່ານ ຈົ່ງໄດ້ເພີ່ມທະວີໃນການພັດທະນາວຽກງານສື່ມວນຊົນ ພ້ອມທັງເພີ່ມທະວີເອົາໃຈໃສ່ໃນການຕອບໂຕ້ ທຸກໆຖ້ອຍທຳນອງ ທີ່ໂຄສະນາໃສ່ຮ້າຍປ້າຍສີຕໍ່ແນວທາງນະໂຍບາຍຂອງພັກ-ລັດ ແລະ ຮຽກຮ້ອງມາຍັງທຸກພາກສ່ວນ ຈົ່ງພ້ອມກັນເອກອ້າງ ທະນົງໃຈ ແລະ ໃຫ້ຄວາມສຳຄັນ ໂດຍຖືເອົາການສ້າງຜົນງານທີ່ດີງາມ ເນື່ອງໃນໂອກາດຂໍ່ານັບຮັບຕ້ອນ ແລະ ສະເຫຼີມສະຫຼອງ ວັນສື່ມວນຊົນ ແລະ ການພິມຈໍາໜ່າຍ ຄົບຮອບ 75 ປີ.
(ຂ່າວ-ພາບ: ກອງຄໍາ)
ຄໍາເຫັນ