 |
ທ່ານ ນາງ ມີນາ ສີວິໄລ ກ່າວວ່າ: ການຈັດງານຄັ້ງນີ້, ເພື່ອເປັນການສ້າງພາບລັກອົງກອນ ແລະ ຜູ້ສະໜັບສະໜູນໃຫ້ມີຄຸນຄ່າຕໍ່ສັງຄົມ, ເປັນການຍົກລະດັບງານວັນເດັກສູ່ເວທີລະດັບຊາດ ສ້າງໃຫ້ງານວັນເດັກເປັນຮູບແບບແຫ່ງອະນາຄົດຂອງເຍົາວະຊົນທີ່ລວມການຮຽນຮູ້ ຄວາມມ່ວນ + ໂອກາດໄວ້ໃນທີ່ດຽວ ໃຫ້ງານນີ້ເປັນຫຼາຍກວ່າງານບັນເທີງ ເປັນພື້ນທີ່ຄົ້ນຫາສັກກະຍະພາບ ເປັນເວທີສ້າງແຮງບັນດານໃຈ ເປັນແລນມາກປະຈຳຂອງປະເທດ, ສ້າງລະບົບຄວາມຮ່ວມມື (ພາກລັດ–ເອກະຊົນ–ເຍົາວະຊົນ) ເຊື່ອມໂຍງທຸກພາກສ່ວນເຂົ້າຫາກັນ ເພື່ອຮ່ວມສ້າງອະນາຄົດຂອງຊາດ ເປີດໂອກາດໃຫ້ອົງກອນຕ່າງໆ ຖ່າຍທອດຄວາມຮູ້ ສື່ສານນະໂຍບາຍສ້າງພາບລັກທີ່ເຂົ້າເຖິງຄົນຮຸ່ນໃໝ່ ປູກຝັງຈິດສຳນຶກດ້ານສິ່ງແວດລ້ອມໃນວັນປູກຕົ້ນໄມ້. ເນື້ອແທ້,ເພື່ອເປັນການພົບປະແລກປ່ຽນບົດຮຽນ, ສ້າງເງື່ອນໄຂພັດທະນາວຽກງານເຍົາວະຊົນ-ອະນຸຊົນດ້ວຍຂະບວນການຍູ້ແຮງການຈັດຕັ້ງປະຕິບັດຂະບວນການແຂ່ງຂັນຂໍ້ແຂ່ງຂັນ 3 ດີ 4 ຮູ້ຂອງເຍົາວະຊົນທັນວາ, ເພື່ອສຶກສາອົບຮົມ ແລະ ເຕົ້າໂຮມເອົາເຍົາວະຊົນ ໂດຍຖືເອົາກິດຈະກໍາໃນຄັ້ງນີ້, ເປັນການແລກປ່ຽນບົດຮຽນ, ການແຂ່ງແຕ້ມຮູບ, ແຂ່ງຂັນລະຄອນສັ້ນການນໍາສະເໜີຜົນຮ້າຍ ແລະ ການຕ້ານສະກັດກັ້ນສິ່ງເສບຕິດ, ການແຂ່ງ ຂັນໂຕ້ວາທີ, ການຫຼິ້ນເກມ, ຖາມ-ຕອບເອົາຂອງຂວັນລາງວັນ, ກິດຈະກໍາຂຽນຄວາມຫວັງ ແລະ ຄວາມຫວັງໃສ່ຕົ້ນໄມ້ແຫ່ງຄວາມຫວັງ, ການແລກປ່ຽນສິລະປະ-ວັນນະຄະດີ, ຊຶ່ງບັນດາກິດຈະກໍາເຫຼົ່ານີ້, ສະແດງເຖິງການປູກຈິດສໍານຶກໃຫ້ຫຼານນ້ອຍເຍົາວະຊົນຕ້ອງດຸໝັ່ນຮຽນ ຮູ້ພັດທະນາຕົນເອງຢ່າງເປັນປະຈໍາ ພ້ອມທັງສະ ແຫວງຫາໂອກາດສະແດງຄວາມສາມາດອອກສູ່ສັງຄົມ, ມີສຸຂະພາບແຂງແຮງ, ມີຄວາມຝັນ, ມີເປົ້າໝາຍຊີວິດມີແບບແຜນການດໍາລົງຊີວິດ, ມີສະຕິຊາດ, ສະຕິເຄົາລົບກົດໝາຍ, ສະຕິການຈັດຕັ້ງ, ຮັກປະເທດຊາດ, ຮັກທ່ານຜູ້ນໍາ, ຮັກຕົນເອງ ແລະ ຄອບຄົວ ເພື່ອສືບທອດພາລະກິດຕາມຄໍາສອນຂອງທ່ານຜູ້ນໍາ ຜູ້ນຳ 6 ຮັກ 3 ຊັງ, ຂໍ້ແຂ່ງຂັນ 3 ດີ 4 ຮູ້, ຄໍາຂວັນ ແລະ ຄຸນລັກສະນະຂອງເຍົາວະຊົນຢ່າງແທ້ຈິງ.
ຕະຫຼອດໄລຍະ 5 ວັນຂອງການຈັດງານໃນຄັ້ງນີ້, ໄດ້ຮວບຮວມເອົາກິດຈະກໍາປິ່ນອ້ອມ ໂດຍມີທັງການນຳສະເໜີຜະລິດຕະໂອດັອບຂອງກຸ່ມ ສທໜ, ຜະລິດຕະພັນອາຫານ ແລະ ເຄື່ອງດື່ມ, ເຄື່ອງອຸປະໂພກ ແລະ ບໍລິໂພກ. ພ້ອມນີ້, ຍັງໄດ້ຈັດກິດຈະກຳທີ່ສົ່ງເສີມຄວາມຮູ້ໃນການແຂ່ງຂັນຄະນິດຄິດໄວ, ຖາມ-ຕອບຂອງນັກຮຽນ, ການແຂ່ງຂັນແຕ້ມຮູບ, ການແຂ່ງຂັນໂຕ້ວາທີ, ການແຂ່ງຂັນລະຄອນສັ້ນກ່ຽວກັບຢາເສບຕິດ, ການປະກວດຄອດເພ, ການແຈກຂອງລາງວັນຕຸກກະຕາ, ອຸປະກອນລະບາຍສີ, ສະແດງມາຍາກົນໂຊ, ໂຕຕະລົກຕຸກກະຕາຂາຍາວ, ເດີນພາເລດໂຊຕຸກກະຕາ ແລະ ອື່ນໆ. ຂ່າວ: ຍຸພິນທອງ
ຄໍາເຫັນ