ກອງບັນຊາການທະຫານເມືອງແບງເປີດຊຸດອົບຮົມຫັດແອບການທະຫານ, ການເມືອງ ແລະພະລາທິການໃຫ້ກອງຫຼອນບ້ານນ້ຳຂອງ, ບ້ານມົກວຽງ ຂຶ້ນເມື່ອບໍ່ດົນມານີ້ທີ່ສະໂມສອນບ້ານນ້ຳຂອງເມືອງແບງແຂວງອຸດົມໄຊໂດຍການເປັນປະທານຂອງສະຫາຍ ພັທ ບຸນເລື່ອນວັນນະສອນຫົວໜ້າການທະຫານກອງບັນຊາການທະຫານເມືອງ,ມີສະຫາຍຊຽງວອນສຸດທິລາດນາຍບ້ານໆນ້ຳຂອງພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ສະຫາຍພັຕຄຳຈັນ ດວງວິດາຮອງການທະຫານຫົວໜ້າພະແນກເສນາທິການກອງບັນຊາການທະຫານເມືອງ ໄດ້ຜ່ານແຜນການອົມຮົມ-ຫັດແອບປະຈຳປີ 2023 ວ່າ: ການອົບຮົມ-ຫັດແອບຄັ້ງນີ້ຜູ້ເຂົ້າຮ່ວມຈະໄດ້ຮຽນຮູ້ດ້ານເນື້ອໃນມີ 3ພາກຄື:ພາກການທະຫານ, ພາກການເມືອງແລະພະລາທິການແລະ ຮຽນຮູ້ມູນເຊື້ອຂອງກອງທັບປະຊາຊົນລາວ, ເອກະສານຕ້ານການຫັນປ່ຽນໂດຍສັນຕິຂອງສັດຕູ, ທີ່ຕັ້ງ, ສິດ-ໜ້າທີພາລະບົດບາດຂອງກຳລັງກອງຫຼອນແລະ ສິດ, ໜ້າທີ່, ພັນທະຂອງພົນລະເມືອງລາວ, ຮຽນຮູ້ບຸກຄົນມືເປົ່າ, ມີປືນ, ປະຈຳທີ່ແລະເຄື່ອນທີ່, ຮູບແຖວຕັ້ງ, ຮູບແຖວຂວາງຂັ້ນໝູ່, ໝວດ, ກອງຮ້ອຍ, ຄຸນຄ່າ, ສະມັດຖະພາບການປະກອບສ້າງປືນ AK-CKC ແລະບົວລະບັດຜັດເຊັດອາວຸດລູກກະສູນ, ການເລັງປືນ, ກວດກາທ່າຍິງ, ປະຕິບັດຍິງລູກປືນແທ້,ກວດກາ, ວິທີນຳໃຊ້ອາວຸດພື້ນເມືອງຈຳນວນໜຶ່ງ, ຮຽນ 7 ຈັງຫວະພື້ນຖານ, ບຸກຄົນເຄື່ອນຍ້າຍໜ້າສະໜາມ, ຈຸປ້ອງກັນເວນຍາມບ້ານ, ໝູ່ກອງຫຼອນດັກສະກັດສັດຕູ (ປະສານສຽງແຕກ) ແລະໝູ່ກອງຫຼອນປະທະສັດຕູຕາມເສັ້ນທາງນ້ອຍ (ປະສານສຽງ) ແລະ ເຕັກນິກການແພດກຳນົດເວລາຮຽນຕົວຈິງ5ວັນ.
ໂອກາດນີ້,ສະຫາຍພັທບຸນເລື່ອນວັນນະສອນ ໄດ້ໃຫ້ກຽດໂອ້ລົມຮຽກຮ້ອງໃຫ້ວິທະຍາກອນ ແລະ ສໍາມະນາກອນ ເອົາໃຈໃສ່ປະຕິບັດຂໍ້ກຳນົດກົດລະບຽບໃຫ້ມີຄວາມເຂັ້ມແຂງ,ຕັ້ງໜ້າຫັດແອບຮ່ຳຮຽນໃຫ້ມີຄວາມສໍານິຊຳນານເພື່ອນຳໄປຈັດຕັ້ງປະຕິບັດເຂົ້າໃນໜ້າທີ່ວຽກງານຕົວຈິງແລະພ້ອມກັນຮັກສາຄວາມສາມັກຄີພາຍໃນ, ພາຍນອກຊ່ວຍເຫຼືອຊຶ່ງກັນແລະກັນເພື່ອຮັບປະກັນຄວາມປອດໄພ,ເອົາໃຈໃສ່ຄຸ້ມຄອງທາງດ້ານຈຳນວນພົນໃຫ້ເປັນປົກກະຕິຕະຫຼອດໄລຍະການຝຶກແອບ-ຮ່ຳຮຽນເພື່ອເຮັດໃຫ້ຊຸດອົບຮົມຄັ້ງນີ້ດໍາເນີນໄປຕາມແຜນການທີ່ວາງໄວ້.
ຂ່າວ-ພາບ: ວິລາວັນ ບໍລິວັນ
ຄໍາເຫັນ