ແຂວງໃນວັນທີ 11 ທັນວານີ້ ໂດຍໃຫ້ກຽດຕ້ອນຮັບຂອງທ່ານ ອ່ອນຄໍາ ອິນແສງ ຫົວໜ້າພະແນກ ຖວທ ແຂວງ ຊຶ່ງທ່ານໄດ້ລາຍງານສະພາບລວມໂດຍຫຍໍ້ວ່າ: ປັດຈຸບັນພະແນກ ຖວທ ແຂວງປະກອບມີ 4 ຂະແໜງ 3 ກອງວິຊາການ, ມີພະນັກງານ-ລັດຖະກອນນັບທັງຂັ້ນພະແນກ ແລະ ຂັ້ນເມືອງລວມທັງໝົດ 100 ຄົນຍິງ 40 ຄົນ; ໃນນີ້, ສະເພາະຂັ້ນແຂວງ ຫຼື ພະແນກມີ 45 ຄົນຍິງ 18 ຄົນ, ຫ້ອງການ ຖວທ 7 ເມືອງມີ 55 ຄົນຍິງ 22 ຄົນ. ໄລຍະຜ່ານມາ, ພະແນກ ຖວທ ແຂວງໄດ້ເອົາໃຈໃສ່ປະຕິບັດພາລະບົດບາດຂອງຕົນຢ່າງມີຜົນສຳເລັດໂດຍພື້ນຖານເຖິງແມ່ນວ່າຈະພົບຄວາມຫຍຸ້ງຍາກຫຼາຍຢ່າງກໍຕາມ.ການຢ້ຽມຢາມຄັ້ງນີ້, ທ່ານລັດຖະມົນຕີກະຊວງ ຖວທ ໄດ້ມອບອຸປະກອນໃຫ້ແກ່ພະແນກ ຖວທ ແຂວງປະກອບມີ: ກ້ອງຖ່າຍຮູບ, ຄອມພີວເຕີ, ເຄື່ອງໂປເຈັກເຕີ, ປິ່ນເຕີ ແລະ ກ້ອງກອງປະຊຸມທາງໄກເພື່ອນຳໃຊ້ເຂົ້າໃນວຽກງານ ຖວທ ແຂວງ.
ໂອກາດນີ້, ທ່ານນາງ ສວນສະຫວັນ ວິຍະເກດໄດ້ສະແດງຄວາມຢ້ຽມຢາມຖາມຂ່າວ ແລະໃຫ້ກຳລັງໃຈໃນການປະຕິບັດວຽກງານຂອງພະນັກງານ ພ້ອມກັນຜ່ານຜ່າອຸປະສັກຕ່າງໆ ພ້ອມທັງເນັ້ນໜັກໃຫ້ເອົາໃຈໃສ່ປະຕິບັດໜ້າທີ່ວຽກງານໃຫ້ມີສຳເລັດຜົນເປັນຢ່າງດີ.
ຈາກນັ້ນ, ທ່ານລັດຖະມົນຕີກະຊວງ ຖວທ ພ້ອມຄະນະໄດ້ໄປຢ້ຽມຢາມການດຳລົງຊີວິດຂອງເຜົ່າລື້ທີ່ບ້ານຊຽງຟ້າ ເມືອງບຸນເໜືອ ແຂວງຜົ້ງສາລີ ໂດຍການຕ້ອນຮັບຂອງທ່ານ ວົງຄຳ ທຳມະໃຈ ນາຍບ້າຍໆຊຽງຟ້າພ້ອມດ້ວຍປະຊາຊົນ ຊຶ່ງບ້ານດັ່ງກ່າວມີ 82ຫຼັງຄາເຮືອນ, ມີພົນລະເມືອງ 400ກວ່າຄົນຍິງ 200ກວ່າຄົນ, ຖືສາສະໜາພຸດ, ປະຊາຊົນປະກອບອາຊີບເຮັດນາ, ປູກຝັງ, ຈັກສານ ແລະຕໍ່າຫູກ, ມີເອກະລັກໃນການນຸ່ງຖື ການປາກເວົ້າ, ໂອກາດນີ້ທ່ານລັດຖະມົນຕີຍັງໄດ້ຊົມການສະແດງສິລະປະ, ການຕໍ່າຫູກ ແລະຈັກສານທີ່ເປັນກິດຈະກຳເອກະລັກພາຍໃນບ້ານຂອງເຜົ່າ.
ຂ່າວ: ພູວັນ, ພາບ: ແສງຄຳ
ຄໍາເຫັນ