ໂດຍອີງຕາມການເຊື້ອເຊີນຂອງ ສະຖາບັນຄົ້ນຄວ້າ ກ່ຽວກັບອາຊີຕາເວັນອອກສຽງໃຕ້-ຢູຊອບ ອີຊັກ (ISEAS-Yusof Ishak Institute) ປະເທດສິງກະໂປ, ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຢ້ຽມຢາມປະເທດສິງກະໂປ ໃນລະຫວ່າງວັນທີ 6-8 ທັນວາ 2023 ຊຶ່ງໃນວັນທີ 7 ທັນວາ 2023 ທ່ານຮອງນາຍົກລັດຖະມົນຕີ ໄດ້ຂຶ້ນບັນຍາຍໃນຫົວຂໍ້: ອາຊຽນ ຄັ້ງທີ 24 (24th ASEAN Lecture): ການກະກຽມເປັນປະທານອາຊຽນຂອງ ສປປ ລາວ ພາຍໃຕ້ຄໍາຂວັນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ”.
ທ່ານ ສະເຫຼີມໄຊ ກົມມະສິດ ໄດ້ອະທິບາຍກ່ຽວກັບເຫດຜົນໃນການເລືອກເອົາຄໍາຂວັນດັ່ງກ່າວ ກໍຄືຄວາມສໍາຄັນຂອງການເພີ່ມທະວີການເຊື່ອມຈອດ ແລະ ຄວາມເຂັ້ມແຂງຂອງອາຊຽນ ເພື່ອຮັບປະກັນໃຫ້ແກ່ຄວາມພະຍາຍາມລວມຂອງອາຊຽນ ໃນການຮັດແໜ້ນປະຊາຄົມອາຊຽນໃນຕໍ່ໜ້າ ແລະ ເພື່ອໃຫ້ສາມາດນໍາໃຊ້ກາລະໂອກາດ ແລະ ຮັບມືກັບສິ່ງທ້າທາຍຕ່າງໆໃນປັດຈຸບັນ ແລະ ໃນອະນາຄົດ ໄດ້ຢ່າງມີປະສິດທິຜົນ. ພ້ອມດຽວກັນນີ້, ຍັງໄດ້ແຈ້ງໂດຍລວມ ກ່ຽວກັບແນວຄວາມຄິດກ່ຽວຂ້ອງກັບບຸລິມະສິດ ສໍາລັບການເປັນປະທານອາຊຽນ ທີ່ ສປປ ລາວ ຈະສຸມໃສ່ໃນປີ 2024 ໂດຍສະເພາະ ແມ່ນໃນຂົງເຂດການເພີ່ມທະວີການເຊື່ອມຈອດ ແລະ ການສົ່ງເສີມຄວາມເຂັ້ມແຂງອາຊຽນ.
ໃນໂອກາດຢ້ຽມຢາມປະເທດສິງກະໂປຄັ້ງນີ້, ທ່ານ ສະເຫຼີມໄຊ ກົມມະສິດ ຍັງໄດ້ເຂົ້າຢ້ຽມຂໍ່ານັບ ທ່ານ ລີ ຊຽນ ລຸງ ນາຍົກລັດຖະມົນຕີ ແຫ່ງ ສາທາລະນະລັດ ສິງກະໂປ ຊຶ່ງສອງຝ່າຍໄດ້ແລກປ່ຽນຄໍາຄິດເຫັນດ້ວຍໄມຕີຈິດມິດຕະພາບ ແລະ ມີຄວາມເຂົ້າໃຈຊຶ່ງກັນ ແລະ ກັນ ເປັນຢ່າງດີ. ສອງຝ່າຍ ໄດ້ເຫັນດີເປັນເອກະພາບໃນການສືບຕໍ່ສົ່ງເສີມສາຍພົວພັນມິດຕະພາບ ແລະ ການຮ່ວມມືອັນດີງາມຂອງສອງປະເທດ, ໂດຍສະເພາະການຮ່ວມມືດ້ານພະລັງງານ ແລະ ການສົ່ງເສີມການໄປມາຫາສູ່ຂອງປະຊາຊົນສອງຊາດ ລາວ ແລະ ສິງກະໂປ ເພື່ອເຮັດໃຫ້ການຈັດປີທ່ອງທ່ຽວລາວ 2024 ມີບັນຍາກາດຄຶກຄື້ນ ແລະ ສໍາເລັດຜົນຕາມຄາດໝາຍ.
ຝ່າຍລາວ ໄດ້ສະແດງຄວາມຂອບໃຈມາຍັງລັດຖະບານ ແລະ ປະຊາຊົນສິງກະໂປ ທີ່ໄດ້ໃຫ້ການຮ່ວມມື ແລະ ສະໜັບສະໜູນ ສປປ ລາວ ຕະຫຼອດໄລຍະຜ່ານມາ, ອັນໄດ້ເປັນການສະໜັບສະໜູນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງ ສປປ ລາວ ເປັນແຕ່ລະໄລຍະ, ໂດຍສະເພາະການພັດທະນາຊັບພະຍາກອນມະນຸດ, ລວມທັງການສະໜັບສະໜູນບັນດາຂົງເຂດບຸລິມະສິດຂອງ ສປປ ລາວ ສໍາລັບການເປັນປະທານອາຊຽນ 2024 ພ້ອມທັງການສະໜັບສະໜູນການແລກປ່ຽນການຢ້ຽມຢາມຂອງການນໍາຂັ້ນສູງລະຫວ່າງກັນ ອັນຈະເປັນຂີດໝາຍອັນສໍາຄັນເພື່ອສະເຫຼີມສະຫຼອງວັນສ້າງຕັ້ງສາຍພົວພັນທາງການທູດ ລະຫວ່າງ ສປປ ລາວ ແລະ ສິງກະໂປ ຄົບຮອບ 50 ປີ ໃນປີ 2024 ທີ່ຈະມາເຖິງນີ້.
ນອກຈາກນັ້ນ, ທ່ານຮອງນາຍົກລັດຖະມົນຕີ ຍັງໄດ້ພົບປະກັບ ທ່ານ Heng Swee Keat ຮອງນາຍົກລັດຖະມົນຕີ ລັດຖະມົນຕີຮັບຜິດຊອບປະສານງານດ້ານນະໂຍບາຍເສດຖະກິດ ແລະ ຢ້ຽມຢາມ ສູນ SEAMEO RELC (Southeast Asian Ministers of Education Organization Regional Language Center) ຊຶ່ງໄດ້ພົບປະໂອ້ລົມກັບບັນດາການນໍາຂັ້ນສູງຂອງລາວທີ່ກໍາລັງເຂົ້າຮ່ວມການຝຶກອົບຮົມພາສາອັງກິດ ໃນລະຫວ່າງວັນທີ 27 ພະຈິກ - 22 ທັນວາ 2023 ຢູ່ ສູນດັ່ງກ່າວ.
ຂ່າວ-ພາບ: ກະຊວງການຕ່າງປະເທດ
ທ່ານ ສະເຫຼີມໄຊ ກົມມະສິດ ໄດ້ອະທິບາຍກ່ຽວກັບເຫດຜົນໃນການເລືອກເອົາຄໍາຂວັນດັ່ງກ່າວ ກໍຄືຄວາມສໍາຄັນຂອງການເພີ່ມທະວີການເຊື່ອມຈອດ ແລະ ຄວາມເຂັ້ມແຂງຂອງອາຊຽນ ເພື່ອຮັບປະກັນໃຫ້ແກ່ຄວາມພະຍາຍາມລວມຂອງອາຊຽນ ໃນການຮັດແໜ້ນປະຊາຄົມອາຊຽນໃນຕໍ່ໜ້າ ແລະ ເພື່ອໃຫ້ສາມາດນໍາໃຊ້ກາລະໂອກາດ ແລະ ຮັບມືກັບສິ່ງທ້າທາຍຕ່າງໆໃນປັດຈຸບັນ ແລະ ໃນອະນາຄົດ ໄດ້ຢ່າງມີປະສິດທິຜົນ. ພ້ອມດຽວກັນນີ້, ຍັງໄດ້ແຈ້ງໂດຍລວມ ກ່ຽວກັບແນວຄວາມຄິດກ່ຽວຂ້ອງກັບບຸລິມະສິດ ສໍາລັບການເປັນປະທານອາຊຽນ ທີ່ ສປປ ລາວ ຈະສຸມໃສ່ໃນປີ 2024 ໂດຍສະເພາະ ແມ່ນໃນຂົງເຂດການເພີ່ມທະວີການເຊື່ອມຈອດ ແລະ ການສົ່ງເສີມຄວາມເຂັ້ມແຂງອາຊຽນ.
ໃນໂອກາດຢ້ຽມຢາມປະເທດສິງກະໂປຄັ້ງນີ້, ທ່ານ ສະເຫຼີມໄຊ ກົມມະສິດ ຍັງໄດ້ເຂົ້າຢ້ຽມຂໍ່ານັບ ທ່ານ ລີ ຊຽນ ລຸງ ນາຍົກລັດຖະມົນຕີ ແຫ່ງ ສາທາລະນະລັດ ສິງກະໂປ ຊຶ່ງສອງຝ່າຍໄດ້ແລກປ່ຽນຄໍາຄິດເຫັນດ້ວຍໄມຕີຈິດມິດຕະພາບ ແລະ ມີຄວາມເຂົ້າໃຈຊຶ່ງກັນ ແລະ ກັນ ເປັນຢ່າງດີ. ສອງຝ່າຍ ໄດ້ເຫັນດີເປັນເອກະພາບໃນການສືບຕໍ່ສົ່ງເສີມສາຍພົວພັນມິດຕະພາບ ແລະ ການຮ່ວມມືອັນດີງາມຂອງສອງປະເທດ, ໂດຍສະເພາະການຮ່ວມມືດ້ານພະລັງງານ ແລະ ການສົ່ງເສີມການໄປມາຫາສູ່ຂອງປະຊາຊົນສອງຊາດ ລາວ ແລະ ສິງກະໂປ ເພື່ອເຮັດໃຫ້ການຈັດປີທ່ອງທ່ຽວລາວ 2024 ມີບັນຍາກາດຄຶກຄື້ນ ແລະ ສໍາເລັດຜົນຕາມຄາດໝາຍ.
ຝ່າຍລາວ ໄດ້ສະແດງຄວາມຂອບໃຈມາຍັງລັດຖະບານ ແລະ ປະຊາຊົນສິງກະໂປ ທີ່ໄດ້ໃຫ້ການຮ່ວມມື ແລະ ສະໜັບສະໜູນ ສປປ ລາວ ຕະຫຼອດໄລຍະຜ່ານມາ, ອັນໄດ້ເປັນການສະໜັບສະໜູນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງ ສປປ ລາວ ເປັນແຕ່ລະໄລຍະ, ໂດຍສະເພາະການພັດທະນາຊັບພະຍາກອນມະນຸດ, ລວມທັງການສະໜັບສະໜູນບັນດາຂົງເຂດບຸລິມະສິດຂອງ ສປປ ລາວ ສໍາລັບການເປັນປະທານອາຊຽນ 2024 ພ້ອມທັງການສະໜັບສະໜູນການແລກປ່ຽນການຢ້ຽມຢາມຂອງການນໍາຂັ້ນສູງລະຫວ່າງກັນ ອັນຈະເປັນຂີດໝາຍອັນສໍາຄັນເພື່ອສະເຫຼີມສະຫຼອງວັນສ້າງຕັ້ງສາຍພົວພັນທາງການທູດ ລະຫວ່າງ ສປປ ລາວ ແລະ ສິງກະໂປ ຄົບຮອບ 50 ປີ ໃນປີ 2024 ທີ່ຈະມາເຖິງນີ້.
ນອກຈາກນັ້ນ, ທ່ານຮອງນາຍົກລັດຖະມົນຕີ ຍັງໄດ້ພົບປະກັບ ທ່ານ Heng Swee Keat ຮອງນາຍົກລັດຖະມົນຕີ ລັດຖະມົນຕີຮັບຜິດຊອບປະສານງານດ້ານນະໂຍບາຍເສດຖະກິດ ແລະ ຢ້ຽມຢາມ ສູນ SEAMEO RELC (Southeast Asian Ministers of Education Organization Regional Language Center) ຊຶ່ງໄດ້ພົບປະໂອ້ລົມກັບບັນດາການນໍາຂັ້ນສູງຂອງລາວທີ່ກໍາລັງເຂົ້າຮ່ວມການຝຶກອົບຮົມພາສາອັງກິດ ໃນລະຫວ່າງວັນທີ 27 ພະຈິກ - 22 ທັນວາ 2023 ຢູ່ ສູນດັ່ງກ່າວ.
ຂ່າວ-ພາບ: ກະຊວງການຕ່າງປະເທດ
ຄໍາເຫັນ