ທ່ານ ສີຈິ້ນຜິງກ່າວ ວ່າ: ປະຫວັດສາດ ແລະ ຄວາມຈິງຢືນຢັນໃຫ້ເຫັນຢ່າງຈະແຈ້ງວ່າ, ການພັດທະນາ ແລະ ລົງເລິກສາຍພົວພັນຈີນ-ຣັດເຊຍຢ່າງຕໍ່ເນື່ອງ, ແມ່ນສິ່ງຈຳເປັນເພື່ອສືບທອດມິດຕະພາບລະຫວ່າງປະຊາຊົນສອງຊາດທຸກເຊັ່ນຄົນ, ເປັນທາງເລືອກທີ່ຕ້ອງເປັນໄປຂອງສອງຝ່າຍເພື່ອຊ່ວຍຊູຍູ້ໜູນກັນ ແລະ ຊຸກຍູ້ການພັດທະນາຊຶ່ງກັນ ແລະ ກັນ, ທັງເປັນຄວາມຮຽກຮ້ອງຂອງຍຸກສະໄໝທີ່ປົກປັກຮັກສາຄວາມຍຸຕິທຳ ຄວາມເປັນທຳຂອງສາກົນ ແລະ ຊຸກຍູ້ການປະຕິຮູບລະບົບບໍລິຫານຂອງໂລກ.
ປັດຈຸບັນນີ້, ເມື່ອຜະເຊີນໜ້າກັບກະແສລັດທິຝ່າຍດຽວ ແລະ ການກະທຳຂົ່ມເຫັງແບບມະຫາອຳນາດໃນສາກົນ, ຈີນຈະຮ່ວມກັບຣັດເຊຍ ແບກຫາບຄວາມຮັບຜິດຊອບພິເສດໃນຖານະເປັນປະເທດໃຫຍ່ໃນໂລກ ທັງເປັນສະມາຊິກຖາວອນຂອງສະພາຄວາມໝັ້ນຄົງອົງການສະຫະປະຊາຊາດ, ແບກຫາບຄວາມຮັບຜິດຊອບຢ່າງກ້າຫານ, ຮ່ວມກັນສົ່ງເສີມທັດສະນະປະຫວັດສາດທີ່ຖືກຕ້ອງກ່ຽວກັບສົງຄາມໂລກຄັ້ງທີ 2, ປົກປັກຮັກສາຄວາມສັກສິດ ແລະ ຖານະບົດບາດຂອງອົງການສະຫະປະຊາຊາດ, ເດັດດ່ຽວປົກປ້ອງສິດຜົນປະໂຫຍດຂອງຈີນ ແລະ ຣັດເຊຍ ກໍຄືປະເທດພວມພັດທະນາຈຳນວນຫຼວງຫຼາຍ, ຮ່ວມກັນຊຸກຍູ້ໃຫ້ໂລກຫັນເປັນຫຼາຍຂົ້ວຢ່າງສະເໝີພາບ ແລະ ເປັນລະບຽບ, ກໍຄື ເສດຖະກິດໂລກາພິວັດຢ່າງມີຜົນປະໂຫຍດທົ່ວໄປ ແລະ ກວມລວມ.
ຄໍາເຫັນ