ທ່ານ ໂຕເລິມ ປະທານປະເທດ ແຫ່ງ ສສ ຫວຽດນາມ ພ້ອມຄະນະຜູ້ແທນຂັ້ນສູງຂອງການນໍາພັກ-ລັດຫວຽດນາມ ໄດ້ເດີນທາງມາຢ້ຽມຢາມ ໂຮງຮຽນສອງພາສາ ລາວ-ຫວຽດນາມ ຫວງຽນຢູ

ທ່ານ ໂຕເລິມ ພ້ອມຄະນະຜູ້ແທນຂັ້ນສູງ ຢ້ຽມຢາມໂຮງຮຽນ ສອງພາສາ ລາວ-ຫວຽດນາມ ຫງວຽນຢູ

ທ່ານ ໂຕເລິມ ພ້ອມຄະນະຜູ້ແທນຂັ້ນສູງ ຢ້ຽມຢາມໂຮງຮຽນ ສອງພາສາ ລາວ-ຫວຽດນາມ ຫງວຽນຢູ
ໃນຕອນເຊົ້າວັນທີ 12 ກໍລະກົດນີ້, ທ່ານ ໂຕເລິມ ປະທານປະເທດ ແຫ່ງ ສສ ຫວຽດນາມ ພ້ອມຄະນະຜູ້ແທນຂັ້ນສູງຂອງການນໍາພັກ-ລັດຫວຽດນາມ ໄດ້ເດີນທາງມາຢ້ຽມຢາມ ໂຮງຮຽນສອງພາສາ ລາວ-ຫວຽດນາມ ຫວງຽນຢູ ໄດ້ຮັບການຕ້ອນຮັບຢ່າງສົມກຽດ ຈາກ ທ່ານ ນາງ ສີວັນເຮືອງ ເພັງຄໍາໄມ ຜູ້ອໍານວຍການໂຮງຮຽນດັ່ງກ່າວ ພ້ອມດ້ວຍບັນດາຄູ-ອາຈານ ແລະ ນັກຮຽນຂອງໂຮງຮຽນ ໂດຍມີ ທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ ເຂົ້າຮ່ວມຄະນະຢ້ຽມຢາມ ຊຶ່ງການມາຢ້ຽມຢາມຄັ້ງນີ້ແມ່ນພາຍໃຕ້ວາລະການເຄື່ອນໄຫວຢ້ຽມຢາມລັດຖະກິດ ຢູ່ ສປປ ລາວ ໃນລະຫວ່າງວັນທີ 11-12 ກໍລະກົດ 2024.

ທ່ານ ນາງ ສີວັນເຮືອງ ເພັງຄໍາໄມ ລາຍງານວ່າ: ກ່ອນໜ້ານີ້ແມ່ນໂຮງຮຽນປະຖົມຫງວຽນຢູ 1 ແລະ ຫງວຽນຢູ 2. ປີ 2005, ໂດຍໄດ້ຮັບຄວາມເອົາໃຈໃສ່ຈາກພັກ ແລະ ລັດ, ລັດຖະບານ ຫວຽດນາມ ໄດ້ມອບທຶນຈໍານວນ 500.000 ກວ່າໂດລາ ເພື່ອກໍ່ສ້າງໂຮງຮຽນ ໃນເນື້ອທີ່ 10.379 ຕາແມັດ ທີ່ລັດຖະບານລາວມອບໃຫ້. ປີ 2008 ໄດ້ສໍາເລັດການກໍ່ສ້າງ ແລະ ໄດ້ເປີດນໍາໃຊ້ມາຈົນເຖິງປັດຈຸບັນ. ໂຮງຮຽນສອງພາສາລາວ-ຫວຽດນາມຫງວຽນຢູ ແມ່ນໂຮງຮຽນຂອງສະມາຄົມຊາວຫວຽດນາມ. ໂຮງຮຽນດໍາເນີນງານພາຍໃຕ້ການຄຸ້ມຄອງຂອງຄະນະບໍລິຫານງານສະມາຄົມຊາວຫວຽດນາມນະຄອນຫຼວງວຽງຈັນ, ພາຍໃຕ້ການຊີ້ນຳໂດຍກົງຂອງສະຖານທູດຫວຽດນາມ ປະຈຳລາວ, ທິດທາງວິຊາການຂອງກະຊວງສຶກສາທິການ ແລະ ກິລາ ຂອງ ສປປ ລາວ. ໂຮງຮຽນໄດ້ບັນລຸຜົນສໍາເລັດທີ່ໜ້າພູມໃຈ ກໍຄືໄດ້ຮັບການຕີລາຄາສູງ, ເປັນໂຮງຮຽນຄຸນະພາບແຖວໜ້າຂອງເມືອງ ແລະ ໄດ້ຮັບຄວາມໄວ້ວາງໃຈຈາກຜູ້ປົກຄອງນັກຮຽນຈໍານວນຫຼາຍ. ເປັນເວລາຫຼາຍປີ, ໂຮງຮຽນໄດ້ຮັບນາມມະຍົດໂຮງຮຽນຂຽວ - ສະອາດ - ງາມ ແລະ ໂຮງຮຽນປອດຢາເສບຕິດ; ໃນແຕ່ລະປີ, ຈໍານວນນັກຮຽນສອບເສັງຈົບຊັ້ນບັນລຸເຖິງ 100%, ມີນັກຮຽນເກັ່ງລະດັບເມືອງ ແລະ ນະຄອນຫຼວງ ແລະ ນັກຮຽນຫຼາຍຄົນສາມາດສອບເສັງເຂົ້າໂຮງຮຽນພອນສະຫວັນຂອງນະຄອນຫຼວງ. ໃນສົກຮຽນ 2021-2022, ໂຮງຮຽນໄດ້ຮັບກຽດ ໄດ້ຮັບການຄັດເລືອກຈາກກະຊວງສຶກສາທິການຂອງສອງປະເທດເປັນໂຮງຮຽນທົດລອງສອນພາສາຫວຽດນາມ - ລາວແຕ່ຊັ້ນ ປ.1 ຫາ ມ.7 ເພື່ອເສີມຂະຫຍາຍຮູບແບບການສຶກສານີ້ໃນທົ່ວປະເທດລາວໃຫ້ລຸ້ນໜຸ່ມລາວມີຄວາມເຂົ້າໃຈຢ່າງເລິກເຊິ່ງກ່ຽວກັບມິດຕະພາບທີ່ເປັນມູນເຊື້ອອັນພິເສດລະຫວ່າງປະຊາຊົນສອງປະເທດ. ໂຮງຮຽນມີຕັ້ງແຕ່ຊັ້ນອະນຸບານຈົນເຖິງມັດທະຍົມສົມບູນ ແລະ ມີຈໍານວນນັກຮຽນ 1.073 ຄົນ ໂດຍມີນັກຮຽນຫວຽດນາມ ກວມປະມານ 30% ສ່ວນທີ່ເຫຼືອນັກຮຽນລາວ ແລະ ພະນັກງານຄູ-ອາຈານມີປະມານ 60 ຄົນ.

ຜູ້ອໍານວຍການໂຮງຮຽນ ໄດ້ຕີລາຄາສູງຕໍ່ການມາຢ້ຽມຢາມຂອງປະທານປະເທດວ່າ: ນີ້ເປັນການຢືນຢັນເຖິງຄວາມເອົາໃຈໃສ່ຂອງພັກ ແລະ ລັດ ທີ່ມີຕໍ່ປະຊາຊົນຊາວຫວຽດນາມຢູ່ຕ່າງປະເທດ ແລະ ລູກຫຼານປະຊາຊົນຂອງສອງຊາດລາວ-ຫວຽດນາມ; ພ້ອມນີ້, ກໍໄດ້ສະເໜີວ່າ: ເພື່ອຕອບສະໜອງຄວາມຕ້ອງການດ້ານການສຶກສາ ໃນໄລຍະໃໝ່ ຈໍາເປັນຕ້ອງມີນະໂຍບາຍການລົງທຶນໃຫ້ກັບໂຮງຮຽນເພື່ອດຶງດູດຊາວຫວຽດນາມຢູ່ຕ່າງປະເທດ ແລະ ນັກຮຽນລາວໃຫ້ມາຮ່ຳຮຽນນັບມື້ນັບຫຼາຍຂຶ້ນ; ຍົກລະດັບສິ່ງອໍານວຍຄວາມສະດວກໃຫ້ແກ່ການຮຽນການສອນ, ມອບທຶນການສຶກສາຕໍ່ ທີ່ ສສ ຫວຽດນາມ, ພິເສດແມ່ນໃຫ້ທຶນການສຶກສານັກຮຽນທີ່ໄປຮຽນຕໍ່ຄະນະສຶກສາສາດ ເພື່ອກັບມາສິດສອນຢູ່ໂຮງຮຽນ; ສ້າງສາຍສໍາພັນກັບບັນດາໂຮງຮຽນຢູ່ຫວຽດນາມ ເພື່ອໃຫ້ບັນດາຄູ-ອາຈານ ແລະ ນັກຮຽນໄດ້ໄປທັດສະນະແລກປ່ຽນ ແລະ ຖອດຖອນບົດຮຽນການຮຽນ-ການສອນທີ່ປະເທດຫວຽດນາມໃນທຸກໆໄລຍະພັກຮຽນ.

ໃນໂອກາດດັ່ງກ່າວ, ປະທານປະເທດ ແຫ່ງ ສສ ຫວຽດນາມ ກໍໄດ້ກ່າວສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ຜົນງານຂອງໂຮງຮຽນໃນຕະຫຼອດໄລຍະຜ່ານຍມາ; ພ້ອມນີ້, ກໍໄດ້ເນັ້ນໃຫ້ຄະນະທີ່ຄຸ້ມຄອງ ແລະ ໂຮງຮຽນ ເອົາໃຈໃສ່ເພີ່ມຕື່ມໃນ 3 ວຽກງານທີ່ສຳຄັນຄື: ຕ້ອງການຍົກລະດັບຄຸນນະພາບການຮຽນ-ການສອນ ໃຫ້ສູງຂຶ້ນ ໂດຍສະເພາະຕ້ອງເສີມການສອນພາສາອັງກິດ ໃຫ້ຕື່ມອີກ, ການຮຽນ-ການສອດໃຫ້ມີຄວາມສອດຄ່ອງກັບຫຼັກສູດຂອງກະຊວງສຶກສາທິການ ແລະ ກິລາຂອງລາວ ກັບ ກະຊວງສຶກສາ ແລະ ກໍ່ສ້າງຂອງຫວຽດນາມ ເພື່ອເປັນປະໂຫຍດໃນການແລກປ່ຽນນັກຮຽນ ລາວ ແລະ ຫວຽດນາມ ຫຼື ການໄປຮຽນຕໍ່ທີ່ຫວຽດນາມຂອງນັກຮຽນລາວ; ຕ້ອງໄດ້ເປີດກວ້າງຮັບນັກຮຽນບັນດາແຂວງ ແລະ ທ້ອງຖິ່ນຂອງລາວ, ມີການແລກປ່ຽນພົວພັນຮ່ວມມືກັນກັບບັນດາໂຮງຮຽນ ລາວ-ຫວຽດ ໃນບັນດາແຂວງຕ່າງໆຂອງລາວ; ຕ້ອງເພີ່ມທະວີການຮ່ວມມືກັບບັນດາໂຮງຮຽນຢູ່ຫວຽດນາມ ເພື່ອໃຫ້ມີການແລກປ່ຽນນັກຮຽນໃຫ້ຫຼາຍຂຶ້ນ.

(ຂ່າວ-ພາບ: ສຸກສະຫວັນ)

ຄໍາເຫັນ

ຂ່າວການຮ່ວມມື

ລັດຖະມົນຕີກະຊວງ ສສກ ຕ້ອນຮັບທູດປະເທດເພື່ອນມິດ

ລັດຖະມົນຕີກະຊວງ ສສກ ຕ້ອນຮັບທູດປະເທດເພື່ອນມິດ

ໃນວັນທີ 14 ກໍລະກົດ ນີ້, ທ່ານ ທອງສະລິດ ມັງໜໍ່ເມກ ລັດຖະມົນຕີກະຊວງສຶກສາທິການ ແລະ ກິລາ (ສສກ) ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບ ແລະ ພົບປະຂອງທ່ານນາງ ເມແກນ ໂຈນສ (Megen Jones) ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ອົສຕຣາລີ ປະຈຳສປປ ລາວ ແລະ ທ່ານ ໂທມັດ ລາມມາ (Thomas Lammar) ອຸປະທູດແຫ່ງຣາຊະອານາຈັກລຸກຊຳບວກປະຈຳ ສປປ ລາວ ພ້ອມຄະນະ ໃນໂອກາດທີ່ ທ່ານ ທອງສະລິດ ມັງໜໍ່ເມກ ໄດ້ຖືກແຕ່ງຕັ້ງໃຫ້ມາດຳລົງຕຳແໜ່ງເປັນລັດຖະມົນຕີກະຊວງ ສສກ ຄົນໃໝ່.
ສະແດງສີລະປະວັດທະນະທຳຮ່ວມໃຈ ໄທ - ລາວ

ສະແດງສີລະປະວັດທະນະທຳຮ່ວມໃຈ ໄທ - ລາວ

ເມື່ອບໍ່ດົນມານີ້, ທ່ານນາງ ມໍຣະກົດ ສີສະຫວັດ ເອກອັກຄະຣາຊະທູດໄທ ປະຈຳ ສປປ ລາວ ເປັນປະທານເປີດງານການສະແດງສີລະປະວັດທະນະທຳຮ່ວມໃຈ ໄທ-ລາວ ໃນໂອກາດສະເຫຼີມສະຫຼອງວັນສ້າງຕັ້ງສາຍພົວພັນທາງການທູດ ລະຫວ່າງໄທ - ສປປ ລາວ ຄົບຮອບ 75 ປີ ທີ່ຫໍວັດທະນະທຳແຫ່ງຊາດ ນະຄອນຫຼວງວຽງຈັນ. ໂດຍການເຂົ້າຮ່ວມຂອງ ທ່ານນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ ສປປ ລາວ ໂດຍມີແຂກຖືກເຊີນເຂົ້າຮ່ວມຮັບຊົມ.
ໜັງສືພິມປະຊາຊົນ ຕ້ອນຮັບຄະນະສື່ມວນຊົນ ສປ ຈີນ

ໜັງສືພິມປະຊາຊົນ ຕ້ອນຮັບຄະນະສື່ມວນຊົນ ສປ ຈີນ

ໃນວັນທີ 11 ກໍລະກົດ ຜ່ານມາ ທີ່ໜັງສືພິມປະຊາຊົນ, ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ໜັງສືພິມປະຊາຊົນ ໄດ້ຕ້ອນຮັບການມາຢ້ຽມຢາມແລະພົບປະຂອງຄະນະສື່ມວນຊົນສູນສື່ສານອາຊີ-ປາຊີຟິກ ກົມພາສາຕ່າງປະເທດ ແລະ ພິມຈໍາໜ່າຍປຶ້ມແຫ່ງປະເທດຈີນ ຊຶ່ງນໍາໂດຍທ່ານ ອ້ວງ ຫານຟີ້ງ(Wang Hanping) ຮອງສູນສື່ສານຫົວໜ້າສູນການສື່ສານອາຊີ-ປາຊີຟິກ ກົມພາສາຕ່າງປະເທດ ແລະ ການພິມຈໍາໜ່າຍປຶ້ມແຫ່ງປະເທດຈີນ ພ້ອມດ້ວຍຄະນະ. ການມາຢ້ຽມຢາມຄັ້ງນີ້ໂດຍປະຕິບັດຕາມໜັງສືເຊີນຂອງໜັງສືພິມປະຊາຊົນສຽງຂອງສູນກາງພັກ, ຄະນະໂຄສະນາອົບຮົມສູນກາງພັກ ເພື່ອພົບປະກັບໜັງສືພິມປະຊາຊົນ ແລະ ເຄື່ອນໄຫວເກັບກໍາຂ່າວ, ສ້າງສາລະຄະດີຈີນ-ອາຊຽນຮ່ວມກັນຂ້າມພູທະເລ ໃນລະຫວ່າງວັນທີ 9-12 ກໍລະກົດ 2025.
ທ່ານ ທອງສະຫວັນ ພົມວິຫານ ເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ກັບ ຄູ່ຮ່ວມເຈລະຈາອາຊຽນ

ທ່ານ ທອງສະຫວັນ ພົມວິຫານ ເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ກັບ ຄູ່ຮ່ວມເຈລະຈາອາຊຽນ

ວັນທີ 10 ມິຖຸນາ ນີ້ ທີ່ ກົວລາລໍາເປີ ປະເທດມາເລເຊຍ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ກັບ ບັນດາປະເທດຄູ່ເຈລະຈາ ຊຶ່ງປະກອບດ້ວຍ: ກອງປະຊຸມລັດຖະມົນຕີຕ່າງປະເທດ ລະຫວ່າງ ອາຊຽນ ກັບ ຈີນ, ອົສຕຣາລີ, ການາດາ, ອິນເດຍ, ນິວຊີແລນ, ຍີ່ປຸ່ນ, ຣັດດເຊຍ, ສ ເກົາຫຼີ, ສ ອາເມຣິກາ ແລະ ກອງປະຊຸມລັດຖະມົນຕີຕ່າງປະເທດອາຊຽນບວກສາມ ຄັ້ງທີ 26 ຕາມລໍາດັບ.
ກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ຍີ່ປຸ່ນ ຄັ້ງທີ 16

ກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ຍີ່ປຸ່ນ ຄັ້ງທີ 16

ໃນວັນທີ 10 ກໍລະກົດ ນີ້, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ນຳພາຄະນະຜູ້ແທນ ເຂົົ້າຮ່ວມກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ຍີ່ປຸ່ນ ຄັ້ງທີ 16 ທີ່ ຫໍປະຊຸມແຫ່ງຊາດ ກົວລາລຳເປີ ປະເທດ ມາເລເຊຍ ຊຶ່ງຈັດຂຶ້ນຄຽງຄູ່ກັບກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 58 ພາຍໃຕ້ການເປັນປະທານຮ່ວມຂອງ ທ່ານ Bui Thanh Son ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສສ ຫວຽດນາມ ແລະ ທ່ານ IWAYA Takeshi ລັດຖະມົນຕີກະຊວງການຕ່າງປະເທດ ແຫ່ງ ຍີ່ປຸ່ນ, ຊຶ່ງມີບັນດາລັດຖະມົນຕີ ແລະ ຫົວໜ້າຄະນະຜູ້ແທນຈາກປະເທດສະມາຊິກແມ່ນໍ້າຂອງ ຄື: ກຳປູເຈຍ, ສປປ ລາວ, ມຽນມາ, ໄທ ແລະ ສສ ຫວຽດນາມ ເຂົ້າຮ່ວມ.​
ລາວ - ສ ເກົາຫຼີ ລົງນາມຈັດສົ່ງແຮງງານໄປເຮັດວຽກລະດູການ

ລາວ - ສ ເກົາຫຼີ ລົງນາມຈັດສົ່ງແຮງງານໄປເຮັດວຽກລະດູການ

ທ່ານ ໂພໄຊ ໄຊຍະສອນ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ໃຫ້ກຽດຕ້ອນຮັບທ່ານ Park Yomg Cheol ເຈົ້າເມືອງກັງຮວາ ນະຄອນອິນຊອນ ສ ເກົາຫຼີ ໃນໂອກາດມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ໃນວັນທີ 10 ກໍລະກົດ ຜ່ານມາ.
ລມຕ ຕ່າງປະເທດ ລາວ - ຣັດເຊຍ ພົບປະສອງຝ່າຍ

ລມຕ ຕ່າງປະເທດ ລາວ - ຣັດເຊຍ ພົບປະສອງຝ່າຍ

​ໃນ​ວັນ​ທີ 10 ກໍລະກົດ ນີ້ ທີ່ ກົວລາລໍາເປີ ປະເທດມາເລເຊຍ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ​ໄດ້​ພົບ​ປະ​ປຶກສາຫາລືສອງຝ່າຍ​ ກັບ ທ່ານ ເຊຣເກ ລາວະຣົບ ລັດຖະມົນຕີກະຊວງການຕ່າງປະເທດ ແຫ່ງ ສະຫະພັນ ຣັດເຊຍ ໃນໂອກາດນຳພາຄະນະຜູ້ແທນລາວ ເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ (AMM) ຄັ້ງທີ 58 ທີ່ ມາເລເຊຍ.
ເລັ່ງດັດແກ້ໃບຕາດິນທີ່ໄດ້ຮັບຜົນກະທົບຈາກໂຄງການທາງລົດໄຟລາວ - ຈີນ ໃຫ້ສໍາເລັດໃນເດືອນສິງຫານີ້

ເລັ່ງດັດແກ້ໃບຕາດິນທີ່ໄດ້ຮັບຜົນກະທົບຈາກໂຄງການທາງລົດໄຟລາວ - ຈີນ ໃຫ້ສໍາເລັດໃນເດືອນສິງຫານີ້

ໃນວາລະການດຳເນີນກອງປະຊຸມສະໄໝາສາມັນ ເທື່ອ 9 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ II, ໃນວັນທີ 9 ກໍລະກົດ ຜ່ານມານີ້ ໂດຍການເປັນປະທານຂອງທ່ານ ອານຸພາບ ຕຸນາລົມ ປະທານສະພາປະຊາຊົນນະຄອນຫຼວງວຽງຈັນ, ທ່ານ ອະໂນໄທ ຈັນທະລາສີ ຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ
ລາວ ແລະ ນອກແວ ປຶກສາຫາລືເພື່ອເສີມຂະຫຍາຍການພົວພັນຮ່ວມມື

ລາວ ແລະ ນອກແວ ປຶກສາຫາລືເພື່ອເສີມຂະຫຍາຍການພົວພັນຮ່ວມມື

ໃນວັນທີ 9 ກໍລະກົດ ຜ່ານມານີ້, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດແຫ່ງ ສປປ ລາວ ໄດ້ພົບປະສອງຝ່າຍກັບ ທ່ານ ອານເດຣອັສ ມົດສະເຟ ຄຣາວິກ (Andreas Motzfeldt Kravik) ຮອງລັດຖະມົນຕີກະຊວງການຕ່າງປະເທດ ແຫ່ງ ຣາຊອານາຈັກ ນອກແວ ໃນໂອກາດເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 58 ແລະ ບັນດາກອງປະຊຸມລັດຖະ ມົນຕີທີ່ກ່ຽວຂ້ອງ ໃນວັນທີ 8-11 ກໍລະກົດ 2025 ທີ່ ກົວລາລໍາເປີ ປະເທດມາເລເຊຍ.
ທູດລາວ ປະຈໍາຍີ່ປຸ່ນ ຮັບຕ້ອນ ອະດີດອາສາສະໝັກ JICA

ທູດລາວ ປະຈໍາຍີ່ປຸ່ນ ຮັບຕ້ອນ ອະດີດອາສາສະໝັກ JICA

ຫວ່າງມໍ່ໆມານີ້, ສະຖານເອກອັກຄະລັດຖະທູດ ແຫ່ງ ສປປ ລາວ ປະຈໍາ ຍີ່ປຸ່ນ, ທ່ານ ອໍາໄພ ກິນດາວົງ ເອກອັກຄະລັດຖະທູດ ແຫ່ງ ສປປ ລາວ ປະຈໍາ ຍີ່ປຸ່ນ ແລະ ຄະນະ ໄດ້ຮັບຕ້ອນ ແລະ ພົບປະກັບທ່ານ ONISHI Norio ອະດີດອາສາສະໝັກ JICA ຊຸດທໍາອິດທີ່ລັດຖະບານຍີ່ປຸ່ນໄດ້ສົ່ງອາສາສະໝັກມາປະຈໍາຢູ່ ສປປ ລາວ ໃນປີ 1965 ພ້ອມດ້ວຍ ທ່ານ TAKAHATA Tsuneo ອະດີດຫົວໜ້າຫ້ອງການຜູ້ຕາງໜ້າອົງການ JICA ປະຈໍາ ສປປ ລາວ ຜູ້ທໍາອິດ ໃນປີ 1996 ທັງເປັນອະດີດອາສາສະໝັກ JICA ໃນປີ 1970 ແລະ ທ່ານ KATO Tomoaki ອະດີດອາສາສະໝັກ JICA, ທັງເປັນປະທານອະດີດອາສາສະໝັກ JICA ເຂົ້າຮ່ວມ.
ເພີ່ມເຕີມ