ໃນວັນທີ19ຕຸລາ ຜ່ານມາ, ທ່ານ ສະເຫຼີມໄຊ ກົມມະສິດ ກຳມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແຫ່ງ ສປປລາວ ພ້ອມດ້ວຍຄະນະໄດ້ໄປຢ້ຽມຢາມສູນພັດທະນາແລະວິໄຈຂອງບໍລິສັດຫົວເຫວີຍ (Huawei R&D Center Da Vinci Executive Exhibition Hall) ທີ່ນະຄອນຫຼວງປັກກິ່ງ.
ໃນລະຫວ່າງການຢ້ຽມຢາມທ່ານສະເຫຼີມໄຊກົມມະສິດພ້ອມດ້ວຍຄະນະໄດ້ຮັບຟັງການບັນຍາຍກ່ຽວກັບການຄົ້ນຄວ້າພັດທະນາຂອງບໍລິສັດຫົວເຫວີຍ, ລະບົບຄລາວ, ແນວຄວາມຄິດອຸດສາຫະກຳກ່ຽວກັບການຫັນເປັນດີຈີຕອນຂອງລັດເຊັ່ນ: ເມືອງອັດສະລິຍະ, ລັດເອເລັກໂຕຣນິກ (E-Government), ເໝືອງອັດສະລິຍະ, ສູນເກັບກຳຂໍ້ມູນ, ພະລັງງານແສງອາທິດ, ລົດອັດສະລິຍະ, ລະບົບ 5G, AI ແລະພະລັງງານດີຈີຕອນ.
ຈາກນັ້ນ,ທ່ານສະເຫຼີມໄຊກົມມະສິດ ໄດ້ພົບປະໂອ້ລົມກັບທ່ານໄຊມ່ອນຫຼິນ (Simon Lin) ຮອງປະທານອາວຸໂສບໍລິສັດຫົວເຫວີຍປະທານຫົວເຫວີຍປະຈຳພາກພື້ນອາຊີປາຊີຟິກ, ໄດ້ແລກປ່ຽນຄວາມຄິດເຫັນກ່ຽວກັບຄວາມສົນໃຈໃນການສືບຕໍ່ເພີ່ມທະວີການຮ່ວມມືກັນເພື່ອຍົກສູງການພັດທະນາເສດຖະກິດສັງຄົມຢູ່ ສປປ ລາວ ໃຫ້ມີຄວາມກ້າວໜ້າ ແລະ ທັນສະໄໝ.
ທ່ານສະເຫຼີມໄຊກົມມະສິດໄດ້ສະແດງຄວາມຊົມເຊີຍມາຍັງບໍລິສັດຫົວເຫວີຍທີ່ໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງສປປລາວນັບແຕ່ ບໍລິສັດ ໄດ້ເຂົ້າມາລົງທຶນ ແລະຮ່ວມມືກັບພາກສ່ວນກ່ຽວຂ້ອງຢູ່ ສປປ ລາວ ໃນຕະຫຼອດໄລຍະ25ປີ, ຫົວເຫວີຍຍັງໄດ້ມີບົດບາດສຳຄັນໃນການຫັນເປັນດີຈີຕອນແລະໄດ້ປະກອບສ່ວນເຂົ້າໃນການພັດທະນາວິທະຍາສາດແລະເຕັກໂນໂລຊີຂອງລາວແລະທ່ານຍັງຫວັງວ່າ:ຫົວເຫວີຍຈະສືບຕໍ່ສະໜັບສະໜູນຜູ້ທີ່ມີຄວາມສາມາດ, ພັດທະນາພື້ນຖານໂຄງລ່າງແລະປະກອບສ່ວນໃນການສ້າງບຸກຄະລາກອນທາງດ້ານICT. ພ້ອມກັນນັ້ນກໍມີສ່ວນຮ່ວມຢ່າງໃກ້ຊິດໃນແຜນການຍຸດທະສາດການຫັນເປັນດີຈີຕອນຂອງລັດຖະບານລາວແລະພາກສ່ວນຕ່າງໆທີ່ກ່ຽວຂ້ອງໃນອະນາຄົດ.
ທ່ານໄຊມ່ອນຫຼິນ (Simon Lin) ໄດ້ກ່າວວ່າ, ບໍລິສັດຫົວເຫວີຍມຸ່ງໝັ້ນທີ່ຈະຮ່ວມມືແລະມີສ່ວນຮ່ວມຢ່າງຕັ້ງໜ້າໃນການຫັນເປັນດີຈີຕອນຂອງຂະແໜງອຸດສາຫະກຳຕ່າງໆໃນລາວເພື່ອຮ່ວມກັນສ້າງຄວາມປອດໄພ, ຄວາມໝັ້ນຄົງແລະໜ້າເຊື່ອຖືໃນການຫັນເປັນດີຈີຕອນແລະນະວັດຕະກຳທີ່ມີກາກບອນຕ່ຳ. ຫົວເຫວີຍມຸ່ງໝັ້ນທີ່ຈະສະໜັບສະໜູນຍຸດທະສາດດ້ານດິຈິຕອນຂອງລາວ, ການພັດທະນາສີຂຽວແບບຍືນຍົງແລະຫວັງວ່າຈະສາມາດສົ່ງເສີມຄວາມກ້າວໜ້າແລະນຳເອົານະວັດຕະກຳທີ່ທັນສະໄໝເຂົ້າມານຳໃຊ້ໃນປະເທດລາວໃຫ້ຫຼາຍຂຶ້ນ.
ໃນລະຫວ່າງການຢ້ຽມຢາມທ່ານສະເຫຼີມໄຊກົມມະສິດພ້ອມດ້ວຍຄະນະໄດ້ຮັບຟັງການບັນຍາຍກ່ຽວກັບການຄົ້ນຄວ້າພັດທະນາຂອງບໍລິສັດຫົວເຫວີຍ, ລະບົບຄລາວ, ແນວຄວາມຄິດອຸດສາຫະກຳກ່ຽວກັບການຫັນເປັນດີຈີຕອນຂອງລັດເຊັ່ນ: ເມືອງອັດສະລິຍະ, ລັດເອເລັກໂຕຣນິກ (E-Government), ເໝືອງອັດສະລິຍະ, ສູນເກັບກຳຂໍ້ມູນ, ພະລັງງານແສງອາທິດ, ລົດອັດສະລິຍະ, ລະບົບ 5G, AI ແລະພະລັງງານດີຈີຕອນ.
ຈາກນັ້ນ,ທ່ານສະເຫຼີມໄຊກົມມະສິດ ໄດ້ພົບປະໂອ້ລົມກັບທ່ານໄຊມ່ອນຫຼິນ (Simon Lin) ຮອງປະທານອາວຸໂສບໍລິສັດຫົວເຫວີຍປະທານຫົວເຫວີຍປະຈຳພາກພື້ນອາຊີປາຊີຟິກ, ໄດ້ແລກປ່ຽນຄວາມຄິດເຫັນກ່ຽວກັບຄວາມສົນໃຈໃນການສືບຕໍ່ເພີ່ມທະວີການຮ່ວມມືກັນເພື່ອຍົກສູງການພັດທະນາເສດຖະກິດສັງຄົມຢູ່ ສປປ ລາວ ໃຫ້ມີຄວາມກ້າວໜ້າ ແລະ ທັນສະໄໝ.
ທ່ານສະເຫຼີມໄຊກົມມະສິດໄດ້ສະແດງຄວາມຊົມເຊີຍມາຍັງບໍລິສັດຫົວເຫວີຍທີ່ໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງສປປລາວນັບແຕ່ ບໍລິສັດ ໄດ້ເຂົ້າມາລົງທຶນ ແລະຮ່ວມມືກັບພາກສ່ວນກ່ຽວຂ້ອງຢູ່ ສປປ ລາວ ໃນຕະຫຼອດໄລຍະ25ປີ, ຫົວເຫວີຍຍັງໄດ້ມີບົດບາດສຳຄັນໃນການຫັນເປັນດີຈີຕອນແລະໄດ້ປະກອບສ່ວນເຂົ້າໃນການພັດທະນາວິທະຍາສາດແລະເຕັກໂນໂລຊີຂອງລາວແລະທ່ານຍັງຫວັງວ່າ:ຫົວເຫວີຍຈະສືບຕໍ່ສະໜັບສະໜູນຜູ້ທີ່ມີຄວາມສາມາດ, ພັດທະນາພື້ນຖານໂຄງລ່າງແລະປະກອບສ່ວນໃນການສ້າງບຸກຄະລາກອນທາງດ້ານICT. ພ້ອມກັນນັ້ນກໍມີສ່ວນຮ່ວມຢ່າງໃກ້ຊິດໃນແຜນການຍຸດທະສາດການຫັນເປັນດີຈີຕອນຂອງລັດຖະບານລາວແລະພາກສ່ວນຕ່າງໆທີ່ກ່ຽວຂ້ອງໃນອະນາຄົດ.
ທ່ານໄຊມ່ອນຫຼິນ (Simon Lin) ໄດ້ກ່າວວ່າ, ບໍລິສັດຫົວເຫວີຍມຸ່ງໝັ້ນທີ່ຈະຮ່ວມມືແລະມີສ່ວນຮ່ວມຢ່າງຕັ້ງໜ້າໃນການຫັນເປັນດີຈີຕອນຂອງຂະແໜງອຸດສາຫະກຳຕ່າງໆໃນລາວເພື່ອຮ່ວມກັນສ້າງຄວາມປອດໄພ, ຄວາມໝັ້ນຄົງແລະໜ້າເຊື່ອຖືໃນການຫັນເປັນດີຈີຕອນແລະນະວັດຕະກຳທີ່ມີກາກບອນຕ່ຳ. ຫົວເຫວີຍມຸ່ງໝັ້ນທີ່ຈະສະໜັບສະໜູນຍຸດທະສາດດ້ານດິຈິຕອນຂອງລາວ, ການພັດທະນາສີຂຽວແບບຍືນຍົງແລະຫວັງວ່າຈະສາມາດສົ່ງເສີມຄວາມກ້າວໜ້າແລະນຳເອົານະວັດຕະກຳທີ່ທັນສະໄໝເຂົ້າມານຳໃຊ້ໃນປະເທດລາວໃຫ້ຫຼາຍຂຶ້ນ.
ຄໍາເຫັນ