ເທດສະບານເມືອງໂພນທອງ ຈະຕິດຕັ້ງໄຟຟ້າເຍື່ອງທາງ ໃນຕຸລານີ້

15:21 22/09/2025

ເມື່ອບໍ່ດົນມານີ້ ທີ່ສະໂມສອນໃຫຍ່ຂອງ ເມືອງໂພນທອງ ແຂວງຫຼວງພະບາງ ໄດ້ເຊັນສັນຍາໂຄງການກໍ່ສ້າງ ແລະ ຕິດຕັ້ງ ລະບົບໄຟຟ້າເຍື່ອງທາງ ພາຍໃນເທດສະບານເມືອງ, ໂດຍມີທ່ານ ສົມວອນ ແກ້ວຄຳພອນ ຮັກສາການປະທານຄະນະກຳມະການປົກຄອງເມືອງ, ພ້ອມດ້ວຍຄະນະຮັບຜິດຊອບໂຄງການ ການລົງທຶນຂອງຂັ້ນເມືອງ ແລະ ບໍລີສັດສຸລິວົງ ຕິດຕັ້ງໄຟຟ້າຄົບວົງຈອນ ເຂົ້າຮ່ວມ.

ເທດສະບານເມອງໂພນທອງ ຈະຕດຕງໄຟຟາເຍອງທາງ ໃນຕລານ - image 1

ພິທີ ທ່ານ ບຸນສະຫວັດ ມະນີວົງ ຫົວໜ້າຫ້ອງການພະລັງງານ ແລະ ບໍ່ແຮ່ເມືອງໂພນທອງ ໄດ້ຜ່ານຂໍ້ຕົກລົງ ຂອງປະທານຄະນະກຳມະການປົກຄອງເມືອງໂພນທອງ ວ່າດ້ວຍການຮັບຮອງໂຄງການກໍ່ສ້າງ ແລະ ຕິດຕັ້ງໄຟຟ້າເຍື່ອງທາງ ໄລຍະທີ່ໜຶ່ງ, ໂດຍແມ່ນບໍລິສັດ ສຸລິວົງ ຕິດຕັ້ງໄຟຟ້າຄົບວົງຈອນຈຳກັດຜູ້ດຽວ ເປັນຜູ້ຊະນະ ໃນການປະມູນ ໃນມູນຄ່າ 4 ຕື້ 620 ລ້ານກວ່າກີບ, ໄລຍະເວລາໃນການຈັດຕັ້ງປະຕິບັດໂຄງການ 26 ເດືອນ ເລີ້ມແຕ່ວັນທີ່ 1 ຕຸລາ ປີ 2025 ຫາ ວັນທີ 1 ທັນວາ ປີ 2027, ໄລຍະທີ່ສອງ ມູນຄ່າໃນການກໍ່ສ້າງ 4 ຕື້ 621 ລ້ານກວ່າກີບ, ເລີ່ມລົງມື້ຈັດຕັ້ງປະຕິບັດ ເລີມແຕ່ວັນທີ 1 ຕຸລາ ປີ 2027 ຫາ ວັນທີ 1 ທັນວາ ປີ 2029 ໂດຍນໍາໃຊ້ທຶນຂອງລັດຖະບານ 100%, ມີຄວາມຍາວ 1,285 ແມັດ. ຈາກນັ້ນ, ໄດ້ມີການລົງນາມໃນສັນຍາການກໍ່ສ້າງ ຕາມລະບຽບກົດໝາຍຂອງລັດວາງອອກ.

ຕອນທ້າຍ ທ່ານ ສົມວອນ ແກ້ວຄໍາພອນ ໄດ້ເນັ້ນໜັກ ໃຫ້ປະຊາຊົນບັນດາເຜົ່າ ພາຍໃນເທດສະບານເມືອງ ພ້ອມກັນອຳນວຍຄວາມສະດວກໃຫ້ແກ່ບໍລິສັດ ເພື່ອເຮັດໃຫ້ການກໍ່ສ້າງຕິດຕັ້ງລະບົບໄຟຟ້າເຍື່ອງທາງ ບັນລຸຜົນສຳເລັດຕາມແຜນການ, ສ່ວນບໍລິສັດຮັບເໝົາກໍ່ສ້າງ ຕ້ອງຮັບປະກັນ ເຖິງຄຸນນະພາບຂອງການກໍ່ສ້າງ ເພື່ອເຮັດໃຫ້ການນຳໃຊ້ໄດ້ຢ່າງຍາວນານ.

(ຂ່າວ: ສົມເພັດ ໄຊມີກອນ)

ຄໍາເຫັນ

ຂ່າວວັດທະນະທຳ-ສັງຄົມ

ປຶກສາຫາລື ບັນຫາການຂາດແຄນແຮງງານພາຍໃນແຂວງໄຊສົມບູນ

22/09/2025 15:22

ໃນຕອນເຊົ້າຂອງວັນທີ 22 ກັນຍານີ້ ພະແນກແຮງງານ ແລະ ສະຫວັດດີການສັງຄົມ ແຂວງໄຊສົມບູນ ຈັດກອງປະຊຸມ ຮ່ວມກັບ ຄູ່ຮ່ວມງານ ເພື່ອປຶກສາຫາລື ແກ້ໄຂບັນຫາການຂາດແຄນ ແຮງງານພາຍໃນແຂວງ ຂຶ້ນທີ່ສະໂມສອນເມືອງອະນຸວົງ ພາຍໃຕ້ການເປັນປະທານຂອງ ທ່ານ ວັນຄໍາເກັ່ງ ຢ່າຊົງກົວ ຫົວໜ້າພະແນກ ແຮງງານ ແລະ ສະຫວັດດີການສັງຄົມແຂວງ, ພ້ອມດ້ວຍຄະນະນຳຂອງແຂວງ ແລະ ຫົວໜ່ວຍທຸລະກິດ ຕະຫຼອດຮອດພາກສ່ວນທີ່ກ່ຽວຂ້ອງເຂົ້າຮ່ວມ.

ຊາວກະສີກອນ 30 ກວ່າຄອບຄົວໄດ້ຮັບແນວພັນພືດ

22/09/2025 13:52

ເພື່ອເປັນການຊຸກຍູ້ສົ່ງເສີມໃຫ້ຊາວກະສີກອນຜູ້ທີ່ທຳການຜະລິດ (ປູກພືດ). ດັ່ງນັ້ນ, ໃນວັນທີ 19 ກັນຍາຜ່ານມານີ້, ທ່ານ ວັນລະເດດ ແກ້ວຈັນທາ ປະທານຄະນະກໍາມະການປົກຄອງ ເມືອງມຸນລະປາໂມກ ແຂວງຈຳປາສັກ, ພ້ອມດ້ວຍຄະນະ ໄດ້ນຳເອົາແນວພັນພືດໄປມອບໃຫ້ກັບຊາວກິສີກອນຜູ້ທີ່ທຳການຜະລິດ (ປູກພືດ) ຢູ່ຈຸດ ສ່ວນດອນພວນ ເມືອງມຸນລະປາໂມກ ແຂວງຈຳປາສັກ.

ບໍລິສັດ ຝຸ່ນໂປຕາສ ອາຊີ-ໂປຕາສມອບອຸປະກອນການສຶກສາໃຫ້ໂຮງຮຽນ ມສ ບ້ານດົງໃຕ້

22/09/2025 11:11

ເພື່ອຮ່ວມມືສ້າງຄວາມຝັນ, ຜູກພັນໃສ່ໃຈລູກສິດ ກິດຈະກໍາການກຸສົນຂອງຜູ້ບໍລິຫານລະດັບສູງຂອງບໍລິສັດ ອາຊີ-ໂປຕາສ ສາກົນ. ວັນທີ 16 ກັນຍານີ້, ບໍລິສັດ ຝຸ່ນໂປຕາສ ອາຊີ-ໂປຕາສ (ສາກົນ) ລາວ ຈຳກັດ ຜູ້ດຽວ ແຂວງຄໍາມ່ວນ ໄດ້ມອບອຸປະກອນການສຶກສາ ແລະ ອຸປະກອນການກິລາ ໃຫ້ແກ່ໂຮງຮຽນ ມສ ບ້ານດົງໃຕ້ ແຂວງຄໍາມ່ວນ. ຕາງໜ້າບໍລິສັດນໍາເອົາເຄື່ອງມາມອບໃນຄັ້ງນີ້ໂດຍທ່ານ ຢາງ ສົວ ຮອງຜູ້ອໍານວຍການ ບໍລິສັດ ຝຸ່ນໂປຕາສ ອາຊີ-ໂປຕາສ (ສາກົນ) ລາວ ຈຳກັດ ຜູ້ດຽວ, ຮັບໂດຍຜູ້ອໍານວຍການໂຮງຮຽນ ພ້ອມດ້ວຍພາກສ່ວນກ່ຽວຂ້ອງ ຕະຫຼອດຮອດການຈັດຕັ້ງບ້ານ, ພະນັກງານຄູ-ອາຈານ ແລະ ນ້ອງນັກຮຽນເຂົ້າຮ່ວມ.

ເມືອງບຸນໃຕ້ ມອບ-ໂອນ ວຽກງານຄຸ້ມຄອງພົນລະເມືອງ ຂຶ້ນກັບກອງບັນຊາການປ້ອງກັນຄວາມສະຫງົບເມືອງ

22/09/2025 10:58

ພິທີ ມອບ-ໂອນ ວຽກງານຄຸ້ມຄອງພົນລະເມືອງ (ຫ້ອງການພາຍໃນ) ມາຂຶ້ນກັບກອງບັນຊາການປ້ອງກັນຄວາມສະຫງົບເມືອງບຸນໃຕ້ແຂວງຜົ້ງສາລີ ໄດ້ຈັດຂຶ້ນໃນວັນທີ 16 ກັນຍານີ້ທີ່ຫ້ອງປະຊຸມໃຫຍ່ຂອງເມືອງ. ໂດຍການເຂົ້າຮ່ວມຂອງ ທ່ານ ອຸ່ນແປງ ທຳມະໂນໄຊ ຮອງເລຂາພັກເມືອງປະທານກວດກາພັກ-ລັດ, ຜູ້ຊີ້ນຳວຽກງານຂົງເຂດພັກ-ພະນັກງານ, ຫົວໜ້າຄະນະປັບປຸງກົງຈັກຂັ້ນ.

ເປີດຊູດອົບຮົມທິດສະດີການເມືອງໄລຍະສັ້ນ ໃຫ້ຄະນະພັກບ້ານ ກຸ່ມ III ກະປື

22/09/2025 10:57

ໃນວັນທີ 15 ກັນຍາຜ່ານມາທີ່ສູນການສຶກສານອກໂຮງຮຽນເມືອງທ່າແຕງ ແຂວງເຊກອງ ໄດ້ຈັດພິທີເປີດຊຸດຝຶກອົບຮົມທິດສະດີການເມືອງ ໃຫ້ຄະນະພັກຮາກຖານ-ຄະນະພັກບ້ານ ທົ່ວເຂດຈຸດສຸມພັດທະນາທີ III ກະປື, ໂດຍການເຂົ້າຮ່ວມ ຂອງສະຫາຍ ວົງເດືອນ ຈັນທະບຸດຊຽງ ກໍາມະການປະຈໍາພັກແຂວງ ຫົວໜ້າໂຮງຮຽນການເມືອງ-ການປົກຄອງແຂວງ.

ເຜີຍແຜ່ໂຄງການຊ່ວຍເຫຼືອເດັກຂ້າງຖະໜົນ ແລະ ສ້າງບຸກຄະລາກອນໃຫ້ມີຄວາມຍືນຍົງ

22/09/2025 10:47

ກົມສັງຄົມສົງເຄາະ ກະຊວງແຮງງານ ແລະ ສະຫວັດດີການສັງຄົມ (ຮສສ) ຮ່ວມກັບອົງການເພື່ອນມິດສາກົນປະຈໍາ ສປປ ລາວ ໄດ້ຈັດກອງປະຊຸມເຜີຍແຜ່ໂຄງການຊ່ວຍເຫຼືອເດັກຂ້າງຖະໜົນ ແລະ ສ້າງບຸກຄະລາກອນບໍລິຫານໂຄງການແບບຍືນຍົງໃນ ສປປ ລາວໄລຍະ V ປີ (2025-2029) ຂຶ້ນໃນວັນທີ 15 ກັນຍາຜ່ານມາ

ບໍລິສັດ ຈົງຢູນເມືອງຫຼາຊຸກຍູ້ກອງປະຊຸມໃຫຍ່ ອົງຄະນະພັກແຂວງຜົ້ງສາລີ

22/09/2025 10:33

ໃນວັນທີ 15 ກັນຍານີ້ ທີ່ຫ້ອງຮັບແຂກຂແຂວງຜົ້ງສາລີ, ບໍລິສັດ ຈົງຢູນເມືອງຫຼາ ໄດ້ນຳເອົາເງິນສົດຈຳນວນ 100 ລ້ານກີບ ເພື່ອປະກອບສ່ວນ ຊຸກຍູ້ກອງປະຊຸມໃຫຍ່ຄັ້ງທີ XII ຂອງອົງຄະນະພັກແຂວງຜົ້ງສາລີ, ຕາງໜ້າມອບໂດຍ ທ່ານ ນາງ ເຕົາຢ່າຊົງ ອໍານວຍການບໍລິສັດຈົງຢູນເມືອງຫຼາ ແລະ ຕາງໜ້າຮັບໂດຍທ່ານ ຄຳເຫຼັກ ໃຈອີສານ ຮອງເຈົ້າແຂວງ ຜູ້ຊີ້ນຳວຽກງານວັດທະນະທຳ-ສັງຄົມແຂວງຜົ້ງສາລີ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ແນະນໍາການຈັດຕັ້ງປະຕິບັດວຽກງານ IFRS 17

22/09/2025 10:28

ກົມຄຸ້ມຄອງວິສາຫະກິດການເງິນ ໄດ້ຈັດກອງປະຊຸມແນະນໍາການຈັດຕັ້ງປະຕິບັດວຽກງານມາດຕະຖານການບັນຊີສາກົນ (IFRS 17) ຂຶ້ນໃນວັນທີ 15 ກັນຍານີ້ ໂດຍການເປັນປະທານຂອງທ່ານ ໄພທູນ ທ່ຽງລະໄມ ຫົວໜ້າກົມຄຸ້ມຄອງລັດວິສາຫະກິດການເງິນ, ມີບັນດາຜູ້ຕາງໜ້າຈາກບໍລິສັດປະກັນໄພ ແລະ ຕົວແທນຂາຍປະກັນໄພ 20 ກວ່າບໍລິສັດເຂົ້າຮ່ວມ.

5 ປີ ອົງຄະນະພັກແຂວງເຊກອງ ສະໄໝທີ X ຍາດໄດ້ຜົນງານຫຼາຍດ້ານທີ່ພົ້ນເດັ່ນ

22/09/2025 10:10

ໃນໄລຍະ 5 ປີ (2021-2025) ພາຍໃຕ້ການຳພາອັນສະຫຼາດສ່ອງໃສຂອງພັກ ກໍຄື ຂອງອົງຄະນະພັກແຂວງເຊກອງສະໄໝທີ X ເຮັດໃຫ້ການຈັດຕັ້ງພັກຂັ້ນຕ່າງໆ ຮັກສາໄດ້ມູນເຊື້ອສາມັກຄີປອງດອງ, ມູນເຊື້ອວິລະຊົນຄົນອາດຫານ, ການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ X ຂອງອົງຄະນະພັກແຂວງ ສາມາດຍາດໄດ້ຜົນສຳເລັດຫຼາຍດ້ານພົ້ນເດັ່ນ ອັນສໍາຄັນເຮັດໃຫ້ແຂວງເຊກອງ ສືບຕໍ່ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບປອດໄພ, ບັນດາພື້ນຖານໂຄງລ່າງດ້ານເສດຖະກິດ-ສັງຄົມ ລວມເຖິງຊີວິດການເປັນຢູ່ຂອງປະຊາຊົນ ໄດ້ຮັບການເອົາໃຈໃສ່ ແລະ ພັດທະນາດີຂຶ້ນເປັນກ້າວໆ.

ເຊກອງ ຂຶ້ນທະບຽນ-ອອກບັດໃຫ້ແຮງງານຕ່າງປະເທດໄດ້ 1,858 ເທື່ອຄົນ

22/09/2025 10:00

ຕາມບົດສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX (2021-2025) ແລະ ທິດທາງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ X (2026-2030) ຂອງແຂວງເຊກອງ ໃຫ້ຮູ້ວ່າ: ໃນ 5 ປີຜ່ານມາ, ແຂວງເຊກອງ ຂຶ້ນທະບຽນ, ອອກບັດ ແລະ ຕໍ່ບັດອະນຸຍາດອອກແຮງງານ ໃຫ້ແຮງງານຕ່າງປະເທດທີ່ມາເຄື່ອນໄຫວເຮັດວຽກພາຍໃນແຂວງໄດ້ 1,858 ເທື່ອຄົນ ຍິງ 171 ເທື່ອຄົນ. ປະເມີນ ແລະ ຢັ້ງຢືນການຕໍ່ບັດອະນຸຍາດເຮັດວຽກ ໃຫ້ແຮງງານງານຕ່າງປະເທດໄດ້ 548 ເທື່ອຄົນ ຍິງ 80 ເທື່ອຄົນ. ໃນນີ້, ແຮງງານຫວຽດນາມ 498 ເທື່ອຄົນ ຍິງ 67 ເທື່ອຄົນ, ສປ ຈີນ 6 ເທື່ອຄົນ ຍິງ 1 ເທືຶ່ອຄົນ, ໄທ 3 ເທື່ອຄົນ ແລະ ຢິ່ປຸ່ນ 2 ເທື່ອຄົນ.

ເພີ່ມເຕີມ