ໃນຕອນເຊົ້າຂອງວັນທີ 5 ກຸມພານີ້, ສະຫາຍ ນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ພ້ອມຄະນະ ໄດ້ໄປອວຍພອນວັນສ້າງຕັ້ງພັກກອມມູນິດຫວຽດນາມ ຄົບຮອບ 94 ປີ (3/2/1930-3/2/2024) ທີ່ສຳນັກງານຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ທີ່ນະຄອນຫຼວງຮ່າໂນ້ຍ ໂດຍແມ່ນສະຫາຍ ນາງ ຫງວຽນ ທິ ຮວ່າງເວິນ ຮອງຫົວໜ້າ ຜູ້ປະຈຳການຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ໃຫ້ກຽດຕ້ອນຮັບ.
ສະຫາຍ ນາງ ຄຳເພົາ ເອີນທະວັນ ໄດ້ນຳດອກໄມ້ ແລະ ຄຳອວຍພອນອັນປະເສີດຂອງສະຫາຍ ທອງລຸນ ສີສຸລິດ ເລຂາທິການໃຫຍ່ພັກປະຊາຊົນປະຕິວັດລາວ ປະທານປະເທດແຫ່ງ ສປປ ລາວ ເຖິງສະຫາຍ ຫງວຽນ ຝູຈ້ອງ ເລຂາທິການໃຫຍ່ພັກກອມມູນິດຫວຽດນາມ ແລະ ການນຳຂັ້ນສູງພັກ, ລັດຖະບານຫວຽດນາມ ໂດຍຜ່ານຄະນະພົວພັນຕ່າງປະເທດສູນກາງພັກກອມມູນິດຫວຽດນາມ. ໃນໂອກາດດັ່ງກ່າວ, ສະຫາຍເອກອັກຄະລັດຖະທູດໄດ້ແຈ້ງໃຫ້ຊາບວ່າ: ພັກ-ລັດຖະບານລາວ ໄດ້ຕີລາຄາສູງຕໍ່ບົດບາດການນຳພາຂອງພັກກອມມູນິດຫວຽດນາມທີ່ມີຄວາມສາມາດສະຫຼາດສ່ອງໃສ, ມີໄຫວພິກ ຊຶ່ງໄດ້ສະແດງອອກທາງດ້ານການເມືອງມີຄວາມໜັກແໜ້ນ, ວຽກງານປ້ອງກັນຊາດ-ປ້ອງກັນຄວາມສະຫງົບມີສະຖຽນລະພາບ ແລະ ມີຄວາມເປັນລະບຽບຮຽບຮ້ອຍໃນສັງຄົມ, ການພັດທະນາເສດຖະກິດ-ສັງຄົມ ມີຜົນສຳເລັດອັນໃຫຍ່ຫຼວງ ເຮັດໃຫ້ປະເທດຫວຽດນາມໄດ້ຮັບການພັດທະນາຢ່າງວ່ອງໄວ ແລະ ກ້າວກະໂດດ ອັນໄດ້ເຮັດໃຫ້ຊີວິດການເປັນຢູ່ຂອງປະຊາຊົນຫວຽດນາມນັບມື້ນັບດີຂຶ້ນ. ການເຄື່ອນໄຫວດ້ານການຕ່າງປະເທດ ກໍມີບັນຍາກາດທີ່ຝົດຟື້ນ, ຊຶ່ງການນຳຂັ້ນສູງພັກ-ລັດ ໄດ້ຕ້ອນຮັບການຢ້ຽມຢາມທາງການຕ່າງປະເທດຫຼາຍຄະນະ ຈາກບັນດາປະເທດເພື່ອນມິດທີ່ຢູ່ໃກ້ ແລະ ໄກ. ການນຳ ພັກ-ລັດ ຫວຽດນາມ ກໍໄດ້ເຄື່ອນໄຫວຢ້ຽມຢາມ, ເຮັດວຽກໃນກອບສອງຝ່າຍ ແລະ ຫຼາຍຝ່າຍເປັນຈຳນວນຫຼວງຫຼາຍເຊັ່ນກັນ, ຊຶ່ງເຫັນວ່າ ປີ 2023 ທີ່ຜ່ານມາ ບົດບາດ, ອິດທິພົນຂອງ ສສ ຫວຽດນາມ ໄດ້ເດັ່ນຂຶ້ນໃນເວທີພາກພື້ນ ແລະ ສາກົນ. ສຳລັບການພົວພັນສອງຝ່າຍ ລາວ-ຫວຽດນາມ, ພັກ-ລັດຖະບານ ແຫ່ງ ສປປ ລາວ ຍາມໃດກໍຢຶດໝັ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ. ສອງຝ່າຍຍັງໄດ້ມີການແລກປ່ຽນ, ຢ້ຽມຢາມຄະນະຜູ້ແທນຂັ້ນສູງຊຶ່ງກັນ ແລະ ກັນ ເປັນຕົ້ນ: ທ່ານ ສອນໄຊ ສີພັນດອນ, ນາຍົກລັດຖະມົນຕີ ໄດ້ເດີນທາງຢ້ຽມຢາມຫວຽດນາມຢ່າງເປັນທາງການ ແລະ ຜູ້ແທນຂັ້ນສູງຂອງຫວຽດນາມ ໄດ້ເດີນທາງຢ້ຽມຢາມລາວເຊັ່ນກັນ. ນອກຈາກນັ້ນ ຍັງມີການແລກປ່ຽນຢ້ຽມຢາມ, ເຮັດວຽກຊຶ່ງກັນ ແລະ ກັນຫຼາຍຄະນະນັບແຕ່ສູນກາງລົງຮອດທ້ອງຖິ່ນ.
ເນື່ອງໃນໂອກາດວັນສ້າງຕັ້ງພັກກອມມູນິດຫວຽດນາມ ຄອບຮອບ 94 ປີ ແລະ ວັນບຸນປີໃໝ່ປະຈຳຊາດຫວຽດນາມ, ສະຫາຍທູດ ຍັງໄດ້ກ່າວຄຳອວຍພອນໄຊອັນປະເສີດມາຍັງສະຫາຍ ນາງ ຫງວຽນ ທິ ຮວ່າງເວິນ ພ້ອມຄະນະນຳ ແລະ ພະນັກງານທົ່ວຄະນະພົວພັນສູນກາງພັກກອມມູນິດຫວຽດນາມ ແລະ ອວຍພອນໃຫ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ, ຫວຽດນາມ-ລາວ ຈົ່ງໝັ້ນຄົງທະນົງແກ່ນຕະຫຼອດກາລະນານ.
ໃນໂອກາດດຽວກັນນີ້, ສະຫາຍ ນາງ ຫງວຽນ ທິ ຮວ່າງເວິນ ໄດ້ສະແດງຄວາມຂອບໃຈຕໍ່ສະຫາຍທູດ ພ້ອມຄະນະຈາກສະຖານທູດລາວທີ່ໄດ້ມາອວຍພອນເນື່ອງໃນວັນສ້າງຕັ້ງພັກກອມມູນິດຫວຽດນາມ ແລະ ວັນບຸນປີໃໝ່ປະຈຳຊາດຂອງຫວຽດນາມໃນເທື່ອນີ້, ສະແດງຄວາມຂອບໃຈຕໍ່ການນຳ ທີ່ໄດ້ສົ່ງຄຳອວຍພອນອັນປະເສີດມາຍັງການນຳຂັ້ນສູງຂອງພັກ, ລັດຫວຽດນາມ, ຊຶ່ງໄດ້ສະແດງເຖິງນ້ຳໃຈອັນສະໜິດແໜ້ນ, ເພື່ອນມິດສະຫາຍອ້າຍນ້ອງຂອງສອງປະເທດ. ຕະຫຼອດໄລຍະ 94 ປີຜ່ານມາ, ພັກກອມມູນິດຫວຽດນາມ ແມ່ນໄດ້ຄຽງບ່າຄຽງໄຫຼ່ກັບພັກປະຊາຊົນປະຕິວັດລາວ ກໍຄືລັດຖະບານ ແລະ ປະຊາຊົນລາວອ້າຍນ້ອງ, ສອງພັກມີຕົ້ນກຳເນີດຈາກພັກກອມມູນິດອິນດູຈີນຮ່ວມກັນ, ສອງປະເທດໄດ້ຊ່ວຍເຫຼືອຊຶ່ງກັນ ແລະ ກັນໃນພາລະກິດຕໍ່ສູ້ປົດປ່ອຍຊາດໃນເມື່ອກ່ອນ ກໍຄືການສ້າງສາພັດທະນາປະເທດໃນປັດຈຸບັນ. ພິເສດໃນຊຸມປີຜ່ານມາ, ສອງພັກ, ສອງລັດ ແລະ ປະຊາຊົນສອງຊາດ ໄດ້ມີການຮ່ວມມືກັນພັດທະນາປະເທດໃນທຸກຂົງເຂດ. ສະຫາຍຍັງຫວັງວ່າ ການພົວພັນຮ່ວມມືລະຫວ່າງສອງປະເທດຈະໄດ້ຮັບການພັດທະນາສູງຂຶ້ນໄປກວ່າເກົ່າ ແລະ ໃນປີ 2024 ນີ້ກໍຈະມີຫຼາຍວຽກງານທີ່ຈະໄດ້ພ້ອມກັນຈັດຕັ້ງປະຕິບັດ ຊຶ່ງໃນນັ້ນ ສະຖານທູດລາວກໍຈະໄດ້ເປັນຂົວຕໍ່ໃນການປະສານງານ ເພື່ອສົ່ງເສີມການພົວພັນຮ່ວມມືລະຫວ່າງສອງຊາດໃຫ້ນັບມື້ຂະຫຍາຍຕົວກ້າວຂຶ້ນຢ່າງບໍ່ຢຸດຢັ້ງ.
(ຂ່າວ-ພາບ: ສະຖານທູດລາວທີ່ຮ່າໂນ້ຍ)
ສະຫາຍ ນາງ ຄຳເພົາ ເອີນທະວັນ ໄດ້ນຳດອກໄມ້ ແລະ ຄຳອວຍພອນອັນປະເສີດຂອງສະຫາຍ ທອງລຸນ ສີສຸລິດ ເລຂາທິການໃຫຍ່ພັກປະຊາຊົນປະຕິວັດລາວ ປະທານປະເທດແຫ່ງ ສປປ ລາວ ເຖິງສະຫາຍ ຫງວຽນ ຝູຈ້ອງ ເລຂາທິການໃຫຍ່ພັກກອມມູນິດຫວຽດນາມ ແລະ ການນຳຂັ້ນສູງພັກ, ລັດຖະບານຫວຽດນາມ ໂດຍຜ່ານຄະນະພົວພັນຕ່າງປະເທດສູນກາງພັກກອມມູນິດຫວຽດນາມ. ໃນໂອກາດດັ່ງກ່າວ, ສະຫາຍເອກອັກຄະລັດຖະທູດໄດ້ແຈ້ງໃຫ້ຊາບວ່າ: ພັກ-ລັດຖະບານລາວ ໄດ້ຕີລາຄາສູງຕໍ່ບົດບາດການນຳພາຂອງພັກກອມມູນິດຫວຽດນາມທີ່ມີຄວາມສາມາດສະຫຼາດສ່ອງໃສ, ມີໄຫວພິກ ຊຶ່ງໄດ້ສະແດງອອກທາງດ້ານການເມືອງມີຄວາມໜັກແໜ້ນ, ວຽກງານປ້ອງກັນຊາດ-ປ້ອງກັນຄວາມສະຫງົບມີສະຖຽນລະພາບ ແລະ ມີຄວາມເປັນລະບຽບຮຽບຮ້ອຍໃນສັງຄົມ, ການພັດທະນາເສດຖະກິດ-ສັງຄົມ ມີຜົນສຳເລັດອັນໃຫຍ່ຫຼວງ ເຮັດໃຫ້ປະເທດຫວຽດນາມໄດ້ຮັບການພັດທະນາຢ່າງວ່ອງໄວ ແລະ ກ້າວກະໂດດ ອັນໄດ້ເຮັດໃຫ້ຊີວິດການເປັນຢູ່ຂອງປະຊາຊົນຫວຽດນາມນັບມື້ນັບດີຂຶ້ນ. ການເຄື່ອນໄຫວດ້ານການຕ່າງປະເທດ ກໍມີບັນຍາກາດທີ່ຝົດຟື້ນ, ຊຶ່ງການນຳຂັ້ນສູງພັກ-ລັດ ໄດ້ຕ້ອນຮັບການຢ້ຽມຢາມທາງການຕ່າງປະເທດຫຼາຍຄະນະ ຈາກບັນດາປະເທດເພື່ອນມິດທີ່ຢູ່ໃກ້ ແລະ ໄກ. ການນຳ ພັກ-ລັດ ຫວຽດນາມ ກໍໄດ້ເຄື່ອນໄຫວຢ້ຽມຢາມ, ເຮັດວຽກໃນກອບສອງຝ່າຍ ແລະ ຫຼາຍຝ່າຍເປັນຈຳນວນຫຼວງຫຼາຍເຊັ່ນກັນ, ຊຶ່ງເຫັນວ່າ ປີ 2023 ທີ່ຜ່ານມາ ບົດບາດ, ອິດທິພົນຂອງ ສສ ຫວຽດນາມ ໄດ້ເດັ່ນຂຶ້ນໃນເວທີພາກພື້ນ ແລະ ສາກົນ. ສຳລັບການພົວພັນສອງຝ່າຍ ລາວ-ຫວຽດນາມ, ພັກ-ລັດຖະບານ ແຫ່ງ ສປປ ລາວ ຍາມໃດກໍຢຶດໝັ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ. ສອງຝ່າຍຍັງໄດ້ມີການແລກປ່ຽນ, ຢ້ຽມຢາມຄະນະຜູ້ແທນຂັ້ນສູງຊຶ່ງກັນ ແລະ ກັນ ເປັນຕົ້ນ: ທ່ານ ສອນໄຊ ສີພັນດອນ, ນາຍົກລັດຖະມົນຕີ ໄດ້ເດີນທາງຢ້ຽມຢາມຫວຽດນາມຢ່າງເປັນທາງການ ແລະ ຜູ້ແທນຂັ້ນສູງຂອງຫວຽດນາມ ໄດ້ເດີນທາງຢ້ຽມຢາມລາວເຊັ່ນກັນ. ນອກຈາກນັ້ນ ຍັງມີການແລກປ່ຽນຢ້ຽມຢາມ, ເຮັດວຽກຊຶ່ງກັນ ແລະ ກັນຫຼາຍຄະນະນັບແຕ່ສູນກາງລົງຮອດທ້ອງຖິ່ນ.
ເນື່ອງໃນໂອກາດວັນສ້າງຕັ້ງພັກກອມມູນິດຫວຽດນາມ ຄອບຮອບ 94 ປີ ແລະ ວັນບຸນປີໃໝ່ປະຈຳຊາດຫວຽດນາມ, ສະຫາຍທູດ ຍັງໄດ້ກ່າວຄຳອວຍພອນໄຊອັນປະເສີດມາຍັງສະຫາຍ ນາງ ຫງວຽນ ທິ ຮວ່າງເວິນ ພ້ອມຄະນະນຳ ແລະ ພະນັກງານທົ່ວຄະນະພົວພັນສູນກາງພັກກອມມູນິດຫວຽດນາມ ແລະ ອວຍພອນໃຫ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ, ຫວຽດນາມ-ລາວ ຈົ່ງໝັ້ນຄົງທະນົງແກ່ນຕະຫຼອດກາລະນານ.
ໃນໂອກາດດຽວກັນນີ້, ສະຫາຍ ນາງ ຫງວຽນ ທິ ຮວ່າງເວິນ ໄດ້ສະແດງຄວາມຂອບໃຈຕໍ່ສະຫາຍທູດ ພ້ອມຄະນະຈາກສະຖານທູດລາວທີ່ໄດ້ມາອວຍພອນເນື່ອງໃນວັນສ້າງຕັ້ງພັກກອມມູນິດຫວຽດນາມ ແລະ ວັນບຸນປີໃໝ່ປະຈຳຊາດຂອງຫວຽດນາມໃນເທື່ອນີ້, ສະແດງຄວາມຂອບໃຈຕໍ່ການນຳ ທີ່ໄດ້ສົ່ງຄຳອວຍພອນອັນປະເສີດມາຍັງການນຳຂັ້ນສູງຂອງພັກ, ລັດຫວຽດນາມ, ຊຶ່ງໄດ້ສະແດງເຖິງນ້ຳໃຈອັນສະໜິດແໜ້ນ, ເພື່ອນມິດສະຫາຍອ້າຍນ້ອງຂອງສອງປະເທດ. ຕະຫຼອດໄລຍະ 94 ປີຜ່ານມາ, ພັກກອມມູນິດຫວຽດນາມ ແມ່ນໄດ້ຄຽງບ່າຄຽງໄຫຼ່ກັບພັກປະຊາຊົນປະຕິວັດລາວ ກໍຄືລັດຖະບານ ແລະ ປະຊາຊົນລາວອ້າຍນ້ອງ, ສອງພັກມີຕົ້ນກຳເນີດຈາກພັກກອມມູນິດອິນດູຈີນຮ່ວມກັນ, ສອງປະເທດໄດ້ຊ່ວຍເຫຼືອຊຶ່ງກັນ ແລະ ກັນໃນພາລະກິດຕໍ່ສູ້ປົດປ່ອຍຊາດໃນເມື່ອກ່ອນ ກໍຄືການສ້າງສາພັດທະນາປະເທດໃນປັດຈຸບັນ. ພິເສດໃນຊຸມປີຜ່ານມາ, ສອງພັກ, ສອງລັດ ແລະ ປະຊາຊົນສອງຊາດ ໄດ້ມີການຮ່ວມມືກັນພັດທະນາປະເທດໃນທຸກຂົງເຂດ. ສະຫາຍຍັງຫວັງວ່າ ການພົວພັນຮ່ວມມືລະຫວ່າງສອງປະເທດຈະໄດ້ຮັບການພັດທະນາສູງຂຶ້ນໄປກວ່າເກົ່າ ແລະ ໃນປີ 2024 ນີ້ກໍຈະມີຫຼາຍວຽກງານທີ່ຈະໄດ້ພ້ອມກັນຈັດຕັ້ງປະຕິບັດ ຊຶ່ງໃນນັ້ນ ສະຖານທູດລາວກໍຈະໄດ້ເປັນຂົວຕໍ່ໃນການປະສານງານ ເພື່ອສົ່ງເສີມການພົວພັນຮ່ວມມືລະຫວ່າງສອງຊາດໃຫ້ນັບມື້ຂະຫຍາຍຕົວກ້າວຂຶ້ນຢ່າງບໍ່ຢຸດຢັ້ງ.
(ຂ່າວ-ພາບ: ສະຖານທູດລາວທີ່ຮ່າໂນ້ຍ)
ຄໍາເຫັນ