ສະຖານເອກອັກຄະລັດຖະທູດ ສິງກະໂປ ປະຈຳ ສປປ ລາວ ໄດ້ຈັດງານສະເຫຼີມສະຫຼອງວັນ ຊາດ ແຫ່ງ ສາທາລະນະລັດ ສິງກະໂປ ຄົບຮອບ 58 ປີ ໃນວັນທີ 6 ຕຸລາ ຜ່ານມາ ທີ່ນະຄອນຫຼວງວຽງຈັນ ໂດຍມີ ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ, ມີທູຕານຸທູດ ແລະ ແຂກຖືກເຊີນເຂົ້າຮ່ວມ.
ທ່ານ ຊຸເດສ ມາເນຍ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ສິງກະໂປ ປະຈຳ ສປປ ລາວ ໄດ້ກ່າວວ່າ: ສາຍພົວພັນລະຫວ່າງ ສາທາລະນະລັດ ສິງກະໂປ ແລະ ສປປ ລາວ ກໍຄື ປະຊາຊົນສອງຊາດ ກໍໄດ້ຮັບການຮັດແໜ້ນຍິ່ງຂຶ້ນ. ນັບຕັ້ງແຕ່ການຍົກເລີກຂໍ້ຈໍາກັດການເດີນທາງ ໃນປີ 2022, ນັກສຶກສາຈໍານວນ 8 ກຸ່ມ ແລະ ຄະນະທ່ານໝໍສອງຄະນະຈາກ ສິງກະໂປ ໄດ້ມາຢ້ຽມຢາມປະເທດລາວ, ການໄປມາຫາສູ່ກັນລະຫວ່າງປະຊາຊົນສອງຊາດ ໄດ້ຮັບຄວາມສະດວກສະບາຍຍິ່ງຂຶ້ນ ເມື່ອການໄປມາຫາສູ່ກັນ ລະຫວ່າງ ສິງກະໂປ-ນະຄອນຫຼວງວຽງຈັນ ໄດ້ກັບມາຟົດຟື້ນຄືນໃໝ່, ລວມທັງສາຍການບິນ ສະຫຼຸດໂຕ້ ກັບມາບິນ 3 ຖ້ຽວຕໍ່ອາທິດ. ການຮ່ວມມືດ້ານການຍົກລະດັບຄວາມອາດສາມາດໃຫ້ແກ່ພະນັກງານຂອງລາວ ພາຍໃຕ້ແຜນງານຮ່ວມມືສິງກະໂປ ຫຼື (SCP) ແມ່ນເລີ່ມໃນປີ 1997 ປີດຽວກັນ ທີ່ ສປປ ລາວ ເຂົ້າເປັນສາມາຊິກ ອາຊຽນ, ຕັ້ງແຕ່ປີ 2019 ເປັນຕົ້ນມາການຝຶກອົບຮົມຈໍານວນໜຶ່ງໄດ້ຈັດຂຶ້ນທີ່ສູນຮ່ວມມືລາວ-ສິງກະໂປ ຫຼື (LSCC) ນະຄອນຫຼວງວຽງຈັນ ເຖິງປັດຈຸບັນ, ພະນັກງານລັດລາວ 16.000 ທ່ານ ໄດ້ເຂົ້າຮວມຝຶກອົບຮົມ ພາຍໃຕ້ແຜນງານຮ່ວມມືສິງກະໂປ, ພ້ອມນີ້ ຍັງມີຂອບການຮ່ວມມືສອງຝ່າຍ ຂົງເຂດວຽກງານອື່ນໆ ເປັນຕົ້ນມີບົດບັນທຶກຄວາມເຂົ້າໃຈ ວ່າດ້ວຍການປົກປ້ອງສົ່ງແວດລ້ອມ, ການປ່ຽນແປງອາກາດ ແລະ ການບໍລິຫານຈັດການຊັບພະຍາກອນນໍ້າທີ່ໄດ້ເຊັນໃນເດືອນກັນຍາຜ່ານມາ ເພື່ອສະໜອງຄວາມສະດວກໃນການແລກປ່ຽນຄວາມຮູ້, ປະສົບການໃຫ້ແກ່ນັກທຸລະກິດ, ດ້ານສາທາລະນະສຸກ, ມະຫາວິທະຍາໄລແຫ່ງຊາດສິງກະໂປ ຄະນະວິທະຍາສາດສຸຂະພາບ ສໍ ສະດີ ຮອກ ໄດ້ເປີດຫ້ອງການ ທີ່ປະເທດລາວ ໃນເດືອນກຸມພາ 2023 ຜ່ານມາ ແລະ ການຮ່ວມືໃນຂະແໜງການດີຈີຕອນເປັນຂະແໜງການທີ່ພົ້ນເດັ່ນ. ພ້ອມນີ້ ສິງກະໂປ ແລະ ສປປ ລາວ ທີ່ກຳລັງເພີ່ມທະວີສາຍພົວພັນຮ່ວມມື ໃນຂອບສອງຝ່າຍຢ່າງມີໝາກຜົນ ໂດຍການປະຕິບັດຫຼາຍໂຄງການ ເພື່ອເຊື່ອມໂຍງ ລະຫວ່າງສອງປະເທດ ແລະ ອື່ນໆ.
ທ່ານ ຊຸເດສ ມາເນຍ ໄດ້ກ່າວຕື່ມວ່າ: ປີ 2024 ເປັນປີທີ່ສໍາຄັນລະຫວ່າງ ສິງກະໂປ ແລະ ສປປ ລາວ ຈະຮ່ວມກັນສະເຫຼີມສະຫຼອງສາຍພົວພັນການທູດ ຄົບຮອບ 50 ປີ ແລະ ສິງກະໂປ ສືບຕໍ່ໄດ້ຮັບການເສີມຂະຫຍາຍໃນຊຸມປີຜ່ານມາ ແລະ ມີການແລກປ່ຽນຢ້ຽມຢາມ ຂອງການນຳ, ເປັນປົກກະຕິ ເຊັ່ນ: ທ່ານ ພັນຄໍາ ວິພາວັນ ອະດີດນາຍົກລັດຖະມົນຕີ ແຫ່ງ ສປປ ລາວ ຢ້ຽມຢາມສິງກະໂປ ຢ່າງເປັນທາງການໃນເດືອນກັນຍາ 2022, ທ່ານ ລີ ຊຽນ ລຸງ ນາຍົກລັດຖະມົນຕີ ສິງກະໂປ ໄດ້ພົບປະສອງຝ່າຍກັບ ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ໃນລະຫວ່າງການຮ່ວມກອງປະຊຸມສຸດຍອດອາຊຽນ ທີ່ປະເທດອິນໂດເນເຊຍ ໃນເດືອນພຶດສະພາ 2023, ທ່ານ ຊັນດາເຣສ ເມນ້ອນ ປະທານສານສູງສຸດສິງກະໂປ ຢ້ຽມຢາມ ສປປ ລາວ ໃນເດືອນທີ່ຜ່ານມາ ແລະ ທ່ານ ນາງ ເກຣສ ຟູ ລັດຖະມົນຕີກະຊວງຄວາມຍືນຍົງ ແລະ ສິ່ງແວດລ້ອມ ສິງກະໂປ ກໍເດີນທາງມາເຂົ້າຮ່ວມກອງປະຊຸມລັດຖະມົນຕີສິ່ງແວດລ້ອມອາຊຽນ ໃນເດືອນສິງຫາ ຜ່ານມາ ແລະ ໃນເດືອນກັນຍາ ຜ່ານມາ ທ່ານ ນາງ ອິນລາວັນ ແກ້ວບຸນພັນ ປະທານສູນກາງສະຫາພັນແມ່ຍິງລາວ ກໍໄດ້ເດີນທາງໄປຢ້ຽມຢາມສິງກະໂປ ຕາມການເຊີນຂອງ ທ່ານ ກ້ອສ ຊຸກີຟລີ ລັດຖະມົນຕີກະຊວງກິດຈະການສັງຄົມ ແລະ ຄອບຄົວ. ພ້ອມນີ້ ຈະມີການຢ້ຽມຢາມຂອງການນໍາຂັ້ນສູງ ຕື່ມອີກໃນປີໜ້າ.
ຂ່າວ-ພາບ: ຂປລ:
ທ່ານ ຊຸເດສ ມາເນຍ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ສິງກະໂປ ປະຈຳ ສປປ ລາວ ໄດ້ກ່າວວ່າ: ສາຍພົວພັນລະຫວ່າງ ສາທາລະນະລັດ ສິງກະໂປ ແລະ ສປປ ລາວ ກໍຄື ປະຊາຊົນສອງຊາດ ກໍໄດ້ຮັບການຮັດແໜ້ນຍິ່ງຂຶ້ນ. ນັບຕັ້ງແຕ່ການຍົກເລີກຂໍ້ຈໍາກັດການເດີນທາງ ໃນປີ 2022, ນັກສຶກສາຈໍານວນ 8 ກຸ່ມ ແລະ ຄະນະທ່ານໝໍສອງຄະນະຈາກ ສິງກະໂປ ໄດ້ມາຢ້ຽມຢາມປະເທດລາວ, ການໄປມາຫາສູ່ກັນລະຫວ່າງປະຊາຊົນສອງຊາດ ໄດ້ຮັບຄວາມສະດວກສະບາຍຍິ່ງຂຶ້ນ ເມື່ອການໄປມາຫາສູ່ກັນ ລະຫວ່າງ ສິງກະໂປ-ນະຄອນຫຼວງວຽງຈັນ ໄດ້ກັບມາຟົດຟື້ນຄືນໃໝ່, ລວມທັງສາຍການບິນ ສະຫຼຸດໂຕ້ ກັບມາບິນ 3 ຖ້ຽວຕໍ່ອາທິດ. ການຮ່ວມມືດ້ານການຍົກລະດັບຄວາມອາດສາມາດໃຫ້ແກ່ພະນັກງານຂອງລາວ ພາຍໃຕ້ແຜນງານຮ່ວມມືສິງກະໂປ ຫຼື (SCP) ແມ່ນເລີ່ມໃນປີ 1997 ປີດຽວກັນ ທີ່ ສປປ ລາວ ເຂົ້າເປັນສາມາຊິກ ອາຊຽນ, ຕັ້ງແຕ່ປີ 2019 ເປັນຕົ້ນມາການຝຶກອົບຮົມຈໍານວນໜຶ່ງໄດ້ຈັດຂຶ້ນທີ່ສູນຮ່ວມມືລາວ-ສິງກະໂປ ຫຼື (LSCC) ນະຄອນຫຼວງວຽງຈັນ ເຖິງປັດຈຸບັນ, ພະນັກງານລັດລາວ 16.000 ທ່ານ ໄດ້ເຂົ້າຮວມຝຶກອົບຮົມ ພາຍໃຕ້ແຜນງານຮ່ວມມືສິງກະໂປ, ພ້ອມນີ້ ຍັງມີຂອບການຮ່ວມມືສອງຝ່າຍ ຂົງເຂດວຽກງານອື່ນໆ ເປັນຕົ້ນມີບົດບັນທຶກຄວາມເຂົ້າໃຈ ວ່າດ້ວຍການປົກປ້ອງສົ່ງແວດລ້ອມ, ການປ່ຽນແປງອາກາດ ແລະ ການບໍລິຫານຈັດການຊັບພະຍາກອນນໍ້າທີ່ໄດ້ເຊັນໃນເດືອນກັນຍາຜ່ານມາ ເພື່ອສະໜອງຄວາມສະດວກໃນການແລກປ່ຽນຄວາມຮູ້, ປະສົບການໃຫ້ແກ່ນັກທຸລະກິດ, ດ້ານສາທາລະນະສຸກ, ມະຫາວິທະຍາໄລແຫ່ງຊາດສິງກະໂປ ຄະນະວິທະຍາສາດສຸຂະພາບ ສໍ ສະດີ ຮອກ ໄດ້ເປີດຫ້ອງການ ທີ່ປະເທດລາວ ໃນເດືອນກຸມພາ 2023 ຜ່ານມາ ແລະ ການຮ່ວມືໃນຂະແໜງການດີຈີຕອນເປັນຂະແໜງການທີ່ພົ້ນເດັ່ນ. ພ້ອມນີ້ ສິງກະໂປ ແລະ ສປປ ລາວ ທີ່ກຳລັງເພີ່ມທະວີສາຍພົວພັນຮ່ວມມື ໃນຂອບສອງຝ່າຍຢ່າງມີໝາກຜົນ ໂດຍການປະຕິບັດຫຼາຍໂຄງການ ເພື່ອເຊື່ອມໂຍງ ລະຫວ່າງສອງປະເທດ ແລະ ອື່ນໆ.
ທ່ານ ຊຸເດສ ມາເນຍ ໄດ້ກ່າວຕື່ມວ່າ: ປີ 2024 ເປັນປີທີ່ສໍາຄັນລະຫວ່າງ ສິງກະໂປ ແລະ ສປປ ລາວ ຈະຮ່ວມກັນສະເຫຼີມສະຫຼອງສາຍພົວພັນການທູດ ຄົບຮອບ 50 ປີ ແລະ ສິງກະໂປ ສືບຕໍ່ໄດ້ຮັບການເສີມຂະຫຍາຍໃນຊຸມປີຜ່ານມາ ແລະ ມີການແລກປ່ຽນຢ້ຽມຢາມ ຂອງການນຳ, ເປັນປົກກະຕິ ເຊັ່ນ: ທ່ານ ພັນຄໍາ ວິພາວັນ ອະດີດນາຍົກລັດຖະມົນຕີ ແຫ່ງ ສປປ ລາວ ຢ້ຽມຢາມສິງກະໂປ ຢ່າງເປັນທາງການໃນເດືອນກັນຍາ 2022, ທ່ານ ລີ ຊຽນ ລຸງ ນາຍົກລັດຖະມົນຕີ ສິງກະໂປ ໄດ້ພົບປະສອງຝ່າຍກັບ ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ໃນລະຫວ່າງການຮ່ວມກອງປະຊຸມສຸດຍອດອາຊຽນ ທີ່ປະເທດອິນໂດເນເຊຍ ໃນເດືອນພຶດສະພາ 2023, ທ່ານ ຊັນດາເຣສ ເມນ້ອນ ປະທານສານສູງສຸດສິງກະໂປ ຢ້ຽມຢາມ ສປປ ລາວ ໃນເດືອນທີ່ຜ່ານມາ ແລະ ທ່ານ ນາງ ເກຣສ ຟູ ລັດຖະມົນຕີກະຊວງຄວາມຍືນຍົງ ແລະ ສິ່ງແວດລ້ອມ ສິງກະໂປ ກໍເດີນທາງມາເຂົ້າຮ່ວມກອງປະຊຸມລັດຖະມົນຕີສິ່ງແວດລ້ອມອາຊຽນ ໃນເດືອນສິງຫາ ຜ່ານມາ ແລະ ໃນເດືອນກັນຍາ ຜ່ານມາ ທ່ານ ນາງ ອິນລາວັນ ແກ້ວບຸນພັນ ປະທານສູນກາງສະຫາພັນແມ່ຍິງລາວ ກໍໄດ້ເດີນທາງໄປຢ້ຽມຢາມສິງກະໂປ ຕາມການເຊີນຂອງ ທ່ານ ກ້ອສ ຊຸກີຟລີ ລັດຖະມົນຕີກະຊວງກິດຈະການສັງຄົມ ແລະ ຄອບຄົວ. ພ້ອມນີ້ ຈະມີການຢ້ຽມຢາມຂອງການນໍາຂັ້ນສູງ ຕື່ມອີກໃນປີໜ້າ.
ຂ່າວ-ພາບ: ຂປລ:
ຄໍາເຫັນ