ວັນທີ 5ທັນວານີ້,ທ່ານ ທອງຈັນ ມະນີໄຊ ລັດຖະມົນຕີກະຊວງພາຍໃນ ໄດ້ລົງຕິດຕາມຊຸກຍູ້ວຽກງານຂະແໜງພາຍໃນ ຢູ່ແຂວງຫຼວງນ້ຳທາ ໂດຍການຕ້ອນຮັບຂອງທ່ານ ນາງ ຄຳແດງ ກອງຈຳປາ ຫົວໜ້າພະແນກພາຍໃນແຂວງຫຼວງນ້ຳທາ, ມີບັນດາຫົວໜ້າຫ້ອງການພາຍໃນເມືອງ ແລະ ພະນັກງານ-ວິຊາການພະແນກພາຍໃນແຂວງ ຫ້ອງການພາຍໃນເມືອງ ເຂົ້າຮ່ວມ.
ການລົງຕິດຕາມຊຸກຍູ້ວຽກງານຂະແໜງພາຍໃນ ຄັ້ງນີ້ໄດ້ຮັບຟັງການລາຍງານການເຄື່ອນໄຫວຈັດຕັ້ງປະຕິບັດວຽກງານຂະແໜງພາຍໃນ ກໍຄືການຈັດຕັ້ງປະຕີບັດວຽກງານຈົດທະບຽນ ແລະ ສະຖິຕິພົນລະເມືອງ ຈາກທ່ານ ນາງ ຄຳແດງ ກອງຈຳປາໂດຍໄດ້ຍົກໃຫ້ເຫັນເຖິງຜົນສຳເລັດ, ສິ່ງທ້າທາຍ,ຂໍ້ສະດວກ ແລະ ຂໍ້ຫຍຸ້ງຍາກ ໃນການຈັດຕັ້ງປະຕິບັດວຽກງານໃນໄລຍະຜ່ານມາ; ຈາກນັ້ນ, ທ່ານ ທອງຈັນ ມະນີໄຊໄດ້ມີຄໍາເຫັນວ່າ: ຜ່ານການຮັບຟັງການລາຍງານຂອງທ່ານຫົວໜ້າພະແນກພາຍໃນແຂວງ ເຖິງແມ່ນວ່າມີຂໍ້ຫຍຸ້ງຍາກ ແລະ ສິ່ງທ້າທາຍຫຼາຍຢ່າງ ແຕ່ພາຍໃຕ້ການນໍາພາ-ຊີ້ນໍາຂອງການນໍາແຂວງ ກໍຄື ຄະນະນໍາພະແນກພາຍໃນແຂວງ ດ້ວຍຄວາມສາມັກຄີ ຂອງພະນັກງານ-ລັດຖະກອນ ພ້ອມກັນສູ້ຊົນເຮັດໃຫ້ບັນລຸຜົນສໍາເລັດໃນຫຼາຍດ້ານ ສາມາດເປັນເສນາທິການໃຫ້ແກ່ຄະນະນໍາແຂວງ ແລະ ບໍລິການຮັບໃຊ້ປະຊາຊົນ ຂົງເຂດວຽກງານຂະແໜງພາຍໃນ ໄດ້ນັບມື້ດີຂຶ້ນ. ສະນັ້ນ, ເພື່ອສືບຕໍ່ຈັດຕັ້ງຜັນຂະຫຍາຍມະຕິ ຂອງຄະນະບໍລິຫານງານສູນກາງພັກສະໄໝທີ XI ວ່າດ້ວຍການສືບຕໍ່ຍູ້ແຮງການຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ ຂະແໜງພາຍໃນ ມີວຽກຈຸດສຸມຈໍານວນໜຶ່ງ ທີ້ຈະຕ້ອງພ້ອມກັນສູ້ຊົນຈັດຕັ້ງປະຕິບັດ ເປັນຕົ້ນ: ສືບຕໍ່ປັບປຸງກົງຈັກການຈັດຕັ້ງບັນດາກະຊວງ, ອົງການ ແລະ ທ້ອງຖິ່ນ ຕິດພັນກັບການກໍານົດຕໍາແໜ່ງງານຕາມທິດກະທັດຮັດບໍ່ຊໍ້າຊ້ອນກ້າວກ່າຍວຽກງານກັນມີຄວາມເຂັ້ມແຂງໜັກແໜ້ນເປັນລະບົບໂລ່ງລ່ຽນວ່ອງໄວ ແລະມີປະສິດທິຜົນ, ຫັນການບໍລິຫານລັດເປັນທັນສະໄໝ ຫຼຸດຜ່ອນຂອດຂັ້ນ, ຫັນການບໍລິຫານຂອງລັດລົງສູ່ຮາກຖານ ແລະ ຈັດຕັ້ງປະຕິບັດວຽກງານບໍລິການຜ່ານປະຕູດຽວ ໃນຂອບເຂດທົ່ວປະເທດ.ຫັນການຄຸ້ມຄອງພະນັກງານ-ລັດຖະກອນ ເປັນທັນສະໄໝຫຼຸດຜ່ອນຈໍານວນພະນັກງານ-ລັດຖະກອນລົງ, ຄົ້ນຄວ້າການສອບເສັງເລື່ອນຕໍາແໜ່ງບໍລິຫານ, ຫັນພະນັກງານຈາກສູນກາງລົງສູ່ທ້ອງຖິ່ນ ແລະ ທ້ອງຖິ່ນມາຢູ່ສູນກາງ, ຄົ້ນຄວ້າລະບຽບການນະໂຍບາຍເງິນເດືອນ ເງິນອຸດໜູນໃຫ້ແກ່ພະນັກງານ-ລັດຖະກອນ ແລະ ປະຕິບັດນະໂຍບາຍສົ່ງເສີມວິຊາການຕໍ່ພະນັກງານ ທີ່ມີຜົນງານໃນການປະຕິບັດໜ້າທີ່.ຈັດຕັ້ງປະຕິບັດໂຄງການຈົດທະບຽນ ແລະ ສະຖິຕິ ພົນລະເມືອງດ້ວຍລະບົບທັນສະໄໝ ໃນຂອບເຂດທົ່ວປະເທດ ທີ່ພົວພັນເຖິງຄວາມຮັບຜິດ ຊອບຂອງຂະແໜງພາຍໃນ ເປັນຕົ້ນແມ່ນການຈົດທະບຽນການເກີດການແຕ່ງດອງການຢ່າຮ້າງການເສຍຊີວິດ ແລະການຍົກຍ້າຍຂອງພົນລະເມືອງ. ຄົ້ນຄວ້າການສ້າງກົງຈັກການປົກຄອງຂັ້ນຕາແສງ ທີ່ເປັນຂອດລະຫວ່າງກາງຂອງຂັ້ນບ້ານ ກັບ ເມືອງ ໝາຍວ່າລະບົບການປົກຄອງຂອງ ສປປ ລາວ ມີ 3 ຂັ້ນຄື: ຂັ້ນແຂວງ, ເມືອງ ແລະ ຕາແສງສ່ວນບ້ານແມ່ນການຈັດຕັ້ງຊຸມຊົນ, ສືບຕໍ່ຈັດຕັ້ງປະຕິບັດວຽກງານສາມສ້າງພ້ອມທັງຈັດກອງປະຊຸມທົ່ວປະເທດເພື່ອສະຫຼຸບຕີລາຄາຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບການຈັດຕັ້ງປະຕິບັດວຽກງານສາມສ້າງ ເຂົ້າສູ່ລວງເລິກ. ຮ່ວມກັບພາກສ່ວນທີ່ກ່ຽວຂ້ອງ ຈັດຕັ້ງປະຕິບັດໂຄງການສໍາຫຼວດ,ວັດແທກປັກຫຼັກໝາຍ ແລະ ສ້າງແຜນທີ່ເສັ້ນຊາຍແດນລະຫວ່າງຊາດ ກັບບັນດາປະເທດທີ່ຍັງບໍ່ທັນສໍາເລັດ(ລາວ-ໄທ, ລາວ-ກໍາປູເຈຍ) ສໍາຫຼວດວັດແທກ ແລະ ສ້າງແຜນທີ່ຢູ່ບາງບໍລິເວນຈຸດສຸມພັດທະນາເສດຖະກິດ-ສັງຄົມ ແລະ ກໍານົດເຂດແດນເຊື່ອມຕໍ່ລະຫວ່າງເມືອງກັບເມືອງ, ບ້ານກັບບ້ານໃຫ້ມີຄວາມຖືກຕ້ອງຊັດເຈນ.ຄົ້ນຄວ້າຫັນຫົວໜ່ວຍວິຊາການທີ່ມີລາຍຮັບໄປກຸ້ມຕົນເອງທາງດ້ານງົບປະມານເທືຶ່ອລະກ້າວ ແລະ ຫັນພະນັກງານ-ວິຊາການ ຢູ່ຫົວໜ່ວຍດັ່ງກ່າວ ເປັນພາລະກອນ.
ໃນໂອກາດນີ້ ໄດ້ມີພິທີມອບ-ຮັບອຸປະກອນໄອທີ ຂອງໂຄງການຈົດທະບຽນ ແລະ ສະຖິຕິພົນລະເມືອງ ໃຫ້ແກ່ຂະແໜງຄຸ້ມຄອງພົນລະເມືອງ ພະແນກພາຍໃນແຂວງ ແລະ ບັນດາຫ້ອງການພາຍໃນເມືອງ ເພື່ອນໍາໃຊ້ເຂົ້າໃນການຕິດຕັ້ງເຊື່ອມຕໍ່ລະບົບຂໍ້ມູນຄຸ້ມຄອງພົນລະເມືອງແບບເອເລັກໂຕຣນິກ ກໍຄືອໍານວຍຄວາມສະດວກໃຫ້ວຽກງານຈົດທະບຽນ ແລະ ສະຖິຕິພົນລະເມືອງ, ຊຶ່ງປະກອບມີ ຄອມພີວເຕີແລັບທອບ ຈຳນວນ 11ເຄື່ອງ, ເຄື່ອງພິມເອກະສານ 6ເຄື່ອງ ພ້ອມນ້ຳມຶກ ແລະ ເຄື່ອງສະແກນເອກະສານ 6ເຄື່ອງ ລວມເປັນມູນຄ່າທັງໝົດ238ລ້ານກວ່າກີບ ໂດຍມອບ-ຮັບກັນລະຫວ່າງ ທ່ານ ເສົາທຽນ ວົງໄຊຍາ ຮອງຫົວໜ້າກົມຄຸ້ມຄອງພົນລະເມືອງ ກະຊວງພາຍໃນ ແລະ ທ່ານ ນ. ຄຳແດງ ກອງຈຳປາ ຫົວໜ້າພະແນກພາຍໃນແຂວງຫຼວງນ້ຳທາ ແລະ ໃຫ້ກຽດເຂົ້າຮ່ວມພິທີຂອງ ທ່ານ ທອງຈັນ ມະນີໄຊ ລັດຖະມົນຕີກະຊວງພາຍໃນ, ທ່ານ ວຽງສະຫວັດ ສີພັນດອນ ເຈົ້າແຂວງຫຼວງນ້ຳທາ, ຄະນະພະແນກພາຍໃນແຂວງ-ຫົວໜ້າຫ້ອງການພາຍໃນເມືອງ ພ້ອມດ້ວຍພາກສ່ວນກ່ຽວຂ້ອງ.
ທ່ານ ທອງຈັນ ມະນີໄຊມີຄຳເຫັນຕໍ່ພິທີວ່າ:ການສະໜອງອຸປະກອນໄອທີ ໃຫ້ແກ່ຂະແໜງການທີ່ກ່ຽວຂ້ອງຂັ້ນແຂວງ ແລະ ເມືອງ ໃນຄັ້ງນີ້ເພື່ອແນໃສ່ເຮັດໃຫ້ການຄຸ້ມຄອງພົນລະເມືອງເຂົ້າສູ່ລະບົບທີ່ທັນສະໄໝ, ຮັບປະກັນທາງດ້ານປະສິດທິພາບສູງ, ມິຄວາມຊັດເຈນ ແລະ ມີຄວາມຖືກຕ້ອງຫຼາຍຂຶ້ນ, ຊຶ່ງການຈົດທະບຽນ ແລະ ເກັບກຳສະຖິຕິພົນລະເມືອງ ເປັນວຽກງານໜຶ່ງທີ່ມີຄວາມສຳຄັນ ໃນການໃຫ້ເອກະລັກທາງດ້ານກົດໝາຍແກ່ບຸກຄົນ, ສິດຂອງພົນລະເມືອງ ແລະ ຮັບຮູ້ຄວາມເປັນຕົວຕົນຕໍ່ກົດໝາຍຂອງບຸກຄົນ, ເປັນຫຼັກຖານທີ່ອ້າງອີງໃຫ້ແກ່ບຸກຄົນ, ເປັນຂໍ້ມູນໃນການເກີດ, ອາຍຸ, ສາຍພົວພັນຂອງພໍ່ແມ່ ແລະ ຍາດຕິພີ່ນ້ອງ ພ້ອມທັງຈະໄດ້ຮັບສິດໃນການປົກປ້ອງຕໍ່ຜົນປະໂຫຍດຂອງບຸກຄົນ ລວມເຖິງການເຂົ້າເຖິງການບໍລິການຕ່າງໆ. ທ່ານຮອງລັດຖະມົນຕີກະຊວງພາຍໃນ ຍັງຮຽກຮ້ອງມາຍັງຂະແໜງການກ່ຽວຂ້ອງ ຈົ່ງໄດ້ນຳໃຊ້ອຸປະກອບດັ່ງກ່າວໃຫ້ຖືກຕາມເປົ້າໝາຍ, ຮັບປະກັນເຮັດໃຫ້ວຽກງານໄດ້ຮັບການຈັດຕັ້ງປະຕິບັດມີຜົນສຳເລັດ ແລະ ເກີດປະໂຫຍດສຸງສຸດ ພ້ອມທັງມີການຄຸ້ມຄອງ, ບຳລຸງປົກປັກຮັກສາ ເພື່ອໃຫ້ຊົມໃຊ້ໄດ້ຢ່າງຍາວນານ.
(ຂ່າວ-ພາບ: ຫຼວງນໍ້າທາ)
ການລົງຕິດຕາມຊຸກຍູ້ວຽກງານຂະແໜງພາຍໃນ ຄັ້ງນີ້ໄດ້ຮັບຟັງການລາຍງານການເຄື່ອນໄຫວຈັດຕັ້ງປະຕິບັດວຽກງານຂະແໜງພາຍໃນ ກໍຄືການຈັດຕັ້ງປະຕີບັດວຽກງານຈົດທະບຽນ ແລະ ສະຖິຕິພົນລະເມືອງ ຈາກທ່ານ ນາງ ຄຳແດງ ກອງຈຳປາໂດຍໄດ້ຍົກໃຫ້ເຫັນເຖິງຜົນສຳເລັດ, ສິ່ງທ້າທາຍ,ຂໍ້ສະດວກ ແລະ ຂໍ້ຫຍຸ້ງຍາກ ໃນການຈັດຕັ້ງປະຕິບັດວຽກງານໃນໄລຍະຜ່ານມາ; ຈາກນັ້ນ, ທ່ານ ທອງຈັນ ມະນີໄຊໄດ້ມີຄໍາເຫັນວ່າ: ຜ່ານການຮັບຟັງການລາຍງານຂອງທ່ານຫົວໜ້າພະແນກພາຍໃນແຂວງ ເຖິງແມ່ນວ່າມີຂໍ້ຫຍຸ້ງຍາກ ແລະ ສິ່ງທ້າທາຍຫຼາຍຢ່າງ ແຕ່ພາຍໃຕ້ການນໍາພາ-ຊີ້ນໍາຂອງການນໍາແຂວງ ກໍຄື ຄະນະນໍາພະແນກພາຍໃນແຂວງ ດ້ວຍຄວາມສາມັກຄີ ຂອງພະນັກງານ-ລັດຖະກອນ ພ້ອມກັນສູ້ຊົນເຮັດໃຫ້ບັນລຸຜົນສໍາເລັດໃນຫຼາຍດ້ານ ສາມາດເປັນເສນາທິການໃຫ້ແກ່ຄະນະນໍາແຂວງ ແລະ ບໍລິການຮັບໃຊ້ປະຊາຊົນ ຂົງເຂດວຽກງານຂະແໜງພາຍໃນ ໄດ້ນັບມື້ດີຂຶ້ນ. ສະນັ້ນ, ເພື່ອສືບຕໍ່ຈັດຕັ້ງຜັນຂະຫຍາຍມະຕິ ຂອງຄະນະບໍລິຫານງານສູນກາງພັກສະໄໝທີ XI ວ່າດ້ວຍການສືບຕໍ່ຍູ້ແຮງການຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ ຂະແໜງພາຍໃນ ມີວຽກຈຸດສຸມຈໍານວນໜຶ່ງ ທີ້ຈະຕ້ອງພ້ອມກັນສູ້ຊົນຈັດຕັ້ງປະຕິບັດ ເປັນຕົ້ນ: ສືບຕໍ່ປັບປຸງກົງຈັກການຈັດຕັ້ງບັນດາກະຊວງ, ອົງການ ແລະ ທ້ອງຖິ່ນ ຕິດພັນກັບການກໍານົດຕໍາແໜ່ງງານຕາມທິດກະທັດຮັດບໍ່ຊໍ້າຊ້ອນກ້າວກ່າຍວຽກງານກັນມີຄວາມເຂັ້ມແຂງໜັກແໜ້ນເປັນລະບົບໂລ່ງລ່ຽນວ່ອງໄວ ແລະມີປະສິດທິຜົນ, ຫັນການບໍລິຫານລັດເປັນທັນສະໄໝ ຫຼຸດຜ່ອນຂອດຂັ້ນ, ຫັນການບໍລິຫານຂອງລັດລົງສູ່ຮາກຖານ ແລະ ຈັດຕັ້ງປະຕິບັດວຽກງານບໍລິການຜ່ານປະຕູດຽວ ໃນຂອບເຂດທົ່ວປະເທດ.ຫັນການຄຸ້ມຄອງພະນັກງານ-ລັດຖະກອນ ເປັນທັນສະໄໝຫຼຸດຜ່ອນຈໍານວນພະນັກງານ-ລັດຖະກອນລົງ, ຄົ້ນຄວ້າການສອບເສັງເລື່ອນຕໍາແໜ່ງບໍລິຫານ, ຫັນພະນັກງານຈາກສູນກາງລົງສູ່ທ້ອງຖິ່ນ ແລະ ທ້ອງຖິ່ນມາຢູ່ສູນກາງ, ຄົ້ນຄວ້າລະບຽບການນະໂຍບາຍເງິນເດືອນ ເງິນອຸດໜູນໃຫ້ແກ່ພະນັກງານ-ລັດຖະກອນ ແລະ ປະຕິບັດນະໂຍບາຍສົ່ງເສີມວິຊາການຕໍ່ພະນັກງານ ທີ່ມີຜົນງານໃນການປະຕິບັດໜ້າທີ່.ຈັດຕັ້ງປະຕິບັດໂຄງການຈົດທະບຽນ ແລະ ສະຖິຕິ ພົນລະເມືອງດ້ວຍລະບົບທັນສະໄໝ ໃນຂອບເຂດທົ່ວປະເທດ ທີ່ພົວພັນເຖິງຄວາມຮັບຜິດ ຊອບຂອງຂະແໜງພາຍໃນ ເປັນຕົ້ນແມ່ນການຈົດທະບຽນການເກີດການແຕ່ງດອງການຢ່າຮ້າງການເສຍຊີວິດ ແລະການຍົກຍ້າຍຂອງພົນລະເມືອງ. ຄົ້ນຄວ້າການສ້າງກົງຈັກການປົກຄອງຂັ້ນຕາແສງ ທີ່ເປັນຂອດລະຫວ່າງກາງຂອງຂັ້ນບ້ານ ກັບ ເມືອງ ໝາຍວ່າລະບົບການປົກຄອງຂອງ ສປປ ລາວ ມີ 3 ຂັ້ນຄື: ຂັ້ນແຂວງ, ເມືອງ ແລະ ຕາແສງສ່ວນບ້ານແມ່ນການຈັດຕັ້ງຊຸມຊົນ, ສືບຕໍ່ຈັດຕັ້ງປະຕິບັດວຽກງານສາມສ້າງພ້ອມທັງຈັດກອງປະຊຸມທົ່ວປະເທດເພື່ອສະຫຼຸບຕີລາຄາຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບການຈັດຕັ້ງປະຕິບັດວຽກງານສາມສ້າງ ເຂົ້າສູ່ລວງເລິກ. ຮ່ວມກັບພາກສ່ວນທີ່ກ່ຽວຂ້ອງ ຈັດຕັ້ງປະຕິບັດໂຄງການສໍາຫຼວດ,ວັດແທກປັກຫຼັກໝາຍ ແລະ ສ້າງແຜນທີ່ເສັ້ນຊາຍແດນລະຫວ່າງຊາດ ກັບບັນດາປະເທດທີ່ຍັງບໍ່ທັນສໍາເລັດ(ລາວ-ໄທ, ລາວ-ກໍາປູເຈຍ) ສໍາຫຼວດວັດແທກ ແລະ ສ້າງແຜນທີ່ຢູ່ບາງບໍລິເວນຈຸດສຸມພັດທະນາເສດຖະກິດ-ສັງຄົມ ແລະ ກໍານົດເຂດແດນເຊື່ອມຕໍ່ລະຫວ່າງເມືອງກັບເມືອງ, ບ້ານກັບບ້ານໃຫ້ມີຄວາມຖືກຕ້ອງຊັດເຈນ.ຄົ້ນຄວ້າຫັນຫົວໜ່ວຍວິຊາການທີ່ມີລາຍຮັບໄປກຸ້ມຕົນເອງທາງດ້ານງົບປະມານເທືຶ່ອລະກ້າວ ແລະ ຫັນພະນັກງານ-ວິຊາການ ຢູ່ຫົວໜ່ວຍດັ່ງກ່າວ ເປັນພາລະກອນ.
ໃນໂອກາດນີ້ ໄດ້ມີພິທີມອບ-ຮັບອຸປະກອນໄອທີ ຂອງໂຄງການຈົດທະບຽນ ແລະ ສະຖິຕິພົນລະເມືອງ ໃຫ້ແກ່ຂະແໜງຄຸ້ມຄອງພົນລະເມືອງ ພະແນກພາຍໃນແຂວງ ແລະ ບັນດາຫ້ອງການພາຍໃນເມືອງ ເພື່ອນໍາໃຊ້ເຂົ້າໃນການຕິດຕັ້ງເຊື່ອມຕໍ່ລະບົບຂໍ້ມູນຄຸ້ມຄອງພົນລະເມືອງແບບເອເລັກໂຕຣນິກ ກໍຄືອໍານວຍຄວາມສະດວກໃຫ້ວຽກງານຈົດທະບຽນ ແລະ ສະຖິຕິພົນລະເມືອງ, ຊຶ່ງປະກອບມີ ຄອມພີວເຕີແລັບທອບ ຈຳນວນ 11ເຄື່ອງ, ເຄື່ອງພິມເອກະສານ 6ເຄື່ອງ ພ້ອມນ້ຳມຶກ ແລະ ເຄື່ອງສະແກນເອກະສານ 6ເຄື່ອງ ລວມເປັນມູນຄ່າທັງໝົດ238ລ້ານກວ່າກີບ ໂດຍມອບ-ຮັບກັນລະຫວ່າງ ທ່ານ ເສົາທຽນ ວົງໄຊຍາ ຮອງຫົວໜ້າກົມຄຸ້ມຄອງພົນລະເມືອງ ກະຊວງພາຍໃນ ແລະ ທ່ານ ນ. ຄຳແດງ ກອງຈຳປາ ຫົວໜ້າພະແນກພາຍໃນແຂວງຫຼວງນ້ຳທາ ແລະ ໃຫ້ກຽດເຂົ້າຮ່ວມພິທີຂອງ ທ່ານ ທອງຈັນ ມະນີໄຊ ລັດຖະມົນຕີກະຊວງພາຍໃນ, ທ່ານ ວຽງສະຫວັດ ສີພັນດອນ ເຈົ້າແຂວງຫຼວງນ້ຳທາ, ຄະນະພະແນກພາຍໃນແຂວງ-ຫົວໜ້າຫ້ອງການພາຍໃນເມືອງ ພ້ອມດ້ວຍພາກສ່ວນກ່ຽວຂ້ອງ.
ທ່ານ ທອງຈັນ ມະນີໄຊມີຄຳເຫັນຕໍ່ພິທີວ່າ:ການສະໜອງອຸປະກອນໄອທີ ໃຫ້ແກ່ຂະແໜງການທີ່ກ່ຽວຂ້ອງຂັ້ນແຂວງ ແລະ ເມືອງ ໃນຄັ້ງນີ້ເພື່ອແນໃສ່ເຮັດໃຫ້ການຄຸ້ມຄອງພົນລະເມືອງເຂົ້າສູ່ລະບົບທີ່ທັນສະໄໝ, ຮັບປະກັນທາງດ້ານປະສິດທິພາບສູງ, ມິຄວາມຊັດເຈນ ແລະ ມີຄວາມຖືກຕ້ອງຫຼາຍຂຶ້ນ, ຊຶ່ງການຈົດທະບຽນ ແລະ ເກັບກຳສະຖິຕິພົນລະເມືອງ ເປັນວຽກງານໜຶ່ງທີ່ມີຄວາມສຳຄັນ ໃນການໃຫ້ເອກະລັກທາງດ້ານກົດໝາຍແກ່ບຸກຄົນ, ສິດຂອງພົນລະເມືອງ ແລະ ຮັບຮູ້ຄວາມເປັນຕົວຕົນຕໍ່ກົດໝາຍຂອງບຸກຄົນ, ເປັນຫຼັກຖານທີ່ອ້າງອີງໃຫ້ແກ່ບຸກຄົນ, ເປັນຂໍ້ມູນໃນການເກີດ, ອາຍຸ, ສາຍພົວພັນຂອງພໍ່ແມ່ ແລະ ຍາດຕິພີ່ນ້ອງ ພ້ອມທັງຈະໄດ້ຮັບສິດໃນການປົກປ້ອງຕໍ່ຜົນປະໂຫຍດຂອງບຸກຄົນ ລວມເຖິງການເຂົ້າເຖິງການບໍລິການຕ່າງໆ. ທ່ານຮອງລັດຖະມົນຕີກະຊວງພາຍໃນ ຍັງຮຽກຮ້ອງມາຍັງຂະແໜງການກ່ຽວຂ້ອງ ຈົ່ງໄດ້ນຳໃຊ້ອຸປະກອບດັ່ງກ່າວໃຫ້ຖືກຕາມເປົ້າໝາຍ, ຮັບປະກັນເຮັດໃຫ້ວຽກງານໄດ້ຮັບການຈັດຕັ້ງປະຕິບັດມີຜົນສຳເລັດ ແລະ ເກີດປະໂຫຍດສຸງສຸດ ພ້ອມທັງມີການຄຸ້ມຄອງ, ບຳລຸງປົກປັກຮັກສາ ເພື່ອໃຫ້ຊົມໃຊ້ໄດ້ຢ່າງຍາວນານ.
(ຂ່າວ-ພາບ: ຫຼວງນໍ້າທາ)
ຄໍາເຫັນ