ຫວ່າງມໍ່ໆມານີ້ວ່າ: ໃນນາມເປັນຜູ້ສືບທອດພາລະກິດປົກປັກຮັກສາ ແລະ ພັດທະນາປະເທດຊາດ ຂໍສະແດງຄວາມຮູ້ບຸນຄຸນຢ່າງລົ້ນເຫຼືອ ຂອງການນຳພັກ-ລັດ ທຸກຮຸ່ນທີ່ໄດ້ພ້ອມກັນເສຍສະຫຼະອຸທິດເລືອດເນື້ອເຫື່ອແຮງຂອງຕົນຢ່າງບໍ່ຮູ້ອິດເມື່ອຍ ເຮັດໃຫ້ປະເທດຊາດປົດປ່ອຍອອກຈາກແອກປົກຄອງຂອງພວກລ່າເມືອງຂຶ້ນຄອບງໍາໄດ້ຢ່າງມີໄຊ. ເພື່ອປົກປັກຮັກສາເຂດນ້ຳແດນດິນອັນແສນຮັກຂອງປະຊາຊົນລາວທັງຊາດ, ເຮັດໃຫ້ເຊັ່ນລູກເຊັ່ນຫຼານໄດ້ຮັບຮູ້ຜົນງານທີ່ອົງອາດກ້າຫານ,ຄວາມມີໄຫວພິບ, ຄວາມສະຫຼາດສ່ອງໃສຂອງພວກເພິ່ນໃນອະດີດ.
ພາຍຫຼັງປະເທດຊາດໄດ້ຮັບການປົດປ່ອຍ ມາຮອດປັດຈຸບັນ ສປປ ລາວ ໄດ້ມີສັນຕິພາບ,ປະເທດຊາດ ມີຄວາມສະຫງົບ ສັງຄົມມີຄວາມປອດໄພ, ປະຊາຊົນມີຄວາມສົມບູນພູນສຸກ ແລະ ໄດ້ສືບຕໍ່ສ້າງສາພັດທະນາປະເທດຊາດ ມີຊື່ສຽງກ້າວຂຶ້ນສູ່ເວທີສາກົນ ແລະ ໃນໂລກ.
ໃນນາມຜູ້ເປັນລູກ, ເປັນຫຼານ, ເປັນພະນັກງານຄຸ້ມຄອງ ຈະສືບຕໍ່ມີສ່ວນຮ່ວມໃນການນຳພາ-ຊີ້ນຳໃນຂົງເຂດຄວາມຮັບຜິດຊອບໃຫ້ດີ ຈະອອກແຮງປະຕິບັດແນວທາງຂອງພັກ, ກົດໝາຍຂອງລັດ ເຂົ້າສູ່ວຽກງານຕົວຈິງ ພ້ອມທັງຈະນໍາເອົາມູນເຊື້ອວັນຊາດທີ 2 ທັນວາ ໄປເຜີຍແຜ່ໃຫ້ພະນັກງານ, ທະຫານ, ຕໍາຫຼວດ ແລະ ປະຊາຊົນໃຫ້ຮັບຮູ້, ເຂົ້າໃຈຜົນງານອັນລໍ້າຄ່າ, ວິລະກຳອັນລ້ຳເລີດ, ຄວາມຊື່ສັດບໍລິສຸດ, ຈົງຮັກພັກດີ, ການເສຍສະຫຼະເພື່ອສ່ວນລວມຂອງການນໍາຮຸ່ນກ່ອນແລະ ການນຳຮຸ່ນປັດຈຸບັນ ຊຶ່ງຈະເຮັດໃຫ້ປະເທດຊາດມັ່ງຄັ່ງເຂັ້ມແຂງ, ສັງຄົມມີຄວາມສະງົບ, ສີວິໄລ ແລະ ຍຸຕິທໍາ, ດັ່ງຄໍາເວົ້າທີ່ວ່າ: ມີອະດີດ ຈຶ່ງມີປັດຈຸບັນ, ມີປັດຈຸບັນ ຈຶ່ງມີອະນາຄົດ.
ຖືໂອກາດນີ້,ຂໍຮຽກຮ້ອງມາຍັງປະຊາຊົນແຂວງຫຼວງນໍ້າທາ ຈົ່ງເພີ່ມທະວີຄວາມສາມັກຄີເປັນປຶກແຜ່ນ ພ້ອມກັບປວງຊົນລາວທົ່ວທັງຊາດປະກອບສ່ວນໃນການປົກປັກຮັກສາ-ສ້າງສາພັດທະນາປະເທດຊາດ ຂອງ ສປປ ລາວ ໄວ້ໃຫ້ໝັ້ນຄົງ ມີຄວາມເຂັ້ມແຂງ ແລະ ພັດທະນາກ້າວຂຶ້ນຢ່າງບໍ່ຢຸດຢັ້ງ.
ນໍ້າໃຈວັນຊາດ ທີ 2 ທັນວາ ໝັ້ນຍືນ !.
ຄໍາເຫັນ