ໄຊຍະບູລີ ສະຫຼອງວັນເດັກສາກົນ ແລະ ວັນສົນທິສັນຍາ ວ່າດ້ວຍສິດທິເດັກ

ທ່ານ ຄໍາພຽນ ປັນຍາວົງ ຄະນະປະຈໍາພັກເມືອງ ປະທານຄະນະກວດກາພັກເມືອງ ປະທານອົງການກວດກາລັດເມືອງ ໄດ້ຂຶ້ນກ່າວຄໍາປາໄສຕໍ່ພິສະຫຼອງວັນເດັກສາກົນ ແລະ ວັນສົນທິສັນຍາ ວ່າດ້ວຍສິດທິເດັກ ທ່ານໃຫ້ຮູ້ວ່າ: ການຈັດພິທີດັ່ງກ່າວນີ້ຂຶ້ນ ແມ່ນມີຄວາມໝາຍຄວາມສໍາຄັນຍິ່ງ ດ້ານໜຶ່ງກໍແມ່ນສະແດງເຖິງຄວາມເອົາໃຈໃສ່ຄວາມເປັນຫ່ວງເປັນໃຍຂອງການຈັດຕັ້ງພັກ-ລັດ, ຄູ-ອາຈານ, ພໍ່-ແມ່, ລຸງ-ປ້າ, ອາວ-ອາ ທີ່ມີຕໍ່ອະນາຄົດຂອງລູກຫຼານເຍົາວະຊົນ ຜູ້ເປັນໜໍ່ແໜງສືບທອດພາລະກິດປະຕິວັດຂອງຊາດ. ຍາມໃດພວກເຮົາກໍຖື ສໍາຄັນວ່າ “ເດັກໃນວັນນີ້ ຄືຜູ້ໃຫຍ່ໃນວັນໜ້າ, ເດັກຄືອະນາຄົດຂອງປະເທດຊາດ ” ອະດີດ ປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກກ່າວໄວ້ວ່າ: “ ພວກເຮົາບໍ່ອາດຝາກຝັງທຶນຮອນອັນປະເສີດຂອງຊາດໄວ້ກັບຄົນ ທີ່ບໍ່ມີຄວາມຮູ້ຄວາມສາມາດພຽງພໍ ວັນເດັກສາກົນ ວັນທີ 1 ມິຖຸນາ: ເລີ່ມໃນປີ 1924 ເມື່ອກອງປະຊຸມສະມັດຊາໃຫຍ່ຂອງສັນນິບາດ ນາໆຊາດໄດ້ຮັບຮອງເອົາ “ຖະແຫຼງການເຊີແນວກ່ຽວກັບສິດທິເດັກ’’ ເປັນຄັ້ງທໍາອິດຊຶ່ງໄດ້ປະກາດວ່າ: ເດັກມີຄວາມຕ້ອງການໃຫ້ມີການປົກປ້ອງ ແລະ ດູແລເບິ່ງແຍງເປັນພິເສດ ລວມທັງການປົກປ້ອງທີ່ເໝາະສົມ ທາງດ້ານກົດໝາຍ ກ່ອນການເກີດ ແລະ ພາຍຫຼັງເກີດ ດ້ວຍເຫດຜົນທີ່ວ່າ ເດັກຍັງບໍ່ທັນມີວຸດທິພາວະຄົບຖ້ວນທາງດ້ານ ຮ່າງກາຍ ແລະ ດ້ານຈິດໃຈ. ໃນປີຕໍ່ມາກອງປະຊຸມໂລກເພື່ອຄວາມເປັນຢູ່ທີ່ດີຂອງເດັກ ຄັ້ງທໍາອິດ ຊຶ່ງຈັດຂຶ້ນຢູ່ ເຊີແນວ ປະເທດສະວິດເຊີແລນ ໃນວັນທີ 1 ມິຖຸນາ 1925 ແລະ ກໍໄດ້ປະກາດເອົາວັນດັ່ງກ່າວເປັນວັນເດັກ ສາກົນ ຕົກມາຮອດ ເດືອນ ພະຈິກ 1949 ກອງປະຊຸມໃຫຍ່ຂອງສະຫະພັນແມ່ຍິງປະຊາທິປະໄຕສາກົນທີ່ນະຄອນຫຼວງມົດສະກຸ ສະຫະພາບໂຊວຽດ ກໍໄດ້ປະກາດເອົາວັນທີ 1 ມິຖຸນາ ເປັນວັນເດັກສາກົນອີກເທື່ອຫນຶ່ງ ນັບແຕ່ປີ 1950 ເປັນຕົ້ນມາ ການສະເຫຼີມສະຫຼອງວັນເດັກສາກົນປົກກະຕິ. ຈາກນັ້ນ, ຜູ້ເຂົ້າຮ່ວມກໍໄດ້ຊົມການສະແດງສິລະປະວັນນະຄະດີ ແລະ ໄດ້ແຈກຍາຍຂອງຂວັນ, ເຂົ້າໝົມໃຫ້ນ້ອງໆນັກຮຽນຕື່ມອີກ.

(ແຫຼ່ງຂ່າວ: ເມືອງໄຊຍະບູລີ)