ໄດ້ຈັດຂຶ້ນໃນຕອນເຊົ້າວັນທີ 1 ຕຸລາ ນີ້ ຢູ່ທີ່ຫ້ອງປະຊຸມຫ້ອງວ່າການເມືອງໄຊຍະບູລີ ແຂວງໄຊຍະບູລີ, ເປັນກຽດເຂົ້າຮ່ວມມີທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ, ມີແຂກຖືກເຊີນ ແລະ ພາກສ່ວນກ່ຽວຂ້ອງ ຈາກແຂວງ ແລະ ເມືອງເຂົ້າຮ່ວມ.
ໃນພິທີ ທ່ານ ເສນ ພັນລັກ ວ່າການເຈົ້າເມືອງໄຊຍະບູລີ ໄດ້ກ່າວວ່າ: ຂະບວນວິວັດແຫ່ງການຊ່ວຍເຫຼືອຟື້ນຟູບໍາບັດພັດທະນາຄົນພິການ ແລະ ຜູ້ສູງອາຍຸ ເວົ້າລວມແມ່ນໄດ້ດໍາເນີນການຊ່ວຍເຫຼືອ ແລະ ພັດທະນາມາໂດຍຕະຫຼອດ ນັບແຕ່ສະໄໝຕໍ່ສູ້ປົດປ່ອຍຊາດ ປະຊາທິປະໄຕ ກໍຄືສະໄໝປົກປັກຮັກສາ ແລະ ສ້າງສາພັດທະນາປະເທດຊາດ. ຍາມໃດພັກ-ລັດ ກໍໄດ້ເປັນຫ່ວງເປັນໄຍຕໍ່ຊີວິດການເປັນຢູ່ຂອງປະຊາຊົນບັນດາເຜົ່າ ເວົ້າສະເພາະຜູ້ເສຍອົງຄະ, ພິການ, ເດັກນ້ອຍ, ແມ່ຍິງ ແລະ ຜູ້ອາຍຸສູງໄດ້ຮັບການປິ່ນປົວນັບມື້ນັບດີຂຶ້ນ ຊຶ່ງລັດຖະບານໄດ້ອອກດໍາລັດວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະກໍາມະການແຫ່ງຊາດເພື່ອຄົນພິການ ແລະ ຜູ້ອາຍຸສູງ ເພື່ອເປັນຕົວແທນໃຫ້ລັດຖະບານໃນການຄົ້ນຄວ້າກໍານົດນະໂຍບາຍ ແລະ ລະບຽບກົດໝາຍແນ່ໃສ່ປົກປ້ອງ ແລະ ສົ່ງເສີມສິດທິຂອງຄົນພິການ ແລະ ຜູ້ອາຍຸສູງໂດຍເຫັນໄດ້ຄວາມສໍາຄັນຕໍ່ຜູ້ພິການ ແລະ ຜູ້ອາຍຸສູງ. ໃນປີ 2009 ໄດ້ເຂົ້າຮ່ວມຄວາມສາມາດຂອງຕົນຈັດຕັ້ງປະຕິບັດ ແຫ່ງການພັດທະນາຄົນພິການຂອງພາກພື້ນອາຊີ-ປາຊີຟິກ ແຜນຍຸດທະສາດອິນຊອນວ່າດ້ວຍການເຮັດສິດທິຂອງຄົນພິການກາຍເປັນຈິງ ແລະ ແຜນຍຸດທະສາດສະຫວັດດີການ ແລະ ພັດທະນາອາຊຽນ, ຖະແຫຼງການການເມືອງ ແລະ ແຜນດໍາເນີນງານສາກົນກ່ຽວກັບຜູ້ອາຍຸສູງ. ໃນປີ 2003 ພ້ອມດ້ວຍປະຕິບັດຄໍາຂວັນສໍາລັບຄົນພິການແມ່ນມີສ່ວນຮ່ວມເຂົ້າເຖິງ ແລະ ການສ້າງຕັ້ງຄວາມເຂັ້ມແຂງໃຫ້ຄົນພິການສໍາລັບຜູ້ມີອາຍຸສູງແມ່ນບັນຫາໜຶ່ງໃນການພັດທະນາຜູ້ອາຍຸສູງມີສຸຂະພາບແຂງແຮງ. ນອກນີ້, ໃນແຕ່ລະປີຍັງໄດ້ສົ່ງເສີມໃຫ້ມີການຈັດຕັ້ງສະເຫຼີມສະຫຼອງວັນຄົນພິການ ແລະ ຜູ້ອາຍຸສູງໃຫ້ສັງຄົມໄດ້ຮັບຮູ້ ແລະ ເຂົ້າໃຈພ້ອມມີສ່ວນຮ່ວມໃນການຈັດຕັ້ງປະຕິບັດສົນທິສັນຍາວ່າດ້ວຍສິດທິຂອງຄົນພິການ. ພ້ອມດຽວກັນນີ້ ຄະນະປະທານ, ແຂກທີ່ເຂົ້າຮ່ວມໃນພິທີ ຍັງໄດ້ເຂົ້າຮ່ວມກວດສຸຂະພາບຕື່ມອີກ.
(ຂ່າວ+ພາບ: ຄໍາໝັ້ນ)
ຄໍາເຫັນ