ເຊັນບົດບັນທຶກຄວາມເຂົ້າໃຈກ່ຽວກັບການຮ່ວມມື 3 ສາຍການບິນ

ເຊັນບົດບັນທຶກຄວາມເຂົ້າໃຈກ່ຽວກັບການຮ່ວມມື 3 ສາຍການບິນ

ເຊັນບົດບັນທຶກຄວາມເຂົ້າໃຈກ່ຽວກັບການຮ່ວມມື 3 ສາຍການບິນ
ພິທີເຊັນບົດບັນທຶກຄວາມເຂົ້າໃຈກ່ຽວກັບການຮ່ວມມື 3 ສາຍການບິນລະຫວ່າງລັດວິສາຫະກິດການ ບິນລາວ, ລັດວິສາຫະກິດລາວເດີນອາກາດ ແລະ ບໍລິສັດ ລ້ານຊ້າງ ການບິນສາກົນ ຈໍາກັດ ໄດ້ຈັດຂຶ້ນໃນວັນທີ 23 ຕຸລາ ຜ່ານມານີ້, ໂດຍມີທ່ານ ສະເຫຼີມ ໄຕຍະລາດ ຮອງຜູ້ອໍານວຍການ ລັດວິສາຫະກິດການບິນລາວ, ທ່ານ ພັນເອກ ປັນທະວີ ສີສົງຄາມ ຜູ້ອໍານວຍການ ລັດວິສາຫະກິດ ລາວເດີນອາກາດ, ທ່ານ ບຸນມາ ຈັນທະວົງສາ ຜູ້ອໍານວຍການ ບໍລິສັດ ລ້ານຊ້າງການບິນສາກົນ ຈໍາກັດ, ມີບັນດາຜູ້ຕາງໜ້າຄະນະກອງຈະລາຈອນທາງອາກາດລາວ, ກົມການບິນພົນລະເຮືອນ, ກອງສະໜາມການບິນລາວ ພ້ອມດ້ວຍພະນັກງານທັງ 3 ສາຍການບິນເຂົ້າຮ່ວມເປັນສັກຂີພິຍານ.
ເຊນບດບນທກຄວາມເຂາໃຈກຽວກບການຮວມມ 3 ສາຍການບນ - image 1
 

 

ສະຫາຍ ວຽງໄຊ ສິງຄໍາ ຜູ້ອໍານວຍການ ລັດວິສາຫະກິດການບິນລາວ ໄດ້ກ່າວວ່າ: ພາຍຫຼັງປຶກສາຫາລືກັນຫຼາຍຄັ້ງ ລະຫວ່າງຜູ້ອຳນວຍການ ແລະ ບັນດານັກວິຊາການກ່ຽວຂ້ອງຂອງ 3 ສາຍການບິນ ໄດ້ຕົກລົງຮ່ວມມືກັນໃນຫຼາຍດ້ານ ໂດຍມີຈຸດປະສົງສ້າງຜົນປະໂຫຍດຮ່ວມກັນໃຫ້ແກ່ປະເທດຊາດ ແລະ ສັງຄົມດ້ວຍການຮ່ວມມືກັນດ້ານການຄ້າ, ເຕັກນິກ ແລະ ວິຊາການໃນຂະແໜງການບິນພົນລະເຮືອນປົກປ້ອງສິດທິ ແລະ ຜົນປະໂຫຍດດ້ານທຸລະກິດການຂົນສົ່ງທາງອາກາດຂອງລາວ, ຫຼີກລ່ຽງການແຂ່ງຂັນທີ່ບໍ່ຍຸຕິທໍາດ້ວຍກັນເອງ, ສົ່ງເສີມການພັດທະນາຂີດຄວາມສາມາດໃຫ້ແກ່ບຸກຄະລາກອນດ້ານການບິນພົນລະເຮືອນຂອງລາວເຊັ່ນ: ນັກບິນ, ນາຍຊ່າງ ແລະ ພະນັກງານວິຊາການດ້ານຕ່າງໆ ເພື່ອຮັບປະກັນຄວາມປອດໄພຂອງລາວໃຫ້ມີມາດຕະຖານສູງທຽບເທົ່າກັບສາກົນ ຂອບເຂດການຮ່ວມມືດ້ານການຄ້າ ແລະ ການຕະຫຼາດ ຂາຍປີ້ເຮືອບິນຊ່ວຍກັນໂດຍການແບ່ງເປີເຊັນຕາມຄວາມເໝາະສົມທີ່ສາມາດຕົກລົງເຫັນດີເປັນເອກະພາບກັນໄດ້ກ່ອນຈະວາງລາຄາປີ້ເຮືອບິນ ສໍາລັບເສັ້ນບິນທີ່ມີການບິນຄືກັນ ຕ້ອງມີການປຶກສາຫາລືກັນດ້ວຍສັນຕິວິທີ ເພື່ອໃຫ້ມີຄວາມເປັນເອກະພາບກັນດ້ານລາຄາ ຫຼີກລ່ຽງການແຂ່ງຂັນກັນດ້ວຍຮູບແບບການຫຼຸດລາຄາ ຫຼື ແຍ່ງຊີງລູກຄ້າດ້ວຍວິທີການທີ່ບໍ່ຍຸຕິທໍາ ສາມາດແຂ່ງຂັນກັນດ້ວຍຄຸນນະພາບການບໍລິການ ທີ່ລູກຄ້າຈະເປັນຜູ້ຕັດສິນ ແລະ ເລືອກໃຊ້ບໍລິການການຂົນສົ່ງສິນຄ້າ ພ້ອມທັງຮ່ວມມືກັນຮັບເຄື່ອງຝາກກໍລະນີມີສາຍບິນໃດໜຶ່ງ ຍົກເລີກຖ້ຽວບິນ ຫຼື ບໍ່ສາມາດປະຕິບັດຖ້ຽວບິນໄດ້ຕາມແຜນ ກໍລະນີມີສະພາບເຄື່ອງຝາກເກີນຄວາມສາມາດບັນຈຸ ແຕ່ມີເຄື່ອງຝາກຕ້ອງສົ່ງດ່ວນ ຕ້ອງໄດ້ປະຕິດບັດຕາມຄູ່ມືການຂົນສົ່ງສິນຄ້າທາງອາກາດ ໃຫ້ມີຄວາມຮັບປະກັນມາດຕະຖານຄວາມປອດໄພໃນການຂົນສົ່ງທາງອາກາດ, ຊຶ່ງການຮ່ວມມືຈະກໍານົດລາຄາຂົນສົ່ງຕາມຄວາມ ເໝາະສົມ ແລະ ມີການປຶກສາຫາລືກັນກ່ຽວກັບການຈັດສັນເວລາ ບິນຂຶ້ນ-ລົງ ຂອງແຕ່ລະເສັ້ນບິນໃຫ້ມີຄວາມເໝາະສົມຫຼີກລ່ຽງການບິນທັບຊ້ອນເວລາກັນ ຫຼື ໃກ້ຄຽງກັນເກີນໄປ ໄປພ້ອມກັນນັ້ນດ້ານການປະຕິບັດການບິນຮ່ວມມືນໍາໃຊ້ເຮືອບິນໃຫ້ເກີດຜົນປະໂຫຍດສູງສຸດໃນການເຊົ່າເພື່ອການຄ້າ, ການເຊົ່າເພື່ອການຝຶກອົບຮົມ ແລະ ອື່ນໆ ຕາມສັນຍາທີ່ຕົກລົງກັນຮ່ວມມືໃນການພັດທະນາຂີດຄວາມສາມາດຂອງການບິນເຊັ່ນ: ການຍົກລະດັບສີມືແຮງງານຂອງວິຊາການເປັນຕົ້ນ ນັກບິນ, ຈຸຫ້ອງໂດຍສານ ແລະ ອື່ນໆ ໃຫ້ໄດ້ມາດຕະຖານສາກົນຮ່ວມກັນໃນການນຳໃຊ້ ແລະ ແລກປ່ຽນວິຊາການ ເພື່ອເພີ່ມປະສິດທິຜົນ ແລະ ສ້າງຄວາມເຂັ້ມແຂງໃຫ້ແກ່ສາຍການບິນ ພ້ອມທັງສົ່ງເສີມວິຊາການພາຍໃນປະເທດ ຕາມສັນຍາທີ່ຕົກລົງກັນປະສານງານໃນການຈັດຕັ້ງຮັບມືເຫດການສຸກເສີນຮ່ວມກັນພັດທະນາມາດຕະການຄວາມປອດໄພ ແລະ ການປ້ອງກັນອຸບັດເຫດການບິນດ້ວຍການແລກປ່ຽນຂໍ້ມູນຂ່າວສານກ່ຽວກັບຄວາມສ່ຽງ ຫຼື ເຫດການຂົ່ມຂູ່ຄວາມປອດໄພການບິນທີ່ເກີດຂຶ້ນ (ຖ້າມີ) ແລະ ຜັດປ່ຽນກັນເປັນເຈົ້າພາບຈັດກອງປະຊຸມແລກປ່ຽນບົດຮຽນດ້ານຄວາມປອດໄພ ການບິນຮ່ວມກັນເປັນໄລຍະ ດ້ານວຽກງານເຕັກນິກການບິນສະໜອງການບໍລິການສ້ອມບຳລຸງ ເຮືອບິນຕາມຂອບເຂດຄວາມສາມາດທີ່ໄດ້ຮັບຮອງໂດຍກົມການບິນພົນລະເຮືອນບົນພື້ນຖານເງື່ອນໄຂສັນຍາ ແລະ ລາຄາສົມເຫດສົມຜົນຕາມກົນໄກຂອງຕະຫຼາດຮ່ວມກັນໃນການພັດທະນາຄວາມສາມາດ ຂອງການສ້ອມບຳລຸງເຮືອບິນ ແລະ ຍົກສູງລະດັບສີມືແຮງງານຂອງວິຊາການນາຍຊ່າງສ້ອມບຳລຸງເຮືອບິນໃຫ້ໄດ້ຕາມມາດຕະຖານສາກົນຮ່ວມມືກັນ ຄົ້ນຄວ້າ ແລະ ສະເໜີລັດຖະບານ ປັບປຸງລະບຽບການ, ການເສຍພາສີ ແລະ ການນຳເຂົ້າອາໄຫຼ່ເຮືອບິນ ແລະ ອຸປະກອນຮັບໃຊ້ການບິນແລກປ່ຽນການຝຶກອົບຮົມບົນພື້ນຖານຂອບເຂດຄວາມສາມາດທີ່ໃດ້ຮັບຮອງຈາກກົມການບິນພົນລະເຮືອນໃນເງື່ອນໄຂ ແລະ ລາຄາສົມເຫດສົມຜົນຕາມກົນໄກຕະຫຼາດ ສາມາດປຶກສາຫາລືການນຳໃຊ້ຊັບພະຍາກອນຮ່ວມກັນຕາມຄວາມເໝາະສົມດ້ວຍຮູບການທີ່ຍຸຕິທໍາ, ຫຼີກລ່ຽງການເອົາລັດເອົາປຽບຊຶ່ງກັນ ແລະ ກັນເຊັ່ນ: ເຊົ່າອູ່, ສະຖານທີ່ສ້ອມແປງ ແລະ ອື່ນໆ ໃນເງື່ອນໄຂລາຄາຕົວຈິງຢ່າງ (ຊຶ່ງວຽກງານດັ່ງກ່າວນີ້ ຈະຕ້ອງໄດ້ມີສັນຍາສະເພາະຂອງແຕ່ລະວຽກງານ) ສົ່ງເສີມການຈັດຕັ້ງຝຶກອົບຮົມພະນັກງານດ້ານເຕັກນິກການບິນຮ່ວມກັັນ ເພື່ອຍົກສູງຄຸນນະພາບ ຂອງວຽກງານເຕັກນິກການບິນຂອງລາວໂດຍລວມການຄຸ້ມຄອງພະນັກງານວິຊາການສາມຝ່າຍຕົກລົງວ່າ ຖ້າມີຄວາມຈຳເປັນ ກໍສາມາດນໍາໃຊ້ພະນັກງານວິຊາການຮ່ວມກັນໄດ້ ດ້ວຍການຈ່າຍຄ່າຕອບແທນແຮງງານຕາມຄວາມເໝາະສົມ ຊຶ່ງອັດຕາຄ່າແຮງງານນັກວິຊາການແຕ່ລະດ້ານຈະມີຂໍ້ຕົກລົງຕ່າງຫາກ ຈະປະກອບເປັນສ່ວນໜຶ່ງຂອງຂໍ້ຕົກລົງສະບັບນີ້ ທັງສາມຝ່າຍຕົກລົງວ່າຈະບໍ່ໃຊ້ວິທີຊັກຊວນຍົວະເຍົ້າເອົານັກວິຊາການຂອງກັນ ແລະ ກັນ ເປັນການສ່ວນຕົວດ້ວຍຮູບການຕ່າງໆທີ່ຈະສ້າງຄວາມຫຍຸ້ງຍາກ ແລະ ຄວາມບໍ່ສະຫງົບໃຫ້ແກ່ການຈັດຕັ້ງຂອງກັນ ແລະ ກັນ ເວັ້ນເສຍແຕ່ກໍລະນີທີ່ໄດ້ມີການຕົກລົງກັນແບບທາງການເປັນລາຍລັກອັກສອນເທົ່ານັ້ນ ມາດຕະການຈັດຕັ້ງປະຕິບັດ ຈັດຕັ້ງຄະນະກຳມະການ ແລະ ອານຸກໍາມະການຮ່ວມມືສາມຝ່າຍ, ແຕ່ລະຝ່າຍມີຈໍານວນ ແລະ ຕໍາແໜ່ງເທົ່າກັນ ເພື່ອປະຕິບັດໜ້າທີ່ປະຊຸມຄົ້ນຄວ້າວິທີຈັດຕັ້ງປະຕິບັດການຮ່ວມມື ແຕ່ລະດ້ານໃຫ້ມີໝາກມີຜົນຕົວຈິງ ປະທານຄະນະກໍາມະການຮ່ວມມືຈະແມ່ນຜູ້ອໍານວຍການຂອງແຕ່ລະບໍລິສັດຜັດ ປ່ຽນກັນເປັນປີລະຄັ້ງຕາມລໍາດັບ.

(ແຫຼ່ງຂ່າວ: ໜັງສືພິມກອງທັບ)

ຄໍາເຫັນ

ຂ່າວວັດທະນະທຳ-ສັງຄົມ

ຜູ້​ໄດ້​ຮັບ​ຜົນ​ກະ​ທົບ​ຈາກ​ໄພ​ພິ​ບັດຢູ່​ເມືອງ​ໄຊ​ບູ​ລີໄດ້​ຮັບ​ການ​ຊ່ວຍ​ເຫຼືອ

ຜູ້​ໄດ້​ຮັບ​ຜົນ​ກະ​ທົບ​ຈາກ​ໄພ​ພິ​ບັດຢູ່​ເມືອງ​ໄຊ​ບູ​ລີໄດ້​ຮັບ​ການ​ຊ່ວຍ​ເຫຼືອ

ໂຄງການບ້ານຊ່ວຍເຫຼືອເດັກນ້ອຍເອັສໂອເອັສ (SOS) ລາວ ຮ່ວມກັບ ກົມສັງຄົມສົງເຄາະ ກະຊວງແຮງງານ ແລະ ສະຫວັດດີສັງຄົມ ແລະ ພະແນກແຮງງານ ແລະ ສະຫວັດດີສັງຄົມແຂວງ ພ້ອມດ້ວຍອໍານາດການປົກຄອງທອງຖີ່ນ​ທີ່ກ່ຽວຂ້ອງໄດ້ມອບເຂົ້າສານຈໍານວນ 57 ໂຕນ ເພື່ອຊ່ວຍເຫຼືອປະຊາຊົນທີ່ຖືກຜົນກະທົບຈາກໄພພິບັດທາງທຳມະຊາດ ໃນໄລຍະເດືອນກໍລະກົດ ຫາ ສິງຫາ ປີ 2026 ຜ່ານມາເຊິ່ງມີຄອບຄົວທີ່ໄດ້ຮັບການຊ່ວຍເຫຼືອທັງໝົດ 516 ຄອບຄົວ ໃນ 8 ບ້ານເປົ້າໝາຍ, ເມືອງໄຊບູລີ ແຂວງສະຫັວນນະເຂດ, ລວມມູນຄ່າການຊ່ວຍເຫຼືອ ຈໍານວນ 1,322,850,050 ກີບ
ອັດຕະປື ເຜີຍແຜ່ຄວາມຮູ້ວຽກງານຕະຫຼາດທຶນ ແລະ ການລົງທຶນໃນຫຼັກຊັບ

ອັດຕະປື ເຜີຍແຜ່ຄວາມຮູ້ວຽກງານຕະຫຼາດທຶນ ແລະ ການລົງທຶນໃນຫຼັກຊັບ

ສຳນັກງານຄະນະກຳມະການຄຸ້ມຄອງຫຼັກຊັບ (ສຄຄຊ) ຮ່ວມກັບ ສຳນັກງານປົກຄອງແຂວງອັດຕະປື ໄດ້ຈັດກອງປະຊຸມໂຄສະນາເຜີຍແຜ່ຄວາມຮູ້ກ່ຽວກັບວຽກງານຕະຫຼາດທຶນ, ໃນ​ວັນ​ທີ 17 ພະ​ຈິກ​ນີ້ ທີ່ ແຂວງ​ອັດ​ຕະ​ປື, ໂດຍເຂົ້າຮ່ວມເປັນປະທານຂອງ ທ່ານ ລິດຄຳ ໂຮມອິນຕາ ຫົວໜ້າຫ້ອງວ່າການແຂວງ, ມີທ່ານ ປາດຖະໜາ ແກ້ວປະເສີດ ຫົວໜ້າພະແນກຝຶກອົບຮົມ ແລະ ໂຄສະນາເຜີຍແຜ່ ສຄຄຊ, ພ້ອມດ້ວຍຕາງໜ້າພະແນກການ, ແໜງການ, ສາຂາທະນາຄານ ແລະ ພະນັກງານວິຊາການເຂົ້າຮ່ວມ.
ລັດຖະມົນຕີ​ກະຊວງ​ ຍທຂເຄື່ອນ​ໄຫວ​ເຮັດ​ວຽກ​ ຢູ່ ແຂວງ​ຈຳ​ປາ​ສັກ

ລັດຖະມົນຕີ​ກະຊວງ​ ຍທຂເຄື່ອນ​ໄຫວ​ເຮັດ​ວຽກ​ ຢູ່ ແຂວງ​ຈຳ​ປາ​ສັກ

ທ່ານ​ ອາລຸນໄຊ ສູນນະລາດ ກຳມະການສູນກາງພັກ​ ເລຂາຄະນະບໍລິຫານງານພັກແຂວງຈໍາປາສັກ​ ໄດ້ຕ້ອນຮັບ​ ທ່ານ​ ເຫຼັກໄຫຼ ສີວິໄລ​ ກໍາມະການ​ສູນກາງພັກ​ ລັດຖະມົນຕີ​ກະຊວງໂຍທາທິການ​ ແລະ​ ຂົນສົ່ງ​ (ຍທຂ)​ ເຂົ້າພົບປະຢ້ຽມຢາມໃນວັນທີ​ 16​ ພະຈິກ​ 2026​ທີ່​ ສໍານັກງານ​ແຂວງ.
ກອງທຶນແມ່ນໍ້າຂອງ-ແມ່ນໍ້າລ້ານຊ້າງ ຊ່ວຍໃຫ້ຄອບຄົວເປົ້າໝາຍມີລາຍຮັບເພີ່ມຂື້ນ 14%

ກອງທຶນແມ່ນໍ້າຂອງ-ແມ່ນໍ້າລ້ານຊ້າງ ຊ່ວຍໃຫ້ຄອບຄົວເປົ້າໝາຍມີລາຍຮັບເພີ່ມຂື້ນ 14%

ກອງ​ທຶນ​ພິ​ເສດ​ແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງຊ່ວຍ​ໃຫ້​ປະ​ຊາ​ຊົນ​ຄອບ​ຄົວ​ເປົ້າ​ໝາຍຢູ່ 2 ບ້ານ​ຂອງ​ເມືອງ​ປາກ​ອູແຂວງຫຼວງ​ພະ​ບາງມີ​ລາຍ​ຮັບ​ເພີ່ມ​ຂຶ້ນ 14% ເມື່ອ​ທຽບ​ກັບ​ກ່ອນ​ດຳ​ເນີນ​ໂຄງ​ການໂດຍ​ກິດ​ຈະ​ກຳຫຼັກເນັ້ນ​ໃສ່​ຊຸກ​ຍູ້ ສົ່ງ​ເສີມ​ໃຫ້​ປະ​ຊາ​ຊົນ​ຜະ​ລິດ​ກະ​ສິ​ກຳໂດຍ​ສະ​ເພາະ​ການ​ປູກ-ການ​ລ້ຽງ.
ໄຟຟ້າລາວ ສາຂາຄໍາມ່ວນ ປະດັບຫຼຽນກາລະນຶກ 50 ປີ ໃຫ້ພະນັກງານ

ໄຟຟ້າລາວ ສາຂາຄໍາມ່ວນ ປະດັບຫຼຽນກາລະນຶກ 50 ປີ ໃຫ້ພະນັກງານ

ບໍລິສັດລັດວິສາຫະກິດໄຟຟ້າລາວ ສາຂາແຂວງຄໍາມ່ວນ ຈັດພິທີປະດັບຫຼຽນກາລະນຶກ 50 ປີ ວັນສະຖາປະນາ ສປປ ລາວ ໃຫ້ແກ່ສະມາຊິກພັກ ແລະ ພະນັກງານຈໍານວນ 144 ທ່ານ, ຍິງ 40 ທ່ານ ໃນວັນທີ 17 ພະຈິກ 2026 ໂດຍ​ການ​ເປັນ​ປະ​ທານ​ຂອງ ທ່ານ ສົມໃຈ ພານີຈັນ ຮອງເລຂາພັກແຂວງ ຜູ້ຊີ້ນໍາວຽກງານການເມືອງແນວຄິດ, ວຽກພັກ-ພະນັກງານ, ມີ ທ່ານ ບຸນປະສົງ ຈັນສະຫວັດ ຮອງຫົວໜ້າຝ່າຍຄຸ້ມຄອງລະບົບໄຟຟ້າພາກໃຕ້, ທ່ານ ບາຄໍາ ໄຊຍະຈັກ ຫົວໜ້າ ບໍລິສັດລັດວິສາຫະກິດໄຟຟ້າສາຂາຄໍາມ່ວນ ພ້ອມດ້ວຍແຂກຖືກເຊີນເຂົ້າຮ່ວມ.
ໄຄແຜ່ນຂອງກຸ່ມຜະລິດ ບ້ານບວມຫວານ ໄດ້​ຮັບ​ກາ​ໝາຍສີນຄ້າ ໜຶ່ງເມືອງ ໜຶ່ງພະລິດຕະພັນ‎

ໄຄແຜ່ນຂອງກຸ່ມຜະລິດ ບ້ານບວມຫວານ ໄດ້​ຮັບ​ກາ​ໝາຍສີນຄ້າ ໜຶ່ງເມືອງ ໜຶ່ງພະລິດຕະພັນ‎

ພິທີມອບປ້າຍກາໝາຍ ສິນ​ຄ້າໜຶ່ງເມືອງ ໜຶ່ງພະລິດຕະພັນ (ODOP) ໃຫ້ກຸ່ມຜະລິດໄຄແຜ່ນເມືອງວຽງຄຳແຂວງຫຼວງ​ພະ​ບາງໄດ້​ຈັດ​ຂຶ້ນ​ໃນ​ວັນ​ທີ 16 ພະ​ຈິກ​ຜ່ານ​ມາທີ່ ເມືອງວຽງ​ຄຳໂດຍເປັນປະທານຮ່ວມຂອງ ທ່ານ ຄຳສິງ ສຸດທິດາ ປະທານຄະນະກຳມະການປົກຄອງເມືອງ, ທ່ານ ສີພອນ ມິດໄມຕີ ຮອງຫົວໜ້າພະແນກອຸດສະກຳຫະກຳ ແລະ ການຄ້າແຂວງ, ທ່ານ ລີ ຊອງບອມ ຜູ້ອຳນວຍການ ອົງການ ວອນເດີສ ສາກົນ, ມີພາກ​ສ່ວນ​ທີ່ກ່ຽວຂ້ອງ ເຂົ້າຮ່ວມ.
ກອງບັນຊາການທະຫານເມືອງສະໜາມໄຊ ​ສຳ​ເລັດເກັບກ່ຽວຜົນຜະລິດເຂົ້ານາປີ

ກອງບັນຊາການທະຫານເມືອງສະໜາມໄຊ ​ສຳ​ເລັດເກັບກ່ຽວຜົນຜະລິດເຂົ້ານາປີ

ກອງບັນຊາການທະຫານເມືອງສະໜາມໄຊ ແຂວງອັດຕະປື ໄດ້ຈັດກຳລັງພະນັກງານ-ນັກຮົບອອກແຮງງານລວມ ເພື່ອເກັບກ່ຽວຜົນຜະລິດເຂົ້ານາປີ ປະຈຳປີ 2026 ຂອງກົມກອງ ພາຍໃຕ້ການຊີ້ ນຳ-ນຳພາຂອງຄະນະພັກ ແລະ ຄະນະບັນຊາກອງບັນຊາການທະຫານເມືອງ.
ບໍລິສັດ ພູເບ້ຍ ມາຍນິງ ບັນລຸການຢັ້ງຢືນການປະຕິບັດຕາມຫຼັກການຄຸ້ມຄອງສານໄຊຍະນາຍ ຢ່າງຄົບຖ້ວນອີກຄັ້ງ – ພະຈິກ 2026

ບໍລິສັດ ພູເບ້ຍ ມາຍນິງ ບັນລຸການຢັ້ງຢືນການປະຕິບັດຕາມຫຼັກການຄຸ້ມຄອງສານໄຊຍະນາຍ ຢ່າງຄົບຖ້ວນອີກຄັ້ງ – ພະຈິກ 2026

ບໍລິສັດ ພູເບ້ຍ ມາຍນິງ ມີຄວາມຍິນດີທີ່ຈະແຈ້ງໃຫ້ຊາບວ່າ ໂຄງການຂຸດຄົ້ນ-ປຸງແຕ່ງ ຄໍາ-ເງິນ ບ້ານຫ້ວຍຊາຍ ໄດ້ຮັບການຢັ້ງຢືນການປະຕິບັດຕາມຫຼັກການຄຸ້ມຄອງໄຊຍະນາຍໃນລະດັບສາກົນຢ່າງຄົບຖ້ວນອີກຄັ້ງ. ສະຖາບັນຄຸ້ມຄອງໄຊຍະນາຍໃນລະດັບສາກົນ (ICMI) ໄດ້ແຈ້ງການຢັ້ງຢືນດັ່ງກ່າວນີ້ໃນວັນທີ 7 ພະຈິກ 2026, ເຊິ່ງເປັນການຢັ້ງຢືນຄັ້ງທີ 6 ຂອງ ໂຄງການບ້ານຫ້ວຍຊາຍ ພາຍໃຕ້ຫຼັກການນີ້.
ເຜີຍແຜ່ເຊື່ອມຊຶມນິຕິກໍາກຳນົດພະນັກງານນໍາພາ-ຄຸ້ມຄອງຂັ້ນ ສຊປລ

ເຜີຍແຜ່ເຊື່ອມຊຶມນິຕິກໍາກຳນົດພະນັກງານນໍາພາ-ຄຸ້ມຄອງຂັ້ນ ສຊປລ

ສູນກາງຊາວໜຸ່ມປະຊາຊົນປະຕິວັດລາວ (ສຊປລ) ໄດ້ຈັດກອງປະຊຸມເຜີຍແຜ່ເຊື່ອມຊຶມນິຕິກໍາກຳນົດພະນັກງານນໍາພາ-ຄຸ້ມຄອງຂັ້ນ ສຊປລ ຄຸ້ມຄອງ ຂຶ້ນໃນວັນທີ 16 ພະຈິກນີ້ທີ່ ສຊປລ ໂດຍການເປັນປະທານຂອງສະຫາຍ ທອງລີ ສີສຸລິດກຳມະການສູນກາງພັກເລຂາຄະນະບໍລິຫານງານສູນກາງ ສຊປລ, ມີຮອງເລຂາ, ມີສະຫາຍຄະນະພັກ, ເລຂາໜ່ວຍພັກ, ສະມາຊິກພັກ-ພະນັກງານ ເຂົ້າຮ່ວມ.
ລາຍງານຄວາມຄືບໜ້າການຕິດຕັ້ງລະບົບຄວບຄຸມການຈະລາຈອນທາງບົກ

ລາຍງານຄວາມຄືບໜ້າການຕິດຕັ້ງລະບົບຄວບຄຸມການຈະລາຈອນທາງບົກ

ກອງປະຊຸມການລົງຢ້ຽມຢາມ ແລະ ຕິດຕາມຄວາມຄືບໜ້າການຕິດຕັ້ງລະບົບຄວບຄຸມການຈະລາຈອນທາງບົກພາຍໃຕ້ໂຄງການຄຸ້ມຄອງຍານພາຫະນະ ແລະ ການຂົນສົ່ງ ແບບຄົບວົງຈອນ ໄດ້ຈັດຂຶ້ນໃນວັນທີ 16 ພະຈິກນີ້ ທີ່ກົມຕຳຫຼວດຈະລາຈອນ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ (ປກສ) ໂດຍການເປັນປະທານຮ່ວມຂອງ ທ່ານ ລິດຕາ ຂັດທິຍະຮອງລັດຖະມົນຕີ ກະຊວງໂຍທາທິການ ແລະ ຂົນສົ່ງ (ຍທຂ), ທ່ານ ພົຕ ກອງສະຫວັດ ບຸນລ້ຽງ ຮອງລັດຖະມົນຕີ ກະຊວງ ປກສ, ທ່ານ ສຸລິວັດ ສຸວັນນະຈູມຄຳ ຮອງລັດຖະມົນຕີ ກະຊວງການເງິນ, ທ່ານ ແກ້ວວິສຸກ ໂສລະພິມ ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ, ທ່ານ ນາງ ວິໄລວອນ ຈັນທະລາຕີ ຮອງປະທານຄະນະກຳມະການປົກຄອງ ນະຄອນຫຼວງວຽງຈັນ (ນວ),ມີບັນດາຫົວໜ້າກົມ-ຮອງກົມ, ຜູ້ອຳນວຍການບໍລິສັດລາວສະມາດທານສະຟອມເມຊັນດາຕ້າ ແລະ ເທັກໂນໂລຊີ ຈຳກັດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ເພີ່ມເຕີມ