ການຈັດຕັ້ງບ້ານ ແລະ ປະຊາຊົນ ບ້ານຫ້ວຍດຳ ເມືອງຫຼວງນໍ້າທາ ແຂວງຫຼວງນໍ້າທາ ສະເຫຼີມສະຫຼອງບຸນເກຣີ ຫຼື ບຸນປົດປີຂອງຊົນເຜົ່າກຶມມຸ ຂຶ້ນເມື່ອບໍ່ດົນມານີ້, ໂດຍການເຂົ້າຮ່ວມຂອງທ່ານ ສຸກສັນ ພະກາສີ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງຫຼວງນໍ້າທາ ພ້ອມດ້ວຍປະຊາຊົນເຂົ້າຮ່ວມ.
ການເຮັດບຸນປະເພນີບຸນເກຣີ ຫຼື ບຸນປົດປີ ຂອງຊົນເຜົ່າກຶມມຸ ຈັດຂຶ້ນໃນລະຫວ່າງເດືອນຈຽງຫາເດືອນຍີ່ ກົງກັບເດືອນ 12 ຕໍ່ໃສ່ເດືອນ 1 ສາກົນ ຊຶ່ງການເຮັດບຸນເກຣີນີ້ ເປັນການເອກອ້າງເຖິງຜົນງານການເກັບກ່ຽວຜົນລະປູກຕ່າງໆໃນຮອບ 1 ປີຜ່ານມາ ແລະ ເອກອ້າງເຖິງວັດທະນະທຳຮີດຄອງປະເພນີອັນດີງາມ ທີ່ເຄີຍສືບທອດກັນມາແຕ່ດຶກດຳບັນ ທັງເປັນການສືບສານວັດທະນະທຳຮີດຄອງອັນດີງາມ ເພື່ອໃຫ້ຄົນຮຸ່ນໃໝ່ໄດ້ຮັບຮູ້ ແລະ ຮັກສາຮີດຄອງປະເພນີອັນດີງາມນີ້ໄວ້ໃຫ້ໝັ້ນຄົງ. ບຸນເກຣີ ມີຄວາມໝາຍວ່າ ຄືບຸນຄຸນເຂົ້າ, ເຜືອກມັນ, ພໍ່ແມ່, ປູຍ່າຕາຍາຍ ຕາມການນັບຖືຜີຂອງບັນພະບູລຸດຂອງຕົນເອງ ເມື່ອຮອດມື້ບຸນເຂົາເຈົ້າໄດ້ຫ້າງຫາກະກຽມໄກ່ຜູ້ໂອກ ແລະ ໄກ່ແມ່ ແນວລະໂຕ, ມີເຫຼົ້າໄຫ, ເຄື່ອງຜົນລະປູກ ແລະເຄື່ອງມືການຜະລິດທຸກຢ່າງມາປະດັບເອ້ ມື້ທຳພິທີນັ້ນເພິ່ນຈະເອົາເລືອດໄກ່ມາທາຫົວເຂົ່າຂອງສະມາຊິກທຸກຄົນຢູ່ໃນຄອບຄົວ, ເພື່ອໃຫ້ສິ່ງຊົ່ວຮ້າຍຕົກໄປນໍາປີເກົ່າໃຫ້ໝົດ ແລະ ນໍາເອົາສິ່ງທີ່ດີໆໃນປີໃໝ່ເຂົ້າມາສູ່ຄອບຄົວເຮືອນຊານ, ໃຫ້ມີຄວາມອຸດົມສົມບູນຕະຫຼອດໄປ ພ້ອມນັ້ນທຸກຄົນພາຍໃນບ້ານ ແລະ ແຂກຖືກເຊີນໄດ້ພາກັນແຫ່ຕີຄ້ອງ, ຕີກອງ, ຕົບແສ່ງ, ຟ້ອນດາບ, ຂີ່ກົງກວຽນ ແລະ ອື່ນໆ. ນອກຈາກນີ້, ຍັງມີການຂັບເຕີມ ຟ້ອນແຊອ້ອມ ຫຼັກຄ້ຳ ຫຼັກຄູນ ຕາມຮີດຄອງປະເພນີຂອງເຜົ່າຢ່າງມີຄວາມເບີກບານມ່ວນຊື່ນ.
ງານບຸນດັ່ງກ່າວ ຈັດຂຶ້ນເພື່ອເປັນການອະນຸລັກ ຮັກສາຮີດຄອງປະເພນີ ອັນດີງາມຂອງເຜົ່າ, ທັງເປັນການໂຄສະນາເຜີຍແຜ່ມູນເຊື້ອ ໃຫ້ແຂກພາຍໃນ ແລະ ຕ່າງປະເທດ ໄດ້ຮັບຮູ້ຢ່າງກວ້າງຂວາງ ພ້ອມທັງເປັນການຊຸກຍູ້ສົ່ງເສີມການທ່ອງທ່ຽວລາວປີ 2024 ໃຫ້ມີບັນຍາກາດຄຶກຄື້ນມ່ວນຊື່ນ.
ຂ່າວ-ພາບ: ພັນທະມິດ ສີ່ສະເກີ່ງ
ການເຮັດບຸນປະເພນີບຸນເກຣີ ຫຼື ບຸນປົດປີ ຂອງຊົນເຜົ່າກຶມມຸ ຈັດຂຶ້ນໃນລະຫວ່າງເດືອນຈຽງຫາເດືອນຍີ່ ກົງກັບເດືອນ 12 ຕໍ່ໃສ່ເດືອນ 1 ສາກົນ ຊຶ່ງການເຮັດບຸນເກຣີນີ້ ເປັນການເອກອ້າງເຖິງຜົນງານການເກັບກ່ຽວຜົນລະປູກຕ່າງໆໃນຮອບ 1 ປີຜ່ານມາ ແລະ ເອກອ້າງເຖິງວັດທະນະທຳຮີດຄອງປະເພນີອັນດີງາມ ທີ່ເຄີຍສືບທອດກັນມາແຕ່ດຶກດຳບັນ ທັງເປັນການສືບສານວັດທະນະທຳຮີດຄອງອັນດີງາມ ເພື່ອໃຫ້ຄົນຮຸ່ນໃໝ່ໄດ້ຮັບຮູ້ ແລະ ຮັກສາຮີດຄອງປະເພນີອັນດີງາມນີ້ໄວ້ໃຫ້ໝັ້ນຄົງ. ບຸນເກຣີ ມີຄວາມໝາຍວ່າ ຄືບຸນຄຸນເຂົ້າ, ເຜືອກມັນ, ພໍ່ແມ່, ປູຍ່າຕາຍາຍ ຕາມການນັບຖືຜີຂອງບັນພະບູລຸດຂອງຕົນເອງ ເມື່ອຮອດມື້ບຸນເຂົາເຈົ້າໄດ້ຫ້າງຫາກະກຽມໄກ່ຜູ້ໂອກ ແລະ ໄກ່ແມ່ ແນວລະໂຕ, ມີເຫຼົ້າໄຫ, ເຄື່ອງຜົນລະປູກ ແລະເຄື່ອງມືການຜະລິດທຸກຢ່າງມາປະດັບເອ້ ມື້ທຳພິທີນັ້ນເພິ່ນຈະເອົາເລືອດໄກ່ມາທາຫົວເຂົ່າຂອງສະມາຊິກທຸກຄົນຢູ່ໃນຄອບຄົວ, ເພື່ອໃຫ້ສິ່ງຊົ່ວຮ້າຍຕົກໄປນໍາປີເກົ່າໃຫ້ໝົດ ແລະ ນໍາເອົາສິ່ງທີ່ດີໆໃນປີໃໝ່ເຂົ້າມາສູ່ຄອບຄົວເຮືອນຊານ, ໃຫ້ມີຄວາມອຸດົມສົມບູນຕະຫຼອດໄປ ພ້ອມນັ້ນທຸກຄົນພາຍໃນບ້ານ ແລະ ແຂກຖືກເຊີນໄດ້ພາກັນແຫ່ຕີຄ້ອງ, ຕີກອງ, ຕົບແສ່ງ, ຟ້ອນດາບ, ຂີ່ກົງກວຽນ ແລະ ອື່ນໆ. ນອກຈາກນີ້, ຍັງມີການຂັບເຕີມ ຟ້ອນແຊອ້ອມ ຫຼັກຄ້ຳ ຫຼັກຄູນ ຕາມຮີດຄອງປະເພນີຂອງເຜົ່າຢ່າງມີຄວາມເບີກບານມ່ວນຊື່ນ.
ງານບຸນດັ່ງກ່າວ ຈັດຂຶ້ນເພື່ອເປັນການອະນຸລັກ ຮັກສາຮີດຄອງປະເພນີ ອັນດີງາມຂອງເຜົ່າ, ທັງເປັນການໂຄສະນາເຜີຍແຜ່ມູນເຊື້ອ ໃຫ້ແຂກພາຍໃນ ແລະ ຕ່າງປະເທດ ໄດ້ຮັບຮູ້ຢ່າງກວ້າງຂວາງ ພ້ອມທັງເປັນການຊຸກຍູ້ສົ່ງເສີມການທ່ອງທ່ຽວລາວປີ 2024 ໃຫ້ມີບັນຍາກາດຄຶກຄື້ນມ່ວນຊື່ນ.
ຂ່າວ-ພາບ: ພັນທະມິດ ສີ່ສະເກີ່ງ
ຄໍາເຫັນ