 |
ສະຫາຍ ໄພວີ ສີບົວລິພາ ກ່າວວ່າ: ການເຜີຍແຜ່ຄັ້ງນີ້, ມີຄວາມໝາຍສໍາຄັນຫຼາຍ ເພື່ອສະຫຼຸບຕີລາຄາ ການຈັດຕັັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ ປະຈໍາ 6 ເດືອນຕົ້ນປີ 2025 ແລະ ທິດທາງແຜນການ 6 ເດືອນທ້າຍປີ 2025 ຕິດພັນກັບ 2 ວາລະແຫ່ງຊາດ. ກອງປະຊຸມໄດ້ຕີລາຄາຢ່າງພາວະວິໄສຕໍ່ບັນດາຜົນສໍາເລັດພື້ນຖານ ໃນການຈັດຕັັ້ງປະຕິບັດແຜນພັດທະ ນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາປະຈໍາ 6 ເດືອນຕົ້ນປີ 2025 ຊຶ່ງເຫັນວ່າລັດຖະບານ ແລະ ອົງການປົກຄອງທ້ອງຖິ່ນທຸກຂັັ້ນໄດ້ມີຄວາມພະຍາຍາມສູງໃນການແກ້ໄຂບັນຫາເຄັ່ງຮ້ອນໃຫ້ຜ່ອນຄາຍລົງ ເຮັດໃຫ້ປະເທດເຮົາສາມາດຜ່ານຜ່າ ແລະ ແກ້ໄຂບັນຫາໄດ້ໂດຍພື້ນຖານ, ການພັດ ທະນາເສດຖະກິດ-ສັງຄົມຮັກສາໄດ້ຈັງຫວະການຂະຫຍາຍຕົວຕໍ່ເນື່ອງ ເປັນຕົ້ນການຜະລິດສິນຄ້າ, ການຈັດເກັບລາຍຮັບເຂົ້າງົບປະມານປະຕິບັດໄດ້ຕາມຄາດໝາຍ ຮັກສາໄດ້ຄວາມສະຖຽນລະພາບທາງການເມືອງ, ສັງຄົມມີຄວາມສະຫງົບ-ປອດໄພໂດຍພື້ນຖານ.
 |
ຈາກນັ້ນ, ສະຫາຍ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທຳ ໄດ້ໃຫ້ກຽດປາຖະກະຖາມູນເຊື້ອວັນສ້າງຕັ້ງແນວລາວສ້າງຊາດ ຄົບຮອບ 75 ປີ ຍົກໃຫ້ເຫັນການກຳເນີດເຕີບໃຫຍ່ຂະຫຍາຍຕົວຂອງແນວລາວສ້າງຊາດນັບແຕ່ມື້ສ້າງຕັ້ງຈົນເຖິງປັດຈຸບັນ. ຈຸດປະສົງເພື່ອເຮັດໃຫ້ສະມາຊິກພັກ, ພະນັກງານ-ຮັບຮູ້ ເຊື່ອມຊຶມ, ກໍາແໜ້ນເນື້ອໃນມະຕິ 10 ຂອງສູນກາງພັກຄັ້ງນີ້ໃຫ້ລະອຽດເລິກເຊິ່ງ, ເພີ່ມທະວີຄວາມສາມັກຄີໃຫ້ເປັນປຶກແຜ່ນ ພ້ອມກັນເຊີດຊູຄວາມເປັນເຈົ້າການບຸກບືນສູ້ຊົນໃນການຈັດຕັັ້ງປະຕິບັດບັນດາໜ້າທີ່ວຽກງານທີ່ກອງປະຊຸມໃຫຍ່ ຄັັ້ງທີ XI ຂອງພັກວາງອອກໃຫ້ໄດ້ຮັບຜົນສໍາເລັດອັນຈົບງາມ.
ຂ່າວ-ພາບ: ບຸນຕອມ
ຄໍາເຫັນ