ຢູມັນນີ ມີຫຼາຍບໍລິການເຮັດທຸລະກຳທາງການເງິນຜ່ານໂທລະສັບມືຖື ໃນແອັບດຽວ

ຢູມັນນີ (u-money)ຄົບຈົບ ໃນແອັບດຽວດ້ວຍບໍລິການທີ່ພົ້ນເດັ່ນທີ່ຈະເຮັດໃຫ້ການເຮັດທຸລະກຳທາງການເງິນໂດຍຜ່ານໂທລະສັບມືຖືວ່າຈະເປັນການໂອນເງິນ-ການຖອນເງິນສົດໄດ້ຢ່າງວ່ອງໄວ, ການຊໍາລະຄ່າບໍລິການຕ່າງໆເຊັ່ນ: ຕື່ມມູນຄ່າໂທ, ຊໍາລະຄ່ານໍ້າ, ຄ່າໄຟຟ້າ, ຄ່າຂີ້ເຫຍຶ້ອ, ການຊໍາລະຜ່ານ QR Code ແລະ ອື່ນໆ ຊຶ່ງຟັງຊັ່ນການນຳໃຊ້ຕ່າງໆນີ້ເໝາະສົມກັບຍຸກສັງຄົມດີຈີຕອນໃນປັດຈຸບັນຊຶ່ງບໍລິການດັ່ງກ່າວ ຈະເຮັດໃຫ້ຜູ້ນຳໃຊ້ສາມາດນໍາໃຊ້ບໍລິການໄດ້ທຸກທີ່ ທຸກເວລາ ທີ່ຕ້ອງການ ພຽງແຕ່ພື້ນທີ່ນັ້ນມີສັນຍານໂທລະສັບຂອງ ຢູນິເທວ ຄຽງຄູ່ກັບການນຳໃຊ້ບໍລິການຍັງສາມາດມາດຊ່ວຍໃຫ້ຜູ້ຊົມໃຊ້ ໄດ້ຮັບຜົນປະໂຫຍດຈາກບໍລິການຫຼາຍທີ່ສຸດເນື່ອງຈາກບໍລິການດັ່ງກ່າວນີ້ໄດ້ສະໜອງສ່ວນຫຼຸດ ແລະ ໂປຣໂມຊັ່ນທີ່ຫຼາກຫຼາຍໃຫ້ກັບລູກຄ້າດັ່ງລຸ່ມນີ້: 
1.    ບໍລິການທາງດ້ານການເງິນ. 
ເພື່ອໃຫ້ຜູ້ຊົມໃຊ້ໄດ້ເຂົ້າເຖິງການເຮັດທຸລະກຳທາງດ້ານການເງິນຢ່າງບໍ່ມີຂີດຈຳກັດຊຶ່ງສາມາດເຮັດທຸລະກຳໄດ້ທຸກທີ່ ທຸກເວລາ ທີ່ຕ້ອງການເປັນຕົ້ນແມ່ນການໂອນເງິນ ຜ່ານບໍລິການ u-money ດ້ວຍການອອກແບບບໍລິການ ເພື່ອໃຫ້ສະດວກຕໍ່ການນຳໃຊ້ ດັ່ງນັ້ນ, ລູກຄ້າສາມາດໂອນໄດ້ ໃນ 4 ກໍລະນີຄື: ໂອນເງິນຈາກບັນຊີ u-money ຫາ ບັນຊີ u – money, ໂອນຈາກບັນຊີ u-money ຫາ ບໍ່ມີບັນຊີ u-money, ການໂອນລອຍ ຫຼື ໂອນເງິນດ່ວນ ແລະ ການໂອນເງິນຫາບັນຊີທະນາຄານ ຫຼື ຈະໂອນຈາກບັນຊີທະນາຄານເຂົ້າມາຫາ u-money ໂດຍກົງກໍໄດ້ເຊັ່ນດຽວກັນ ຊຶ່ງປະກອບດ້ວຍ 7 ທະນາຄານຄື: ທະນາຄານການຄ້າຕ່າງປະເທດລາວມະຫາຊົນ (BCEL), ທະນາຄານຮ່ວມທຸລະກິດລາວຫວຽດ (LVB), ທະນາຄານຮ່ວມພັດທະນາ (JDB), ທະນາຄານສົ່ງເສີມກະສິກຳ (APB),  ທະນາຄານອິນໂດຈີນ, ທະນາຄານ ມາຣູຮານ ເຈແປນ ລາວ, ທະນາຄານ BIC ແລະ ທະນາຄານ MB Lao 
ນອກຈາກການໂອນເງິນແລ້ວລູກຄ້າຍັງສາມາດ ເອົາເງິນເຂົ້າກະເປົາ ແລະ ຖອນເງິນອອກມາເປັນເງິນສົດເພື່ອຈັບຈ່າຍໃຊ້ສອຍໃນຊີວິດປະຈຳວັນໄດ້ ໂດຍສາມາດເຮັດທຸລະກຳຜ່ານປ່ອງບໍລິການຂອງ Unitel, ຮ້ານນຕົວແທນ u-money ທົ່ວປະເທດ ແລະ ປ່ອງບໍລິການຂອງທະນາຄານຊຶ່ງລວມມີ: ທະນາຄານຮ່ວມພັດທະນາ (JDB), ທະນາຄານສົ່ງເສີມກະສິກຳ (APB),  ທະນາຄານອິນໂດຈີນ.
2.    ບໍລິການຊຳລະແບບດີຈີຕອນ.
ການຊຳລະໃນຮູບແບບດີຈີຕອນໄດ້ເປັນທີ່ນິຍົມໃນສັງຄົມປັດຈຸບັນ ຊຶ່ງໄດ້ສ້າງຄວາມສະດວກສະບາຍ ແລະ ວ່ອງໄວບໍ່ວ່າຈະເປັນການຊຳລະສິນຄ້າ, ຊຳລະຄ່າບໍລິການຕ່າງໆ ດ້ວຍຈຸດພິເສດທີ່ວ່າບໍ່ຈຳເປັນຕ້ອງພົກເງິນສົດກໍສາມາດໃຊ້ສອຍໄດ້ຕະຫຼອດເວລາເມື່ອຕ້ອງການ.  ບໍລິການ u-money ທີ່ເປັນກະເປົາເງິນເອເລັກໂຕຣນິກ ຊຶ່ງເປັນໜຶ່ງຜະລິດຕະພັນທີ່ສາມາດຊຳລະໃນຮູບແບບດີຈີຕອນໄດ້ເຊັ່ນ: ການຕື່ມມູນຄ່າໂທ ແລະ ຊຳລະລາຍເດືອນ ໃຫ້ເຄືອຂ່າຍ Unitelຮັບສ່ວນຫຼຸດທັນທີ 5%, ເຄືອຂ່າຍ ອີທີແອວ (ETL) ຫຼຸດ 3%, ຊໍາລະອິນເຕີເນັດບ້ານ FTTH ຫຼຸດ 2%, ຊື້ແພັກເກດດາຕ້າສາມາດເລືອກຮັບໂປຣໂມຊັ່ນດາຕ້າ X2 ຫຼື ສ່ວນຫຼຸດສູງເຖິງ 15%. ນອກຈາກນີ້, ຢູມັນນີ ຍັງສາມາດ ເຊື່ອມຕໍ່ການຊໍາລະອີກຫລາຍຊ່ອງທາງ ເພີ່ມຄວາມສະດວກໃນການນຳໃຊ້ເປັນຕົ້ນແມ່ນ: ການຊໍາລະສິນເຊື່ອລົດຈັກ ຂອງບໍລິສັດ ແວວຄຳ ເຊົ່າສິນເຊື່ອລາວ, ຊຳລະສິນເຊື່ອຂອງບໍລິສັດ ອີອອນ, ຊື້ປະກັນໄພ ລາວຫວຽດ (LVI)ຮັບສ່ວນຫຼຸດສູງເຖິງ 20%, ຊໍາລະຄ່ານຳປະປາພາຍໃນນະຄອນຫຼວງ, ຊໍາລະຄ່າ ໄຟຟ້າ (ຄອນຫຼວງວຽງຈັນ), ຊໍາລະຄ່າບໍລິການຊົມໃຊ້ຈານດາວທຽມຂອງ LaoSat TV, ຊໍາລະຄ່າຂີ້ເຫຍື້ອພາຍໃນແຂວງຫຼວງພະບາງ, ບໍລິຄໍາໄຊ, ຈໍາປະສັກ ແລະ ສະຫວັນນະເຂດ. ຍັງມີອີກຫຼາກຫຼາຍບໍລິການ ຫຼາກຫຼາຍໂປຣໂມຊັນທີ່ພວກເຮົາສະໜອງໃຫ້ ເພື່ອຕອບສະໜອງ ຄວາມຕ້ອງການຂອງລູກຄ້າທຸກໆໄລຍະ ແລະ ທຸກເທດສະການ ອີກດ້ວຍ.
3.    ບໍລິການການຄ້າເອເລັກໂຕຣນິກ (E-commerce).
    ບໍລິການ u-money ຊຶ່ງເປັນແອັບກະເປົາເງິນເອເລັກໂຕຣນິກແອັບທຳອິດທີ່ໄດ້ຮັບໃບອະນຸຍາດກ່ຽວກັບການຄ້າເອເລັກໂຕຣນິກ ຊຶ່ງ u-money ໄດ້ມີການເພິ່ມຟັງຊັນການຂາຍສິນຄ້າອອນລາຍໃນແອັບເພື່ອເປີດໂອກາດໃຫ້ຜູ້ນຳໃຊ້ສາມາດສ້າງລາຍຮັບດ້ວຍການຂາຍສິນຄ້າດັ່ງກ່າວຊຶ່ງຈະໄດ້ຮັບຄ່າຕອບແທນສູງເຖິງ 24% ໃນປັດຈຸບັນນີ້ກໍໄດ້ເລີ່ມໃຫ້ບໍລິການຂາຍສິນຄ້າຫຼັກໆຂອງ ຢູນີເທວເຊັ່ນ: ແພັກເກດດາຕ້າ, ບັດຕື່ມເງິນ: ເບີໂທລະສັບ ແລະ ອິນເຕິເນັດ, ການຊຳລະຄ່າຫວຍ ແລະ ປະກັນໄພ.
4.    ເບີກຈ່າຍເງິນເດືອນຜ່ານ u-money.
    ດ້ວຍບໍລິການທີ່ມີເອກະລັກທີ່ພົ້ນເດັ່ນທີ່ສາມາດນຳໃຊ້ບໍລິການໄດ້ດ້ວຍສອງຮູບແບບເຊັ່ນ: ນຳໃຊ້ໂດຍຜ່ານອິນເຕິເນັດ (Application) ແລະ ນຳໃຊ້ໂດຍບໍ່ຈຳເປັນຕ້ອງມີອີນເຕີເນັດ (USSD), ດ້ວຍເຂດປົກຄຸມສັນຍາທຸກພື້ນທີ່ຂອງຢູນີເທວ, ສະນັ້ນການເບີກຈ່າຍເງິນເດືອນ ຜ່ານຊ່ອງທາງ u-money ຈຶ່ງເປັນອີກໜຶ່ງຊ່ອງທາງທີ່ເໝາະສົມໃນການເບີກຈ່າຍເງິນເດືອນ ຊຶ່ງປັດຈຸບັນກໍໄດ້ມີຫຼາຍໆໜ່ວຍງານທັງພາກລັດ ແລະ ເອກະຊົນໄດ້ໃຫ້ຄວາມໄວ້ວາງໃຈໃນການນຳໃຊ້ບໍລິການ u-money ໃນການເບີກຈ່າຍເງິນເດືອນ, ເງິນນະໂຍບາຍ ແລະ ເງິນອຸດໜູນຕ່າງໆຜ່ານບໍລິການ u-money ປະກອບດ້ວຍ ພະນັກງານ-ລັດຖະກອນ ຂອງຄັງເງິນແຫ່ງຊາດ ນຳໃຊ້ໃນການເບີກຈ່າຍເງິນເດືອນພາຍໃນ 10 ເມືອງ ທີ່ການບໍລິການຂອງທະນາຄານເຂົ້າເຖິງໄດ້ຍາກ, ການນຳຂັ້ນເມືອງ  ແລະ ຂັ້ນແຂວງນຳໃຊ້ໃນການເບີກຈ່າຍເງິນອຸດໜູນໃຫ້ກັບນາຍບ້ານ ແລະ ຍັງມີຫົວໜ່ວຍ ທຸລະກິດ ເອກະຊົນ ກໍໄດ້ມີການຫັນມາໃຊ້ ຢູມັນນີ ໃນການເບີກຈ່າຍເງິນເດືອນ ແລະ ມີໂຕເລກການນໍາໃຊ້ ເພີ່ມຂຶ້ນເລື່ອຍໆ, ການເບີກຈ່າຍເງິນເດືອນຜ່ານຊ່ອງທາງນີ້ສາມາດຕອບສະໜອງຄວາມຕ້ອງການຂອງ ພະນັກງານ ເປັນຕົ້ນເເມ່ນການຮັບເງິນເດືອນໄດ້ຕາມເວລາກໍານົດ, ເມື່ອຕ້ອງການຖອນເງິນກໍສາມາດຖອນຜ່ານປ່ອງບໍລິການຂອງ Unitelຫຼື ຮ້ານຕົວແທນ u-money ໃນເຂດບ້ານນັ້ນໆ ຫຼື ສາມາດໂອນຫາບັນຊີທະນາຄານໂດຍກົງກໍໄດ້ເຊັນດຽວກັນ.
(ຂ່າວ:ສຕທ)