ທີ່ມາຈາກ 101 ປະເທດທົ່ວໂລກ,ສະເລ່ຍປະມານ 10,000 ຄົນ/ມື້, ເພີ່ມຂຶ້ນ 44.4% ເມື່ອທຽບໃສ່ໄລຍະດຽວກັນຂອງປີ 2023. ໃນນັ້ນຜູ້ໂດຍສານພາຍໃນມີ 2,893,000 ເທື່ອຄົນ ລວມທັງຂົນສົ່ງເຈົ້າໜ້າທີ່ພາກລັດ ແລະ ອາສາສະໝັກກູ້ໄພໃນໄລຍະນ້ຳຖ້ວມ 1,136 ເທື່ອຄົນ, ອຳນວຍຄວາມສະດວກໃຫ້ແຂກນັ່ງລົດໄຟໂດຍບໍ່ເສຍຄ່າໃນໄລຍະກອງປະຊຸມອາຊຽນ 368 ຄົນ ແລະ ຜູ້ໂດຍສານຂ້າມແດນ 107,000 ເທື່ອຄົນ.
ເພື່ອເປັນການຮັບມື ແລະ ອໍານວຍຄວາມສະດວກໃຫ້ຜູ້ໂດຍສານທີ່ນັບມື້ນັບຫຼາຍຂຶ້ນ, ທີ່ຜ່ານມາບໍລິສັດທາງລົດໄຟລາວ-ຈີນ ໄດ້ມີມາດຕະການຫຼາຍຢ່າງ ບໍ່ວ່າຈະເປັນການເພີ່ມຖ້ຽວລົດ, ຕໍ່ຂະບວນລົດ ແລະ ອື່ນໆ, ທັງນີ້ເພື່ອອໍານວຍຄວາມສະດວກໃຫ້ແກ່ການໄປມາຫາສູ່ຂອງພໍ່ແມ່ປະຊາຊົນໃຫ້ມີຄວາມສະດວກສະບາຍຂຶ້ນ ແລະ ອຳນວຍຄວາມສະດວກໃຫ້ແກ່ການເປັນເຈົ້າພາບຈັດກອງປະຊຸມອາຊຽນຂອງ ສປປ ລາວ ພ້ອມທັງເປັນການສົ່ງເສີມການທ່ອງທ່ຽວໃນປີທ່ອງທ່ຽວລາວ 2024 ນີ້.
ໃນອະນາຄົດບໍລິສັດທາງລົດໄຟລາວ-ຈີນ ຈໍາກັດ ໄດ້ວາງແຜນນໍາເຂົ້າລົດໄຟ EMU ຂະບວນທີ 5 ເພື່ອຮອງຮັບນັກທ່ອງທ່ຽວ ແລະ ຊຸກຍູ້ການທ່ອງທ່ຽວລາວໃຫ້ກ້າວຂຶ້ນສູ່ອີກລະດັບໜຶ່ງໃນປີ 2025 ທີ່ໃກ້ຈະມາເຖິງນີ້.
ຂ່າວ: ບໍລິສັດທາງລົດໄຟຈີນລາວ
ຄໍາເຫັນ