ເພື່ອປະກອບສ່ວນແກ້ໄຂຄວາມທຸກຍາກ ຂອງປະຊາຊົນບັນດາເຜົ່າຕາມແນວທາງນະໂຍບາຍຂອງພັກ-ລັດ ແນໃສ່ຫັນປ່ຽນພື້ນຖານເສດຖະກິດທຳມະຊາດໄປສູ່ການຜະລິດເປັນສີນຄ້າໃນຂອບເຂດກະສິກຳ-ປ່າໄມ້, ອຸດສາຫະກໍາ, ຫັດຖະກໍາ, ການຄ້າ ແລະ ການບໍລິການ.
ດ້ານກົງຈັກການຈັດຕັ້ງ, ທນບ ປະກອບດ້ວຍອົງການຈັດຕັ້ງພັກ, ສະພາບໍລິຫານ ແລະ ຄະນະອໍານວຍການ ທີ່ປະຕິບັດໜ້າທີ່ການເມືອງ ຕາມພາລະບົດບາດຂອງຕົນຊຶ່ງໃນຕະຫຼອດ 18 ປີຜ່ານມາ, ຄະນະພັກຮາກຖານ ໄດ້ດໍາເນີນກອງປະຊຸມໃຫຍ່ 2 ຄັ້ງໂດຍ ຄັ້ງທີ I ໄດ້ດໍາເນີນກອງປະຊຸມໃນວັນທີ 30 ມັງກອນ 2015, ຄັ້ງທີ II ໄດ້ດໍາເນີນໃນວັນທີ 28 ກຸມພາ 2020 ໂດຍພາຍໃຕ້ການນໍາພາ ແລະ ຊີ້ນໍາ ຂອງຄະນະພັກຮາກຖານ; ຄະນະອໍານວຍການ ທນບ ໄດ້ຕັ້ງໜ້າຈັດຕັ້ງຜັນຂະຫຍາຍແນວທາງນະໂຍບາຍຂອງພັກ ແລະ ລັດຖະບານກໍຄືມະຕິແຜນການຂອງຄະນະພັກ-ຄະນະຜູ້ວ່າການທະນາຄານແຫ່ງ ສປປ ລາວ; ທນບ ສາມາດຍາດໄດ້ຜົນສໍາເລັດໃໝ່ໃຫຍ່ຫຼວງໃນຫຼາຍດ້ານປະກອບສ່ວນສະໜອງສິນເຊື່ອເຂົ້າເມືອງເປົ້າໝາຍທຸກຍາກ, ຈຸດສຸມລັດຖະບານ-ທ້ອງຖີ່ນ ແລະ ວຽກງານ 3 ສ້າງ. ຕະຫຼອດ 18 ປີຜ່ານມາ ໄດ້ຈັດຕັ້ງການເຄື່ອນໄຫວເປັນ 3 ໄລຍະ ແຕ່ລະໄລຍະແມ່ນໄດ້ມີໝາກຜົນທີ່ພົ້ນເດັ່ນຫຼາຍດ້ານ ເປັນຕົ້ນ ໄລຍະທີ 3 ແຕ່ປີ 2016 ຮອດທ້າຍປີ 2024 ທົ່ວລະບົບມີຍອດສິນເຊື່ອທັງໝົດ 2,976.22 ຕື້ກີບ ເພີ່ມຂື້ນ 316.52 ຕື້ກີບເທົ່າກັບ 12% ເມື່ອທຽບກັບທ້າຍປີ 2015 (2,659.98 ຕື້ກີບ), ໃນນັ້ນ, ສິນເຊື່ອໃນເມືອງເປົ້າໝາຍທຸກຍາກມີ 1,791.21 ຕື້ກີບ, ມີ 17 ແຂວງ, 1 ນະຄອນຫຼວງ, 76 ເມືອງເປົ້າໝາຍ, 4,165 ບ້ານ, 213,961 ຄອບຄົວ; ສິນເຊື່ອຈຸດສຸມລັດຖະບານ-ທ້ອງຖິ່ນມີ 358.08 ຕື້ກີບ, ມີ 17 ແຂວງ, 1 ນະຄອນຫຼວງ, 65 ເມືອງ, 567 ບ້ານ, 29,181 ຄອບຄົວ; ສິນເຊື່ອບ້ານ 3 ສ້າງ 467.84 ຕື້ກີບ, 17 ແຂວງ, 1 ນະຄອນຫຼວງ, 90ເມືອງ, 699 ບ້ານ, 32,609 ຄອບຄົວ.
ໃນໄລຍະດັ່ງກ່າວທນບ ຍັງໄດ້ສະໜອງສິນເຊື່ອໃນຮູບແບບໃໝ່ ໂດຍຜ່ານອົງການຈັດຕັ້ງການເມືອງ-ສັງຄົມແລະກອງທຶນຂັ້ນບ້ານ (ອກສກ).ຮອດທ້າຍປີ 2024ມີຍອດສິນເຊື່ອ ອກສກ ຈໍານວນ561,46ຕື້ກີບເທົ່າກັບ 18,87%ຂອງຍອດສິນເຊື່ອທັງໝົດກວມເອົາ1ນະຄອນຫຼວງ17ແຂວງ, 125ເມືອງ, 644ບ້ານ, 4.145ກຸ່ມ, 13.888 ຄອບຄົວ.ເຫັນວ່າຜ່ານການຈັດຕັ້ງປະຕິບັດໃນໄລຍະຜ່ານມາການເກັບຕົ້ນທຶນດອກເບ້ຍມີປະສິດທິຜົນ, ທ່ວງທັນ ຕາມກຳນົດເວລາ.
ທນບ ຍັງໄດ້ມີການຫັນເປັນທັນສະໄໝໂດຍໄດ້ມີການພັດທະນາລະບົບ ຈາກ Bank 2009 ມາເປັນລະບົບCore-Banking, ເພີ່ມຜະລິດຕະພັນໃນການໃຫ້ບໍລິການຈາກເມື່ອກ່ອນທີ່ມີແຕ່ການສະໜອງສິນເຊື່ອ ແລະ ໂອນເງິນພາຍໃນຄື: ການໂອນເງິນຂ້າມທະນາຄານ ຜ່ານລະບົບ Lapasst; ຮັບເງິນຝາກກະແສລາຍວັນ, ເງິນຝາກປະຢັດ ແລະ ເປັນຕົວແທນໃຫ້ບໍລິການຝາກ-ຖອນເງິນໃຫ້ທະນາຄານທຸລະກິດ ແລະ ຄັງເງິນແຫ່ງຊາດ; ເປັນຕົວແທນຂາຍປະກັນໄພ ລາວ-ຫວຽດ;
ດ້ານການຮ່ວມມືພາຍໃນ ແລະ ສາກົນທະນາຄານນະໂຍບາຍໄດ້ເຂົ້າເປັນສະມາຊິກສະມາຄົມທະນາຄານລາວໃນປີ 2023 ແລະ ໄດ້ເພີ້ມທະວີການພົວພັນຮ່ວມມືຝືກອົບຮົມ, ແລກປ່ຽນບົດຮຽນກັບທະນາຄານພາຍໃນ ແລະ ຕ່າງປະທດໂດຍສະເພາະກັບທະນາຄານນະໂຍບາຍ ສັງຄົມຫວຽດນາມນັບແຕ່ປີ2010 ເປັນຕົ້ນມາ, ໄດ້ເຊັນບົດບັນທືກຄວາມເຂົ້າໃຈທັງ 2 ຝ່າຍ 1 ສະບັບ,ເຊັນແຜນການຮ່ວມມືຍຸດທະສາດໄລຍະຍາວ 5 ປີ2 ຄັ້ງ, ໂຄງການຮ່ວມມື 6 ຄັ້ງ ຊຶງເປັນການປະກອບສ່ວນເຂົ້າໃນການສ້າງສາຍພົວພັນອັນດີງາມລະຫວ່າງ2ທະນາຄານ ກໍ່ຄື 2 ປະເທດລາວ-ຫວຽດນາມຕາມນະໂຍບາຍຂອງພັກ-ລັດ.
ໃນຕະຫຼອດໄລຍະເວລາ 18 ປີຜ່ານມາ, ທນບ ໄດ້ສະໜອງສິນເຊື່ອໃຫ້ແກ່ປະຊາຊົນນໍາໃຊ້ເຂົ້າໃນການປູກເຂົ້າ, ມັນຕົ້ນ, ອ້ອຍ, ສາລີ, ຜັກ, ຊາ, ກາເຟ,ໝາກກ້ຽງ, ຢາງພາລາ;ລ້ຽງງົວ,ໝູ, ໄກ່, ປາ, ປັັດໃຈ, ອຸປະກອນ ແລະພາຫະນະການຜະລິດ;ຜະລິດເສັ້ນເຝີ,ອາຫານແຫ້ງ, ຊາ, ມັນຕົ້ນແຫ້ງ, ຕໍ່າແຜ່ນແພ;ຈັກສານ, ຄວັດ-ແກະສະຫລັກ;ສະໜອງປັດໃຈ, ອຸປະກອນ-ພາຫະນະການຜະລິດ, ບໍລິການກົນຈັກ ແລະ ເກັບຊື້ຜະລິດຕະພັນກະສິກໍາເປັນຈໍານວນເງິນທັງໝົດ8.203,46ຕື້ກີບສາມາດເຂົ້າເຖິງ 17 ແຂວງ,1ນະຄອນຫຼວງ,144ເມືອງ, ເມືອງທຸກຍາກ75 ເມືອງ, ເຂົ້າເຖິງບ້ານທັງໝົດ5.224ບ້ານ, 41.883ກຸ່ມ, ເຂົ້າເຖິງຄອບຄົວທັງໝົດ285.425ຄອບຄົວ, ມີຄອບຄົວຕົວແບບເກີດຂຶ້ນ 401 ຄອບຄົວ;
ພ້ອມນັ້ນ; ປະຊາຊົນໃນເຂດຊົນນະບົດຫ່າງໄກສອກຫຼີກ ໄດ້ຮັບການພັດທະນາຫຼາຍຂື້ນ, ຫຼາຍຄອບຄົວໄດ້ເຂົ້າເຖິງແຫຼ່ງທືນຂອງ ທນບ ເພື່ອພັດທະນາຄອບຄົວໃຫ້ມີວຽກເຮັດງານທໍາ, ສ້າງລາຍໄດ້,ສາມາດຍົກລະດັບຊີວິດຄວາມເປັນຢູ່ໃຫ້ດີຂຶ້ນແລະ ຫຼຸດພົ້ນອອກຈາກຄວາມທຸກຍາກເທຶ່ອລະກ້າວ;ນອກນັ້ນຍັງຊຸກຍູ້ສົ່ງເສີມເສດຖະກີດຄອບຄົວກໍ່ຄືຈຸລະວິສາຫະກິດ,ວິສາຫະກິດຂະໜາດນ້ອຍ ແລະກາງໃນເຂດເມືອງເປົ້າໝາຍ ແລະ ຈຸດສຸມພັດທະນາຕ່າງໆ ໃຫ້ມີທຶນຮອນບໍລິການສອງສົ້ນໄດ້ເຂັ້ມແຂງ ແລະມີປະສິດທິຜົນຫຼາຍຂຶ້ນ, ຫຼາຍບ້ານ ແລະ ຈຸດສຸມ ໄດ້ຮັບການພັດທະນາ ກາຍເປັນຕົວເມືອງນ້ອຍໃນຊົນນະບົດຫຼາຍຂຶ້ນ...ຖ້າທຽບໃສ່ເມື່ອກ່ອນມີຫຼາຍເມືອງ, ຫຼາຍບ້ານ, ຫຼາຍຄອບຄົວຫຼຸດພົ້ນອອກຈາກຄວາມທຸກຍາກ, ປະຈຸບັນຄອບຄົວທຸກຍາກຍັງເຫຼືອພຽງ 223.420 ຄອບຄົວຂອງຄອບຄົວທັງໝົດໃນທົ່ວປະເທດ, ບ້ານທຸກຍາກເຫຼືອພຽງ 1.510 ບ້ານ ຂອງຈໍານວນບ້ານທັງໝົດໃນທົ່ວປະເທດແລະເມືອງທຸກຍາກເຫຼືອພຽງ 23 ເມືອງ;ສ້າງຄອບຄົວຕົວແບບໄດ້ທັງໝົດ 401 ຄອບຄົວ.
ຈາກຜົນງານໃນການປະກອບສ່ວນຕະຫຼອດໄລຍະ 18 ປີຜ່ານມາ; ທນບ ໄດ້ຮັບການຍ້ອງຍໍສັນລະເສີນ ຈາກພັກ, ລັດຖະບານ ແລະ ທະນາຄານແຫ່ງ ສປປ ລາວ ຄື: ຫຼຽນໄຊແຮງງານຊັ້ນ II ຂອງກົມກອງລວມໝູ່ ຂອງ ທນບ; ຫຼຽນໄຊແຮງງານຊັ້ນ II ບຸກຄົນ 6 ທ່ານ, ຫຼຽນໄຊແຮງງານຊັ້ນ III ບຸກຄົນ 19 ທ່ານ, ຫຼຽນກາແຮງງານ ບຸກຄົນ 51 ທ່ານ; ພ້ອມດຽວກັນນັ້ນ, ຍັງມີກົມກອງລວມໝູ່ ແລະ ບຸກຄົນ ໄດ້ຮັບຫຼຽນກາລະນຶກ; ໃບຍ້ອງຍໍປະເພດຕ່າງໆ ຈາກຂັ້ນເທິງຫຼາຍຮ້ອຍທ່ານ.
ທ່ານ ສຸພັກ ຖິ່ນໄຊພອນ ເລຂາຄະນະພັກຮາກຖານ ຜູ້ອໍານວຍການ ທນບ ໄດ້ຢັ້ງຢືນວ່າ: ໃນຕໍ່ໜ້າ ຈະສູ້ຊົນຫັນປ່ຽນຈາກທະນາຄານສະເພາະກິດ (ທະນາຄານນະໂຍບາຍ) ໄປເປັນທະນາຄານທຸລະກິດສະເພາະ(ທະນາຄານພັດທະນາຊົນນະບົດ) ຫຼື ທພບ ຕາມກົນໄກໄລ່ລຽງທຸລະກິດໃຫ້ມີປະສິດທິຜົນ ແລະ ປະສິດທິພາບ ພ້ອມກັນນັ້ນກໍສືບຕໍ່ເຮັດໜ້າທີ່ຮັບໃຊ້ແນວທາງນະໂຍບາຍຂອງພັກ ແລະ ລັດຖະບານວາງອອກແຕ່ລະໄລຍະ; ເພື່ອໃຫ້ການດໍາເນີນທຸລະກິດເປັນໄປຕາມແນວຄິດແຫ່ງຄວາມຍືນຍົງ, ທະນາຄານພັດທະນາຊົນນະບົດ ຈຶ່ງໄດ້ມີວິໃສທັດຮອດປີ 2035 ແລະ ຍຸດທະສາດຮອດປີ 2030.
ຄໍາເຫັນ