 |
ໃນພິທີ, ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນ ນາທິການໃຫຍ່ໜັງສືພິມປະຊາຊົນໄດ້ຍົກໃຫ້ເຫັນມູນເຊື້ອປະຫວັດແຫ່ງການກໍາເນີດ ແລະ ເຕີບໃຫຍ່ຂະ ຫຍາຍຕົວຂອງໜັງສືພິມປະຊາຊົນ ແລະ ທິດທາງແຜນການປັບປຸງໜັງສືພິມໃນຕໍ່ໜ້າ, ເມື່ອຫວນຄືນ 75 ປີຜ່ານມາ, ໜັງສືພິມປະຊາຊົນ ໄດ້ຮັບການປັບປຸງ ແລະ ພັດທະນາ ທັງທາງດ້ານຮູບແບບ ແລະ ເນື້ອ ໃນດີຂຶ້ນ ເປັນກ້າວໆມາ, ປັດຈຸບັນໜັງສືພິມປະຊາຊົນຜະລິດອອກຈໍາໜ່າຍມື້ໜຶ່ງ 1,300 ສະບັບ, ຄະນະ ບັນນາທິການໄດ້ເລັ່ງປັບປຸງການອອກຂ່າວທາງລະບົບອອນລາຍເຮັດໃຫ້ມີເນື້ອໃນຂ່າວ,ບົດນຳ,ບົດຄວາມ,ມະຕິຄໍາສັ່ງແນວທາງນະໂຍບາຍຂອງພັກ, ກົດໝາຍ, ຄໍາຂວັນ, ຄໍາຄົມ ສາລະໜ້າຮູ້ ອອກໃນແຕ່ລະມື້ ແຕ່ລະວັນບໍ່ເວັ້ນວັນເສົາວັນທິດເຮັດໃຫ້ສັງຄົມສົນໃຈຕິດຕາມອ່ານໜັງສືພິມທາງເວັບໄຊ ແລະ ເຟສບຸກ ຫຼາຍຂຶ້ນເຊັ່ນ: ໃນປີ 2022 ມີຄົນເຂົ້າອ່ານເວັບໄຊ 1,450,790 ຄົນ; ປີ 2023 ມີຄົນເຂົ້າອ່ານ 1,575,750; ປີ 2024 ມີຄົນເຂົ້າອ່ານ 1,620,790 ຄົນ; ສະເພາະ 6 ເດືອນຕົ້ນປີ 2025 ມີຜູ້ເຂົ້າອ່ານ 624,540 ຄົນ, ສະເລ່ຍປະມານ 3,459 ຄົນຕໍ່ມື້. ເຂົ້າອ່ານເຟສບຸກໃນປີ 2022 ມີຄົນເຂົ້າອ່ານພຽງແຕ່ 365,712 ຄົນ, ປີ 2023 ມີຄົນເຂົ້າອ່ານ 687,346 ຄົນ, ປີ 2024 ມີຄົນເຂົ້າອ່ານ 1,004,8146 ຄົນ; ສະເພາະ 6 ເດືອນຕົ້ນປີ 2025 ມີຄົນເຂົ້າອ່ານ 9,626,816 ຄົນ, ສະເລ່ຍມີຄົນເຂົ້າອ່ານ 53,479 ຄົນຕໍ່ມື້.
 |
ໂອກາດດັ່ງກ່າວ,ທ່ານ ລາວປາວຊົ່ງ ນະວົງໄຊ ໄດ້ໃຫ້ກຽດໂອ້ລົມໂດຍໄດ້ສະແດງຄວາມຍ້ອງຍໍ ຊົມເຊີຍຕໍ່ຄະນະພັກ,ຄະນະນຳຕະຫຼອດຮອດພະນັກງານໜັງສືພິມປະຊາຊົນຍາດຜົນງານມາໄດ້ຕະຫຼອດໄລຍະທີ່ຜ່ານມາ ແລະ ໄດ້ເນັ້ນໜັກເອົາໃຈໃສ່ຕື່ມດັ່ງນີ້: ຕັ້ງໜ້າຝຶກຝົນຫຼໍ່ຫຼອມໃຫ້ໜັກແໜ້ນທາງດ້ານ ແນວ ຄິດການເມືອງຢູ່ສະເໜີ, ບໍ່ຄອນແຄນໂດຍສະເພາະໃນຍາມສະພາບເສດຖະກິດມີຄວາມຫຍຸ້ງຍາກຍິ່ງຕ້ອງ ໄດ້ຕັດສິນໃຈສູ້ຊົນສູງຂຶ້ນມີຄວາມເສຍສະຫຼະຊ່ວຍພັກ ແລະ ລັດກໍຄືປະເທດຊາດ, ບໍ່ເອື່ອຍອີງໃສ່ແຕ່ພັກ-ລັດ ກໍຄືການຈັດຕັ້ງ; ບໍ່ຮຽກຮ້ອງຄ່າຕອບແທນສູງ ຫຼື ເຮັດພໍແລ້ວມື້ແລ້ວວັນໄປ. ໃຫ້ຄະນະບັນນາທິການເອົາໃຈໃສ່ຝຶກອົບຮົມການຂຽນຂ່າວ-ບົດ ໂດຍສະເພາະແມ່ນຂ່າວສືບສວນ-ສອບສວນ, ບົດວິເຄາະ ວິຈານ ແລະ ການຕອບໂຕ້ຫາງສຽງສັງຄົມ. ໃຫ້ສືບຕໍ່ຄົ້ນຄວ້າແນວທາງນະໂຍບາຍຂອງພັກໃນແຕ່ລະໄລ ຍະໃຫ້ເລິກເຊິ່ງເຖິງຖອງຂຶ້ນກວ່າເກົ່າເພື່ອໃຫ້ມີຂ່າວບົດປະເພດຕ່າງໆໃຫ້ຫຼາຍຂຶ້ນ ໂດຍສະເພາະ ຫົວໜ້າ ພະແນກ, ຮອງຫົວໜ້າພະແນກຕ້ອງເປັນຜູ້ຄົ້ນຄວ້າຂີດຂຽນຕາມພາລະບົດບາດຄວາມຮັບຜິດຊອບຂອງ ຕົນ ໃຫ້ໄດ້ຢ່າງມີປະສິດທິຜົນ ໂດຍສະເພາະບົດທີ່ເວົ້າເຖິງສາມວັນປະຫວັດສາດ, ວັນສໍາຄັນຂອງຊາດ, ບົດວຽກດີຄົນເດັ່ນ,ບົດສະເໜີ, ບົດຄວາມປະເພດຕ່າງໆ, ສ່ອງແສງໃຫ້ເຫັນເຖິງຜົນ ສໍາເລັດຂອງການ ຈັດຕັ້ງປະຕິບັດແນວທາງ, ຜົນສໍາເລັດການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ, ຂະບວນການແຂ່ງຂັນຮັກຊາດ-ພັດທະນາ, ການດໍາເນີນກອງປະຊຸມສາມຂັ້ນ ແລະ ຂະບວນການກະກຽມ ກອງ ປະຊຸມໃຫຍ່ຄັ້ງທີ XII ຂອງພັກ,ລວມທັງບົດສາລະຄະດີທີ່ເປັນປະໂຫຍດຕໍ່ປະຊາຊົນ. ເພີ່ມຄວາມ ເອົາໃຈໃສ່ຕໍ່ກົນໄກເຮັດວຽກຂອງແຕ່ລະພະແນກໃຫ້ມີຄວາມສອດຄ່ອງກົມກຽວຂຶ້ນກວ່າເກົ່າ,ກາຍເປັນຕ່ອງໂສ້ເພື່ອປະຕິບັດແຜນການແຕ່ລະອາທິດ, ແຕ່ລະເດືອນໃຫ້ສໍາເລັດ, ສ້າງກົນໄກຄຸ້ມຄອງເພື່ອຮັບປະກັນ ບໍ່ໃຫ້ເກີດຄວາມຜິດພາດຕໍ່ແນວທາງ, ດ້ານຫຼັກໄວຍະກອນ ແລະອື່ນໆ. ຖ້າອ້າຍນ້ອງເຮັດດີເຮັດແທ້ທໍາຈິງ ຕ້ອງຍ້ອງຍໍຊົມເຊີຍ, ສືບຕໍ່ສົ່ງເສີມໃຫ້ມີຄວາມກ້າວໜ້າຂຶ້ນເລື້ອຍໆ ຖ້າຜູ້ໃດມີຄວາມຜິດພາດໃນການ ປະຕິບັດໜ້າທີ່ວິຊາສະເພາະກໍຕ້ອງມີລະບຽບຄຸ້ມຄອງຢ່າງຮັດກຸມ. ໃຫ້ກະກຽມເນື້ອໃນເພື່ອດໍາເນີນກອງປະ ຊຸມກວດກາປະຈໍາປີ 2025 ຕິດພັນກັບການກະກຽມດໍາເນີນກອງປະຊຸມໃຫ່ຍຄັ້ງທີ XIV ຂອງໜ່ວຍ ພັກໜັງສືພິມປະຊາຊົນໃຫ້ສໍາເລັດຕາມແຜນການ. ອອກແຮງເຄື່ອນໄຫວສ້າງລາຍຮັບຈາກການໂຄສະນາ ໃຫ້ໄດ້ຫຼາຍຂຶ້ນຄົ້ນຄວ້າວິທີການຫາລາຍໄດ້ຈາກເຟສບຸກ ແລະ ເວັບໄຊ ຄຽງຄູ່ກັບການທວງໜີ້ສິນໃຫ້ໄດ້ ເທົ່າທີ່ຈະຫຼາຍໄດ້. ພະນັກງານທຸກຄົນຕ້ອງປະຕິບັດລະບຽບລັດຖະກອນໃຫ້ໄດ້ຢ່າງເຂັ້ມງວດ. ສ້າງຄວາມ ສາມັກຄີພາຍໃນ ແລະ ພາຍນອກໃຫ້ແໜ້ນແຟ້ນຍິ່ງຂຶ້ນ. ປຸກລຸກຂະບວນສ້າງຜົນງານຕ້ອນຮັບວັນສໍາຄັນ ຂອງຊາດ, ຂອງພັກໂດຍເນັ້ນໃສ່ການປະຕິບັດໜ້າທີ່ວິຊາສະເພາະໃຫ້ມີປະສິດທິພາບ ປະສິດທິຜົນເພື່ອ ຮັບປະກັນບໍ່ໃຫ້ມີຄວາມຜິດພາດເກີດຂຶ້ນ.
 |
(ຂ່າວ: ສຳນານ; ພາບ: ວັນເພັງ)
ຄໍາເຫັນ