 |
ລະບົບ Smart Customs ປະກອບມີ 19 ໂມດູນ ໂດຍມີ Data Hub ເປັນສູນກາງເຊື່ອມໂຍງ ແລະ ແລກປ່ຽນຂໍ້ມູນລະຫວ່າງລະບົບພາສີ, ລະບົບຊຳລະສະສາງ ແລະ ໜ່ວຍງານທີ່ກ່ຽວຂ້ອງ ໃຫ້ສາມາດຈັດການຂໍ້ມູນແບບລວມສູນ ແລະ ດຳເນີນຂັ້ນຕອນພາສີໄດ້ມີປະສິດທິພາບສູງຂຶ້ນ. ການນຳໃຊ້ລະບົບນີ້ຄາດວ່າຈະຊ່ວຍຫຼຸດຄວາມຊັບຊ້ອນຂອງຂັ້ນຕອນພາສີ, ອຳນວຍຄວາມສະດວກໃຫ້ຜູ້ປະກອບການໃນການນຳເຂົ້າ-ສົ່ງອອກ ແລະ ຜ່ານແດນສິນຄ້າ ພ້ອມຍົກລະດັບການກວດສອບ ແລະ ຄຸ້ມຄອງລາຍຮັບຂອງລັດ.
ການເປີດໃຊ້ Smart Customs ສອດຄ່ອງກັບຍຸດທະສາດການພັດທະນາເສດຖະກິດດີຈີຕອນແຫ່ງຊາດ 2021-2030 ແລະ ແຜນຫັນການເກັບລາຍຮັບເປັນທັນສະໄໝໄລຍະ 2026-2030 ຕາມມະຕິລັດຖະບານ ເລກທີ 04/ລບ, ລົງວັນທີ 23 ມີນາ 2026.
 |
ຕອນທ້າຍພິທີ, ທ່ານ ວິໄລທອງ ສຸດທະວິໄລ ຫົວໜ້າກົມເຕັກໂນໂລຊີຂໍ້ມູນຂ່າວສານການເງິນ ກະຊວງການເງິນ, ທ່ານ ວົງ ແສງອາລຸນ ຮອງຫົວໜ້າພະແນກການເງິນແຂວງ, ທ່ານ ວົງວັນເພັງ ພູມສະຫວັນ ຮອງຫົວໜ້າກົມພາສີ, ທ່ານ ວິລະປະຊາ ຫຼວງອາມາດ ຫົວໜ້າພາສີປະຈຳແຂວງ ແລະ ປະທານບໍລິສັດ ໄອຄິວຣີ້ເທັກ ຈຳກັດ ໄດ້ຮ່ວມກັນຕັດລິບບີ້ນ ເພື່ອເປັນສັນຍາລັກໃນການເປີດນຳໃຊ້. ໂອກາດດັ່ງກ່າວ, ຄະນະຍັງໄດ້ລົງກວດກາຕິດຕາມການຕິດຕັ້ງ ແລະ ການນຳໃຊ້ລະບົບການເກັບຄ່າທຳນຽມ, ຄ່າບໍລິການ ແລະ ກອງທຶນຕ່າງໆ ແບບລວມສູນ (FinPass) ພາຍໃນດ່ານສາກົນຂົວມິດຕະພາບ 3 ແລະ ທ່າບົກທ່າແຂກ ເພື່ອຕິດຕາມຄວາມພ້ອມ ແລະ ປະເມີນປະສິດທິພາບໃນການນຳໃຊ້ລະບົບດັ່ງກ່າວ.
ຂ່າວ : ມະນີວັນ
ຄໍາເຫັນ