 |
ກອງປະຊຸມຄັ້ງນີ້, ຈັດຂຶ້ນເພື່ອດໍາເນີນການທາບທາມເປີດກວ້າງ ເລືອກເຟັ້ນເອົາເປົ້າໝາຍບຸກຄະລາກອນທີ່ຈະລົງສະໝັກຮັບເລືອກຕັ້ງເປັນຄະນະບໍລິຫານງານພັກກະຊວງ ຍທຂ ຊຸດໃໝ່ ສະໄໝທີ VI. ການທາບທາມຈະໄດ້ດໍາເນີນເປັນ 3 ຮອບ. ສໍາລັບຮອບທີ I ນີ້ເປັນການທາບທາມເປີດກວ້າງມີຈໍານວນຜູ້ເຂົ້າຮ່ວມທັງໝົດ 366 ສະຫາຍ.
ການທາບທາມຄັ້ງນີ້, ມີຄວາມສໍາຄັນຫຼາຍ ເນື່ອງຈາກຈະເປັນຜູ້ສືບຕໍ່ນໍາພາກະຊວງໃນ 5 ປີຕໍ່ໜ້າແມ່ນຂຶ້ນກັບບຸກຄົນຄະນະພັກກະຊວງທີ່ບັນດາສະຫາຍຈະເລືອກເຟັ້ນຈາກຮອບທີ I ເພື່ອເປັນພື້ນຖານໃຫ້ແກ່ຮອບທີ II, ຮອບທີ IIIແລະ ກອງປະຊຸມໃຫຍ່ຜູ້ແທນຄັ້ງທີ VI ຂອງອົງຄະນະພັກກະຊວງ ເພື່ອຮັບປະກັນໃຫ້ແກ່ການເລືອກເຟັ້ນເອົາບຸກຄະ ລາກອນເຂົ້າສະໝັກເປັນຄະນະບໍລິຫານງານພັກກະຊວງສະໄໝທີ VI, ຮຽກຮ້ອງມາຍັງບັນດາຮາກຖານທີ່ເຂົ້າຮ່ວມກອງປະຊຸມຄັ້ງນີ້ໃຫ້ມີຄວາມຮັບຜິດຊອບທາງດ້ານການເມືອງສູງ ຕັດສິນໃຈເລືອກເຟັ້ນເອົາບຸກຄະລາກອນທີ່ມີຄຸນທາດການ ເມືອງໜັກແໜ້ນ, ມີຄຸນສົມບັດສິນທໍາປະຕິວັດ, ມີຄວາມຮູ້ຄວາມສາມາດດ້ານວິຊາການໃດໜຶ່ງທີ່ແນ່ນອນ, ມີຄວາມຮັບຜິດຊອບສູງຕໍ່ໜ້າທີ່ວຽກງານທີ່ຖືກມອບໝາຍ, ເຄົາລົບນັບຖືຄໍາຄິດຄໍາເຫັນຂອງໝູ່ຄະນະ ແລະ ມະຫາຊົນ, ປະຕິບັດລະບອບແບບແຜນວິທີເຮັດວຽກແບບລວມສູນປະຊາທິປະໄຕຂອງພັກ, ຕົກລົງບັນຫາເປັນໝູ່ຄະນະ ປະຕິບັດລະບຽບການ ແລະ ກົດໝາຍຢ່າງເຂັ້ມງວດ. ຫຼີກເວັ້ນແນວຄິດອັກຄະຕິສ່ວນຕົວຕໍ່ກັນ ຊຶ່ງຈະນໍາພາໄປສູ່ການສ້າງຜົນເສຍຫາຍໃຫ້ແກ່ບຸກຄະລາກອນທີ່ມີຄວາມຮູ້-ຄວາມສາມາດ ເຮັດໃຫ້ຂາດໂອກາດເຂົ້າຮ່ວມເປັນຄະນະພັກກະຊວງ.
 |
ເຊື່ອໝັ້ນ ແລະ ມີຄວາມຫວັງຢ່າງສູງວ່າ ກອງປະຊຸມຂອງພວກເຮົາໃນຮອບທີ I ນີ້ຈະສາມາດເລືອກເຟັ້ນໄດ້ບັນດາສະຫາຍທີ່ມີມາດຖານ ແລະ ເງື່ອນໄຂຄົບຖ້ວນເຂົ້າໃນຄະນະບໍລິຫານງານພັກກະຊວງສະໄໝທີ VI ເພື່ອສືບຕໍ່ເປັນເຈົ້າການຊີ້ນໍາ-ນຳພາກະຊວງ ຍທຂ ໃຫ້ມີບາດກ້າວບຸກທະລຸໃໝ່ຮອບດ້ານຕາມຄໍາຂວັນຂອງຂະແໜງ ຍທຂ ທີ່ວ່າ:"ພັດທະນາຂະແໜງການໂຍທາທິການ ແລະ ຂົນສົ່ງໃຫ້ເປັນປາຍແຫຼມ, ມີຈຸດສຸມ, ມີປະສິດທິຜົນສູງ, ທັນສະໄໝ, ປອດໄພ, ມີຄວາມທົນທານຕໍ່ການປ່ຽນແປງດິນຟ້າອາກາດ, ເຊື່ອມໂຍງ-ເຊື່ອມຈອດ ແລະ ຍືນຍົງ". ໃນພິທີ ສະຫາຍ ເດດສົງຄາມ ທຳມະວົງ ຮອງລັດຖະມົນຕີກະຊວງ ຍທຂ ໄດ້ຂຶ້ນຜ່ານມາດຖານເງື່ອນໄຂຜູ້ສະໝັກເລືອກຕັ້ງເຂົ້າໃນຄະນະບໍລິຫານງານພັກກະຊວງສະໄໝທີ VI ພ້ອມທັງທາບທາມບຸກຄະລາກອນຮອບທີ I.
ຂ່າວ: ພູວັນ, ພາບ: ວັນເພັງ
ຄໍາເຫັນ