ໂຄງການພູມີທັດ ແລະ ຊີວິດການເປັນຢູ່ໃນ ສປປລາວ (LLL) ໄດ້ມອບເງິນກອງທຶນພັດທະນາບ້ານໃຫ້ແກ່ 2 ບ້ານເປົ້າໝາຍຂອງໂຄງການຢູ່ເມືອງຊະນະຄາມແຂວງວຽງຈັນຈຳນວນ 411.940.000 ກີບ,ໃນນັ້ນປະກອບມີບ້ານຫ້ວຍຕາວ ແລະ ບ້ານນາສົມບູນໄດ້ຮັບເງິນ ຈຳນວນ 205.970.000ກີບຕໍ່ບ້ານ.
ພິທີມອບ-ຮັບເງິນດັ່ງກ່າວໄດ້ຈັດຂຶ້ນເມື່ອບໍ່ດົນມານີ້ ທີ່ ຫ້ອງການກະສິກໍາ ແລະ ປ່າໄມ້ເມືອງຊະນະຄາມ, ແຂວງວຽງຈັນ. ໂດຍໃຫ້ກຽດເຂົ້າຮ່ວມຂອງ ທ່ານ ບຸນຊ່ວງ ວັນສີ ຮອງເຈົ້າເມືອງໆຊະນະຄາມ, ທ່ານ ສົມນຶກ ຊາມົນຕີ ຮອງຂະແໜງປ່າໄມ້ແຂວງວຽງຈັນ, ມີພາກສ່ວນກ່ຽວຂ້ອງເຂົ້າຮ່ວມ.
ທ່ານ ພອນໄຊ ສີດາວົງ ຮອງຫົວໜ້າຫ້ອງການກະສິກຳ ແລະ ປ່າໄມ້ເມືອງຊະນະຄາມ ໄດ້ກ່າວວ່າ: ຈຸດປະສົງຂອງພິທີຄັ້ງນີ້ ແມ່ນເພື່ອມອບເງິນກອງທຶນພັດທະນາບ້ານໃຫ້ແກ່ 2 ບ້ານເປົ້າໝາຍຂອງໂຄງການ ເຊິ່ງຈໍານວນເງິນກອງທຶນພັດທະນາບ້ານທີ່ມອບ 205.970.000 ກີບ/1ບ້ານ ໄດ້ແບ່ງອອກເປັນ 2 ບ້ວງຄື: ບ້ວງທີ 1 ແມ່ນເງິນກອງທຶນລວມຂອງບ້ານ ຈໍານວນ 164.776.000 ກີບ, ບ້ວງທີ 2 ແມ່ນເງິນກອງທຶນພັດທະນາບ້ານ, ຊ່ວຍເຫຼືອຄອບຄົວທີ່ທຸກຍາກທີ່ສຸດຂອງບ້ານ ຈຳນວນ 10 ຄອບຄົວ ຈຳນວນເງິນ 41.194.000 ກີບ.ຈາກນັ້ນ ໃນພິທີກໍໄດ້ ມອບ - ຮັບ ເງິນກອງທຶນພັດທະນາບ້ານໃຫ້ 2 ບ້ານ ດັ່ງກ່າວ. ໃຫ້ກຽດຕາງໜ້າມອບເງິນແມ່ນ ທ່ານ ບຸນຊ່ວງ ວັນສີ ຮອງເຈົ້າເມືອງໆຊະນະຄາມ ແລະ ຕາງໜ້າຂຶ້ນຮັບເງິນແມ່ນ ນາຍບ້ານຂອງທັງ 2 ບ້ານ.
ໃນຂະນະດຽວກັນນີ້ ການຈັດຕັ້ງທີ່ກ່ຽວຂ້ອງໄດ້ລົງມອບເງິນກອງທຶນພັດທະນາບ້ານຊ່ວຍເຫຼືອຄອບຄົວທີທຸກຍາກທີສຸດ ຂອງບ້ານ ນາສົມບູນ ແລະ ບ້ານຫ້ວຍຕາວຕົກເປັນເງິນ 4.194.000 ກີບ/1 ຄອບຄົວ ລວມມີ 20 ຄອບຄົວ, ລວມເງິນຈຳນວນ 82.380.000 ກີບ. ໃຫ້ກຽດຕາງໜ້າຂຶ້ນມອບເງິນແມ່ນ ທ່ານ ບຸນຊ່ວງ ວັນສີ ຮອງເຈົ້າເມືອງໆຊະນະຄາມ.
ພາບ-ຂ່າວ ເມືອງຊະນະຄາມ ແຂວງວຽງຈັນ
ພິທີມອບ-ຮັບເງິນດັ່ງກ່າວໄດ້ຈັດຂຶ້ນເມື່ອບໍ່ດົນມານີ້ ທີ່ ຫ້ອງການກະສິກໍາ ແລະ ປ່າໄມ້ເມືອງຊະນະຄາມ, ແຂວງວຽງຈັນ. ໂດຍໃຫ້ກຽດເຂົ້າຮ່ວມຂອງ ທ່ານ ບຸນຊ່ວງ ວັນສີ ຮອງເຈົ້າເມືອງໆຊະນະຄາມ, ທ່ານ ສົມນຶກ ຊາມົນຕີ ຮອງຂະແໜງປ່າໄມ້ແຂວງວຽງຈັນ, ມີພາກສ່ວນກ່ຽວຂ້ອງເຂົ້າຮ່ວມ.
ທ່ານ ພອນໄຊ ສີດາວົງ ຮອງຫົວໜ້າຫ້ອງການກະສິກຳ ແລະ ປ່າໄມ້ເມືອງຊະນະຄາມ ໄດ້ກ່າວວ່າ: ຈຸດປະສົງຂອງພິທີຄັ້ງນີ້ ແມ່ນເພື່ອມອບເງິນກອງທຶນພັດທະນາບ້ານໃຫ້ແກ່ 2 ບ້ານເປົ້າໝາຍຂອງໂຄງການ ເຊິ່ງຈໍານວນເງິນກອງທຶນພັດທະນາບ້ານທີ່ມອບ 205.970.000 ກີບ/1ບ້ານ ໄດ້ແບ່ງອອກເປັນ 2 ບ້ວງຄື: ບ້ວງທີ 1 ແມ່ນເງິນກອງທຶນລວມຂອງບ້ານ ຈໍານວນ 164.776.000 ກີບ, ບ້ວງທີ 2 ແມ່ນເງິນກອງທຶນພັດທະນາບ້ານ, ຊ່ວຍເຫຼືອຄອບຄົວທີ່ທຸກຍາກທີ່ສຸດຂອງບ້ານ ຈຳນວນ 10 ຄອບຄົວ ຈຳນວນເງິນ 41.194.000 ກີບ.ຈາກນັ້ນ ໃນພິທີກໍໄດ້ ມອບ - ຮັບ ເງິນກອງທຶນພັດທະນາບ້ານໃຫ້ 2 ບ້ານ ດັ່ງກ່າວ. ໃຫ້ກຽດຕາງໜ້າມອບເງິນແມ່ນ ທ່ານ ບຸນຊ່ວງ ວັນສີ ຮອງເຈົ້າເມືອງໆຊະນະຄາມ ແລະ ຕາງໜ້າຂຶ້ນຮັບເງິນແມ່ນ ນາຍບ້ານຂອງທັງ 2 ບ້ານ.
ໃນຂະນະດຽວກັນນີ້ ການຈັດຕັ້ງທີ່ກ່ຽວຂ້ອງໄດ້ລົງມອບເງິນກອງທຶນພັດທະນາບ້ານຊ່ວຍເຫຼືອຄອບຄົວທີທຸກຍາກທີສຸດ ຂອງບ້ານ ນາສົມບູນ ແລະ ບ້ານຫ້ວຍຕາວຕົກເປັນເງິນ 4.194.000 ກີບ/1 ຄອບຄົວ ລວມມີ 20 ຄອບຄົວ, ລວມເງິນຈຳນວນ 82.380.000 ກີບ. ໃຫ້ກຽດຕາງໜ້າຂຶ້ນມອບເງິນແມ່ນ ທ່ານ ບຸນຊ່ວງ ວັນສີ ຮອງເຈົ້າເມືອງໆຊະນະຄາມ.
ພາບ-ຂ່າວ ເມືອງຊະນະຄາມ ແຂວງວຽງຈັນ
ຄໍາເຫັນ