 |
ສໍາລັບການຜະລິດພືດເປັນສິນຄ້າ ສູ້ຊົນຜະລິດໃຫ້ໄດ້ 1,322,390 ໂຕນ ໃນເນື້ອທີ່ 16,263 ເຮັກຕາ (ສະເລ່ຍ 263,498 ໂຕນ/ປີ). ໃນນີ້, ຜົນຜະລິດກາເຟ (ໝາກແດງ) ໃຫ້ໄດ້ 175,180 ໂຕນ ໃນເນື້ອທີ່ໃຫ້ໝາກ 6,631 ເຮັກຕາ (ສະເລ່ຍ 35,036 ໂຕນ/ປີ); ໝາກແໜ່ງ 6,876 ໂຕນ ໃນເນື້ອທີ່ໃຫ້ໝາກ 1,975 ເຮັກຕາ (ສະເລ່ຍ 1,375 ໂຕນ/ປີ); ຜັກກະລໍ່າປີ 196,258 ໂຕນ ໃນເນື້ອທີ່ 523 ເຮັກຕາ; ຜັກກາດຫໍ່ 81,249 ໂຕນ ໃນເນື້ອທີ 375 ເຮັກຕາ (ປູກ 2-3 ຄັ້ງຕໍ່ປີ); ສາລີອາຫານສັດ 40,232 ໂຕນ ໃນເນື້ອທີ່ 1,020 ເຮັກຕາ; ມັນຕົ້ນທາດແປ້ງ 770,494 ໂຕນ ໃນເນື້ອທີ່ 4,564 ເຮັກຕາ; ກ້ວຍ 37,548 ໂຕນ ໃນເນື້ອທີ 365 ເຮັກຕາ; ໝາກນັດ 7,625 ໂຕນ ໃນເນື້ອທີ່ 65 ເຮັກຕາ ແລະ ຖົ່ວດິນ 6,928 ໂຕນ ໃນເນື້ອທີ່ 703 ເຮັກຕາ.
 |
ພ້ອມກັນນີ້, ກໍເອົາໃຈໃສ່ຊຸກຍູ້ສົ່ງເສີມການລ້ຽງສັດໃຫ້ໄດ້ 276,085 ໂຕ ເຮັດໃຫ້ອັດຕາການຂະຫຍາຍຕົວ ຂອງຝູງສັດເພີ່ມຂຶ້ນໃນລະດັບ 2-3%. ໃນນັ້ນ, ຄວາຍ 3,103 ໂຕ; ງົວ 25,657 ໂຕ; ໝູ 22,748 ໂຕ ແລະ ສັດປີກ 217,913 ໂຕ; ຜະລິດຊີ້ນ, ປາ ແລະ ໄຂ່ ລວມໃຫ້ໄດ້ 13,048 ໂຕນ ເພື່ອຕອບສະໜອງອັດຕາການບໍລິໂພກ ສະເລ່ຍໃຫ້ໄດ້ 48,63 ກິໂລ/ຄົນ/ປີ; ສູ້ຊົນຫັນການລ້ຽງສັດແບບທຳມະຊາດໄປສູ່ການລ້ຽງແບບເປັນຟາມ; ສ້າງກຸ່ມລ້ຽງສັດໃຫ້ໄດ້ 20 ກຸ່ມ; ກຸ່ມປູກຝັງໃຫ້ໄດ້ 30 ກຸ່ມ; ສ້າງສະຫະກອນໃຫ້ໄດ້ 2 ສະຫະກອນ ແລະ ສ້າງຄອບຄົວຕົວແບບປູກຝັງໃຫ້ໄດ້ 100 ຄອບຄົວ.
 |
(ຂ່າວ-ພາບ: ສັນຍາ)
ຄໍາເຫັນ