50 ປີ ພາຍໃຕ້ການນໍາພາທີ່ຖືກຕ້ອງຂອງພັກ ເຮັດໃຫ້ແມ່ຍິງລາວມີບົດບາດ ແລະ ຜົນງານທີ່ເດັ່ນຂຶ້ນໃນສັງຄົມ.

ຕະຫຼອດໄລຍະກວ່າເຄິ່ງສະຕະວັດ, ຊຶ່ງບໍ່ເປັນພຽງແຕ່ຂີດໝາຍປະຫວັດສາດເປັນຈຸດປ່ຽນແປງຂອງຊາດລາວ,ແຕ່ຍັງເປັນການປະກອບສ່ວນອັນສໍາຄັນໃຫ້ແກ່ພາລະກິດປະຕິວັດປົດປ່ອຍຊາດ ຂອງບັນດາປະເທດອິນດູຈີນ, ພ້ອມທັງສົ່ງຜົນກະທົບຢ່າງເລິກເຊິ່ງ ຕໍ່ໂຄງການການເມືອງ ສັງຄົມຢູ່ໃນພາກພື້ນ ອາຊີຕາເວັນອອກສ່ຽງໃຕ້ ແລະ ໃນໂລກ, ວັນສະຖາປະນາ ສປປ ລາວ ຄົບຮອບ 50 ປີ ແມ່ນ 50 ປີ ແຫ່ງການເຕີບໃຫຍ່ຂະຫຍາຍຕົວ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ພາຍໃຕ້ການນໍາພາຂອງພັກ ໄດ້ເຮັດໃຫ້ ສປປ ລາວ ມີການພັດທະນາຢ່າງຮອບດ້ານ, ປະຊາຊົນລາວບັນດາເຜົ່າ, ມີສິດເປັນເຈົ້າຂອງປະເທດຊາດ, ຍູ້ທາງທຳມາຫາກິນມີຄວາມອຸດົມສົມບູນ ແລະ ຮັ່ງມີ, ປະກອບສ່ວນເຂົ້າໃນການປົກປັກຮັກສາສ້າງສາ ແລະ ພັດທະນາປະເທດຊາດໃຫ້ມີຄວາມເຂັ້ມແຂງໝັ້ນຄົງຢ່າງໜັກແໜ້ນ, ເມື່ອເວົ້າເຖິງການພັດທະນາຊາດບໍ່ວ່າຍຸກໃດ ສະໄໝໃດກໍຕ້ອງພັດທະນາຊັບພະຍາກອນມະນຸດ ໄປຄຽງຄູ່ກັນ, ໂດຍສະເພາະແມ່ນເພດຍິງ ຊຶ່ງຕະຫຼອດໄລຍະ 50 ປີຜ່ານມານີ້ ນັບແຕ່ອະດີດຈົນຮອດ ປັດຈຸບັນ, ສັງເກດ ແລະ ສາມາດຕີລາຄາໄດ້ວ່າ ເພດຍິງກໍຄືແມ່ຍິງລາວເຮົານັບມື້ໄດ້ມີໂອກາດ ໃນການເຮັດວຽກໃນທຸກດ້ານຂອງກົງຈັກລັດ ເທົ່າທຽມກັບເພດຊາຍຢ່າງແທ້ຈິງ ໄດ້ຮັບການໄວ້ເນື້ອເຊື່ອເຊື່ອໃຈຈາກ ພັກ-ລັດ ແລະ ປະຊາຊົນ, ຈົນບາງສະຫາຍໄດ້ກ້າວຂຶ້ນເປັນ ຮອງປະທານປະເທດ, ລັດຖະມົນຕີ, ຮອງລັດຖະມົນຕີ, ຫົວໜ້າກົມ ໃນຖັນແຖວກຳລັງ ປກຊ-ປກສ ກໍໄດ້ຮັບການປະດັບຊັ້ນຂຶ້ນເປັນນາຍພົນຈໍານວນໜຶ່ງ, ອັນນີ້ກໍຍ້ອນວ່າມີພັກນໍາພາ ຊີ້ນໍາທີ່ຖືກຕ້ອງ ຈຶ່ງເຮັດໃຫ້ບົດບາດແມ່ຍິງລາວເຮົາ ນັບມື້ສູງຂຶ້ນມີຜົນງານທີ່ເດັ່ນເປັນທີ່ປະຈັກແກ່ສາຍຕາໃນສັງຄົມ.

ທ່ານ ນາງ ພູເງິນ ຈີນທະລາສີ ໃຫ້ຮູ້ຕື່ມວ່າ: ສໍາລັບການກະກຽມສະເຫຼີມສະຫຼອງວັນສໍາຄັນດັ່ງກ່າວອົງການຈັດຕັ້ງກຳມະບານ - ແມ່ຍິງ ຂອງສະຖາບັນການເງິນຈຸລະພາກທີ່ຮັບເງິນຝາກສາຍໃຍສໍາພັນ ພາຍໃຕ້ການຊີ້ນໍາຂອງຄະນະຜູ້ບໍລິຫານ ກໍຄືທິດນໍາລວມ ຂອງຄະນະຜູ້ບໍລິຫານ ສະຖາບັນການເງິນຈຸລະພາກທີ່ຮັບເງິນຝາກ ສາຍໃຍສໍາພັນ, ໄດ້ພ້ອມກັນເປັນເຈົ້າການຮ່ວມກັບພະນັກງານພາຍໃນ ສະຖາບັນການເງິນຈຸລະພາກທີ່ຮັບເງິນຝາກສາຍໃຍສໍາພັນ ຮາກຖານສະຫະພັນແມ່ຍິງແຂວງສະຫັວນນະເຂດ ຕັ້ງໜ້າປະກອບສ່ວນຊຸກຍູ້ທາງດ້ານປັດໃຈ, ເຄື່ອງອຸປະໂພກ-ບໍລິໂພກ ຈໍານວນບໍ່ໜ້ອຍເພື່ອເປັນຂວັນກໍາລັງໃຈໄປມອບໃຫ້ແກ່ ແຕ່ລະກ້ອນກຳລັງຫັດແອບຢູ່ແຕ່ລະຈຸດ, ນອກຈາກນີ້ ຍັງໄດ້ເຂົ້າຮ່ວມທຸກຂະບວນການ ເປັນຕົ້ນແມ່ນການປະດັບປະດາຫ້ອງການພາຍໃຕ້ຄໍາຂວັນ ວັນຊາດທີ 2ທັນວາໜັ້ນຍືນ 50 ປີ ມີໄຊ ແລະ ອື່ນໆ ຢ່າງເປັນຂະບວນການຟົດຟື້ນ.

ໂອກາດດັ່ງກ່າວ, ທ່ານ ນາງ ພູເງິນ ຈີນທະລາສີ ໄດ້ຕາງໜ້າໃຫ້ຄະນະຜູ້ບໍລິຫານ ສະຖາບັນການເງິນຈຸລະພາກທີ່ຮັບເງິນຝາກສາຍໃຍສໍາພັນ ພ້ອມດ້ວຍພະນັກງານ ສະແດງຄວາມຮູ້ບຸນຄຸນຕໍ່ການນໍາຂອງພັກ-ລັດ, ອະດີດການນໍາພັກ-ລັດ ທີ່ໄດ້ເປັນຄັນທຸງນໍາພາປະຊາຊົນລາວບັນດາເຜົ່າ ຍາດເອົາເອກະລາດ ເມື່ອເວົ້າເຖິງ ອະດີດການນໍາ ຊາດເຮົາ ແຕ່ລະຍຸກລ້ວນແລ້ວແຕ່ມີຜູ້ນຳທີ່ແສນຮັກ ມີທັງຄວາມຮູ້ ປີຊາສາມາດ ເປັນຜູ້ນໍາໜ້າ ນໍາພາປະເທດຊາດ ໜຶ່ງໃນນີ້ກໍຄື ປະທານໄກສອນ ພົມວິຫານຊຶ່ງເປັນຜູ້ນຳທີ່ມີຄວາມປີຊາສາມາດ, ເປັນບຸລຸດ ທີ່ຍິ່ງໃຫຍ່ ທີ່ນໍາພາປົດປ່ອຍຊາດລາວອອກຈາກແອກປົກຄອງຂອງຈັກກະພັດລ່າເມືອງຂຶ້ນ, ຜົນງານຂອງເພິ່ນຍິ່ງໃຫຍ່ ຈົນຫາສິ່ງປຽບບໍ່ໄດ້, ດັ່ງນັ້ນພວກເຮົາຈົ່ງພ້ອມກັນຮໍ່າຮຽນ ເອົາບົດຮຽນຂອງເພິ່ນ ແລະ ທຸ້ມເທທຸກເຫື່ອແຮງສະຕິປັນຍາຂອງຕົນເອງ ປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດ ດ້ວຍຄວາມຈົ່ງຮັກພັກດີ ຕະຫຼອດໄປ, ຖືໂອກາດນີ້ອວຍພອນໄຊອັນປະເສີດ ມາຍັງການນໍາພັກ-ລັດ ຈົ່ງມີສຸຂະພາບແຂງແຮງ ມີພາລະນາໄມທີ່ສົມບູນ, ມີຄວາມຜາສຸກທັງຊີວິດສ່ວນຕົວ ແລະ ຄອບຄົວ, ສືບຕໍ່ນໍາພາ ປະເທດຊາດ ກ້າວໜ້າຂຶ້ນຢ່າງບໍ່ຢຸດຢັ້ງ, ອວຍພອນໃຫ້ພະນັກ

ງານ-ນັກຮົບທຸກທົ່ວໜ້າ ຕະຫຼອດຮອດ ປະຊາຊົນລາວບັນດາເຜົ່າ ໃນທົ່ວປະເທດ ຈົ່ງມີສຸຂະພາບແຂງແຮງ ມີແຕ່ຄວາມສຸກຄວາມຈະເລີນ ແລະ ປະສົບຜົນສໍາເລັດໃນໜ້າທີ່ວຽກງານທີ່ໄດ້ຮັບມອບໝາຍທຸກປະການ ສືບຕໍ່ປະກອບສ່ວນ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ຈະເລີນຮຸ່ງເຮືອງສີວິໄລຢ່າງບໍ່ຢຸດຢັ້ງ.

ສາທາລະນະລັດ ປະຊາທິປະໄຕ ປະຊາຊົນລາວ ໝັ້ນຍືນ

ນໍ້າໃຈວັນຊາດ ທີ 2 ທັນວາ ໝັ້ນຍືນ

ປະທານ ໄກສອນ ພົມວິຫານ, ຍືນຍົງໃນພາລະກິດປະຕິວັດລາວ ຕະຫຼອດໄປ