ຂ່າວລະບຸວ່າ: ທ່ານ ຣາມາ ໄດ້ປະກາດໃນ Facebook ຢືນຢັນວ່າ: Diella ຈະເປັນສະມາຊິກຄະນະລັດຖະບານທີ່ບໍ່ມີຕົວຕົນ ແຕ່ຖືກສ້າງຂຶ້ນໃນໂລກທີ່ສະເໝືອນຈິງ, ໂດຍຈະປະຕິບັດໜ້າທີ່ເບິ່ງແຍງ "ການຈັດຊື້-ຈັດຈ້າງພາກລັດທີ່ບໍ່ມີການສໍ້ລາດບັງຫຼວງ 100%" ແລະ ຊ່ວຍໃຫ້ການປະຕິບັດງານຂອງລັດຖະບານວ່ອງໄວ ແລະ ໂປ່ງໃສຍິ່ງຂຶ້ນ.
Della ໄດ້ຖືກພັດທະນາໂດຍການຮ່ວມມືກັບ Microsoft, ນໍາໃຊ້ເຕັກນິກ ແລະ ຮູບແບບ AI ທີ່ທັນສະໄໝເພື່ອຮັບປະກັນຄວາມຖືກຕ້ອງຂອງການເຮັດວຽກ. ທ່ານ ຣາມາ ຫວັງວ່າ Della ຈະຊ່ວຍທຳລາຍອັກຄະຕິ, ຄວາມຢ້ານກົວ ແລະ ຄວາມແຂງກະດ້າງຂອງລະບົບການບໍລິຫານພາກລັດ, ເຮັດໃຫ້ການບໍລິຫານພາກລັດມີປະສິດທິພາບຫຼາຍຂຶ້ນ.
ກ່ອນໜ້ານີ້, Della ເຄີຍເປັນຜູ້ຊ່ວຍສະເໝືອນຈິງທີ່ນຸ່ງຊຸດແຕ່ງກາຍພື້ນເມືອງຂອງອານບານີ, ເຮັດໜ້າທີ່ຊ່ວຍເຫຼືອປະຊາຊົນໃນການເຂົ້າເຖິງເອກະສານດີຈີຕອນຫຼາຍກວ່າ 1 ລ້ານສະບັບໃນແພລັດຟອມບໍລິການສາທາລະນະ e-Albania.
ການແຕ່ງຕັ້ງລັດຖະມົນຕີ AI ຄັ້ງນີ້ ເຮັດໃຫ້ເກີດຄໍາຖາມຈາກຝ່າຍຄ້ານກ່ຽວກັບວ່າລະເມີດລັດຖະທໍາມະນູນ ຫຼື ບໍ, ແຕ່ຄາດວ່າຈະມີຂະບວນການທາງກົດໝາຍ ເພື່ອກຳນົດສະຖານະພາບຂອງ Della ຢ່າງເປັນທາງການ.
ພັກສັງຄົມນິຍົມຂອງ ທ່ານ ຣາມາ ໄດ້ຮັບໄຊຊະນະການເລືອກຕັ້ງເປັນສະໄໝທີ 4 ຕິດຕໍ່ກັນ ແລະ ມີເປົ້າໝາຍທີ່ຈະນຳ ອານບານີ ເຂົ້າເປັນສະມາຊິກສະຫະພາບເອີຣົບພາຍໃນ 5 ປີ, ໂດຍຫວັງວ່າຈະສຳເລັດການເຈລະຈາພາຍໃນປີ 2027.
ຄໍາເຫັນ