ທ່ານນາງ ຈັນສະດາ ສອນນະສິນໄດ້ກ່າວວ່າ: ເສດຖະກິດຂອງ ສປປ ລາວໄດ້ຂະຫຍາຍຕົວຢ່າງຕໍ່ເນື່ອງ, ລັດຖະບານໄດ້ເປີດໂອກາດໃຫ້ແກ່ນັກລົງທຶນທັງພາຍໃນແລະຕ່າງປະເທດເຂົ້າມາລົງທຶນຢ່າງກວ້າງຂວາງ, ໃນນັ້ນຂະແໜງອະສັງຫາລິມະຊັບກໍເປັນອີກຂະແໜງໜຶ່ງທີ່ມີນັກລົງທຶນທັງພາຍໃນແລະຕ່າງປະເທດໃຫ້ຄວາມສົນໃຈເຂົ້າມາລົງທຶນເປັນຈຳນວນຫຼວງຫຼາຍຊຶ່ງຈະເຫັນໄດ້ວ່າໃນຊຸມປີຜ່ານມາ,ການລົງທຶນໃນຂະແໜງອະສັງຫາລິມະຊັບໄດ້ຂະຫຍາຍຕົວຢ່າງຕໍ່ເນື່ອງໂດຍສະເພາະການລົງທຶນກໍ່ສ້າງອາພາດເມັ້ນເພື່ອເປັນທາງເລືອກສຳລັບຜູ້ທີ່ຊອກຫາທີ່ພັກອາໄສ.
ທ່ານປະທານອາພາດເມັ້ນ ຈັນສິລິ ຣີຊີເດັນກ່າວອີກວ່າ: ອາຄານຫຼັງດັ່ງກ່າວໄດ້ສ້າງຂຶ້ນໃໝ່ຊຶ່ງເປັນແຫ່ງທີ 2; ເພື່ອເປັນທາງເລືອກໃຫ້ແກ່ຜູ້ທີ່ກຳລັງຊອກຫາທີ່ພັກອາໄສທີ່ຫຼູຫຼາ, ທັນສະໄໝ ແລະ ໜ້າຢູ່. ການກໍ່ສ້າງອາຄານແຫ່ງນີ້ຖືກຕ້ອງຕາມມາດຕະຖານ ປະກອບມີ 5 ຊັ້ນ(ລວມທັງຊັ້ນໃຕ້ດິນເປັນບ່ອນຈອດລົດ), ຊັ້ນ 2 ສຳນັກງານແລະ ຮ້ານອາຫານ, ສະລອຍນໍ້າ, ຫ້ອງອອກກຳລັງກາຍ, ຫ້ອງອົບຊາວນ່າ ແລະ ຫ້ອງປະຊຸມ ຊຶ່ງສາມາດຮອງຮັບແຂກໄດ້ປະມານ 20 ຄົນ.ຊັ້ນ 3 ແລະ 4 ມີຈໍານວນ 19ຫ້ອງ, ມີຫ້ອງສະຕູດີໂອ, ຫ້ອງນອນດ່ຽວ, ຫ້ອງນອນຄູ່, ສ່ວນຊັ້ນທີ 5 ເປັນທີ່ຢູ່ອາໃສ.ພາຍໃນອາຄານແຫ່ງນີ້ປະກອບດ້ວຍສິ່ງອໍານວຍຄວາມສະດວກຕ່າງໆ ເປັນຕົ້ນລະບົບຮັກສາຄວາມປອດໄພແລະອັກຄີໄພ, ສະຖານທີ່ຈອດລົດກວ້າງຂວາງ, ມີລະບົບຄວາມປອດໄພສູງ,ອິນເຕີເນັດຄວາມໄວສູງ ແລະ ອື່ນໆ.
ຂ່າວ: ຍຸພິນທອງ
ຄໍາເຫັນ