ເມືອງພູວົງລົງສູ່ເສົາຫໍຫຼັກເມືອງຂອງແຂວງອັດຕະປື ໃນວັນທີ 10 ກຸມພາ 2025 ດ້ວຍຄວາມພະຍາຍາມສຸດຂີດຈາກຄະນໍາຂອງແຂວງ ພ້ອມດ້ວຍອົງການຈັດຕັ້ງທຸກພາກສ່ວນທີ່ໄດ້ບຸກລະດົມການປະກອບສ່ວນຈາກບໍລິສັດພັດທະນາຫີນປະເສີດ ລາວ-ຈີນ ຈໍາກັດ ເພື້ອນຳໄປປະດັບຢູ່ສະຖານທີ່ສໍາຄັນຂອງແຂວງ, ເປັນການອະນຸລັກຮັກສາປະເພນີອັນດີງາມຂອງຊາດ, ທັງເປັນການຍົກລະດັບຄຸນຄ່າທາງດ້ານວັດທະນະທຳສ້າງໃຫ້ຄົນທັງຫຼາຍໄດ້ສຳຜັດ ແລະ ກາບໄຫວ້ສັກກະລະບູຊາ ໃນສະຖານທີ່ສຳຄັນຂອງແຂວງອັດຕະປື.
ທ່ານ ພິມພາ ໄຊຍະຜົນ ປະທານແນວລາວສ້າງຊາດເມືອງພູວົງ ໄດ້ຕ່າງໜ້າໃຫ້ອຳນາດການປົກຄອງເມືອງ ກໍຄື ພໍ່ແມ່ປະຊາຊົນເມືອງພູວົງ ສະແດງຄວາມຮູ້ສຶກຜ່ານສື່ມວນຊົນວ່າ: ມື້ນີ້ແມ່ນເປັນມື້ວັນອັນສຳຄັນ ທີ່ເຫັນສັງຄົມ ກໍ່ຄື ພໍ່ແມ່ປະຊົນຢ່າງຫຼວງຫຼາຍໄດ້ມາໃຫ້ການເຄົາລົບນົບໄຫວ ແລະ ສັກກະລະບູຊາໃນພິທີກຳຂະບວນແຫ່ເຄື່ອນຍ້າຍຫີນອ່ອນລົງສູ່ຫໍຫຼັກເມືອງຢູ່ແຂວງອັດຕະປື ຊຶ່ງຫີນອ່ອນ ແມ່ນຖືເປັນຫີນທີ່ປະເສີດ, ເປັນວັດຖຸທີ່ມີຄຸນຄ່າມະຫາສານ, ສຳລັບການນຳໄປບັນຈຸໄວ້ທີ່ຫໍຫຼັກເມືອງ ແລະ ປະດັບຢູ່ສະຖານທີ່ສໍາຄັນຂອງແຂວງອັດຕະປື ເພື່ອເປັນການອະນຸລັກຮັກສາມູນມໍລະດົກວັດຖຸມີຄ່າອັນດີງາມຂອງຊາດ ເວົ້າລວມເວົ້າສະເພາະ ຊາວແຂວງອັດຕະປື ແລະ ໃຫ້ມວນຊົນໄດ້ສຳຜັດກາຍເປັນບ່ອນກາບໄຫວ້ສັກກາລະບູຊາ ແລະ ຫັນເປັນແຫຼ່ງທ່ອງທ່ຽວທາງດ້ານວັດທະນະທໍາຂອງແຂວງໃນອະນາຄົດ.
(ຂ່າວ: ສາຍນ້ຳເຊກອງ)
ຄໍາເຫັນ