 |
ທ່ານນາງ ຈັນເພັດ ຈັນທະມາດ ປະທານຄະນະບໍລິຫານງານສະຫະພັນແມ່ຍິງແຂວງອັດຕະປື ໄດ້ລາຍງານຕໍ່ກອງປະຊຸມຄົບຄະນະບໍລິຫານງານສະຫະພັນແມ່ຍິງແຂວງ ຄັ້ງທີ 2 ສະໄໝທີ່ IX ໃນວັນທີ 8 ກໍລະກົດ 2026 ນີ້ວ່າ: ການຈັດຕັ້ງປະຕິບັດການສ້າງຄອບຄົວ ແລະ ບ້ານແມ່ຍິງ 3 ດີ ທີ່ເຊື່ອມໂຍງກັບການສ້າງບ້ານພັດທະນາຕາມທິດ 3 ສ້າງ, ນອກຈາກຈະເປັນການສົ່ງເສີມບົດບາດຂອງແມ່ຍິງໃນຄອບຄົວແລ້ວ ຍັງເປັນການປູກຝັງຄຸນຄ່າຂອງຄອບຄົວທີ່ດີ ເຊັ່ນ: ການຢູ່ຮ່ວມກັນດ້ວຍຄວາມສາມັກຄີ, ມີຄວາມຮັບຜິດຊອບ, ຮູ້ຈັກເພີ່ງພາຕົນເອງ, ດູແລລູກຫຼານໃຫ້ເຕີບໂຕຢ່າງມີຄຸນນະພາບ ແລະ ຮ່ວມກັນຮັກສາຄວາມເປັນລະບຽບຮຽບຮ້ອຍຂອງຊຸມຊົນ.
ພ້ອມກັນນັ້ນ ການເຊື່ອມໂຍງຂະບວນການ 3 ດີ ກັບທິດ 3 ສ້າງ, ຍັງເປັນການສ້າງພື້ນຖານໃຫ້ບ້ານມີການພັດທະນາ ມີຄວາມເຂັ້ມແຂງຮອບດ້ານ ທັງດ້ານເສດຖະກິດ, ສັງຄົມ ແລະ ວັດທະນະທໍາ, ນີ້ຖືເປັນພື້ນຖານສໍາຄັນໃນການສ້າງຄອບຄົວທີ່ອົບອຸ່ນ, ສະເໝີພາບ, ປາດສະຈາກຄວາມຮຸນແຮງ ແລະ ຮ່ວມກັນພັດທະນາຊຸມຊົນໃຫ້ມີຄວາມຈະເລີນກ້າວໜ້າຢ່າງຍືນຍົງ ແລະ
ການເຄື່ອນໄຫວຂໍ້ແຂ່ງຂັນ 3 ດີ ແມ່ນໄດ້ຮັບການຕອບສະໜອງຢ່າງດີຈາກສະມາຊິກສະຫະພັນແມ່ຍິງ ແລະ ປະຊາຊົນ, ບັນດາຄອບຄົວໄດ້ໃຫ້ຄວາມສົນໃຈ ແລະ ເຂົ້າຮ່ວມຢ່າງກວ້າງຂວາງ ຈົນເຮັດໃຫ້ສັດສ່ວນຄອບຄົວປະເພດແຂງກວມເຖິງເກືອບ 80% ຂອງຈໍານວນຄອບຄົວທີ່ເຂົ້າຮ່ວມ.ຂ່າວ: ມະນີວອນ
ຄໍາເຫັນ