 |
ທ່ານ ກົງໃຈ ສີດາວົງ ກ່າວວ່າ: ການຝຶກອົບຮົມ ການນໍາໃຊ້ລະບົບຖານຂໍ້ມູນການຂຶ້ນບັນຊີໂຄງ ການເຊົ່າ ແລະ ສໍາປະທານທີ່ດິນຂອງລັດ (LCIS) ແລະ ການປັບປຸງຖານຂໍ້ມູນການເຊົ່າ ແລະ ສໍາປະທານທີ່ດິນ ຢູ່ແຂວງອັດຕະປື ພາຍໃຕ້ໂຄງການຊີວິດຈາກດິນເທື່ອນີ້ ແມ່ນມີຄວາມສໍາຄັນຫຼາຍ, ເພື່ອສືບຕໍ່ສ້າງຄວາມເຂັ້ມແຂງໃຫ້ແກ່ບັນດາຂະແໜງການທີ່ກ່ຽວຂ້ອງຂອງແຂວງໃນການນໍາໃຊ້ລະບົບຖານຂໍ້ມູນການຂຶ້ນບັນຊີໂຄງການເຊົ່າ ແລະ ສໍາປະທານທີ່ດິນຂອງລັດ ເຂົ້າໃນການຄຸ້ມຄອງໂຄງການເຊົ່າ ແລະ ສໍາປະທານທີ່ດິນ ຢູ່ຂະແໜງຂອງຕົນ, ເພື່ອເຮັດໃຫ້ຂໍ້ມູນຢູ່ໃນລະບົບຖານຂໍ້ມູນ (LCIS) ມີຄວາມແທດເໝາະກັບສະພາບຄວາມເປັນຈິງ ຄົບຖ້ວນ ແລະ ເຮັດໃຫ້ລະບົບຖານຂໍ້ມູນ (LCIS) ໄດ້ຮັບການປັບປຸງຢ່າງເປັນລະບົບ ຕໍ່ເນື່ອງ, ເຮັດໃຫ້ບັນດາຂະແໜງການທີ່ກ່ຽວຂ້ອງຂັ້ນແຂວງມີຄວາມສາມາດນໍາໃຊ້ຂໍ້ມູນຢູ່ໃນລະບົບຖານຂໍ້ມູນ (LCIS) ເຂົ້າໃນການເຮັດບົດລາຍງານ ແລະ ວິເຄາະຂໍ້ມູນພື້ນຖານ ເພື່ອເປັນບ່ອນອີງໃນການຕິດຕາມກວດກາໂຄງການລົງທຶນ, ການວາງແຜນ ແລະ ນະໂຍບາຍ, ສະນັ້ນ, ຈິ່ງຮຽກຮ້ອງມາຍັງສໍາມະນາກອນທຸກທ່ານ ທຸກຂະແໜງການ ຈົ່ງໄດ້ຕັດສິນໃຈ ແລະ ເອົາໃຈໃສ່ຕັ້ງໃຈຝຶກຢ່າງຈິງໃຈ ມີຄວາມຮັບຜິດຊອບ ແລະ ສາມາດນໍາໃຊ້ຖານຂໍ້ມູນໄດ້. ພ້ອມກັນນັ້ນ, ກໍຕ້ອງໄດ້ສັງລວມ ແລະ ປ້ອນຂໍ້ມູນໃຫ້ສໍາເລັດຕາມຄາດໝາຍທີ່ວາງໄວ້ ເພື່ອເຮັດໃຫ້ຂໍ້ມູນຄົບຖ້ວນ ແລະ ສາມາດນໍາໃຊ້ ເປັນຂໍ້ມູນລາຍງານໃຫ້ຂັ້ນເທິງໄດ້.
 |
ຊຸດຝຶກອົບຮົມຄັ້ງນີ້ ຈະໄດ້ຮັບຟັງການບັນລະຍາຍ ແລະ ຖ່າຍທອດຄວາມຮູ້ ຈາກວິທະຍາກອນ ທີ່ມາຈາກກະຊວງກະສິກຳ ແລະ ສິ່ງແວດລ້ອມ, ກະຊວງອຸດສະຫະກຳ ແລະ ການຄ້າ, ກະຊວງການເງິນ ແລະ ຫ້ອງການຄະນະກຳມະການສົ່ງເສີມ ແລະ ຄຸ້ມຄອງການລົງທຶນ, ໃນການການຕິດຕັ້ງ VPN ແລະ ການຕັ້ງຄ່າ ໃນການເຂົ້າຖານຂໍ້ມູນ LCIS, ການໃຫ້ users ແກ່ຜູ້ເຂົ້າຮ່ວມ, ນໍາພາຜູ້ເຂົ້າຮ່ວມນໍາໃຊ້ LCIS ຕາມແຕ່ລະຄໍາສັ່ງ, ຊ່ອງຫວ່າງຂໍ້ມູນ, ວົງຈອນການໄຫຼວຽນຂໍ້ມູນ ແລະ ຄວາມຮັບຜິດຊອນ ຂອງແຕ່ລະຂະແໜງການ ໃນການປັບປຸງລະບົບ LCIS, ທໍາຄວາມເຂົ້າໃຈ ນິຍາມຂອງບັນດາຄໍາສັບໃນລະບົບຖານ LCIS ເຊັ່ນ: ໂຄງການ, ປະເພດໂຄງການ ທີ່ປ້ອນເຂົ້າຖານຂໍ້ມູນ, ເນື້ອທີ່, ສະຖານະພາບ, ການກວດກາຂໍ້ມູນທີ່ມີຢູ່ໃນຖານ, ການປັບປຸງຂໍ້ມູນທີ່ມີການປ່ຽນແປງ, ຂອບເຂດຕອນດິນ ແລະ ປັບປຸງຂອບເຂດເນື້ອທີ່ນໍາໃຊ້, ການດຶງຂໍ້ມູນມານໍາໃຊ້ ແລະອື່ນໆ.
ຂ່າວ: ວົງສະໄໝ ສີວີໄລ
ຄໍາເຫັນ