ໃນວັນທີ 14 ມັງກອນຜ່ານມາ ທີ່ບ້ານບໍ່ຫຼວງ ເມືອງເງິນ ແຂວງໄຊຍະບູລີ ໄດ້ຈັດພິທີສະເຫຼີມສະຫຼອງບຸນປີໃໜ່ (ກິນຈຽງ) ຂອງເຜົ່າມົ້ງ,ເປັນກຽດເຂົ້າຮ່ວມຂອງທ່ານ ທະວີສັກ ໄຊຍະວົງ ເຈົ້າເມືອງໆເງິນ, ມີການນໍາເມືອງ, ຫົວໜ້າຫ້ອງການ, ກົມກອງພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ຈັ້ງລີ ຢາງນາຍບ້ານບໍ່ຫຼວງ ກ່າວວ່າ: ການຈັດງານຄັ້ງນີ້ມີ 3 ກິດຈະກຳຄື:ສົ່ງທ້າຍປີເກົ່າເອີ້ນວ່າ: ກິນຈຽງ; ຂັ້ນຕອນປົດປີເກົ່າ-ຕ້ອນຮັບປີໃໝ່ ແລະ ຂັ້ນຕອນສະເຫຼີມສະຫຼອງປີໃໝ່ ຫຼື ເອີ້ນກັນວ່າ: ບຸນກິນຈຽງ ຊຶ່ງມີຊື່ເອີ້ນສະເພາະວ່າ: ປັງຈ່າເປເຈົາ.ສໍາລັບຢູ່ເມືອງເງິນ ແນວລາວສ້າງຊາດເມືອງໄດ້ສົມທົບກັບຜູ້ຊົງຄຸນວຸດທິຂອງເຜົ່າຕົກລົງໃຫ້ແຕ່ລະບ້ານໝູນກັນເປັນເຈົ້າພາບໃນແຕ່ລະປີ. ປະເພນີບຸນກິນຈຽງແມ່ນປາງບຸນໃຫຍ່ໜຶ່ງຂອງເຜົ່າມົ້ງ ຖືເປັນນິມິດໝາຍໃຫ້ການຈັດຕັ້ງແຕ່ລະຂັ້ນ, ຜູ້ຊົງຄຸນວຸດທິ, ພໍ່ແມ່ພີ່ນ້ອງບ້ານໃກ້ ແລະ ໄກ, ບ່າວສາວໄດ້ມາພົບປະສັງສັນກັນ, ສ້າງຄວາມສາມັກຄີ ເປັນເວທີໃຫ້ແຕ່ລະຄົນມາສະແດງຄວາມສາມາດໃນດ້ານຕ່າງໆເຊັ່ນ: ສິລະປະ-ວັນນະຄະດີ, ກິລາ ແລະອື່ນໆເພື່ອເປັນການອະນຸລັກປົກປັກຮັກສາປະເພນີວັດທະນະທໍາຂອງເຜົ່າໄວ້ໃຫ້ໜັ້ນຄົງຕະຫຼອດໄປ. ທັງເປັນການສະຫຼອງຜົນສຳເລັດຂອງການເກັບກ່ຽວຜົນຜະລິດປະຈໍາປີເປັນຕົ້ນ ເຂົ້າໄຮ່, ເຂົ້ານາ, ເຜືອກ, ມັນ ແລະ ອື່ນໆ ເພື່ອເປັນການກໍາຈັດປັດເປົ່າສິ່ງບໍ່ດີ ໃຫ້ຕົກໄປນໍາປີເກົ່າ, ປີໃໜ່ໃຫ້ມີແຕ່ສຸຂະພາບແຂງແຮງ ມີໂຊກມີລາບຕະຫຼອດປີ.
ຈາກນັ້ນ,ທ່ານ ຈັ້ງລີ ຢາງໄດ້ໃຫ້ກຽດມອບ-ຮັບການເປັນເຈົ້າພາບງານບຸນໃນປີຕໍ່ໄປ, ໃນພິທີໄດ້ມອບຂອງຂວັນໃຫ້ນັກກິລາແຕ່ລະປະເພດ, ມອບໃບຍ້ອງຍໍໃຫ້ບໍລິສັດ, ຜູ້ປະກອບການທີ່ໄດ້ປະກອບສ່ວນພັດທະນາບ້ານບໍ່ຫຼວງ, ຊົມລາຍການສະແດງສິລະປະຂອງໂຮງຮຽນ ແລະ ບ້ານ, ບາສີສູ່ຂວັນໃຫ້ຄະນະນຳຂອງບ້ານ,ຮ່ວມໂຍນໝາກຄອນ ແລະ ກິດຈະກຳອື່ນໆ.
ຂ່າວ-ພາບ:ອິນແປງ ແຫວນຄຳ
ທ່ານ ຈັ້ງລີ ຢາງນາຍບ້ານບໍ່ຫຼວງ ກ່າວວ່າ: ການຈັດງານຄັ້ງນີ້ມີ 3 ກິດຈະກຳຄື:ສົ່ງທ້າຍປີເກົ່າເອີ້ນວ່າ: ກິນຈຽງ; ຂັ້ນຕອນປົດປີເກົ່າ-ຕ້ອນຮັບປີໃໝ່ ແລະ ຂັ້ນຕອນສະເຫຼີມສະຫຼອງປີໃໝ່ ຫຼື ເອີ້ນກັນວ່າ: ບຸນກິນຈຽງ ຊຶ່ງມີຊື່ເອີ້ນສະເພາະວ່າ: ປັງຈ່າເປເຈົາ.ສໍາລັບຢູ່ເມືອງເງິນ ແນວລາວສ້າງຊາດເມືອງໄດ້ສົມທົບກັບຜູ້ຊົງຄຸນວຸດທິຂອງເຜົ່າຕົກລົງໃຫ້ແຕ່ລະບ້ານໝູນກັນເປັນເຈົ້າພາບໃນແຕ່ລະປີ. ປະເພນີບຸນກິນຈຽງແມ່ນປາງບຸນໃຫຍ່ໜຶ່ງຂອງເຜົ່າມົ້ງ ຖືເປັນນິມິດໝາຍໃຫ້ການຈັດຕັ້ງແຕ່ລະຂັ້ນ, ຜູ້ຊົງຄຸນວຸດທິ, ພໍ່ແມ່ພີ່ນ້ອງບ້ານໃກ້ ແລະ ໄກ, ບ່າວສາວໄດ້ມາພົບປະສັງສັນກັນ, ສ້າງຄວາມສາມັກຄີ ເປັນເວທີໃຫ້ແຕ່ລະຄົນມາສະແດງຄວາມສາມາດໃນດ້ານຕ່າງໆເຊັ່ນ: ສິລະປະ-ວັນນະຄະດີ, ກິລາ ແລະອື່ນໆເພື່ອເປັນການອະນຸລັກປົກປັກຮັກສາປະເພນີວັດທະນະທໍາຂອງເຜົ່າໄວ້ໃຫ້ໜັ້ນຄົງຕະຫຼອດໄປ. ທັງເປັນການສະຫຼອງຜົນສຳເລັດຂອງການເກັບກ່ຽວຜົນຜະລິດປະຈໍາປີເປັນຕົ້ນ ເຂົ້າໄຮ່, ເຂົ້ານາ, ເຜືອກ, ມັນ ແລະ ອື່ນໆ ເພື່ອເປັນການກໍາຈັດປັດເປົ່າສິ່ງບໍ່ດີ ໃຫ້ຕົກໄປນໍາປີເກົ່າ, ປີໃໜ່ໃຫ້ມີແຕ່ສຸຂະພາບແຂງແຮງ ມີໂຊກມີລາບຕະຫຼອດປີ.
ຈາກນັ້ນ,ທ່ານ ຈັ້ງລີ ຢາງໄດ້ໃຫ້ກຽດມອບ-ຮັບການເປັນເຈົ້າພາບງານບຸນໃນປີຕໍ່ໄປ, ໃນພິທີໄດ້ມອບຂອງຂວັນໃຫ້ນັກກິລາແຕ່ລະປະເພດ, ມອບໃບຍ້ອງຍໍໃຫ້ບໍລິສັດ, ຜູ້ປະກອບການທີ່ໄດ້ປະກອບສ່ວນພັດທະນາບ້ານບໍ່ຫຼວງ, ຊົມລາຍການສະແດງສິລະປະຂອງໂຮງຮຽນ ແລະ ບ້ານ, ບາສີສູ່ຂວັນໃຫ້ຄະນະນຳຂອງບ້ານ,ຮ່ວມໂຍນໝາກຄອນ ແລະ ກິດຈະກຳອື່ນໆ.
ຂ່າວ-ພາບ:ອິນແປງ ແຫວນຄຳ
ຄໍາເຫັນ