ແລະ ການຮ່ວມມືລະຫວ່າງປະເທດສະມາຊິກອາຊຽນ, ສົ່ງເສີມວັດທະນະທຳ ແລະ ເອກະລັກຂອງອາຊຽນ, ພັດທະນາການທ່ອງທ່ຽວໃຫ້ມີຄວາມຍືນຍົງ, ສ້າງໂອກາດສຳລັບນັກທ່ອງທ່ຽວ ແລະ ນັກທຸລະກິດ ເພື່ອດຶງດູດນັກທ່ອງທ່ຽວຈາກທົ່ວໂລກ.ສໍາລັບການຈັດງານໃນປີນີ້ ປະເທດມາເລເຊຍໄດ້ຮັບກຽດເປັນເຈົ້າພາບຊຶ່ງໄດ້ຈັດຂຶ້ນທີ່ ລັດ ຈໍຮໍ ບາຣູ ໃນລະຫວ່າງວັນທີ 15-20 ມັງກອນ 2025; ໃນໂອກາດນີ້ ອົງການທ່ອງທ່ຽວປະເທດມາເລເຊຍ ປະຈຳລາວ ກໍໄດ້ເປີດໂອກາດໃຫ້ບໍລິສັດທ່ອງທ່ຽວໃນລາວ ມາຮ່ວມງານເພື່ອເປີດໂອກາດໃຫ້ໄດ້ມາຊອກຄູ່ຮ່ວມທະກິດກໍຄືຕະຫຼາດໃໝ່ໃຫ້ຫຼາຍຂຶ້ນ.
ທ່ານ ນາງ ອຳພອນ ພົມມະວົງ ເຈົ້າຂອງບໍລິສັດ ອຳພອນທ່ອງທ່ຽວ ຈຳກັດຜູ້ດຽວ ຕັ້ງຢູ່ ບ້ານຈອມແຈ້ງເມືອງສີສັດຕະນາກ ນະຄອນຫຼວງວຽງຈັນ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນວ່າ: ຕົນມີຄວາມພາກພູມໃຈ ແລະ ດີໃຈຫຼາຍ ທີ່ໄດ້ຮັບໂອກາດຈາກອົງການທ່ອງທ່ຽວມາເລເຊຍ ປະຈຳລາວ ທີ່ເປີດໂອກາດໃຫ້ບໍລິສັດຂອງຕົນເຂົ້າຮ່ວມງານໃນຄັ້ງນີ້ຊຶ່ງເປັນຄັ້ງທຳອິດ ທີ່ບໍລິສັດໄດ້ຮັບກຽດເຂົ້າຮ່ວມໃນງານ Travex 2025 ນີ້ ໂດຍການມາຮ່ວມໃນງານຊຶ່ງໄດ້ເຂົ້າໄປເຈລະຈາຮ່ວມມືກັບບັນດາບໍລິສັດທຸລະກິດທ່ອງທ່ຽວຮ່ວມກັນຫຼາຍປະເທດ ໂດຍສະເພາະແມ່ນ ປະເທດມາເລເຊຍ, ຟີລິປິນ, ໄທ, ອິນໂດເນເຊຍ, ມຽນມາ ແລະປະເທດອື່ນໆທີ່ເຂົ້າຮ່ວມງານເພື່ອເປັນການຊອກຫາການຮ່ວມມືດ້ານການທ່ອງທ່ຽວລະຫວ່າງບັນດາປະເທດອາຊຽນດ້ວຍກັນ ແນໃສ່ຂະຫຍາຍຕະຫຼາດທ່ອງທ່ຽວໃຫ້ກ້າວຂຶ້ນສູ່ລະດັບອາຊຽນ ແລະ ພາກພື້ນ ຊຶ່ງບໍລິສັດອຳພອນທ່ອງທ່ຽວ ເຖິງວ່າຈະເປັນບໍລິສັດເປີດໃໝ່ມາໄດ້ເກືອບ 1 ປີກໍຕາມ ແຕ່ພວກເຮົາກໍໄດ້ເນັ້ນໃຫ້ການບໍລິການລູກຄ້າດ້ວຍຮອຍຍິ້ມ ຄວາມເປັນກັນເອງ ແລະ ການບໍລິການທີ່ປະທັບໃຈ.
ທ່ານ ນາງ ມຸກດາວັນ ດວງມະນີ ເຈົ້າຂອງບໍລິສັດມຸກດາທ່ອງທ່ຽວ ຈຳກັດຜູ້ດຽວ ຕັ້ງຢູ່ບ້ານໂຊກໃຫຍ່ເມືອງໄຊເສດຖານະຄອນຫຼວງວຽງຈັນ ໄດ້ໃຫ້ສຳພາດວ່າ: ຕົນຮູ້ສຶກດີໃຈຫຼາຍທີ່ໄດ້ຮັບໂອກາດຈາກອົງການທ່ອງທ່ຽວມາເລເຊຍ ປະຈຳລາວ ເຂົ້າຮ່ວມງານໃນຄັ້ງນີ້ ຊຶ່ງເປັນເທື່ອທຳອິດທີ່ໄດ້ເຂົ້າໄປເຈລະຈາການຮ່ວມທຸລະກິດທ່ອງທ່ຽວ ເພື່ອຮ່ວມທຸລະກິດການທ່ອງທ່ຽວຊຶ່ງ ແລະ ກັນ, ແລະຄາດວ່າພາຍຫຼັງມາຮ່ວມງານນີ້ກໍຈະສາມາດເປີດຕະຫຼາດການທ່ອງທ່ຽວຮ່ວມກັນ ລະຫວ່າງ ບໍລິສັດມຸກດາທ່ອງທ່ຽວ ຈຳກັດຜູ້ດຽວ ກັບ ບໍລິສັດມາເລເຊຍ ແລະຈະເປັນການເປີດຕະຫຼາດໃໝ່ຂອງບໍລິສັດ ເພື່ອເພີ່ມຊ່ອງທາງຕະຫຼາດໃໝ່; ສຳລັບບໍລິສັດສ້າງຕັ້ງມາໄດ້ 1 ປີກວ່າ, ໂດຍໄດ້ໃຫ້ບໍລິການນຳພາລູກຄ້າທ່ອງທ່ຽວຕ່າງປະເທດເຊັ່ນ: ສສ ຫວຽດນາມ, ໄທ, ກຳປູເຈຍ, ສປ ຈີນ. ນອກຈາກນັ້ນ, ບໍລິສັດຍັງໃຫ້ບໍລິການລູກຄ້າໄດ້ນຳເອົາລູກຄ້າຕ່າງປະເທດມາທ່ຽວ ສປປ ລາວຊຶ່ງບໍລິສັດພວກເຮົາຈະໄດ້ເນັ້ນການບໍລິການທີ່ດີໃຫ້ລູກຄ້າໄດ້ຮັບຄວາມປະທັບໃຈ ແລະ ເຊື່ອໝັ້ນໄດ້ວ່າບໍລິສັດແມ່ນໃຫ້ບໍລິການທີ່ເຊື່ອຖືໄດ້ ແລະ ໄວ້ວາງໃຈໄດ້ ໃຫ້ການບໍລິການທ່ອງທ່ຽວໃຫ້ມີຄວາມສຸກ ແລະ ຄວາມປະທັບໃຈ.
ຄໍາເຫັນ