ເພື່ອກະກຽມຄວາມພ້ອມຮັບໃຊ້ ກອງປະຊຸມສຸດຍອດ ການຮ່ວມມືຊຽງໄຮ SCO ທີ່ຈະຈັດຂຶ້ນໃນວັນທີ 31 ຫາ 1 ກັນຍານີ້ ທີ່ເມືອງ ທຽນຈິນ ສປ ຈີນ
ໄດ້ຮັບກຽດເປັນເຈົ້າພາບ ເຊິ່ງມີບັນດາສື່ມວນຊົນພາຍໃນ ສປ ຈີນ ແລະ ສື່ມວນຊົນຈາກຕ່າງປະເທດ ມີຄວາມເອົາໃຈໃສ່ຂຸ້ນຂ້ຽວຫ້າວຫັນປະຕິບັດໜ້າທີ່ຂອງຕົນ ເພື່ອບັນທຶກເນື້ອໃນກອງປະຊຸມ ແລະ ເປັນກະບອກສຽງໂຄສະນາໃຫ້ແກ່ປະຊາຊົນທັງພາຍໃນ ແລະ ທົ່ວໂລກຮັບຮູ້ຂໍ້ມູນຂ່າວສານຕ່າງໆໃນໃລຍະດຳເນີນກອງປະຊຸມຄັ້ງນີ້.
ກອງປະຊຸມ SCO ເຊິ່ງເປັນຄັ້ງທີ 25 ແລະ ຈະດໍາເນີນເປັນເວລາ 2 ວັນ ເຊິ່ງຈະມີ ປະທານປະເທດ ທີ່ເປັນສະມາຊິກອົງການດັ່ງກ່າວ ແລະ ທ່ານ ອັນໂຕນີໂອ ເລຂາທິການ ສະຫະປະຊາຊາດ ແລະ ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວເຂົ້າຮ່ວມ, ນອກນັ້ນ ຈະມີຕາງໜ້າອົງກອນຕ່າງໆທີ່ກ່ຽວຂ້ອງເຂົ້າຮ່ວມອີກດ້ວຍ.
ຕາມການລາຍງານຂອງໜ່ວຍງານຮັບຜິດຊອບທາງດ້ານສື່ທີ່ລົງທະບຽນໃນຄັ້ງນີ້ມີນັກຂ່າວ ຈາກພາຍໃນ ແລະ ຕ່າງປະເທດ ທີ່ເຂົ້າຮ່ວມລາຍງານຂ່າວທັງໝົດ ປະມານ 3,000 ຄົນ ໃນນີ້ແມ່ນສື່ມວນຊົນ ສປ ຈີນ ຫຼາຍກວ່າສື່ມວນຊົນຕ່າງປະເທດທີ່ເຂົ້າເກັບກຳຂ່າວຕະຫຼອດໄລຍະກອງປະຊຸມ.
ພາບ,ຂ່າວ: ໄມຕຣີ
ຄໍາເຫັນ