ບັ້ນຮົບໄຊຊະນະດຽນບຽນຝູ້  (ໃນໂອກາດວັນໄຊຊະນະດຽນບຽນຝູ້ຮົບຮອບ 70 ປີ,7/5/1954-7/5/2023)

ບັ້ນຮົບໄຊຊະນະດຽນບຽນຝູ້  (ໃນໂອກາດວັນໄຊຊະນະດຽນບຽນຝູ້ຮົບຮອບ 70 ປີ,7/5/1954-7/5/2023)
ຮຽບຮຽງໂດຍ: ວິໄລສັກ
ກ່ອນໜ້ານີ້ 70ປີ, ກອງທັບ ແລະ ປະຊາຊົນ ຫວຽດນາມ ໄດ້ຍາດເອົາໄຊຊະນະປະຫວັດສາດ ດຽນບຽນຝູ້. ໄຊຊະນະດັ່ງກ່າວໄດ້ນຳໄປສູ່ການລົງນາມໃນສັນຍາເຊີແນວກ່ຽວກັບການຢຸດຕິສົງຄາມ ແລະ ຟື້ນຟູສັນຕິພາບຢູ່ອິນດູຈີນ, ສ້າງປະຖົມປັດໄຈໃຫ້ປະຊາຊົນຫວຽດນາມ ທ້ອນໂຮມປະເທດຊາດເປັນເອກະພາບໃນປີ 1975. 
70ປີ, ພາຍຫຼັງໄຊຊະນະດຽນບຽນຝູ້, ປະຊາຊົນຫວຽດນາມ ແລະ ຝຣັ່ງ ໄດ້ຮ່ວມກັນສ້າງສາຍພົວພັນມິດຕະພາບ, ການຮ່ວມມື ແລະ ພັດທະນາ.ດຽນບຽນຝູ້ ແມ່ນບັ້ນຮົບໃຫຍ່ສຸດໃນສົງຄາມອິນດູຈີນຄັ້ງທີໜຶ່ງ ຊຶ່ງໄດ້ເກີດຂຶ້ນຢູ່ເມື່ອງແທັງເມືອງດຽນບຽນແຂວງລາຍເຈົາ (ປັດຈຸບັນແມ່ນນະຄອນດຽນບຽນຝູ້ ແຂວງດຽນບຽນ).
ບັ້ນຮົບ ດຽນບຽນຝູ້ ເປັນຂີດໝາຍ ແຫ່ງການປົດປ່ອຍຊາດ.
ຕີລາຄາກ່ຽວກັບຄວາມໝາຍປະຫວັດສາດຂອງໄຊຊະນະດຽນບຽນຝູ້, ປະທານ ໂຮ່ຈິມິນ ໄດ້ເວົ້າວ່າ:ນີ້ແມ່ນຫຼັກໝາຍປະຫວັດສາດທີ່ຮຸ່ງເຮືອງເຫຼືອງເຫຼື້ອມ,ແມ່ນບົດກອນລຳອຳມະຕະຂອງສົງຄາມປະຊາຊົນ. ສ່ວນທ່ານ ພົນເອກ ຫວໍງວຽນຢາບ ຢັ້ງຢືນວ່າ: ຫວຽດນາມສາມາດເຮັດໄດ້ສິ່ງທີ່ຄິດວ່າເປັນເທບນິຍາຍ ແຕ່ພັດກາຍເປັນຄວາມຈິງ.
ດ້ວຍໄຊຊະນະດຽນບຽນຝູ້, ສັນຍາເຊີແນວວ່າດ້ວຍການຢຸດຕິສົງຄາມ, ຟື້ນຟູສັນຕິພາບຢູ່ອິນດູຈີນ, ລຶບລ້າງການປົກຄອງຂອງຝຣັ່ງ, ການຮັບຮູ້ເອກະລາດຂອງ 3ຊາດອິນດູຈີນ ຫວຽດນາມ, ລາວ ແລະ ກຳປູເຈຍ ໄດ້ຮັບການລົງນາມ. ເຄິ່ງໜຶ່ງຂອງດິນແດນຫວຽດນາມໄດ້ຮັບການປົດປ່ອຍຢ່າງສົມບູນ, ເປີດໄລຍະປະຕິວັດໃໝ່, ກໍ່ສ້າງພາກເໜືອໃນ ສັນຕິພາບ, ຂ້າມຜ່ານກ້າວຂຶ້ນສູ່ສັງຄົມນິຍົມ, ເປັນແນວຫຼັງອັນໃຫຍ່ຫຼວງ ແລະ ໝັ້ນແກ່ນໃຫ້ແກ່ພາລະກິດທ້ອນໂຮມປະເທດຊາດ ເປັນເອກະພາບ.
ໄຊຊະນະດຽນບຽນຝູ້ ບໍ່ພຽງແຕ່ສົ່ງຜົນສະທ້ອນຕໍ່ວິວັດທະນາການປະຫວັດສາດ ຂອງ ຫວຽດນາມ ເທົ່ານັ້ນ, ຫາກຍັງປະກອບສ່ວນເຂົ້າໃນການປ່ຽນແປງຂອງສະພາບການໂລກ, ເປີດຊ່ອງທາງໃຫ້ແກ່ຂະບວນການຍາດເອົາເອກະລາດ ແຫ່ງຊາດຂອງບັນດາປະເທດທີ່ເປັນຫົວເມືອງຂຶ້ນ.ທ່ານ ຄຣິສຕຽນ ຊີ ເລຊ (ມະຫາວິທະຍາໄລ North Carolina Chapel Hill, ອາເມຣິກາ) ກ່າວວ່າ: ບັ້ນຮົບດຽນບຽນຝູ້ ໄດ້ເຮັດໃຫ້ໂລກປ່ຽນແປງໄປ. ນັບແຕ່ປີ 1954-1964, ມີ 17ປະເທດ ໃນຈໍານວນ22 ປະເທດ ທີ່ເປັນຫົວເມືອງຂຶ້ນຂອງຝຣັ່ງໄດ້ຮັບເອກະລາດ. ສະເພາະຢູ່ອາຟຣິກາ, ໃນປີ 1960ມີ ເຖິງ 17 ປະເທດໄດ້ປະກາດເອກະລາດ.
 ໜ້າປະຫວັດສາດໃໝ່ໃນການພົວພັນຫວຽດນາມ - ຝຣັ່ງ
19 ປີພາຍຫຼັງໄຊຊະນະດຽນບຽນຝູ້, ໃນວັນທີ 12 ເມສາ 1973ຝຣັ່ງ ໄດ້ກາຍເປັນໜຶ່ງໃນບັນດາປະເທດເອີຣົບຕາເວັນຕົກທຳອິດທີ່ສ້າງຕັ້ງການພົວພັນທາງການທູດກັບຫວຽດນາມ. ນັບແຕ່ທ້າຍຊຸມປີ 80 ຂອງສະຕະວັດທີ 20, ຝຣັ່ງ ໄດ້ການຊ່ວຍເຫຼືອ ຫວຽດນາມ ດ້ານການເງິນ. ປີ 1993, ທ່ານ ຟຣານຄອຍສ ມິດເຕີເຣນ ແມ່ນປະທານາທິບໍດີຝຣັ່ງ ຄົນທຳອິດທີ່ເດີນທາງມາ ຢ້ຽມຢາມ ຫວຽດນາມ ຊຶ່ງເປັນຂີດໝາຍບາດກ້າວຫັນປ່ຽນທີ່ສຳຄັນໃນການພົວພັນກັບ ຫວຽດນາມ, ພິເສດແມ່ນບັນດາຍຸດທະສາດ ແລະ ນະໂຍບາຍທີ່ຝຣັ່ງ ປະຕິບັດຢູ່ອາຊີຕາເວັນອອກສ່ຽງໃຕ້ ແລະ ພາກພື້ນອາຊີ ປາຊີຟິກ. 
ປີ 2013, ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນສ້າງຕັ້ງການພົວພັນທາງການທູດ, 2 ປະເທດໄດ້ລົງນາມໃນຖະແຫຼງການຮ່ວມກ່ຽວກັບການພົວພັນຄູ່ຮ່ວມມືຍຸດທະສາດ ຫວຽດນາມ - ຝຣັ່ງ. ໄລຍະທາງ5 ທົດສະວັດຜ່ານມາ, ການພົວພັນລະຫວ່າງຫວຽດນາມ ແລະ ຝຣັ່ງ ນັບມື້ເຂົ້າສູ່ລວງເລິກ ແລະ ມີປະສິດທິຜົນ. ພິເສດແມ່ນໃນຂົງເຂດການຄ້າ, ດ້ວຍການຜັນຂະຫຍາຍສັນຍາການຄ້າເສລີ ຫວຽດນາມ - ສະຫະພາບເອີຣົບ (EVFTA), ວົງເງິນການຄ້າສອງຝ່າຍໄດ້ເຕີບໂຕຢ່າງຕໍ່ເນື່ອງ, ບັນລຸເກືອບ 8,5ຕື້ໂດລາ ໃນປີ 2022. ປັດຈຸບັນ, ຝຣັ່ງ ແມ່ນຄູ່ຮ່ວມມືການຄ້າແຖວໜ້າຂອງຫວຽດນາມ ໃນສະຫະພາບເອີຣົບ.
ກ່ຽວກັບການຮ່ວມມືພັດທະນາ, ຝຣັ່ງ ແມ່ນຜູ້ອຸປະຖຳແຖວໜ້າຂອງເອີຣົບ ໃຫ້ແກ່ ຫວຽດນາມແລະ ຫວຽດນາມ ແມ່ນອັນດັບທີ 2 ໃນບັນດາປະເທດໄດ້ຮັບທຶນຊ່ວຍເຫຼືອ (ODA) ຂອງ ຝຣັ່ງ ຢູ່ ອາຊີ ດ້ວຍຈຳນວນທຶນ 18,4 ຕື້ໂດລາ (ນັບແຕ່ປີ 1993 ເປັນຕົ້ນມາ). ທ່ານ Benoit Guidéeຫົວໜ້າກົມອາຊີ-ອົສຕຣາລີກະຊວງການຕ່າງປະເທດ ຝຣັ່ງ ເນັ້ນວ່າ:ສິ່ງທີ່ສ້າງເປັນກຳລັງແຮງໃຫ້ແກ່ການພົວພັນຫວຽດນາມ - ຝຣັ່ງແມ່ນເໜືອກວ່າທັງການເຈລະຈາດ້ານການເມືອງທີ່ມີຄຸນນະພາບ, ນັ້ນແມ່ນລະດັບຄວາມເຂັ້ມຂຸ້ນຂອງການພົວພັນດ້ານມະນຸດ. ເໜືອກວ່າທຸກປະເທດອື່ນໃນອາຊີ, ການພົວພັນລະຫວ່າງຝຣັ່ງ - ຫວຽດນາມໃນຂອບເຂດສະມາຄົມ, ວັດທະນະທຳ, ຊາວໜຸ່ມ, ນັກສຶກສາ ຫຼື ນັກຄົ້ນຄວ້າໃນທຸກຂົງເຂດນັບມື້ແຂງແຮງ. ນັບທັງຢູ່ໃນລະດັບສະມາຄົມມິດຕະພາບຫຼືອຳນາດການປົກຄອງທ້ອງຖິ່ນ. ນັ້ນແມ່ນສິ່ງທີ່ສ້າງເປັນກຳລັງແຮງແກ່ການພົວພັນ ຫວຽດນາມ ແລະ ຝຣັ່ງ.ປັດຈຸບັນ, ຝຣັ່ງ ພວມຕັ້ງໜ້າຜັນຂະຫຍາຍນະໂຍບາຍທີ່ຂະຫຍັນຂັ່ນເຄື່ອນ ແລະ ຮອບດ້ານ ມຸ່ງໄປສູ່ພາກພື້ນ ອາຊີ - ປາຊີຟິກ, ໃນນັ້ນ ຫວຽດນາມ ມີບົດບາດເປັນແກ່ນສານ.
ທ່ານດິງຕວານ ຖັງເອກອັກຄະລັດຖະທູດ ຫວຽດນາມ ປະຈຳ ຝຣັ່ງ ໃຫ້ຮູ້ວ່າ:ການພົວພັນຫວຽດນາມ - ຝຣັ່ງ ໄດ້ກ້າວເຂົ້າສູ່ໄລຍະຮ່ວມມືໃໝ່ພາຍຫຼັງ 50 ປີແຫ່ງການສ້າງຕັ້ງການພົວພັນທາງການທູດ. ພວກເຮົາມີຄວາມຜູກພັນ ແລະ ໄດ້ຮັບການສະໜັບສະໜູນອັນໃຫຍ່ຫຼວງຈາກປະຊາຊົນສອງປະເທດ. ພ້ອມທັງມີການແບ່ງປັນລະຫວ່າງການນຳ 2 ປະເທດ ກ່ຽວກັບວິໄສທັດ ຂອງການພົວພັນສອງຝ່າຍໃນໄລຍະຈະມາເຖິງ ດ້ວຍບັນດາເສົາຄ້ຳສຳຄັນ, ບຸລິມະສິດ ແລະ ຕອບສະໜອງຄວາມຮຽກຮ້ອງຕ້ອງການໃນປັດຈຸບັນ.
70 ປີ, ໄດ້ຜ່ານໄປ ນັບແຕ່ວັນທຸງຊາດຂອງກອງທັບຫວຽດນາມປິວສະບັດ ຢູ່ເທິງຂຸມຫຼົບໄພຂອງນາຍພົນ De Castries. ປັດຈຸບັນ, ປະຊາຊົນສອງປະເທດ ຫວຽດນາມ ແລະ ຝຣັ່ງ ພວມພ້ອມກັນພັດທະນາ, ມຸ່ງໄປເຖິງບັນດາຫຼັກໝາຍໃໝ່ໃນການພົວພັນ 2 ຝ່າຍ.

ຄໍາເຫັນ

ຂ່າວຕ່າງປະເທດ

ຜູ້ຊ່ຽວຊານເຕືອນ ອາຫານປຸງແຕ່ງສູງ ສາມາດກິນໄດ້ໃນລະດັບປານກາງ

ຜູ້ຊ່ຽວຊານເຕືອນ ອາຫານປຸງແຕ່ງສູງ ສາມາດກິນໄດ້ໃນລະດັບປານກາງ

ຂ່າວຕ່າງປະເທດລາຍງານ ເມື່ອບໍ່ດົນມານີ້; ໜັງສືພິມ Washington Post ລາຍງານວ່າ: ເຖິງແມ່ນວ່າການຄົ້ນຄວ້າຫຼາຍໆຄັ້ງຈະພົບວ່າ ການບໍລິໂພກອາຫານທີ່ປຸງແຕ່ງສູງ (ultra-processed food) ຫຼື ອາຫານທີ່ຜ່ານການປຸງແຕ່ງຫຼາຍເປັນພິເສດເຊັ່ນ: ພິດຊາແຊ່ແຂງ ໃນປະລິມານຫຼາຍ ກ່ຽວຂ້ອງກັບຄວາມສ່ຽງທີ່ເພີ່ມຂຶ້ນຂອງພະຍາດຊໍາເຮື້ອ. ແຕ່ຜູ້ຊ່ຽວຊານດ້ານສຸຂະພາບແນະນໍາວ່າບໍ່ຄວນຫຼີກລ່ຽງອາຫານເຫຼົ່ານີ້ທັງໝົດ, ແຕ່ຄວນຈໍາກັດປະລິມານການບໍລິໂພກ.
ມຽນມາ ກຽມຈັດກອງປະຊຸມຟື້ນຟູເສດຖະກິດຫຼັງແຜ່ນດິນໄຫວ

ມຽນມາ ກຽມຈັດກອງປະຊຸມຟື້ນຟູເສດຖະກິດຫຼັງແຜ່ນດິນໄຫວ

ຂ່າວຕ່າງປະເທດລາຍງານ ຫວ່າງມໍ່ໆມານີ້; ກະຊວງຖະແຫຼງຂ່າວມຽນມາ ເປີດເຜີຍວ່າ: ມຽນມາ ກະກຽມຈັດກອງປະຊຸມກ່ຽວກັບການຟື້ນຟູເສດຖະກິດຫຼັງແຜ່ນດິນໄຫວ ທີ່ນະຄອນຫຼວງເນປີດໍ ລະຫວ່າງວັນທີ 30 ຫາ 31 ພຶດສະພານີ້.
ລາຄານຳເຂົ້າ ສ ເກົາຫຼີ ຫຼຸດລົງ 3 ເດືອນຕິດຕໍ່ກັນ

ລາຄານຳເຂົ້າ ສ ເກົາຫຼີ ຫຼຸດລົງ 3 ເດືອນຕິດຕໍ່ກັນ

ຂ່າວຕ່າງປະເທດລາຍງານ; ທະນາຄານກາງ ສ ເກົາຫຼີ ໄດ້ເປີດເຜີຍຂໍ້ມູນໃນທ້າຍອາທິດຜ່ານມານີ້ວ່າ: ດັດຊະນີລາຄານຳເຂົ້າໃນເດືອນເມສາ ຫຼຸດລົງ 1.9% ຈາກເດືອນກ່ອນ. ສືບຕໍ່ຈາກການຫຼຸດລົງ 0.4% ໃນເດືອນມີນາ.
ກອງປະຊຸມຄະນະກຳມະການໃຫ້ຄຳປຶກສາການຮ່ວມມືສາກົນ “ໜຶ່ງແລວໜຶ່ງເສັ້ນທາງ”

ກອງປະຊຸມຄະນະກຳມະການໃຫ້ຄຳປຶກສາການຮ່ວມມືສາກົນ “ໜຶ່ງແລວໜຶ່ງເສັ້ນທາງ”

ຂ່າວສານຊີອາໄອລາຍງານ ຫວ່າງມໍ່ໆມານີ້ວ່າ: ກອງປະຊຸມປະຈຳປີ 2025 ຂອງຄະນະກຳມະການໃຫ້ຄຳປຶກສາເວທີປຶກສາຫາລືສຸດຍອດການຮ່ວມມືສາກົນ “ໜຶ່ງແລວໜຶ່ງເສັ້ນທາງ” ໄດ້ຈັດຂຶ້ນຢູ່ນະຄອນນິງໂປ ແຂວງເຈີ້ຈ່ຽງປະເທດຈີນ. ບັນດາສະມາຊິກຄະນະກຳມະການດັ່ງກ່າວທີ່ເຂົ້າຮ່ວມກອງປະຊຸມໄດ້ປຶກສາຫາລືໂດຍປິ່ນອ້ອມຫົວຂໍ້ຕົ້ນຕໍຄື “ຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ທີ່ມີຄຸນນະພາບສູງ, ສ້າງໂລກທີ່ເປີດກວ້າງ, ກວມລວມ, ເຊື່ອມໂຍງເຊື່ອມຈອດ ແລະ ພັດທະນາຮ່ວມກັນ”, ໂດຍໄດ້ລົງເລິກປຶກສາຫາລືກ່ຽວກັບ ການຮ່ວມມືສາກົນ “ໜຶ່ງແລວໜຶ່ງເສັ້ນທາງ”, ການເປີດເສລີ ແລະ ການອຳນວຍຄວາມສະດວກໃຫ້ແກ່ການຄ້າ ແລະ ການລົງທຶນ, ການຮ່ວມມືດ້ານເສດຖະກິດດີຈີ ຕອນກັບປັນຍາປະດິດ ແລະ ຫົວຂໍ້ອື່ນໆ.
ມະຕິຍຸດທະສາດ 4 ສະບັບ ນຳປະເທດຫວຽດນາມບືນຕົວຂຶ້ນ

ມະຕິຍຸດທະສາດ 4 ສະບັບ ນຳປະເທດຫວຽດນາມບືນຕົວຂຶ້ນ

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້ ຢູ່ນະຄອນຫຼວງຮ່າໂນ້ຍ, ກົມການເມືອງ, ຄະນະເລຂາ ໄດ້ຈັດຕັ້ງກອງປະຊຸມທົ່ວປະເທດເຊື່ອມຊຶມ, ຜັນຂະຫຍາຍປະຕິບັດມະຕິເລກທີ 66 ຂອງກົມການເມືອງກ່ຽວກັບການປ່ຽນແປງໃໝ່ວຽກງານກໍ່ສ້າງ ແລະ ປະຕິບັດກົດໝາຍຕອບສະໜອງຄວາມຮຽກຮ້ອງຕ້ອງການພັດທະນາປະເທດຊາດໃນຍຸກສະໄໝໃໝ່ ແລະ ມະຕິເລກທີ 68 ຂອງກົມການເມືອງກ່ຽວກັບການພັດທະນາເສດຖະກິດເອກະຊົນ. ໂດຍການເຂົ້າຮ່ວມຂອງທ່ານ ໂຕເລິມ ເລຂາທິການໃຫຍ່.
ສະໜາມບິນສາກົນພະນົມເປັນ ຈະປິດບໍລິການໃນວັນທີ 9 ກໍລະກົດປີນີ້

ສະໜາມບິນສາກົນພະນົມເປັນ ຈະປິດບໍລິການໃນວັນທີ 9 ກໍລະກົດປີນີ້

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ເຈົ້າໜ້າທີ່ກະຊວງທີ່ປຶກສາແຫ່ງລັດດ້ານການບິນພົນລະເຮືອນກຳປູເຈຍເປີດເຜີຍໃຫ້ຮູ້ວ່າ, ສະໜາມບິນສາກົນ Techo ຂອງກຳປູເຈຍຄາດວ່າຈະເປີດບໍລິການຢ່າງເປັນທາງການໃນວັນທີ 10 ກໍລະກົດ ຈະມາເຖິງນີ້, ຮອດເວລານັ້ນສະໜາມບິນສາກົນພະນົມເປັນຈະປິດບໍລິການຢ່າງຮອບດ້ານ ແລະວຽກງານທັງໝົດຈະຍ້າຍໄປສະໜາມບິນສາກົນ Techo ທີ່ສ້າງສຳເລັດໃໝ່.
ອາເມຣິກາ ແລະ ຊາອຸດິດ ອາຣັບບີ ລົງນາມໃນຂໍ້ຕົກລົງ ມູນຄ່າ 142 ຕື້ກວ່າໂດລາ

ອາເມຣິກາ ແລະ ຊາອຸດິດ ອາຣັບບີ ລົງນາມໃນຂໍ້ຕົກລົງ ມູນຄ່າ 142 ຕື້ກວ່າໂດລາ

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ທ່ານ ໂດໂນ ທຣຳ ປະທານາທິບໍດີ ສະຫະລັດ ອາເມຣິກາ ໄດ້ເດີນທາງຮອດ ນະຄອນຫຼວງຣີຢາດ ປະເທດຊາອຸດິດ ອາຣັບບີ ຊຶ່ງເປັນປະເທດທຳອິດໃນການຢ້ຽມຢາມ 3 ປະເທດເຂດອ່າວ ເປີເຊີຍ ລວມມີ: ຊາອຸດິດ ອາຣັບບີ, ກາຕາ ແລະ ສະຫະລັດ ອາຣັບ ເອມີເລດ (UAE). ຕິດຕາມທ່ານປະທານາທິບໍດີ ອາເມຣິກາ ໃນການຢ້ຽມຢາມຄັ້ງນີ້ ມີການນຳວິສາຫະກິດແຖວໜ້າຂອງ ສະຫະລັດ ອາເມຣິກາ, ໃນນັ້ນມີ ທ່ານ ອີລອນ ມາກ.
ທ່ານ ສີຈິ້ນຜິງ ພົບປະກັບປະທານາທິບໍດີຊີເລ

ທ່ານ ສີຈິ້ນຜິງ ພົບປະກັບປະທານາທິບໍດີຊີເລ

ຂ່າວສານຊີອາໄອລາຍງານວ່າ: ໃນຕອນເຊົ້າວັນທີ 14 ພຶດສະພາ ຜ່ານມານີ້, ທ່ານ ສີຈິ້ນຜິງ ປະທານປະເທດຈີນໄດ້ພົບປະກັບທ່ານ ກາເບຣລ ໂບຣິກ ປະທານາທິບໍດີຊີເລ ທີ່ຫໍສະພາປະຊາຊົນແຫ່ງຊາດ ທີ່ນະຄອນຫຼວງປັກກິ່ງ ຂອງຈີນ.
ນາຍົກຫວຽດນາມ ສະເຫນີ World Bank ໜູນຊ່ວຍໂຄງການພື້ນຖານໂຄງລ່າງທີ່ມີຂອບຂະໜາດໃຫຍ່

ນາຍົກຫວຽດນາມ ສະເຫນີ World Bank ໜູນຊ່ວຍໂຄງການພື້ນຖານໂຄງລ່າງທີ່ມີຂອບຂະໜາດໃຫຍ່

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 15 ພຶດສະພາ ຜ່ານມາ ຢູ່ນະຄອນຫຼວງຮ່າໂນ້ຍ, ໃນການຕ້ອນຮັບທ່ານນາງ ມາຮຽມ ເຊີແມນ (Mariam J. Sherman) ຜູ້ອຳນວຍການແຫ່ງຊາດ ຂອງຫ້ອງການ World Bank ຢູ່ ພາກພື້ນ ຫວຽດນາມ, ລາວ ແລະ ກຳປູເຈຍ, ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ສະເໜີ World Bank ປະຕິຮູບບັນດາລະບຽບການ, ເງື່ອນໄຂກູ້ຢຶມທຶນ, ໃຫ້ຄຳປຶກສານະໂຍບາຍ ແລະ ຫນູນຊ່ວຍ ຫວຽດນາມ ປະຕິບັດບັນດາເປົ້າໝາຍຍຸດທະສາດ ເປັນຕົ້ນແມ່ນການພັດທະນາພື້ນຖານໂຄງລ່າງທີ່ມີຂອບຂະໜາດໃຫຍ່.
KDI ຫຼຸດການຄາດຄະເນການເຕີບໂຕເສດຖະກິດ ສ ເກົາຫຼີ ລົງເປັນ 0.8% ໃນປີນີ້

KDI ຫຼຸດການຄາດຄະເນການເຕີບໂຕເສດຖະກິດ ສ ເກົາຫຼີ ລົງເປັນ 0.8% ໃນປີນີ້

ຂ່າວຕ່າງປະເທດລາຍງານ ໃນວັນທີ 14 ພຶດສະພານີ້ ວ່າ: ສະຖາບັນການພັດທະນາເກົາຫຼີ (KDI) ຊຶ່ງເປັນອົງການຂອງລັດຖະບານ ສ ເກົາຫຼີ ໄດ້ຫຼຸດການຄາດຄະເນການເຕີບໂຕຂອງເສດຖະກິດ ສ ເກົາຫຼີ ໃນປີ 2025 ລົງເຖິງ 50% ເຫຼືອພຽງ 0.8% ຈາກໂຕເລກການຄາດຄະເນທີ່ຜ່ານມາ 1.6%, ໂດຍລະບຸວ່າການຄ້າໃນທົ່ວໂລກມີຄວາມບໍ່ແນ່ນອນຫຼາຍຂຶ້ນ ແລະ ການສົ່ງອອກຊ້າລົງ.
ເພີ່ມເຕີມ