 |
ເຜົ່າກື່ມມຸແມ່ນເຜົ່າໜຶ່ງທີ່ນອນຢູ່ໃນວົງຂະຍາດແຫ່ງຊາດລາວເຄີຍມີມູນເຊື້ອດຸໝັ່ນຂະຫຍັນພຽນມີຄວາມອົງອາດກ້າຫານ,ມີຄວາມສາມັກຄີປອງດອງຊ່ວຍເຫຼືອເຊີ່ງກນ ແລະ ກັນ.ປະຊາຊົນເຜົ່າກື່ມມຸໄດ້ມີໂອ້ກາດເຮັດບຸນປະເພນີຂອງຕົນເອງປີລະເທຶ່ອພາຍຫຼັງເກັບກູ້ຜົນຜະລິດລະດູຝົນສຳເລັດຊຶ່ງເອີນວ່າບຸນເກຼີ ຕາມຮິດຄອງປະເພນີແລ້ວແຕ່ລະປີຈະໄດ້ຈັດບຸນເກຼີຢູ່ໃນຊ່ວງໄລຍະກາງເດືອນຈຽງຫາຕົ້ນເດືອນຢີຊຶ່ງເປັນການສົ່ງທ້າຍປີເກົ່າ ແລະ ຕ້ອນຮັບປີໃໝ່, ແຕ່ລະຄອບຄົວກໍຈະໄດ້ນຳເອົາຜົນຜະລິດ ແລະ ສັດລ້ຽງຂອງຕົນມາແຕ່ງເປັນອາຫານເພຶ່ອລ້ຽງຜີ ແລະ ສິ່ງສັກສິດທີຕົນເອງເຊື່ອຖື,ບາສີສູ້ຂວັນໃຫ້ສະມາຊິກໃນຄອບຄົວເພຶ່ອຮັບໂຊກຮັບໄຊປີໃໝ່. ຈາກນັ້ນ, ກໍໄດ້ມີການມ່ວນຊື່ນຕາມຮິດຄອງປະເພນີເປັນຕົ້ນ: ແມ່ນເປົ່າປີ່ເປົ່າແຄນ, ເຈີມ ແລະ ອື່ນໆ ປະເພດເຄື່ອງດືມທີ່ເປັນເອກະລັກຂອງເຜົ່າແມ່ນເຫຼົ້າໄຫທີ່ໄດ້ສືບທອດກັນມາແຕ່ບູຮານນະການ.
 |
ໃນໂອກາດນີ້, ບັນດາຜູ້ເຂົ້າຮ່ວມງານດັ່ງກ່າວກໍໄດ້ຮ່ວມງານຕາມຮິດຄອງປະເພນີຂອງເຜົ່າກື່ມມຸພ້ອມທັງບາສີສູ່ຂວັນເພຶ່ອຮັບໂຊກຮັບໄຊປີໃໝ່ ແລະ ຮັບຊົມການສະແດງສິລະປະວັນະຄະດີທີ່ເປັນເອກະລັກຂອງເຜົ່າ ແລະ ຄົບງັນຢ່າງເບີກບານມ່ວນຊື່ນເພຶ່ອເປັນການດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ເຂົ້າມາທ່ຽວຊົມທັງເປັນການປົກປັກຮັກສາຮິດຄອງປະເພນີອັນດີງາມຂອງເຜົ່າໃຫ້ມີຄວາມຍືນຍົງຕະຫຼອດໄປ.
(ຂ່າວ: ວົງສະຫວັນ ສຸທິໂວຫານ)
ຄໍາເຫັນ