ພິທີເປີດນຳໃຊ້ ຢ່າງເປັນທາງການ ໂຮງແຮມ ຮໍລິເດ ອິນ ແອນ ສວິທສ໊ ວຽງຈັນ

BIM Group ເປີດໃຫ້ບໍລິການ ໂຮງແຮມ ມາດຖານ ທີ່ມີສັນຍາລັກການຄ້າສາກົນແຫ່ງທີສອງ ຢູ່ນະຄອນຫຼວງວຽງຈັນ

BIM Group ເປີດໃຫ້ບໍລິການ ໂຮງແຮມ ມາດຖານ ທີ່ມີສັນຍາລັກການຄ້າສາກົນແຫ່ງທີສອງ ຢູ່ນະຄອນຫຼວງວຽງຈັນ
ກຸ່ມບໍລິສັດບີມ ແລະ ກຸ່ມບໍລິຫານໂຮງແຮມ IHG Hotels & Resorts ໄດ້ເປີດພິທີເປີດນຳໃຊ້ ຢ່າງເປັນທາງການ ໂຮງແຮມ ຮໍລິເດ ອິນ ແອນ ສວິທສ໊ ວຽງຈັນ, ວັນທີ 18 ຕຸລາ 2024,

 ທີ່ນະຄອນຫຼວງວຽງຈັນ. ໂຮງແຮມແຫ່ງນີ້, ເປັນໂຮງແຮມທີ່ນຳໃຊ້ຊື່ສັນຍາລັກການຄ້າມາດຕະຖານສາກົນແຫ່ງທີສອງ ຂອງກຸ່ມບໍລິສັດບີມ ໄດ້ສ້າງຕັ້ງຂຶ້ນ ແລະ ພັດທະນາ ຢູ່ ສປປ ລາວ ສືບຕໍ່ເນື່ອງຈາກການໄດ້ຮັບຜົນສຳເລັດຂອງໂຮງແຮມ ຄຣາວພລາຊ່າ ວຽງຈັນ.

ໂຮງແຮມ ຮໍລິເດ ອິນ ແອນ ສວິທສ໊ ວຽງຈັນ ເປັນໂຄງການໜຶ່ງ ທີ່ຂຶ້ນກັບໂຄງການໂຮງແຮມ 5 ດາວ ແບບຄົບວົງຈອນ-ສູນການຄ້າ ແລະ ຫ້ອງການໃຫ້ເຊົ່າເກຣດ A ໂດຍແມ່ນບໍລິສັດ BIM Group ແລະ ກະຊວງປ້ອງກັນຄວາມສະຫງົບແຫ່ງ ສປປ ລາວ ຮ່ວມລົງທຶນພັດທະນາ. ເປັນໂຄງການແບບຢ່າງທີ່ພົ່ນເດັ່ນ ຊຶ່ງມີບົດບາດ ແລະ ຄວາມໝາຍສຳຄັນໃນສາຍພົວພັນຮ່ວມມື ລະຫວ່າງ ສອງປະເທດ ລາວ - ຫວຽດນາມ.

ໂຄງການນຳໃຊ້ທຶນລົງທຶນ ທັງໝົດ 90.75 ລ້ານໂດລາ, ໃນນັ້ນໄລຍະທີ 1: ໄດ້ເປີດນໍາໃຊ້ຢ່າງເປັນທາງການໃນປີ 2017 ລວມມີ: ໂຮງແຮມ 5 ດາວ ຄຣາວພລາຊ່າ ວຽງຈັນ ແລະ ອາຄານຫ້ອງການໃຫ້ເຊົ່າ ທີ່ມີພື້ນທີ່ເຊົ່າ 6,000 ມ². ໄລຍະທີ 2: ໂຮງແຮມ ຮໍລິເດ ອິນ ແອນ ສວິທສ໊ ວຽງຈັນ, ຂະຫຍາຍກ້ວາງສູນຫ້ອງປະຊຸມໃຫຍ່ ແລະ ອາຄານຫ້ອງການໃຫ້ເຊົ່າ - ສູນສັບພະສິນຄ້າ ເກຣດ A.

ໂຮງແຮມ ຮໍລິເດ ອິນ ແອນ ສວິທສ໊ ວຽງຈັນ ຕັ້ງຢູ່ຈຸດໃຈກາງເມືອງສີໂຄດຕະບອງ ນະຄອນຫຼວງວຽງຈັນ ຊຶ່ງຢູ່ຫ່າງຈາກສະໜາມບິນສາກົນວັດໄຕ ໃຊ້ເວລາເດີນທາງພຽງ 15 ນາທີ ເທົ່ານັ້ນ ກໍຮອດສະຖານທີ່. ໂຮງແຮມ ຮໍລິເດ ອິນ ແອນ ສວິທສ໊ ວຽງຈັນ ລວມມີ 10 ຊັ້ນ, ມີ 275 ຫ້ອງ, ໃນນັ້ນມີ: 203 ຫ້ອງມາດຕະຖານ ແລະ 64 ຫ້ອງ Suite ມາດຕະຖານສູງ, ສູນຫ້ອງຈັດກອງປະຊຸມໃຫຍ່ ມີພື້ນທີ່ 3,000 ມ², ມີບັນດາຮ້ານອາຫານເອີຣົບ ແລະ ອາຊີ, ສູນອອກກໍາລັງກາຍ fitness center ມາດຕະຖານສາກົນ, ສູນການຄ້າ, ສູນຮ້ານອາຫານ food court ແລະ ອາຄານຫ້ອງການໃຫ້ເຊົ່າ ເກຣດ A.

ໃນບັນດາຊື່ສັນຍາລັກການຄ້າສາກົນຂອງກຸ່ມບໍລິຫານໂຮງແຮມ IHG, ໂຮງແຮມ ຮໍລິເດ ອິນ ແອນ ສວິທສ໊ ມີຊື່ສຽງດ້ານການອອກແບບທັນສະໄໝ, ເນັ້ນໃຫ້ການບໍລິການແຂກ ທີ່ມາພັກຜ່ອນ, ຢ້ຽມຢາມເຮັດວຽກ ແລະ ທ່ອງທ່ຽວ. ການບໍລິການໃຫ້ມີຄວາມສະດວກສະບາຍ ແລະ ຄວາມໜ້າເຊື່ອຖື. ໂຮງແຮມ ຮໍລິເດ ອິນ ແອນ ສວິທສ໊ ວຽງຈັນ ເປັນອາຄານເຊື່ອມຕໍ່ກັນກັບໂຮງແຮມ ຄຣາວ ພລາຊ່າ ວຽງຈັນ ເປັນການເພີ່ມເຕີມປະສົມປະສານກັນທີ່ລົງຕົວ ແລະ ເໝາະສົມ ໃນການໃຫ້ບໍລິການຮັບໃຊ້ບັນດາ ແຂກ ທີ່ມາຢ້ຽມຢາມ ກໍຄືທ່ອງທ່ຽວ ນະຄອນຫຼວງວຽງຈັນ.

ໂຮງແຮມແຫ່ງນີ້, ເປັນຂີດໝາຍສໍາຄັນຂອງໂຄງການຄັ້ງທີ 6 ຢູ່ຫວຽດນາມ ແລະ ລາວ ທີ່ກຸ່ມບໍລິສັດ BIM Group ໄດ້ຮ່ວມມືກັບກຸ່ມບໍລິຫານໂຮງແຮມ IHG Hotels & Resorts, ສືບເນື່ອງຕໍ່ຈາກໂຮງແຮມ ແລະ ເຂດສະຖານທີ່ພັກຜ່ອນເຊັ່ນ: Regent Phu Quoc, Inter Continental Phu Quoc, Inter Continental Halong Bay, Inter Continental Thanh Xuan Valley ແລະ Crowne Plaza Vientiane.

ທ່ານ ດວນ ກ໊ວກ ຮຸຍ ຮອງປະທານບໍລິຫານ, ອຳນວຍການໃຫຍ່ ກຸ່ມບໍລິສັດ BIM Group, ໄດ້ແບ່ງປັນປະສົບການວ່າ: ໃນໄລຍະ 30 ປີທີ່ຜ່ານມາ, BIM Group ໄດ້ສຸມກຳລັງໃສ່ວຽກງານການສ້າງສາພັດທະນາ ຢ່າງບໍ່ຢຸດຢັ້ງ ເພື່ອສ້າງຄວາມເຊື່ອໝັ້ນ ແລະ ເປັນຈຸດຢືນໃຫ້ກັບຄູ່ຮ່ວມງານ ໃນການວາງແຜນຍຸດທະສາດການຕະຫຼາດ ຂອງກຸ່ມບໍລິຫານຄຸ້ມຄອງໂຮງແຮມ ທີ່ມີຊື່ສຽງລະດັບໂລກ. ພິເສດ ແມ່ນກຸ່ມບໍລິຫານ IHG Hotels & Resorts. ການປະສົບຜົນສຳເລັດຂອງໂຮງແຮມ ຄລາວພາຊ່າ ເປັນໂຮງແຮມລະດັບ 5 ດາວ ໄດ້ມາດຕະຖານສາກົນທຳອິດ ຢູ່ລາວ ຊຶ່ງໄດ້ພິສູດໃຫ້ເຫັນເຖິງຄວາມສາມາດ ແລະ ການໃຫ້ຄຳໝັ້ນສັນຍາຂອງພວກເຮົາ ໃນການສ້າງສາພັດທະນາໂຄງການ ໃຫ້ໄດ້ຮັບໝາກຜົນດີເດັ່ນກວ່າບັນດາຄູ່ແຂ່ງ ໃນຂົງເຂດພາກພື້ນການຕະຫຼາດ ທີ່ພວກຂ້າພະເຈົ້າໄດ້ລົງທຶນໃສ່ໂຄງການ.

ການປະກົດຕົວຂຶ້ນຂອງ ໂຮງແຮມ ຮໍລິເດ ອິນ ແອນ ສວິທສ໊ ວຽງຈັນ, ພວກຂ້າພະເຈົ້າ ຈະສືບຕໍ່ໃນການຢັ້ງຢືນເຖິງອຸດົມການ, ບໍ່ພຽງແຕ່ສ້າງໂຮງແຮມ ທີ່ມີຄຸນນະພາບສູງເທົ່ານັ້ນ, ແຕ່ຍັງຈະສ້າງສະຖານທີ່ດຶງດູດບັນດາແຂກ ແລະ ນັກລົງທຶນຮັບໃຊ້ບໍລິການຂອງໂຮງແຮມ ໃນລະດັບມາດຕະຖານສາກົນ, ໄດ້ກາຍໃບໜ້າໃໝ່ ແລະ ຍົກລະດັບເຂດສະຖານທີ່ ທີ່ມີ BIM Group ປະກົດຕົວຂຶ້ນ.

ໂຄງການນີ້, ບໍ່ພຽງແຕ່ເປັນຂີດໝາຍສຳຄັນ ໃນການເດີນທາງເປັນເວລາ 30 ປີ ແຫ່ງການພັດທະນາກໍ່ສ້າງຂອງກຸ່ມບໍລິສັດ BIM Group, ແຕ່ຍັງເປັນສັນຍາລັກຂອງສາຍສຳພັນອັນເລິກເຊິ່ງ ແລະ ການຮ່ວມມືຮອບດ້ານ ລະຫວ່າງ ຫວຽດນາມ ແລະ ລາວ. ພວກຂ້າພະເຈົ້າ ເຊື່ອໝັ້ນວ່າ: ໂຮງແຮມ ຮໍລິເດ ອິນ ແອນ ສວິທສ໊ ວຽງຈັນ ຈະກາຍເປັນຈຸດໝາຍທຳອິດ ໃນການຕ້ອນຮັບ ການບໍລິການແຂກທ່ອງທ່ຽວ, ການມາພັກເຊົ່າ, ການຈັດກອງປະຊຸມລະດັບສາກົນ,ປະກອບສ່ວນເຂົ້າໃນການພັດທະນາເສດຖະກິດ ແລະ ການທ່ອງທ່ຽວ ຂອງນະຄອນຫຼວງວຽງຈັນ ກໍຄື ສປປ ລາວ.

ໃນພິທີເປີດນຳໃຊ້ ໂຮງແຮມ ຮໍລິເດ ອິນ ແອນ ສວິທສ໊ ວຽງຈັນ ໄດ້ດໍາເນີນໃນວາລະໂອກາດສະເຫຼີມສະຫຼອງການສ້າງຕັ້ງສາຍພົວພັນການທູດ ຫວຽດນາມ ແລະ ລາວ ຄົບຮອບ 62 ປີ, ເປັນສັນຍາລັກແຫ່ງສາຍສໍາພັນອັນແໜ້ນແຟ້ນ ແລະ ການຮ່ວມມືຮອບດ້ານຂອງສອງປະເທດ. ນີ້ເປັນຂີດໝາຍສຳຄັນສະແດງໃຫ້ເຫັນໃນບັນດາໂຮງແຮມ ແລະ ສະຖານທີ່ພັກຜ່ອນ ຈຳນວນ 8 ແຫ່ງ ທີ່ກຸ່ມບໍລິສັດບີມ ໄດ້ພັດທະນາ ແລະ ເປີດນໍາໃຊ້ໃຫ້ບໍລິການຢູ່ ສສ ຫວຽດນາມ ແລະ ບັນດາປະເທດໄກ້ຄຽງ.

ກ່ຽວກັບກຸ່ມບໍລິສັດບີມ (BIM Group): BIM Group ເປັນໜຶ່ງໃນຖານະກຸ່ມບໍລິສັດໃຫຍ່ທາງເສດຖະກິດຫຼາກຫຼາຍຂະແໜງການທຸລະກິດ ຢູ່ ສສ ຫວຽດນາມ. ການດໍາເນີນທຸລະກິດຫຼັກ ມີບັນດາຂະ ແໜງການຄື: ພັດທະນາພື້ນຖານໂຄງສ້າງການທ່ອງທ່ຽວ ແລະ ລົງທຶນອະສັງຫາລິມາຊັບ, ຂະແໜງກະສິກຳ ແລະ ຜະລິດຕະພັນສິນຄ້າດ້ານບໍລິໂພກ, ຂະແໜງພະລັງງານທົດແທນ ແລະ ການບໍລິການທາງດ້ານການຄ້າ. ປັດຈຸບັນ, ກຸ່ມບໍລິສັດບີມ ແລະ ບັນດາບໍລິສັດ ສະມາຊິກທີ່ຂຶ້ນກັບ ໄດ້ລົງທຶນຢູ່ບັນດາແຂວງ, ນະຄອນ, ຕົວເມືອງໃຫຍ່ ຢູ່ປະເທດຫວຽດນາມ ແລະ ລາວ. ໃນທຸກໆຂະແໜງການລົງທຶນ, BIM Group ໄດ້ສ້າງຂີດໝາຍສຳຄັນ ແລະ ກະຕຸ້ນການດຳເນີນທຸລະກິດ ໂດຍຜ່ານການສົ່ງເສີມຫົວຄິດປະດິດສ້າງໃນທິດທາງຮູບແບບໃໝ່, ການພັດທະນາທີ່ຍືນຍົງ ແລະ ຮັກສາລະດັບການຂະຫຍາຍເສດຖະກິດທີ່ໝັ້ນຄົງ ດ້ວຍກຳລັງແຮງພາຍໃນປະເທດ ແລະ ທ່າແຮງຈາກພາຍນອກ ໂດຍຜ່ານວຽກງານການພົວພັນຮ່ວມມື ທີ່ຕ່າງຝ່າຍຕ່າງມີຜົນປະໂຫຍດຮ່ວມກັນ. ນີ້ເປັນແຮງຊຸກຍູ້ໃຫ້ພວກຂ້າພະເຈົ້າ ໝູນໃຊ້ທ່າແຮງຂອງຕົນໄດ້ດີ ແລະ ພ້ອມທັງປັບກົນລະຍຸດໃນການແຂ່ງຂັນທາງດ້ານທຸລະກິດ ທີ່ໄດ້ຈາກປະສົບການກັບຄູ່ຮ່ວມທຸລະກິດດ້ວຍກັນ.

BIM Group ໃຫ້ຄຳໝັ້ນສັນຍາວ່າ: ຈະພັດທະນາເສດຖະກິດ ໄປພ້ອມກັບການສ້າງຜົນປະໂຫຍດ ໃນການຮັບໃຊ້ສັງຄົມ, ສ້າງຈຸດຢືນທີ່ໝັ້ນຄົງ ຮູບແບບ, ແຜນ, ລະບົບຂອງວິສາຫະກິດເອກະຊົນ, ປະກອບສ່ວນຊຸກຍູ້ການພັດທະນາໃຫ້ໝັ້ນຄົງຂອງພື້ນຖານເສດຖະກິດປະເທດ ສສ ຫວຽດນາມ. ເພື່ອຊອກຮູ້ຂໍ້ມູນເພີ່ມຕື່ມ ທ່ານ ສາມາດເຂົ້າເບິ່ງເວັບໄຊຂອງກຸ່ມບໍລິສັດ: www.bimgroup.com

ໂດຍ: ຫອມໄຊຍະເດດ

ຄໍາເຫັນ

ຂ່າວວັດທະນະທຳ-ສັງຄົມ

ມອບ - ຮັບ ວຽກງານສື່ມວນຊົນ ແລະ ຖະແຫຼງຂ່າວມາຂຶ້ນກັບ ຄອສພ

ມອບ - ຮັບ ວຽກງານສື່ມວນຊົນ ແລະ ຖະແຫຼງຂ່າວມາຂຶ້ນກັບ ຄອສພ

ພິທີເຊັນບົດບັນທຶກການມອບ - ຮັບວຽກງານສື່ມວນຊົນ (ວຽກງານຖະແຫຼງຂ່າວ) ມາຂຶ້ນກັບຄະ ນະໂຄສະນາອົບຮົມສູນກາງພັກ (ຄອສພ) ໄດ້ຈັດຂຶ້ນໃນວັນທີ 8 ກໍລະກົດນີ້ ທີ່ ຄະນະໂຄສະນາອົບ ຮົມສູນກາງພັກ. ໂດຍການຮ່ວມລົງນາມໃນບົດບັນທຶກລະຫວ່າງ ທ່ານ ຄຳພັນ ເຜີຍຍະວົງ ຄະນະ ເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ ແລະ ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງວັດທະນາທຳ ແລະ ການທ່ອງທ່ຽວ ມີພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ສຳເລັດກອງປະຊຸມໃຫຍ່ຜູ້ແທນແນວລາວສ້າງຊາດ ເມືອງວຽງຄໍາ ຄັ້ງທີ VI

ສຳເລັດກອງປະຊຸມໃຫຍ່ຜູ້ແທນແນວລາວສ້າງຊາດ ເມືອງວຽງຄໍາ ຄັ້ງທີ VI

ກອງປະຊຸມໃຫຍ່ຜູ້ແທນແນວລາວສ້າງຊາດເມືອງວຽງຄໍາ ແຂວງວຽງຈັນ ຄັ້ງທີ VI ໄດ້ໄຂຂຶ້ນ ແລະ ສຳເລັດລົງ ໃນວັນທີ 8 ກໍລະກົດຜ່ານມາ ທີ່ຫ້ອງວ່າການປົກຄອງເມືອງ, ໂດຍການເຂົ້າຮ່ວມຂອງ ທ່ານ ເທບພະໄທ ແກ້ວເຂັມເພັດ ຄະນະປະຈຳພັກແຂວງ ປະທານແນວລາວສ້າງຊາດແຂວງວຽງຈັນ, ທ່ານ ສົມໝາຍ ໄຊຍະວົງ ເລຂາຄະນະບໍລິຫານງານພັກເມືອງ.
ໄຟຟ້າຫົງສາ ຖວາຍທຽນພັນສາ-ຜ້າອາບນໍ້າຝົນ ໃຫ້ວັດພາຍໃນເມືອງຫົງສາ

ໄຟຟ້າຫົງສາ ຖວາຍທຽນພັນສາ-ຜ້າອາບນໍ້າຝົນ ໃຫ້ວັດພາຍໃນເມືອງຫົງສາ

ໃນລະຫວ່າງວັນທີ 3-7 ກໍລະກົດ ນີ້ ບໍລິສັດໄຟຟ້າຫົງສາ ຈໍາກັດ ໄດ້ຈັດກິດຈະກໍາ ຖວາຍທຽນພັນສາ ແລະ ຜ້າອາບນໍ້າຝົນໃຫ້ວັດພາຍໃນເຂດເມືອງຫົງສາ ລວມທັງໝົດຈໍານວນ 15 ວັດ ເນື່ອງໃນໂອກາດວັນບຸນເຂົ້າພັນສາ ປະຈໍາປີ 2025 ເພື່ອຮ່ວມສົ່ງເສີມພຸດທະສາສະໜາ ແລະ ອະນຸລັກຮີດຄອງປະເພນີອັນດີງາມຂອງຊາວພຸດໃນທ້ອງຖິ່ນ.
ປີນີ້ ລັດຖະບານ ມີແຜນປ່ອຍປາ ແລະ ສັດນໍ້າ ໃຫ້ໄດ້ຫຼາຍກວ່າ 65 ລ້ານໂຕ

ປີນີ້ ລັດຖະບານ ມີແຜນປ່ອຍປາ ແລະ ສັດນໍ້າ ໃຫ້ໄດ້ຫຼາຍກວ່າ 65 ລ້ານໂຕ

ໃນວັນທີ 7 ກໍລະກົດ ຜ່ານມາ ນີ້ ທີ່ ກະຊວງກະສິກໍາ ແລະ ສິ່ງແວດລ້ອມ, ທ່ານ ນາງ ຈັນທະຄອນ ບົວລະພັນ ຮອງລັດຖະມົນຕີກະຊວງກະສິກໍາ ແລະ ສິ່ງແວດລ້ອມ ໄດ້ໃຫ້ກຽດຖະແຫຼງຂ່າວ ເນື່ອງໃນໂອກາດ ວັນປ່ອຍປາ ແລະ ສັດນໍ້າແຫ່ງຊາດ ວ່າ: ພັກ ແລະ ລັດຖະບານ ຍາມໃດກໍເຫັນຄວາມສໍາຄັນ ແລະ ຖືເອົາການຄຸ້ມຄອງ ການປົກປັກຮັກສາ ການພັດທະນາ ແລະ ການນຳໃຊ້ ປາ ແລະ ສັດນໍ້າ ເປັນວຽກສຳຄັນ ແລະ ມີຄວາມຈໍາເປັນ ສໍາລັບຊີວິດການເປັນຢູ່ ຂອງປະຊາຊົນລາວ ຊຶ່ງໄດ້ກຳນົດເອົາ ວັນທີ 13 ກໍລະກົດ ຂອງທຸກໆປີ ເປັນວັນປ່ອຍປາ ແລະ ສັດນໍ້າ ແຫ່ງຊາດ ເພື່ອຄຸ້ມຄອງ ປົກປັກຮັກສາ ແລະ ພັດທະນາສັດນ້ຳ ໃຫ້ອຸດົມສົມບູນ ແລະ ມີຄວາມຍືນຍົງ ຊຶ່ງໄດ້ເລີ່ມແຕ່ປີ 1997 ເປັນຕົ້ນມາ ແລະ ໃນປີນີ້ ກໍຄົບຮອບ 28 ປີ. ນອກຈາກນີ້ ວັນດັ່ງກ່າວ ຍັງກົງກັບ ວັນເກີດຂອງ ປະທານ ສຸພານຸວົງ ຜູ້ນໍາທີ່ແສນເຄົາລົບຮັກ ຂອງປວງຊົນລາວທັງຊາດ.
2024 ນະຄອນຫຼວງວຽງຈັນ ສາມາດປົດໜີ້ສິນໂຄງການລົງທຶນຂອງລັດໄດ້ 25 ໂຄງການ

2024 ນະຄອນຫຼວງວຽງຈັນ ສາມາດປົດໜີ້ສິນໂຄງການລົງທຶນຂອງລັດໄດ້ 25 ໂຄງການ

ສະມາຊິກສະພາປະຊາຊົນນະຄອນຫຼວງວຽງຈັນ (ສສນວ) ຮັບຟັງການຊີ້ແຈງກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ຄັ້ງທີ IX (2021- 2025) ໃນວັນທີ 8 ກໍລະກົດນີ້ ທີ່ກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນນະຄອນຫຼວງວຽງຈັນ ຊຸດທີ II, ໂດຍການເປັນປະທານຂອງທ່ານ ອານຸພາບ ຕຸນາລົມ ປະທານສະພາປະຊາຊົນ ນວ.
ມອບ-ຮັບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2024

ມອບ-ຮັບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2024

ຄະນະປະຈຳພັກ ມະຫາວິທະຍາໄລແຫ່ງຊາດ (ມຊ) ໄດ້ຈັດພິທີມອບ-ຮັບໃບຢັ້ງຢືນໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2024, ປະກາດພະນັກງານເຂົ້າຮັບອຸດໜູນບຳນານ ແລະ ເຜີຍແຜ່ເຊື່ອມຊຶມມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 10 ສະໄໝ XI ຂຶ້ນໃນວັນທີ 8 ກໍລະກົດນີ້ ທີ່ ມຊ ໂດຍການເປັນປະທານຂອງສະຫາຍ ທອງສະລິດ ມັງໜໍ່ເມກ ເລຂາຄະນະພັກ ລັດຖະມົນຕີກະຊວງສຶກສາທິການ ແລະ ກິລາ (ສສກ), ມີຄະນະພັກ, ຄະນະນຳ, ພະນັກງານ-ລັດຖະກອນ ເຂົ້າຮ່ວມ.
ຄວາມຄິດເຫັນ ຕໍ່ວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ  (20 ກໍລະກົດ1955-20 ກໍລະກົດ 2025)

ຄວາມຄິດເຫັນ ຕໍ່ວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ (20 ກໍລະກົດ1955-20 ກໍລະກົດ 2025)

ໃນໂອກາດວັນສ້າງຕັ້ງ ສະຫະພັນແມ່ຍິງລາວ ຄົບຮອບ 70 ປີ, ທ່ານ ນາງ ຜາສຸກ ວົງວິຈິດ ຄະນະບໍລິຫານງານສູນກາງສະຫະພັນແມ່ຍິງລາວ ປະທານສະຫະພັນແມ່ຍິງ ກະຊວງສາທາລະນະສຸກ ຮອງອະທິການບໍດີ ມະຫາວິທະຍາໄລ ວິທະຍາສາດ ສຸກຂະພາບ ໄດ້ສະແດງຄວາມຄິດເຫັນຕໍ່ວັນດັ່ງກ່າວວ່າ: ວັນທີ 20 ກໍລະກົດ ປີ 1955 ເປັນວັນທີ່ມີຄວາມໝາຍຄວາມສຳຄັນທີ່ສຸດ ເປັນວັນກຳເນີດເກີດຂຶ້ນຂອງສະຫະພັນແມ່ຍິງລາວ ນັບແຕ່ ວັນທີ 22 ມີນາ 1955 ພັກປະຊາຊົນລາວ ໄດ້ຮັບການສ້າງຕັ້ງຂຶ້ນ; ພັກກໍໄດ້ຈັດຕັ້ງໜ່ວຍຄົ້ນຄວ້າວຽກງານແມ່ຍິງ ຂຶ້ນຢ່າງເປັນທາງການ (ຊຶ່ງເປັນ​ຕົ້ນກຳເນີດ ຂອງອົງການຈັດຕັ້ງສະຫະພັນແມ່ຍິງລາວໃນປັດຈຸບັນ)
ແມ່ຍິງ ຄອສພ ປາຖະກະຖາສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ

ແມ່ຍິງ ຄອສພ ປາຖະກະຖາສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ

ສະຫະພັນແມ່ຍິງຄະນະໂຄສະນາອົບຮົມສູນກາງພັກ (ຄອສພ) ໄດ້ຈັດພິທີປາຖະກະຖາສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ (20 ກໍລະກົດ 1955-20 ກໍລະກົດ 2025) ຂຶ້ນໃນວັນທີ 8 ກໍລະກົດນີ້ ທີ່ຄອສພ ໂດຍໃຫ້ກຽດປາຖະກະຖາຂອງສະຫາຍນາງ ອາລີ ວົງໜໍ່ບຸນທໍາ ກໍາມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ (ສສຍລ), ມີສະຫາຍ ນາງ ວິລະວອນ ພັນທະວົງ ຄະນະປະຈໍາພັກ ຮອງຫົວໜ້າ ຄອສພ ຜູ້ຊີ້ນໍາອົງການຈັດຕັ້ງມະຫາຊົນ ຄອສພ, ມີ ສະຫາຍ ນາງ ຈັນສຸກ ພິມມະວັນ ປະທານສະຫະພັນແມ່ຍິງ ຄອສພ, ມີບັນດາປະທານ-ຮອງປະທານສະຫະພັນແມ່ຍິງ, ສະມະຊິກແມ່ຍິງອ້ອມຂ້າງ ຄອສພ ເຂົ້າຮ່ວມຮັບຟັງ.
ຮອງປະທານ ສນຊ ຍົກໃຫ້ເຫັນພາລະບົດບາດ ມູນເຊື້ອ ອັນສະຫງ່າງາມ ຂອງແນວລາວສ້າງຊາດ

ຮອງປະທານ ສນຊ ຍົກໃຫ້ເຫັນພາລະບົດບາດ ມູນເຊື້ອ ອັນສະຫງ່າງາມ ຂອງແນວລາວສ້າງຊາດ

ທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ຮອງປະທານສູນກາງແນວລາວສ້າງຊາດ (ສນຊ) ໄດ້ຂຶ້ນແລກປ່ຽນບົດຮຽນ ກັບພະນັກງານນຳພາ-ຄຸ້ມຄອງ ໃນຊຸດບຳລຸງວຽກງານປ້ອງກັນຊາດ-ປ້ອງກັນຄວາມສະຫງົບ (ປກຊ-ປກສ) ຊຸດທີ XXI ຢູ່ທີ່ວິທະຍາຄານປ້ອງກັນຊາດ ໄກສອນ ພົມວິຫານ ໃນວັນທີ 7 ກໍລະກົດ ນີ້.
ສຳມະນາການເສີມສ້າງບຸກຄະລິກກະພາບຈາກພາຍໃນສູ່ພາຍນອກ

ສຳມະນາການເສີມສ້າງບຸກຄະລິກກະພາບຈາກພາຍໃນສູ່ພາຍນອກ

ກອງປະຊຸມສຳມະນາ ໃນຫົວຂໍ້ “ການເສີມສ້າງບຸກຄະລິກກະພາບຈາກພາຍໃນສູ່ພາຍນອກ ແລະ ໃຫ້ຄວາມຮູ້ດ້ານສຸຂະພາບ (ພະຍາດມະເຮັງ) ແລະ ຫຼັກການຮັບປະທານ ໄດ້ຈັດຂຶ້ນຫວ່າງມໍ່ໆມານີ້ ທີ່ ສະພາການຄ້າ ແລະ ອຸດສາຫະກຳແຫ່ງຊາດລາວ ໂດຍການເປັນປະທານຂອງ ທ່ານ ນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງລາວ, ມີພາກສ່ວນທີ່ກ່ຽວຂ້ອງ ແລະ ນັກສຳມະນາກອນເຂົ້າຮ່ວມ.
ເພີ່ມເຕີມ