ກົມສັງຄົມສົງເຄາະກະຊວງແຮງງານ ແລະ ສະຫວັດດີການ-ສັງຄົມ (ຮສສ) ໄດ້ຈັດກອງປະຊຸມເຜີຍແຜ່ດໍາລັດ ວ່າດ້ວຍກອງທຶນຄຸ້ມຄອງໄພພິບັດຂຶ້ນໃນວັນທີ 30 ມັງກອນຜ່ານມາ ທີ່ສະໂມສອນໃຫຍ່ແຂວງບໍລິຄຳໄຊ ພາຍໃຕ້ການເປັນປະທານຂອງທ່ານ ລີປາວ ຢ່າງ ຮອງລັດຖະມົນຕີກະຊວງ ຮສສ, ມີຄະນະກໍາມະການຄຸ້ມຄອງໄພພິບັດຂັ້ນແຂວງ, ເມືອງເຂົ້າຮ່ວມ.
ກອງທຶນດັ່ງກ່າວໄດ້ກໍານົດຫຼັກການ, ລະບຽບການກ່ຽວກັບການຄຸ້ມຄອງ ແລະ ນໍາໃຊ້ກອງທຶນຄຸ້ມຄອງໄພພິບັດ ເພື່ອລະດົມທຶນ ແລະ ສະສົມທຶນຈາກພາຍໃນ ແລະ ຕ່າງປະເທດ ແນໃສ່ສະໜອງທຶນໃຫ້ແກ່ການຊ່ວຍເຫຼືອສຸກເສີນ ການສ້ອມແປງໂຄງລ່າງພື້ນຖານທີ່ຈໍາເປັນ ການຊອກຄົ້ນ,ຄົ້ນຫາ ແລະ ກູ້ໄພ ເຮັດໃຫ້ຊີວິດການເປັນຢູ່ຂອງປະຊາຊົນຜູ້ປະສົບໄພພິບັດກັບຄືນສູ່ສະພາບປົກກະຕິດີຂຶ້ນກວ່າເກົ່າ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ. ກອງທຶນຄຸ້ມຄອງໄພພິບັດ ແມ່ນກອງທຶນຂອງລັດສ້າງຕັ້ງຂຶ້ນເພື່ອລະດົມ ແລະ ສະສົມທຶນຈາກແຫຼ່ງຕ່າງໆ ແນໃສ່ຮັບປະກັນໃຫ້ມີງົບປະມານຢ່າງຍືນຍົງ ເພື່ອນໍາໃຊ້ເຂົ້າໃນການຄວບຄຸມໄພພິບັດຢ່າງມີປະສິດທິພາບ ແລະ ປະສິດທິຜົນ. ຖືກຕ້ອງຕາມເປົ້າໝາຍປະຢັດ ແລະ ມີປະສິດທິຜົນ, ມີຄວາມຄ່ອງຕົວ ວ່ອງໄວ ຍຸຕິທໍາ ໂປ່ງໃສ ແລະ ເປີດເຜີຍ, ມີການກວດກາ ກວດສອບຢ່າງເປັນປົກກະຕິຕາມກົດໝາຍ. ເພື່ອຈັດຕັ້ງຜັນຂະຫຍາຍດໍາລັດ ວ່າດ້ວຍກອງທຶນຄຸ້ມຄອງໄພພິບັດ ສະບັບເລກທີ 31/ລບ, ລົງວັນທີ 24 ທັນວາ 2020 ໃຫ້ມີຄວາມລະອຽດ ທັງເປັນບ່ອນອີງໃຫ້ແກ່ຄະນະກໍາມະການຄຸ້ມຄອງໄພພິບັດ ແລະ ສະພາບໍລິຫານກອງທຶນຄຸ້ມຄອງໄພພິບັດແຕ່ລະຂັ້ນ ການສ້າງແຜນຄຸ້ມຄອງ ແລະ ນໍາໃຊ້ກອງທຶນຄຸ້ມຄອງໄພພິບັດໃຫ້ມີຄວາມເປັນເອກະພາບໃນຂອບເຂດທົ່ວປະເທດ ເພື່ອເຮັດໃຫ້ຄະນະກໍາມະການຄຸ້ມຄອງໄພພິບັດ ແລະ ສະພາບໍລິຫານກອງທຶນແຕ່ລະຂັ້ນເຄື່ອນໄຫວຢ່າງເປັນປົກກະຕິ ແລະ ຮັບປະກັນໃຫ້ແກ່ການຄຸ້ມຄອງ ແລະ ນໍາໃຊ້ກອງທຶນຄຸ້ມຄອງໄພພິບັດຢ່າງມີປະສິດທິຜົນ ເພື່ອຕອບສະໜອງ ແລະ ນໍາໃຊ້ກອງທຶນດັ່ງກ່າວໃຫ້ມີຈຸດສຸມ ສອດຄ່ອງກັບເປົ້າໝາຍຂອງກອງທຶນ ເພື່ອຕອບໂຕ້ກັບໄພພິບັດສຸກເສີນໃນແຕ່ລະປີ.ດຳລັດສະບັບດັ່ງກ່າວປະກອບດ້ວຍ VI ໝວດ 24 ມາດຕາ.
ຂ່າວ-ພາບ: ວຽງສະຫວັນ
ກອງທຶນດັ່ງກ່າວໄດ້ກໍານົດຫຼັກການ, ລະບຽບການກ່ຽວກັບການຄຸ້ມຄອງ ແລະ ນໍາໃຊ້ກອງທຶນຄຸ້ມຄອງໄພພິບັດ ເພື່ອລະດົມທຶນ ແລະ ສະສົມທຶນຈາກພາຍໃນ ແລະ ຕ່າງປະເທດ ແນໃສ່ສະໜອງທຶນໃຫ້ແກ່ການຊ່ວຍເຫຼືອສຸກເສີນ ການສ້ອມແປງໂຄງລ່າງພື້ນຖານທີ່ຈໍາເປັນ ການຊອກຄົ້ນ,ຄົ້ນຫາ ແລະ ກູ້ໄພ ເຮັດໃຫ້ຊີວິດການເປັນຢູ່ຂອງປະຊາຊົນຜູ້ປະສົບໄພພິບັດກັບຄືນສູ່ສະພາບປົກກະຕິດີຂຶ້ນກວ່າເກົ່າ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ. ກອງທຶນຄຸ້ມຄອງໄພພິບັດ ແມ່ນກອງທຶນຂອງລັດສ້າງຕັ້ງຂຶ້ນເພື່ອລະດົມ ແລະ ສະສົມທຶນຈາກແຫຼ່ງຕ່າງໆ ແນໃສ່ຮັບປະກັນໃຫ້ມີງົບປະມານຢ່າງຍືນຍົງ ເພື່ອນໍາໃຊ້ເຂົ້າໃນການຄວບຄຸມໄພພິບັດຢ່າງມີປະສິດທິພາບ ແລະ ປະສິດທິຜົນ. ຖືກຕ້ອງຕາມເປົ້າໝາຍປະຢັດ ແລະ ມີປະສິດທິຜົນ, ມີຄວາມຄ່ອງຕົວ ວ່ອງໄວ ຍຸຕິທໍາ ໂປ່ງໃສ ແລະ ເປີດເຜີຍ, ມີການກວດກາ ກວດສອບຢ່າງເປັນປົກກະຕິຕາມກົດໝາຍ. ເພື່ອຈັດຕັ້ງຜັນຂະຫຍາຍດໍາລັດ ວ່າດ້ວຍກອງທຶນຄຸ້ມຄອງໄພພິບັດ ສະບັບເລກທີ 31/ລບ, ລົງວັນທີ 24 ທັນວາ 2020 ໃຫ້ມີຄວາມລະອຽດ ທັງເປັນບ່ອນອີງໃຫ້ແກ່ຄະນະກໍາມະການຄຸ້ມຄອງໄພພິບັດ ແລະ ສະພາບໍລິຫານກອງທຶນຄຸ້ມຄອງໄພພິບັດແຕ່ລະຂັ້ນ ການສ້າງແຜນຄຸ້ມຄອງ ແລະ ນໍາໃຊ້ກອງທຶນຄຸ້ມຄອງໄພພິບັດໃຫ້ມີຄວາມເປັນເອກະພາບໃນຂອບເຂດທົ່ວປະເທດ ເພື່ອເຮັດໃຫ້ຄະນະກໍາມະການຄຸ້ມຄອງໄພພິບັດ ແລະ ສະພາບໍລິຫານກອງທຶນແຕ່ລະຂັ້ນເຄື່ອນໄຫວຢ່າງເປັນປົກກະຕິ ແລະ ຮັບປະກັນໃຫ້ແກ່ການຄຸ້ມຄອງ ແລະ ນໍາໃຊ້ກອງທຶນຄຸ້ມຄອງໄພພິບັດຢ່າງມີປະສິດທິຜົນ ເພື່ອຕອບສະໜອງ ແລະ ນໍາໃຊ້ກອງທຶນດັ່ງກ່າວໃຫ້ມີຈຸດສຸມ ສອດຄ່ອງກັບເປົ້າໝາຍຂອງກອງທຶນ ເພື່ອຕອບໂຕ້ກັບໄພພິບັດສຸກເສີນໃນແຕ່ລະປີ.ດຳລັດສະບັບດັ່ງກ່າວປະກອບດ້ວຍ VI ໝວດ 24 ມາດຕາ.
ຂ່າວ-ພາບ: ວຽງສະຫວັນ
ຄໍາເຫັນ