ພິທີສາທິດການນຳໃຊ້ ເຄື່ອງກົນຈັກການກະເສດເຂົ້າໃນການປູກເຂົ້ານາແຊງ ໄດ້ຈັດຂຶ້ນໃນວັນທີ 15 ມັງກອນ ນີ້ທີ່ ເຂດຄອງຊົນລະປະທານ ບ້ານໂພນສະອາດ ເມືອງປາກຊັນແຂວງບໍລິຄຳໄຊໂດຍໃຫ້ກຽດເຂົ້າຮ່ວມຂອງທ່ານ ກອງແກ້ວ ໄຊສົງຄາມ ເຈົ້າແຂວງ ບໍລິຄຳໄຊ, ທ່ານ ໄຊຍະເພັດ ຈັນທິສອນ ປະທານສະພາການຄ້າ ແລະ ອຸດສາຫະກຳແຂວງ, ມີພາກສ່ວນກ່ຽວຂ້ອງເຂົ້າຮ່ວມ.
ພິທີສາທິດການນຳໃຊ້ ເຄື່ອງກົນຈັກການກະເສດເຂົ້າໃນການປູກເຂົ້ານາແຊງໃນຄັ້ງນີ້ ເປັນການ ສ້າງຄວາມຮັບຮູ້ເພີ່ມຕື່ມໃຫ້ຊາວກະສິກອນ ກໍຄືກຸ່ມການຜະລິດຕ່າງໆ ໃນການນໍາໃຊ້ເຄື່ອງກົນຈັກທີ່ທັນສະໄໝ ເຂົ້າໃນການຜະລິດກະສິກໍາ ເປັນຕົ້ນແມ່ນການປູກເຂົ້ານາແຊງແບບໃໝ່ ທົດແທນການນໍາໃຊ້ແຮງງານ, ເຕັກນິກການນໍາໃຊ້ຝຸ່ນ - ປຸ໋ຍ ກ່ຽວກັບພືດແຕ່ລະຊະນິດ, ການຜະລິດແນວພັນທີ່ມີຄຸນນະພາບ, ການກຽມດິນປູກເຂົ້ານາແຊງ, ການເພາະກ້າໃສ່ຖາດ, ການປັກກໍາດ້ວຍເຄື່ອງຈັກ ແລະ ອື່ນໆ.
ໃນພິທີ ທາງນະຮັບຜິດຊອບວຽກງານຍັງໄດ້ລົງມືສາທິດ ການຈັດຕັ້ງປະຕິບັດ ວຽກງານຕົວຈິງ ຢູ່ສະຖານທີ່ດັງກ່າວ ໃຫ້ບັນດາຜູ້ເຂົ້າຮ່ວມໄດ້ຮັບຊົມຕື່ມອີກ ເປັນຕົ້ນແມ່ນ ການດຳນາດ້ວຍລົດ, ການໃສ່ຝຸ່ນດ້ວຍໂດຣນ ແລະການແນະນຳວິທີນຳໃຊ້ຝຸ່ນ-ປຸ໋ຍເຂົ້າໃນການຜະລິດຕົວຈິງ.
ຂ່າວ-ພາບ: ວຽງສະຫວັນ
ພິທີສາທິດການນຳໃຊ້ ເຄື່ອງກົນຈັກການກະເສດເຂົ້າໃນການປູກເຂົ້ານາແຊງໃນຄັ້ງນີ້ ເປັນການ ສ້າງຄວາມຮັບຮູ້ເພີ່ມຕື່ມໃຫ້ຊາວກະສິກອນ ກໍຄືກຸ່ມການຜະລິດຕ່າງໆ ໃນການນໍາໃຊ້ເຄື່ອງກົນຈັກທີ່ທັນສະໄໝ ເຂົ້າໃນການຜະລິດກະສິກໍາ ເປັນຕົ້ນແມ່ນການປູກເຂົ້ານາແຊງແບບໃໝ່ ທົດແທນການນໍາໃຊ້ແຮງງານ, ເຕັກນິກການນໍາໃຊ້ຝຸ່ນ - ປຸ໋ຍ ກ່ຽວກັບພືດແຕ່ລະຊະນິດ, ການຜະລິດແນວພັນທີ່ມີຄຸນນະພາບ, ການກຽມດິນປູກເຂົ້ານາແຊງ, ການເພາະກ້າໃສ່ຖາດ, ການປັກກໍາດ້ວຍເຄື່ອງຈັກ ແລະ ອື່ນໆ.
ໃນພິທີ ທາງນະຮັບຜິດຊອບວຽກງານຍັງໄດ້ລົງມືສາທິດ ການຈັດຕັ້ງປະຕິບັດ ວຽກງານຕົວຈິງ ຢູ່ສະຖານທີ່ດັງກ່າວ ໃຫ້ບັນດາຜູ້ເຂົ້າຮ່ວມໄດ້ຮັບຊົມຕື່ມອີກ ເປັນຕົ້ນແມ່ນ ການດຳນາດ້ວຍລົດ, ການໃສ່ຝຸ່ນດ້ວຍໂດຣນ ແລະການແນະນຳວິທີນຳໃຊ້ຝຸ່ນ-ປຸ໋ຍເຂົ້າໃນການຜະລິດຕົວຈິງ.
ຂ່າວ-ພາບ: ວຽງສະຫວັນ
ຄໍາເຫັນ