ກະຊວງປ້ອງກັນຄວາມສະຫງົບ ສປປ ລາວ ແລະ ບໍລິສັດ ຊີໂນ-ອາກຣີ ໂປຕາສ ຈຳກັດ ຊຶ່ງເປັນບໍລິສັດໃນເຄືອຂອງ ບໍລິສັດ ອາຊີ-ໂປຕາສ ສາກົນ ໄດ້ລົງນາມໃນບົດບັນທຶກຄວາມເຂົ້າໃຈກ່ຽວກັບ ໂຄງການກອງທຶນອຸດໜູນຊ່ວຍນາຍແລະພົນຕໍາຫຼວດໃນວຽກງານປ້ອງກັນຄວາມສະຫງົບ ຂຶ້ນເມື່ອບໍ່ດົນມານີ້ ຢູ່ນະຄອນຫຼວງວຽງຈັນ.ຮ່ວມລົງນາມໃນຄັ້ງນີ້ລະຫວ່າງທ່ານ ພົນຕີ ສົມວັນ ສາຍລ້ອງພາ ຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ, ທ່ານ ຖຸງ ຢຸ້ງເຫິງຮອງຜູ້ອຳນວຍການໃຫຍ່ ບໍລິສັດ ອາຊີ-ໂປຕາສ ສາກົນ ໂດຍໃຫ້ກຽດເຂົ້າຮ່ວມຂອງ ທ່ານ ພົນເອກ ວິໄລ ຫຼ້າຄໍາຟອງຮອງນາຍົກລັດຖະມົນຕີລັດຖະມົນຕີກະຊວງປ້ອງກັນຄວາມສະຫງົບ, ທ່ານ ພົນຕີ ທອງສຸກ ຍ່າເອີລາວລີ ຫົວໜ້າກົມໃຫຍ່ພະລາທິການ ກະຊວງປ້ອງກັນຄວາມສະຫງົບ ແລະ ການນໍາຂອງກະຊວງ ພ້ອມດ້ວຍບັນດາພະນັກງານການນໍາທີ່ກ່ຽວຂ້ອງ ເຂົ້າຮ່ວມ.
ຈຸດປະສົງໃນການລົງນາມດັ່ງກ່າວແມ່ນສ້າງຕັ້ງກອງທຶນ ເພື່ອສົ່ງເສີມ ແລະ ປັບປຸງລະບົບນະໂຍບາຍອຸດໜູນຕໍ່ນາຍ ແລະ ພົນຕໍາຫຼວດໃນການປະຕິບັດໜ້າທີ່ປ້ອງກັນຄວາມສະຫງົບ, ບົນພື້ນຖານລະບຽບ, ກົດໝາຍ ແລະ ນະໂຍບາຍກ່ຽວກັບການດູແລເບິ່ງແຍງນາຍ ແລະ ພົນຕໍາຫຼວດ ແລະຄອບຄົວພວກເພິ່ນ ທີ່ໄດ້ປະກອບສ່ວນໃນການປົກປັກຮັກສາຄວາມສະຫງົບຂອງຊາດຊຶ່ງແມ່ນມາດຕະການເຂັ້ມແຂງ ລະຫວ່າງພາກ ລັດ ແລະ ວິສາຫະກິດ ທີ່ຮ່ວມກັນສ້າງຕັ້ງສະຫວັດດີການສັງຄົມ ແລະ ການຮັບປະກັນ ແບບຫຼາຍລະດັບຂອງລາວ.ແຕ່ລະປີບໍລິສັດ ອາຊີ-ໂປຕາສ ສາກົນ ຈະມອບທຶນຊ່ວຍເຫຼືອ ຈໍານວນ 300.000 ໂດລາ ເພື່ອປະຕິບັດນະໂຍບາຍຕໍ່ນາຍ ແລະ ພົນຕຳຫຼວດ, ນັກປະຕິວັດອາວຸໂສ, ພະນັກງານບຳນານ, ຜູ້ໄດ້ຮັບບາດ¬ເຈັບ, ເສຍອົງຄະ ແລະ ຄອບຄົວຜູ້ເສຍຊີວິດໃນການປະຕິບັດໜ້າທີ່ ແລະ ມີຜົນງານຕໍ່ປະເທດຊາດ.ດັ່ງທີ່ຮູ້ກັນວ່າບໍລິສັດ ອາຊີ-ໂປຕາສ ສາກົນ ເປັນວິສາຫະກິດລະດັບສາກົນ ທີ່ສຸມໃສ່ການຂຸດຄົ້ນແຮ່ເກືອໂປຕາສ, ຜະລິດແລະຈໍາໜ່າຍຝຸ່ນໂປຕາສ, ບໍລິສັດໄດ້ນຳໃຊ້ທຶນເຂົ້າໃນການບໍລິຫານຄຸ້ມຄອງ, ໄດ້ພັດທະນາກາຍເປັນຖານການຜະລິດຝຸ່ນໂປຕາສ ທີ່ໃຫຍ່ທີ່ສຸດໃນອາຊີຕາເວັນອອກສ່ຽງໃຕ້ ຊຶ່ງໄດ້ສ້າງຊື່ສຽງລະດັບໂລກສໍາລັບຝຸ່ນໂປຕາສຂອງລາວ. ໃນຖານະວິສາຫະກິດທີ່ມີຄວາມເຂັ້ມແຂງ ແລະ ມີຄວາມຮັບຜິດຊອບສູງ, ບໍລິສັດ ອາຊີ-ໂປຕາສ ສາກົນ ໄດ້ປະຕິບັດຕາມຄວາມຮັບຜິດຊອບຕໍ່ສັງຄົມຢ່າງຕັ້ງໜ້າມາໂດຍຕະຫຼອດ, ເອົາໃຈໃສ່ ແລະ ສະໜັບສະໜູນການພັດທະນາເສດຖະກິດ-ສັງຄົມຂອງລາວໃນຂົງເຂດຕ່າງໆ, ສະໜອງທຶນຊ່ວຍເຫຼືອຢ່າງກວ້າງຂວາງ ລວມທັງວຽກງານປ້ອງກັນຄວາມສະຫງົບ, ປ້ອງກັນຊາດ, ການສຶກສາ, ກິລາ, ກະສິກຳ ແລະ ຂົງເຂດອື່ນໆຊຶ່ງເປັນວິສາຫະກິດທີ່ມີຊື່ສຽງທາງສັງຄົມ. ບົດບັນທຶກຄວາມເຂົ້າໃຈກ່ຽວກັບກອງທຶນອຸດໜູນຊ່ວຍເຫຼືອວຽກງານປ້ອງກັນຄວາມສະຫງົບ ທີ່ໄດ້ລົງນາມຮ່ວມກັບກະຊວງປ້ອງກັນຄວາມສະຫງົບໃນຄັ້ງນີ້ ແມ່ນບໍລິສັດ ອາຊີ-ໂປຕາສ ສາກົນ ປະຕິບັດຕົວຈິງໃນການສະໜັບສະໜູນພາລະກິດປ້ອງກັນຄວາມສະຫງົບ ແລະຫຼຸດຜ່ອນພາລະດ້ານການເງິນຂອງກໍາລັງປ້ອງກັນຄວາມສະຫງົບຂອງ ສປປ ລາວ.
ໃນພິທີ ທ່ານ ຖຸງ ຢຸ້ງເຫິງ, ໄດ້ກ່າວວ່າ: ກໍາລັງປ້ອງກັນຄວາມສະຫງົບໄດ້ປະກອບສ່ວນອັນໃຫຍ່ຫຼວງ ໃນດ້ານຮັບປະກັນໃຫ້ວິສາຫະກິດສາມາດທໍາການຜະລິດ ແລະ ດຳເນີນທຸລະກິດຢ່າງປົກກະຕິ ແລະ ໄດ້ສ້າງສະພາບແວດລ້ອມທາງທຸລະກິດທີ່ປອດໄພໃຫ້ແກ່ນັກລົງທຶນ, ຊິຶ່ງເປັນຜົນງານທີ່ຍິ່ງໃຫຍ່. ອາຊີ-ໂປຕາສ ສາກົນ ສາມາດດຳເນີນການຜະລິດແລະການກໍ່ສ້າງທີ່ປອດໄພໃນເຂດນິຄົມອຸດສາຫະກຳໂປຕາສ ແລະ ອະໂປຕາສຢ່າງເປັນລະບຽບກໍຍ້ອນຜົນປະໂຫຍດຈາກສະພາບແວດລ້ອມທີ່ດີໃນການດຳເນີນທຸລະກິດຂອງ ສປປລາວ, ຈຸດປະສົງຂອງທຶນດັ່ງກ່າວແມ່ນເພື່ອສະໜັບສະໜູນການພັດທະນາຂອງສັງຄົມລາວໃຫ້ໝັ້ນຄົງ ແລະ ເປັນລະບຽບຮຽບຮ້ອຍ, ຫວັງວ່າຜ່ານທຶນດັ່ງກ່າວຈະເປັນການປະກອບສ່ວນສະໜັບສະໜູນທາງດ້ານເສດຖະກິດ,ຊ່ວຍເຫຼືອທາງດ້ານວັດຖຸ ແລະ ການເບິ່ງແຍງທາງດ້ານຈິດໃຈ ໃຫ້ແກ່ນາຍ ແລະ ພົນຕໍາຫຼວດ ແລະ ຄອບຄົວ ທີ່ມີຜົນງານໃນການປົກປັກຮັກສາສັງຄົມໃຫ້ມີສະຖຽນລະພາບ, ພ້ອມທັງສະແດງໃຫ້ເຫັນເຖິງຄວາມຮູ້ບຸນຄຸນ ແລະ ການເອົາໃຈໃສ່ຕໍ່ສັງຄົມຂອງບໍລິສັດ ພ້ອມນັ້ນ ບໍລິສັດສະແດງຄວາມຂອບໃຈຕໍ່ເຈົ້າໜ້າທີ່ປະຕິບັດວຽກງານຄວາມປອດໄພຕໍ່ສາທາລະນະສ້າງສະພາບແວດລ້ອມທີ່ດີໃນການດຳເນີນທຸລະກິດ.
ທ່ານ ພົນຈັດຕະວາ ເຄນທະວີໄຊ ເພັດພະນາ ຮອງຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ ໄດ້ຕາງໜ້າໃຫ້ກະຊວງປ້ອງກັນຄວາມສະຫງົບ ສະແດງຄວາມຂອບໃຈຕໍ່ບໍລິສັດທີ່ໃຫ້ການຊ່ວຍເຫຼືອຢ່າງເອື້ອເຟື້ອເຜື່ອແຜ່ ພ້ອມທັງສະແດງຄວາມນັບຖື ແລະ ຊົມເຊີຍຢ່າງສູງຕໍ່ການປະກອບສ່ວນທີ່ພົ້ນເດັ່ນຂອງບໍລິສັດ ອາຊີ - ໂປຕາສ ສາກົນ. ທ່ານກ່າວຕື່ມວ່າ: ກະຊວງປ້ອງກັນຄວາມສະຫງົບ ເຊື່ອໝັ້ນວ່າການສ້າງໂຄງການທຶນຊ່ວຍເຫຼືອດັ່ງກ່າວ ໄດ້ປະກອບສ່ວນອັນສຳຄັນເຂົ້າໃນການຜັນຂະຫຍາຍການກໍ່ສ້າງຄູ່ຮ່ວມຊາຕາກຳ ລາວ-ຈີນ, ຈີນ-ລາວ, ການຮ່ວມມືສອງພັກ-ສອງລັດ ແລະ ປະຊາຊົນສອງຊາດຂອງພວກເຮົາ ເວົ້າລວມ, ເວົ້າສະເພາະແມ່ນການກະຕຸກຊຸກຍູ້ການຮ່ວມມືໃນຂົງເຂດວຽກງານປ້ອງກັນຄວາມສະຫງົບ ຂອງ ສປປ ລາວ ໃຫ້ມີຄວາມໜັກແໜ້ນເຂັ້ມແຂງຂຶ້ນເລື້ອຍໆ.
ຂ່າວ-ພາບ:ຍຸພິນທອງ
ຈຸດປະສົງໃນການລົງນາມດັ່ງກ່າວແມ່ນສ້າງຕັ້ງກອງທຶນ ເພື່ອສົ່ງເສີມ ແລະ ປັບປຸງລະບົບນະໂຍບາຍອຸດໜູນຕໍ່ນາຍ ແລະ ພົນຕໍາຫຼວດໃນການປະຕິບັດໜ້າທີ່ປ້ອງກັນຄວາມສະຫງົບ, ບົນພື້ນຖານລະບຽບ, ກົດໝາຍ ແລະ ນະໂຍບາຍກ່ຽວກັບການດູແລເບິ່ງແຍງນາຍ ແລະ ພົນຕໍາຫຼວດ ແລະຄອບຄົວພວກເພິ່ນ ທີ່ໄດ້ປະກອບສ່ວນໃນການປົກປັກຮັກສາຄວາມສະຫງົບຂອງຊາດຊຶ່ງແມ່ນມາດຕະການເຂັ້ມແຂງ ລະຫວ່າງພາກ ລັດ ແລະ ວິສາຫະກິດ ທີ່ຮ່ວມກັນສ້າງຕັ້ງສະຫວັດດີການສັງຄົມ ແລະ ການຮັບປະກັນ ແບບຫຼາຍລະດັບຂອງລາວ.ແຕ່ລະປີບໍລິສັດ ອາຊີ-ໂປຕາສ ສາກົນ ຈະມອບທຶນຊ່ວຍເຫຼືອ ຈໍານວນ 300.000 ໂດລາ ເພື່ອປະຕິບັດນະໂຍບາຍຕໍ່ນາຍ ແລະ ພົນຕຳຫຼວດ, ນັກປະຕິວັດອາວຸໂສ, ພະນັກງານບຳນານ, ຜູ້ໄດ້ຮັບບາດ¬ເຈັບ, ເສຍອົງຄະ ແລະ ຄອບຄົວຜູ້ເສຍຊີວິດໃນການປະຕິບັດໜ້າທີ່ ແລະ ມີຜົນງານຕໍ່ປະເທດຊາດ.ດັ່ງທີ່ຮູ້ກັນວ່າບໍລິສັດ ອາຊີ-ໂປຕາສ ສາກົນ ເປັນວິສາຫະກິດລະດັບສາກົນ ທີ່ສຸມໃສ່ການຂຸດຄົ້ນແຮ່ເກືອໂປຕາສ, ຜະລິດແລະຈໍາໜ່າຍຝຸ່ນໂປຕາສ, ບໍລິສັດໄດ້ນຳໃຊ້ທຶນເຂົ້າໃນການບໍລິຫານຄຸ້ມຄອງ, ໄດ້ພັດທະນາກາຍເປັນຖານການຜະລິດຝຸ່ນໂປຕາສ ທີ່ໃຫຍ່ທີ່ສຸດໃນອາຊີຕາເວັນອອກສ່ຽງໃຕ້ ຊຶ່ງໄດ້ສ້າງຊື່ສຽງລະດັບໂລກສໍາລັບຝຸ່ນໂປຕາສຂອງລາວ. ໃນຖານະວິສາຫະກິດທີ່ມີຄວາມເຂັ້ມແຂງ ແລະ ມີຄວາມຮັບຜິດຊອບສູງ, ບໍລິສັດ ອາຊີ-ໂປຕາສ ສາກົນ ໄດ້ປະຕິບັດຕາມຄວາມຮັບຜິດຊອບຕໍ່ສັງຄົມຢ່າງຕັ້ງໜ້າມາໂດຍຕະຫຼອດ, ເອົາໃຈໃສ່ ແລະ ສະໜັບສະໜູນການພັດທະນາເສດຖະກິດ-ສັງຄົມຂອງລາວໃນຂົງເຂດຕ່າງໆ, ສະໜອງທຶນຊ່ວຍເຫຼືອຢ່າງກວ້າງຂວາງ ລວມທັງວຽກງານປ້ອງກັນຄວາມສະຫງົບ, ປ້ອງກັນຊາດ, ການສຶກສາ, ກິລາ, ກະສິກຳ ແລະ ຂົງເຂດອື່ນໆຊຶ່ງເປັນວິສາຫະກິດທີ່ມີຊື່ສຽງທາງສັງຄົມ. ບົດບັນທຶກຄວາມເຂົ້າໃຈກ່ຽວກັບກອງທຶນອຸດໜູນຊ່ວຍເຫຼືອວຽກງານປ້ອງກັນຄວາມສະຫງົບ ທີ່ໄດ້ລົງນາມຮ່ວມກັບກະຊວງປ້ອງກັນຄວາມສະຫງົບໃນຄັ້ງນີ້ ແມ່ນບໍລິສັດ ອາຊີ-ໂປຕາສ ສາກົນ ປະຕິບັດຕົວຈິງໃນການສະໜັບສະໜູນພາລະກິດປ້ອງກັນຄວາມສະຫງົບ ແລະຫຼຸດຜ່ອນພາລະດ້ານການເງິນຂອງກໍາລັງປ້ອງກັນຄວາມສະຫງົບຂອງ ສປປ ລາວ.
ໃນພິທີ ທ່ານ ຖຸງ ຢຸ້ງເຫິງ, ໄດ້ກ່າວວ່າ: ກໍາລັງປ້ອງກັນຄວາມສະຫງົບໄດ້ປະກອບສ່ວນອັນໃຫຍ່ຫຼວງ ໃນດ້ານຮັບປະກັນໃຫ້ວິສາຫະກິດສາມາດທໍາການຜະລິດ ແລະ ດຳເນີນທຸລະກິດຢ່າງປົກກະຕິ ແລະ ໄດ້ສ້າງສະພາບແວດລ້ອມທາງທຸລະກິດທີ່ປອດໄພໃຫ້ແກ່ນັກລົງທຶນ, ຊິຶ່ງເປັນຜົນງານທີ່ຍິ່ງໃຫຍ່. ອາຊີ-ໂປຕາສ ສາກົນ ສາມາດດຳເນີນການຜະລິດແລະການກໍ່ສ້າງທີ່ປອດໄພໃນເຂດນິຄົມອຸດສາຫະກຳໂປຕາສ ແລະ ອະໂປຕາສຢ່າງເປັນລະບຽບກໍຍ້ອນຜົນປະໂຫຍດຈາກສະພາບແວດລ້ອມທີ່ດີໃນການດຳເນີນທຸລະກິດຂອງ ສປປລາວ, ຈຸດປະສົງຂອງທຶນດັ່ງກ່າວແມ່ນເພື່ອສະໜັບສະໜູນການພັດທະນາຂອງສັງຄົມລາວໃຫ້ໝັ້ນຄົງ ແລະ ເປັນລະບຽບຮຽບຮ້ອຍ, ຫວັງວ່າຜ່ານທຶນດັ່ງກ່າວຈະເປັນການປະກອບສ່ວນສະໜັບສະໜູນທາງດ້ານເສດຖະກິດ,ຊ່ວຍເຫຼືອທາງດ້ານວັດຖຸ ແລະ ການເບິ່ງແຍງທາງດ້ານຈິດໃຈ ໃຫ້ແກ່ນາຍ ແລະ ພົນຕໍາຫຼວດ ແລະ ຄອບຄົວ ທີ່ມີຜົນງານໃນການປົກປັກຮັກສາສັງຄົມໃຫ້ມີສະຖຽນລະພາບ, ພ້ອມທັງສະແດງໃຫ້ເຫັນເຖິງຄວາມຮູ້ບຸນຄຸນ ແລະ ການເອົາໃຈໃສ່ຕໍ່ສັງຄົມຂອງບໍລິສັດ ພ້ອມນັ້ນ ບໍລິສັດສະແດງຄວາມຂອບໃຈຕໍ່ເຈົ້າໜ້າທີ່ປະຕິບັດວຽກງານຄວາມປອດໄພຕໍ່ສາທາລະນະສ້າງສະພາບແວດລ້ອມທີ່ດີໃນການດຳເນີນທຸລະກິດ.
ທ່ານ ພົນຈັດຕະວາ ເຄນທະວີໄຊ ເພັດພະນາ ຮອງຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ ໄດ້ຕາງໜ້າໃຫ້ກະຊວງປ້ອງກັນຄວາມສະຫງົບ ສະແດງຄວາມຂອບໃຈຕໍ່ບໍລິສັດທີ່ໃຫ້ການຊ່ວຍເຫຼືອຢ່າງເອື້ອເຟື້ອເຜື່ອແຜ່ ພ້ອມທັງສະແດງຄວາມນັບຖື ແລະ ຊົມເຊີຍຢ່າງສູງຕໍ່ການປະກອບສ່ວນທີ່ພົ້ນເດັ່ນຂອງບໍລິສັດ ອາຊີ - ໂປຕາສ ສາກົນ. ທ່ານກ່າວຕື່ມວ່າ: ກະຊວງປ້ອງກັນຄວາມສະຫງົບ ເຊື່ອໝັ້ນວ່າການສ້າງໂຄງການທຶນຊ່ວຍເຫຼືອດັ່ງກ່າວ ໄດ້ປະກອບສ່ວນອັນສຳຄັນເຂົ້າໃນການຜັນຂະຫຍາຍການກໍ່ສ້າງຄູ່ຮ່ວມຊາຕາກຳ ລາວ-ຈີນ, ຈີນ-ລາວ, ການຮ່ວມມືສອງພັກ-ສອງລັດ ແລະ ປະຊາຊົນສອງຊາດຂອງພວກເຮົາ ເວົ້າລວມ, ເວົ້າສະເພາະແມ່ນການກະຕຸກຊຸກຍູ້ການຮ່ວມມືໃນຂົງເຂດວຽກງານປ້ອງກັນຄວາມສະຫງົບ ຂອງ ສປປ ລາວ ໃຫ້ມີຄວາມໜັກແໜ້ນເຂັ້ມແຂງຂຶ້ນເລື້ອຍໆ.
ຂ່າວ-ພາບ:ຍຸພິນທອງ
ຄໍາເຫັນ