 |
ທ່ານ ຢາງສົວ ຮອງຜູ້ອໍານວຍໃຫຍ່ບໍລິສັດ ຝຸ່ນໂປຕາສ ອາຊີ-ໂປຕາສ ສາກົນ (ລາວ) ຈໍາກັດຜູ້ດຽວໄດ້ກ່າວມີຄໍາເຫັນຕໍ່ກັບງານດັ່ງກ່າວ, ງານນີ້, ຈັດຂຶ້ນພາຍໃຕ້ຄໍາຂວັນ “ຮ່ວມກັນຊົມພະຈັນບົນເສັ້ນທາງສາຍໄໝທີ່ແສນຍາວໄກບ່ອນທີ່ສຸກສະບາຍໃຈແມ່ນບ້ານເກີດຂອງພວເຮົາ”. ພາຍໃນງານຍັງມີກິດຈະກໍາກິນ-ດື່ມ, ຮ້ອງເພັງ ແລະ ຈົກສະຫຼາກແລກຂອງລາງວັນແກ່ຜູ້ເຂົ້່າຮ່ວມ ຊຶ່ງໄດ້ສ້າງບັນຍາກາດເບີກບານມ່ວນຊື່ນ ແລະ ຕື່ມສີສັນໃຫ້ກັບງານດັ່ງກ່າວ.
ເທດສະການວັນໄຫວ້ພະຈັນເປັນວັນສໍາຄັນອີກວັນໜຶ່ງຂອງຊາວຈີນໃນທົ່ວໂລກ ຊຶ່ງຕາມພາສາຈີນກາງຈະຮຽກເທດສະການໄຫວ້ພະຈັນວ່າ: "ຈົງຊິວເຈຍ". ໃນນັ້ນຄໍາວ່າ: "ຈົງ" ແປວ່າ: ກາງ. ສ່ວນຄໍາວ່າ: "ຊິວ" ແປວ່າ: ລະດູໃບໄມ້ລົ່ນ, ຖ້າລວມຄວາມເຂົ້າກັນແປວ່າ: ກາງລະດູໃບໄມ້ລົ່ນ. ຊຶ່ງກໍານົດໃຫ້ກົງກັບວັນຂຶ້ນ 15 ຄໍ່າ ເດືອນ 8 ຕາມປະຕິທິນຈັນທະລະຄະຕິຂອງຈີນ, ເທດສະການວັນໄຫວ້ພະຈັນຖືເປັນປະເພນີທີ່ມີການສືບທອດມາຢ່າງຍາວນານ. ຊາວຈີນນັບຖືພະຈັນມາແຕ່ບູຮານ. ວັດທະນະທໍາປະເພນີຈີນກ່ຽວເທດສະການໄຫວ້ພະຈັນ ເທດສະການແຫ່ງຕວາມກົມກຽວກັນລະຫວ່າງຄອບຄົວ ນອກຈາກຄໍາວ່າ: ຈົງຊິວເຈຍ ໃຊ້ເປັນຄໍາຮຽກເທດສະານໄຫວ້ພະຈັນແລ້ວ ຄົນຈີນຍັງມີຊື່ເທດສະການໄຫວ້ພະຈັນອື່ນໆອີກເຊັ່ນ: ເຢ່ເຈຍ (ເທດສະການພະຈັນ), ເຢ່ຊີ (ຄໍ່າຄືນພະຈັນ) ຫຼື ບາງທີ່ກໍ່ຮຽກວ່າ: ຢວນ ຢວນ ເຈຍ (ເທດສະການແຫ່ງການຢູ່ພ້ອມໜ້າກັນຂອງຄອບຄົວ).
 |
(ແຫຼ່ງຂ່າວ: ແຂວງຄໍາມ່ວນ)
ຄໍາເຫັນ